Qeveria italiane do të mbështes Kosovën për zhvillimin e kardiokirurgjisë |
- Qeveria italiane do të mbështes Kosovën për zhvillimin e kardiokirurgjisë
- Latifi: Sistemi shëndetësor është i përgatitur në rast të rritjes së numrit të pacientëve
- SANOSAN, zgjidhja ideale për lëkurën e bebes dhe fëmijës tuaj
- Autoriteti shëndetësor i Kanadasë miraton pilulën anti-COVID të Pfizer
- Studimi i Izraelit: Doza e 4-të tregon rezultate të kufizuara me variantin Omicron
Qeveria italiane do të mbështes Kosovën për zhvillimin e kardiokirurgjisë Posted: 18 Jan 2022 08:04 AM PST Qeveria italiane do të mbështesë Kosovën për zhvillimin e lëmisë së kardiokirurgjisë. Kështu është thënë në një takim në mes të ministrit Rifat Latifi, dhe ambasadorit italian Antonello De Riu, transmeton Gazeta Shneta. "Në takim është biseduar për bashkëpunimin midis Kosovës e Italisë në kuadër të Projektit Italian për mbështetjen e sistemit shëndetësor të Kosovës, me fokus në lëmin e kardiokirurgjisë. Ministri Latifi dhe Ambasadori Italian kane theksuar nevojën që në kuadër të projektit profesionistët shëndetësor të Kosovës të rrisin aftësimet profesionale me mbështetjen e ekspertëve të italian të kësaj lëmie, me qëllim të ofrimit të shërbimeve sa më gjithëpërfshirëse të kësaj fushe edhe në Kosovë", thuhet në njoftimin e MSH-së. Njoftimi i plotë: Ministri i Shëndetësisë Rifat Latifi prit sot Ambasadorin e Italisë në Kosovë, z. Antonello De Riu, të shoqëruar nga zëvendës-ambasadori j, z. Ugo Ferrero. Në këtë takim Ministri Latifi e ka falënderuar Ambasadorin Italian për mbështetjen e dhënë nga qeveria dhe populli Italian për shëndetësinë në Kosovë. Ai e ka njoftuar Ambasadorin me situatën në Kosovë sa i përket COVID-19 dhe hapat që kanë ndërmarrë MSh dhe institucionet për t'u ballafaquar me secilin skenar të mundshëm të ecurisë së COVID-19, duke përcjellë dhe analizuar më vëmendje indikatorët shëndetësor. Në takim është biseduar për bashkëpunimin midis Kosovës e Italisë në kuadër të Projektit Italian për mbështetjen e sistemit shëndetësor të Kosovës, me fokus në lëmin e kardiokirurgjisë. Ministri Latifi dhe Ambasadori Italian kane theksuar nevojën që në kuadër të projektit profesionistët shëndetësor të Kosovës të rrisin aftësimet profesionale me mbështetjen e ekspertëve të italian të kësaj lëmie, me qëllim të ofrimit të shërbimeve sa më gjithëpërfshirëse të kësaj fushe edhe në Kosovë. Ministri dhe Ambasadori theksuan përkushtimin për thellimin e bashkëpunimit të mëtejmë në shëndetësi dhe përkrahjen për sektorin shëndetësor të Kosovës. The post Qeveria italiane do të mbështes Kosovën për zhvillimin e kardiokirurgjisë first appeared on . |
Latifi: Sistemi shëndetësor është i përgatitur në rast të rritjes së numrit të pacientëve Posted: 18 Jan 2022 07:00 AM PST Ministri i Shëndetësisë, Rifat Latifi, ka thënë se sistemi shëndetësor është i përgatitur për reagim adekuat në rast të rritjes së mëtejshme të numrit të të infektuarve dhe spitalizimeve nga COVID-19. Këtë deklaratë ai e ka bërë në një takim me ambasadorin e SHBA-së në Kosovë, Jeffrey M. Hovenier. Hovenier theksoi bashkëpunimin e ngushtë dhe të frytshëm mes dy vendeve derisa nënvizoi mbështetjen e SHBA-së në fushatën e vaksinimit kundër Covid-19 dhe në përmirësimin e shërbimeve shëndetësore edhe përmes bashkëpunimit me organizatat e tjera ndërkombëtare. Latifi në anën tjetër e informoi ambasadorin rreth situatës me COVID-19 dhe theksoi se Kosova posedon tani sasi të mjaftueshme të vaksinave për të gjithë qytetarët, kurse sistemi shëndetësor është përgatitur për reagim adekuat në rast të rritjes së mëtutjeshme të numrit të të infektuarve dhe spitalizimeve nga COVID-19. Tutje, Ministri Latifi tregoi edhe për planin konkret të Ministrisë së Shëndetësisë për përmirësimin e shërbimeve shëndetësore tek të gjitha komunitetet në Kosovë edhe përmes aplikimit të Telemjekësisë. Ambasadori Hovenier ritheksoi se ShBA edhe në të ardhmen do t'i ofrojnë mbështetje Kosovës për arritjen e qëllimeve të saja drejt përmirësimit të kujdesit shëndetësor. The post Latifi: Sistemi shëndetësor është i përgatitur në rast të rritjes së numrit të pacientëve first appeared on . |
SANOSAN, zgjidhja ideale për lëkurën e bebes dhe fëmijës tuaj Posted: 18 Jan 2022 06:33 AM PST NARA Biotics sjell tek ju super brendin gjerman SANOSAN, kompani me produkte profesionale kualitative për lëkurën e bebës, fëmijëve dhe nënave. Çdo lëkurë është e ndryshme. Kjo është arsyeja pse sanosan ofron seri të specializuara për bebe, nëna dhe fëmijë. Të gjitha produktet fokusohen në përbërës natyralë dhe janë absolutisht të sigurta. Kjo është vërtetuar nga testet klinike. Sanosan qëndron për: Lëkurë të shëndetshme Më shumë se 90% përbërës natyralë Formula të biodegradueshme Qëndrim i përgjegjshëm ndaj mjedisit tonë Formulat e krijuara nga Sanosan i kushtojnë vëmendje maksimale në një përqindje të lartë të përbërësve natyral, prandaj ofrojnë një gamë të gjerë të produkteve: Sanosan Baby: Baby Bath & Shampoo 200ml & 500ml Baby Shampoo 200ml Care Lotion 200ml & 500ml Care Oil 200ml Panthenol Nappy Cream 100ml Nappy Cream 150ml Sanosan Kids: KIDS Shower & Shampoo Raspberry 400ml KIDS Shower & Shampoo Raspberry 400ml Sanosan Mama: Anti-Stretch Mark Cream 200ml Nursing Pads 30 copë Të gjitha këto super produkte vijnë tek ju nga NARA Biotics, prandaj për më shumë informata: Facebook: Nara Biotics Instagram: narabiotics.ks Telefoni: + 383 48 858 485 Artikull i sponsorizuar The post SANOSAN, zgjidhja ideale për lëkurën e bebes dhe fëmijës tuaj first appeared on . |
Autoriteti shëndetësor i Kanadasë miraton pilulën anti-COVID të Pfizer Posted: 18 Jan 2022 03:00 AM PST Autoriteti shëndetësor i Kanadasë, njofton të hënën se ka miratuar pilulën anti-COVID të Pfizer, Paxlovid, për të rriturit me rrezik të lartë drejt sëmundjes serioze të infeksionit. Trajtimi oral u miratua pas një “shqyrtimi të përshpejtuar”, raportoi Health Canada në një deklaratë në rrjete sociale, duke shtuar se do të vazhdojë të monitorojë sigurinë dhe efektivitetin e barit, shkruan MedicalxPress përcjell Gazeta Shneta. "Asnjë ilaç, përfshirë paxlovid nuk është zëvendësues për vaksinimin", thuhet në deklaratë. Ilaçi, i cili përbëhet nga dy lloje tabletash, është terapia e parë për COVID-19 që mund të merret në shtëpi dhe është potencialisht një hap i madh drejt përfundimit të pandemisë. “Njoftimi i sotëm është veçanërisht i rëndësishëm pasi qasja në trajtime të lehta për t’u përdorur mund të ndihmojë në reduktimin e ashpërsisë së COVID-19 tek të rriturit që janë infektuar rishtazi dhe janë në rrezik të lartë për të përparuar në sëmundje serioze,” tha Theresa Tam, zyrtare e shëndetit publik në Kanada. Paxlovid deri më tani është autorizuar në një pjesë të vogël të vendeve, duke përfshirë Shtetet e Bashkuara dhe Izraelin, ndërsa Bashkimi Evropian ka lejuar vendet anëtare ta përdorin atë përpara miratimit zyrtar si një masë emergjente kundër Omicron. /Gazeta Shneta/ The post Autoriteti shëndetësor i Kanadasë miraton pilulën anti-COVID të Pfizer first appeared on . |
Studimi i Izraelit: Doza e 4-të tregon rezultate të kufizuara me variantin Omicron Posted: 18 Jan 2022 01:54 AM PST Një spital izraelit të hënën tha se hulumtimi paraprak tregon se një dozë e katërt e vaksinës së koronavirusit ofron vetëm mbrojtje të kufizuar kundër variantit Omicron që po përhapet në të gjithë botën. Spitali Sheba muajin e kaluar filloi të administrojë një vaksinë të katërt për më shumë se 270 punonjës mjekësorë—154 që morën një vaksinë Pfizer/BioNtech dhe 120 të tjerë që morën atë Moderna-së. Të gjithë ishin vaksinuar më parë, tre herë me vaksinën Pfizer/BioNtech, shkruan MedicalxPress përcjell Gazeta Shneta. Testi klinik zbuloi se të dy grupet treguan rritje të antitrupave “pak më të larta” sesa pas vaksinës së tretë vitin e kaluar. Por ata thanë se antitrupat e rritur nuk e penguan përhapjen e Omicron. “Pavarësisht niveleve të rritura të antitrupave, vaksina e katërt ofron vetëm një mbrojtje të pjesshme kundër virusit,” tha Dr. Gili Regev-Yochay, drejtoreshë e njësisë infektive të spitalit. “Vaksinat, të cilat ishin më efektive kundër varianteve të mëparshme, ofrojnë më pak mbrojtje kundrejt Omicron.” Izraeli ishte një nga vendet e para vitin e kaluar që vaksinoi gjerësisht popullsinë e tij dhe verën e kaluar u bë i pari që ofroi një vaksinë përforcuese. Fushata e fundit rreth dozës përforcuese për izraelitët e moshuar gjithashtu besohet të jetë e para e këtij lloji në botë. Përpjekjet agresive të vaksinimit të Izraelit nuk kanë qenë në gjendje të ndalojnë një shpërthim Omicron në javët e fundit. Varianti ka shkaktuar nivele rekord të infeksionit dhe ka dërguar një numër në rritje njerëzish në spital, megjithëse numri i të sëmurëve rëndë mbetet nën valët e mëparshme. /Gazeta Shneta/
The post Studimi i Izraelit: Doza e 4-të tregon rezultate të kufizuara me variantin Omicron first appeared on . |
You are subscribed to email updates from a feed. To stop receiving these emails, you may unsubscribe now. | Email delivery powered by Google |
Google, 1600 Amphitheatre Parkway, Mountain View, CA 94043, United States |
Lexo edhe: