Ruaje këtë postim Ruaje këtë postim

Merrni njoftime per postimet e reja

Search This Blog

Showing posts with label Fan Noli. Show all posts
Showing posts with label Fan Noli. Show all posts

Shpell e Dragobisë - Fan S. Noli (elegji për Bajram Currin)

Shpell e Dragobisë  - Fan S. Noli (elegji për Bajram Currin)

Kur tufani e çthuri fenë,
Kur tirani e krrusi atdhenë,
Mi një brek të Dragobisë
Priret Flamur’ i lirisë.
 
Atje nisi, atje mbaroj,
Atje krisi, atje pushoj,-
Rrufe-shkab’ e Malësisë,
Në një shkëmb të Dragobisë.
 
Vendi dridhej, ay mbeti
Se s’tronditej nga tërmeti.-
Dif drangoj i Dragobisë,
Trim tribun i Vegjëlisë.
 
O Bajram, bajrak i gjallë,
More nam me gjak në ballë,
Te një shpell’ e Dragobisë,-
Yll i rall’ i burrërisë.
 
Thon’ u-shtri e thon’ u-vra,-
Po ti s’vdiqe, or Baba,
As te shkëmb’ i Dragobisë,
As të zëmr’ e Djalërisë.
 
As je vrar’ e as po vritesh
Legjendar Ante po rritesh.-
Dithiramb i Dragobisë,
Tmerr, panik i mizorisë.

Me Zjarr Shenjt u-ndrit kjo shpellë,
Gjer në qjell u-ngrit Kështjellë
Për çlirimn’ e Shqipërisë
Katakomb e Dragobisë.


Komenti 

Poezia “Shpell’ e Dragobisë“ e shkrimtarit të letërsisë shqiptare F.S.Noli është një elegji kushtuar trimit kosovar Bajram Curri, i cili luftoi me trimëri të rrallë kundër pushtuesve osmanë, shovinistëve serbë dhe kundër Ahmet Zogut. 

Bajram Curri nuk u arratis jashtë atdheut as pas Revolucionit të Qershorit, por përkundrazi qëndroi maleve të Shqipërisë ku u rrethua në Shpellën e Dragobisë (katund në Malësinë e Gjakovës) dhe u vra duke u përpjekur të çajë rrugën me armë në dorë.


shpella e dragobise, koment per poezine shpell e dragobise, bajram curri, komente per poezi, vepra letrare, veper letrare, vepra ne gjuhen shqipe, vepra shqip, poezi shqipe komente, shpell e dragobise koment,
loading...

Çka është elegjia

Çka është elegjia

Elegji – fjalë greke: elegos, elegon – këngë me të qara.
 

Elegjia është një vjershë lirike me të cilën poeti shpreh pikëllimin e thellë në lidhje me një ngjarje të pikëllueshme. 

Elegji të bukura në letërsinë shqiptare kemi: „O moj Shqypni“ të Vaso Pashës, „Syrgjyn vdekur“ dhe „Shpella e Dragobisë“ të Nolit, ndërsa në letërsinë botërore „Korbi“ të Alan Posë etj.

ceshte elgjia, qka eshte elegjia, cfare eshte elegjia, kuptimi i elegjise, cka eshte elegjia,Çka është elegjia
loading...

Çka është Antiteza

                  Çka është Antiteza

Elegjia „Syrgjyn vdekur“ e shkrimtarit të shquar shqiptar Fan Stilian Nolit dallohet me shumë shprehje të bukura. Figurë letrare në të është antiteza apo kontrasti.  

Antitezë në letërsi quajmë atë figurë letrare kur dy fjalë, dy mendime me kuptime të kundërta, dy tablo të kundërta, qëndrojnë pranë njëra tjetrës për të nxjerrë më mirë në dukje dhe më me forcë artistike thelbin e një fenomeni.


(Elegji për Luigj Gurakuqin)

Nën’ô moj, mbaj zí për vllanë,
me tre plumba na i ranë,
Na e vran’ e na e shanë,
Na i thanë tradhëtór.

Se të deshte dhe s’të deshnin,
Se të qante kur të qeshnin,
Se të veshte kur të çveshnin,
Nën’ ô moj, të ra dëshmór.

Nën’ ô moj, vajtó merr malin,
Larot t’a përmbysnë djalin
Që me Ismail Qemalin
Ngriti flamur trimërór.

Nën’ ô moj, m’a qaj në Vlorë
Ku të dha lirí, kurorë,
Shpirt’ i bardhë si dëborë,
Ti s’i dhé as varr për hór.

Nën’ ô moj, ç’është përpjekur
Gojë-mjaltë e zëmër-hekur
Syrgjyn-gjall’ e syrgjyn vdekur
Ky vigan libëratór.
  F. S. Noli

Qka eshte antiteza, qeshte antiteza, qka domethene antiteza, qka eshte antiteza, antiteza,kuptimi i antitezes, qka dmth antiteza,antiteza shqip, antiteza figure letrare, figura letrare antiteza,figura stilistike antiteza, antiteza figure stilistike 

loading...