Detaje nga aksidenti i autobusit kosovar, lëndohet shoferi |
- Detaje nga aksidenti i autobusit kosovar, lëndohet shoferi
- Lajmi i fundit: Kjo është gjendja e pasagjerëve kosovarë, të cilët u aksidentuan me autobus në Bullgari
- Lajmi i fundit: Ambasada gjermane në Kosovë, merr këtë vendim për vizat
- Policia rikonstruon vendin ku dyshohet se nipi vrau dajën e tij për pronë (FOTO)
- Lajmi i fundit: Aksidentohet autobusi me pasagjerë nga Kosova në Bullgari
- Vjedhje të rënda në “ETC” e në “Viva Fresh Store”, arrestohen dy të dyshuar
- VIDEO – Gjyqtari përlotet pas gabimit, lojtarët e Milanit shkojnë për ta ngushëlluar pas ndeshjes
- Eliza Hoxha lëshon mbledhjen e Komisionit pas përplasjes me Ardian Golën
- Këngëtarja shqiptare poston foto duke qarë: Jeta nuk është fushë me lule
- Çifti që rriti 144 fëmijë në 21 vjet thotë se kjo gjë ua ndryshoi jetën
Detaje nga aksidenti i autobusit kosovar, lëndohet shoferi Posted: 18 Jan 2022 04:41 AM PST 29 pasagjerë kosovarë, gjashtë prej të cilëve janë fëmijë, janë vendosur në një dhomë me ngrohje pas një aksidenti mes një autobusi të kompanisë "Shero Tours" dhe një kamioni, mëngjesin e sotëm në unazën e Kyustendilit. Sipas Struma.bg, rreth orës 04:30, autobusi me pasagjerë kosovarë ka goditur kamionin e ndaluar që transportonte dru. Drejtuesi i kamionit po përpiqej t'u bënte sinjal shoferëve të tjerë të rrugës së nje pemë kishte rënë në tokë. Siç raportojnë mediat bullgare, shoferi i autobusit ka pësuar lëndime të lehta dhe është dërguar në Qendrën Mjekësore Qendrore në Kyustendil për ekzaminime, transmeton Klankosova.tv. |
Posted: 18 Jan 2022 04:37 AM PST Një aksident mes një autobusi të kompanisë "Shero Tours" që transportonte udhëtarë nga Kosova dhe një kamioni ka mbyllur qarkullimin në unazën e Kyustendilit mëngjesin e sotëm. Sipas mediave bullgare, nga aksidenti ka mbetur i plagosur drejtuesi i autobusit i cili është dërguar në spitalin e Qyustendilit. Të gjithë 29 pasagjerët, mes të cilëve 9 fëmijë, janë pa lëndime. Ata u transportuan në ambientet e bashkisë me ngrohje, ku u pajisën me pije të nxehta dhe iu nënshtruan ekzaminimit mjekësor. Sipas të dhënave fillestare, drejtuesi i kamionit është ndalur dhe ka dalë nga rruga për shkak të një peme të rënë. Ai u përpoq të ndalonte autobusin që vinte pas tij, por automjeti u përplas me kamionin. Për shkak të aksidentit është kufizuar përkohësisht qarkullimi në të dy drejtimet në rrugën Sofje – Pika kufitare Gueshevo, në zonën e kthesës për fshatin Skrinyano. |
Lajmi i fundit: Ambasada gjermane në Kosovë, merr këtë vendim për vizat Posted: 18 Jan 2022 04:32 AM PST Për shkak të rritjeve të rasteve dhe përhapjes së variantit Omikron, Ambasada gjermane në Kosovë ka njoftuar se përkohësisht numri i termineve që vihen në dispozicion për aplikim për viza është reduktuar ndjeshëm. "Për shkak të rritjes së numrit të Covid-it dhe variantit Omikron, i cili po përhapet edhe në Kosovë, përkohësisht numri i termineve që vihen në dispozicion çdo ditë për aplikime për viza është dashur të reduktohet ndjeshëm", thuhet në komunikatën e ambasadës gjermane. Tutje thuhet nëse e keni rezervuar një termin, ta kontrolloni rregullisht kutinë tuaj të postës elektronike, njofton Klankosova.tv. "Nuk mund të përjashtohet mundësia që edhe terminet që janë rezervuar dhe konfirmuar tashmë mund të anulohen/shtyhen. Nëse e keni rezervuar një termin, ju lutemi kontrolloni rregullisht kutinë tuaj të postës elektronike". |
Policia rikonstruon vendin ku dyshohet se nipi vrau dajën e tij për pronë (FOTO) Posted: 18 Jan 2022 04:27 AM PST Policia e ka rikonstruuar vendngjarjen ku dyshohet se nipi pati vrarë dajën e tij për pronë në Lipjan. Në vendngjarje është parë një numër i madh i policëve që kanë rrethuar lokacionin ku pati ndodhur vrasja në shtator të vitit 2019. Fadil Krasniq 42 vjeçar nga Lipjani, u vra më 7 shtator 2019, pas një përleshje me thika që dyshohet se nisi për një kontekst pronësor. Si të dyshuar për vrasjen e tij, Policia pati arrestuar nipin e tij. |
Lajmi i fundit: Aksidentohet autobusi me pasagjerë nga Kosova në Bullgari Posted: 18 Jan 2022 04:23 AM PST 29 pasagjerë nga Kosova, gjashtë prej të cilëve fëmijë, janë strehuar në Bullgari pasi autobusi me të cilin po udhëtonin mëngjesin e sotëm u aksidentua në qytetin e Kyustendilit, raporton mediumi Struma. Siç raporton mediumi bullgar, aksidenti ka ndodhur rreth orës 04:30, kur autobusi me pasagjerë nga Kosova e ka goditur një kamion të ndalur që transportonte dru. Drejtuesi i kamionit raportohet se po përpiqej t'u tregonte të tjerëve në trafik se një pemë kishte rënë në rrugë. Autobusi e goditi kamionin dhe ai doli nga rruga. Shoferi i autobusit ka pësuar lëndime të lehta dhe është dërguar në Qendrën Mjekësore Qendrore në Kyustendil për ekzaminime dhe ndihmë. Vendi i ngjarjes është ekzaminuar nga Policia, ndërkohë që për aksidentin ka nisur procedimi paraprak dhe është njoftuar prokurori kujdestar. /GazetaSinjali/ |
Vjedhje të rënda në “ETC” e në “Viva Fresh Store”, arrestohen dy të dyshuar Posted: 18 Jan 2022 04:18 AM PST Qendrat tregtare "ETC" dhe "Viva Fresh Store" kanë qenë cak i vjedhje të rënda dje. Policia e Kosovës njofton se ka arritur që të identifikojë dhe arrestojë dy persona të dyshuar për këto vjedhje. Të arrestuarit janë A.V., i lindur në vitin 1998 dhe D.B., i lindur në vitin 1978. Në cilësinë e provave, Policia ka konfiskuar 34 pako (24×34) me pije energjike "Red Bull", të cilat u janë kthyer pronarëve. Me vendim të prokurorit kujdestar, të dyshuarit janë ndaluar për 48 orë. Shënim: Personat e apostrofuar në këtë artikull prezumohen të pafajshëm derisa fajësia e tyre të mos provohet me vendim të formës së prerë nga gjykata./GazetaSinjali/ |
VIDEO – Gjyqtari përlotet pas gabimit, lojtarët e Milanit shkojnë për ta ngushëlluar pas ndeshjes Posted: 18 Jan 2022 04:15 AM PST Një gabim i rëndë, i papranueshëm në disa nivele. Gjyqtari Serra do ta paguajë shtrenjtë pavëmendjen e bujshme të bërë në minutat e fundit të ndeshjes mes Milan-Spezia, pasi një gabim i këtyre përmasave nuk mund të mbetet pa u ndëshkuar. Problemi, megjithatë, është se asgjë dhe askush nuk do të jetë në gjendje t'i "kompensojë" kuqezinjtë. Nga ana tjetër, Corriere della Sera raporton një sfond që lidhet me pas-ndeshjen në San Siro dhe me arbitrin Serra, protagonistin e madh negativ të mbrëmjes. Sipas asaj që raporton gazeta e njohur, referi duke kuptuar gafën e bërë, madje është përlotur. Ata që e panë në fund të garës, larg kamerave, e cilësuan Serrën si të shokuar, transmeton Klankosova.tv. Në një masë të tillë që asnjë nga lojtarët e AC Milan – raporton Corriere – nuk ndjeu dëshirën të këmbëngulte në protesta. Jo vetëm kaq: Ibrahimovic, së bashku me katër-pesë shokë të tjerë të skuadrës, e ngushëlluan edhe në dhomat e zhveshjes. Një gjest i bukur nga një kampion që e kuptoi momentin e vështirësisë ekstreme të arbitrit të ri. |
Eliza Hoxha lëshon mbledhjen e Komisionit pas përplasjes me Ardian Golën Posted: 18 Jan 2022 04:09 AM PST Në Komisionin për Arsim, Shkencë, Teknologji, Inovacion, Kulturё, Rini dhe Sport, sot pati përplasje mes deputetes Eliza Hoxha dhe kryetarit të Komisionit Ardian Gola. Aty ishte paraparë që të bëhet shqyrtimi i Projektligjit pёr Agjencinë e Kosovës për Akreditim dhe Projektligjin pёr Arkivat Shtetërore, ku po raportonte ministrja Arbëri Nagavci, ndërsa mbledhja përfundoi pasi Hoxha e lëshoi sallën. Deri te kjo erdhi pasi Gola kërkoi nga deputetja e PDK-së që të fokusohet te çështja për të cilën ishin mbledhur. "Mos e konsumojë kohën për me na zhvendos komplet temën për çka jemi mbledhur këtu, pra projektligji për agjencinë e akreditimit dhe ta orientojmë komplet debatin në këtë projektligj. Çështjet që kanë të bëjnë më KSHC-në janë çështje tjera", i tha ai. Kjo e nervozoi Hoxhën. "Nëse nuk ka mundësi në këso lloj atakimesh të diskutohet me dashamirësi për sfidat që i kemi në proces, pozitë e opozitë, për institucionet publike dhe private në cilësinë e arsimit, atëherë urdhëroni, e keni kohën e duhur dhe të mjaftueshme të bëni çfarë të doni", deklaroi ajo duke dalë nga salla e mbledhjes. Pas kësaj, mbledhja përfundoi për shkak të mungesës së kuorumit. |
Këngëtarja shqiptare poston foto duke qarë: Jeta nuk është fushë me lule Posted: 18 Jan 2022 04:07 AM PST Këngëtarja shqiptare, Enxhi Nasufi, ka shpërndarë në Instagram një fotografi duke qarë. Përmes këtij postimi, ajo jep një mesazh për njerëzit që e ndjekin atë dhe bën thirrje për t'i kthyer sytë kah vetja. Ajo thotë se shpesh herë përballet me probleme të tilla si ankthi dhe depresioni, dhe lufton me veten për pasiguritë, komplekset dhe vështirësitë. "Cfare nuk shikoni shpeshhere ne Social Media! Lot, dhimbje, zhgenjim, vuajtje, nerva, humbje, luhatje humori, mosdeshire, ankth, panik, depresion etj etj. Dhe te gjitha keto jane totalisht normale sepse sa me shume kalojne vitet aq me shume e kuptoj ate shprehjen e mamit tim " jeta nuk eshte fushe me lule" hajde se "do rritesh" dhe do i kuptosh se gjerat jane ndryshe! Po jane ! Cdo dite luftoj me veten dhe me askend tjeter per jeten time dhe per endrrat e mia! Ne fakt Cdokush luften me veten e ka , me problemet brenda vetes , me pasigurite , komplekset , veshtiresite por jo cdo njeri i shfaq njesoj! |
Çifti që rriti 144 fëmijë në 21 vjet thotë se kjo gjë ua ndryshoi jetën Posted: 18 Jan 2022 04:05 AM PST Një çift që ka ushqyer 144 fëmijë gjatë dy dekadave, ka thënë se kjo është gjëja më e mirë që kanë bërë, sepse u ka ndryshuar jetën. Mandy Bright, 62 vjeçare dhe bashkëshorti i saj Joe, 67 vjeç, që nga viti 2000 kanë hapur dyert për dhjetëra fëmijë në West Derby, Liverpool. Çifti, i cili ka një djalë biologjik, strehon të rinj nga një natë deri në dy vjet. Ata pranojnë gjithashtu prindër të rinj të cenueshëm dhe fëmijët e tyre me shpresën për të 'thyer ciklin' e traumës së fëmijërisë që lë kaq shumë në sistemin e kujdestarisë. Many tha se ajo gjithmonë e dinte se donte të bëhej prind birësues sepse vetë prindërit dhe gjyshërit e saj kujdeseshin për fëmijët. Ajo shpjegoi: "Unë u rrita rreth fëmijëve birësues, kështu që e dija që kujdestaria ishte diçka që gjithmonë doja të bëja. Nuk është gjithmonë e lehtë, por të dish që ne bëjmë një ndryshim është ajo që na mban përpara. Ne gjithmonë kemi thënë se nëse do të mund të bënim një ndryshim në jetën e vetëm një fëmije, gjithçka do të ia vlente. Dhe ne e dimë se kemi ndryshuar jetën e shumë fëmijëve, sepse ata kthehen dhe na thonë. Unë kam qëndruar në kontakt me shumë nga fëmijët tanë kujdestarë". "Ne madje pamë njërin prej tyre të martohej kohët e fundit. Është ndjenja më shpërblyese të dish se ke ndihmuar për ta bërë jetën e dikujt më të mirë". Mandy dhe Joe kanë marrë fëmijë vullnetarisht nga shtëpitë ku ka probleme me abuzimin me drogën dhe alkoolin dhe prindërit e të cilëve vuajnë nga shëndeti mendor. Mandy vazhdoi: "Duhet të kesh shumë dhembshuri dhe mirëkuptim se nga lindin çështjet. Duhet të tregoni ndjeshmëri. Por gjëja në të cilën duhet fokusuar është se ne po kujdesemi për këta fëmijë për t'i mbajtur ata të sigurt". Në vitin 2010, çifti filloi të merrte 'vendosje për prindër dhe fëmijë'. Kjo përfshin ftesën e një prindi ose prindërsh, si dhe fëmijët e tyre, në shtëpinë e tyre në mënyrë që ata të mbështeten. Ideja është t'u ofrohet një mbështetje më e madhe prindërve të cenueshëm, të cilët mund të kenë kaluar vetë përmes sistemit të kujdesit, dhe t'u tregojmë atyre se si duket 'një sistem familjar funksional i duhur'. Mandy tha: "Nëse mund të ndihmoni dhe mbështesni një prind dhe t'i mësoni ata të kujdesen për fëmijën e tyre në mënyrë të sigurtë, atëherë ata mund të vazhdojnë dhe të zhvillojnë dhe të bëjnë një jetë të duhur familjare", transmeton Klankosova.tv. |
You are subscribed to email updates from Drenica Press. To stop receiving these emails, you may unsubscribe now. | Email delivery powered by Google |
Google, 1600 Amphitheatre Parkway, Mountain View, CA 94043, United States |
Lexo edhe: