Covid-19, gjatë 24 orëve: 3331 testime, 670 qytetarë pozitivë dhe 4 persona humbin jetën |
- Covid-19, gjatë 24 orëve: 3331 testime, 670 qytetarë pozitivë dhe 4 persona humbin jetën
- Pedagogia shqiptare në Norvegji: Autoritetet shtetërore nuk përjashtojnë mundësinë që të moshuarit vdiqën nga efektet anësore të vaksinës
- Ja përfitimet që sjell konsumimi i shafranit të Indisë në baza ditore
- Ekskluzive: Kontrata sekrete e Qeverisë me “Pfizer” për vaksina
- Ujë i vakët me limon çdo mëngjes esëll dhe ja 21 përfitimet shëndetësore që merrni
Covid-19, gjatë 24 orëve: 3331 testime, 670 qytetarë pozitivë dhe 4 persona humbin jetën Posted: 20 Jan 2021 07:34 AM PST Ministria e Shëndetësisë ka publikuar shifrat e fundit sa i përket situatës së koronavirusit në vendin tonë. Katër persona kanë humbur jetën gjatë 24 orëve të fundit nga koronavirusi. Ministria e Shëndetësisë raporton se gjatë një dite janë kryer 3331 testime dhe kanë rezultuar pozitivë 670 qytetarë. Njoftimi i plotë: Ministria e Shëndetësisë dhe Mbrojtjes Sociale ju bën apel qytetarëve të mos e ulin vigjilencën në zbatimin e rregullave antiCOVID; Vendosni maskën mbrojtëse në çdo ambient jashtë shtëpisë; shmangni grumbullimet dhe ruani distancimin fizik; kujdesuni për higjenën vetjake, vetëm kështu parandaloni përhapjen e COVID-19. Ju njohim me situatën e COVID19 në 24 orët e fundit si vijon: Janë kryer 3331 testime dhe kanë rezultuar pozitivë 670 qytetarë. Rastet pozitive të konfirmuara janë identifikuar në këto bashki: 262 raste në Tiranë, 29 në Elbasan, 27 në Durrës, 25 në Fier, nga 23 raste në Lezhë, Vlorë, 21 në Krujë, 16 në Berat, 15 në Lushnje, 14 në Kavajë, 13 në Shkodër, nga 12 raste në Sarandë, Dibër, Himarë, nga 11 raste në Kurbin, Mat, nga 10 raste në Korçë, Kukës, Cerrik, nga 9 raste në Kamëz, Gjirokastër, nga 8 raste në Librazhd, Delvinë, nga 7 raste në Prrenjas, Shijak, 6 në Peqin, nga 5 raste në Mallakastër, Ura Vajgurore, Divjakë, Gramsh, Kuçovë, nga 4 raste në Pogradec, Tepelenë, Roskovec, nga 3 raste në Mirditë, Skrapar, Vorë, Patos, nga 2 raste në Memaliaj, Poliçan, nga 1 rast në Has, Rrogozhinë, Përmet, Kolonjë, Klos, Dropull, Konispol. Në 24 orët e fundit janë shëruar 505 qytetarë, duke e çuar numrin e të shëruarve 41,969 që nga fillimi i epidemisë. Aktualisht në 4 spitalet COVID, po trajtohen 279 pacientë, 24 në terapi intensive nga të cilët 5 pacientë janë të intubuar. Me gjithë përpjekjet e stafit mjekësor, 4 qytetarë nga Tirana, Fieri, Kavaja dhe Mati, të moshave 37- 77 vjeç, nuk e kanë fituar dot betejën me sëmundjen. Ministria e Shëndetësisë dhe Mbrojtjes Sociale i shpreh ngushëllime familjarëve të të ndjerëve. Ministria e Shëndetësisë dhe Mbrojtjes Sociale u drejtohet qytetarëve të mos neglizhojnë asnjë shenjë të sëmundjes dhe të kontaktojnë për çdo dyshim me mjekun e familjes për të kryer testimin si dhe për ndjekjen dhe trajtimin ambulator në banesë. Telefononi në linjën e gjelbër 0800 40 40 për të mësuar mjekun tuaj të familjes dhe për të kontaktuar me të. Gjithashtu, telefononi në numri unik 127 i Urgjencës Kombëtare mund të telefononi kur dyshoni se keni shenja të sëmundjes dhe duhet të kryeni testimin për COVID19 apo nëse keni nevojë për trajtim të specializuar spitalor në spitalet COVID. COVID-19 – Statistika (20 Janar 2021)
Shpërndarja gjeografike e rasteve aktive sipas qarqeve:
|
Posted: 20 Jan 2021 03:37 AM PST Në total 23 qytetarë kanë humbur jetën pasi u injektuan me vaksinën e Pfizer, raporton Agjencia Norvegjeze e Barnave . Të gjitha rastet u shënuan tek pacientë në shtëpitë e të moshuarve, mbi moshën 80 vjeç. Me 27 dhjetor, Norvegjia ka nisur vaksinimin. Deri me datë 14 janar në Norvegji janë vaksinuar 43.740 persona. Një pjesë e madhe e të vaksinuarve janë persona që jetojnë në qendra rezidenciale për të moshuar. The Norwegian Medicines Agency raportoi se deri në datën 13 janar janë regjistruar 23 raste vdekjesh mes atyre që kanë marrë vaksinën. Dyshohet që efektet anësore mund të kenë ndikuar përshpejtimin e vdekjes tek të moshuarit që janë në gjendje të dobët. Norvegjia ka zgjedhur të vaksinojë të moshuarit për shkak se ata kanë rrezik më të lartë që të preken ose të vdesin nga Covid-19. Ky lajm prej disa ditësh, ka prekur edhe opinionin publik shqiptar duke shtuar skepticizmin për efektet e vaksinës. Eleni Canameti, pedagoge në Fakultetin e Shkencave Mjekësore në Norvegji, e kontaktuar nga Shëndet+, lidhur me se çfarë thonë burimet zyrtare në Norvegjeze, u shpreh se: «Instituti Kombëtar i Shëndetit Publik në Norvegji është shprehur që kur vaksinojmë të moshuarit dhe personat që kanë sëmundje të tjera, do te kemi dhe raste vdekjesh pas vaksinimit. Për momentin nuk e dimë nëse këto raste vdekjesh jane shkaktuar nga vaksina apo arsye të tjera. Por nuk mund të përjashtojmë mundësinë që efekte anësore të zakonshme mund të kenë ndikuar në një zhvillim më të shpejtë negativ tek disa pacientë. 23 rastet kanë ndodhur brenda 6 ditëve pas vaksinimit. Nuk duhet të harrojmë që jetëgjatësia në spitale për të moshuar është e shkurtër, dhe që 300 persona vdesin çdo javë mesatarisht (në nivel kombëtar), « u shpreh Canameti. «Në Norvegji personeli shëndetësor dhe qytetarët mund të raportojnë dyshimet rreth efekteve anësore që mund të përjetojnë. Të gjitha të dhënat rregjistrohen në një database, dhe i jep organeve të caktuara njohuri të menjëhershme mbi të gjitha rastet e raportuara», përmbyll Canameti.
|
Ja përfitimet që sjell konsumimi i shafranit të Indisë në baza ditore Posted: 20 Jan 2021 03:34 AM PST Shafrani i Indisë është një nga erëzat me përfitimet më të mëdha shëndetësore. Ai ka veti antioksidues dhe anti-inflamatore mjaft të fuqishme.Shafrani i Indisë mund të merret si pluhur apo formë pilule. Pasi të filloni ta përdorni shafranin e Indisë si një bazë të rregullt (racion), është kënaqësi për të gjetur mënyra të reja të recetave për ta përdorur atë. Një nga mënyrat për të përdorur është që të shtoni një majë luge në sallatën me vezë. Ajo shton një shije të këndshme dhe i jep sallatës një ngjyrë të pasur të verdhë. Po ashtu mund të pihet me çajra të ndryshëm dhe mund te përdoret si erëz në çdo lloj ushqimi! Ja përfitimet që sjell konsumimi i shafranit në baza ditore:
|
Ekskluzive: Kontrata sekrete e Qeverisë me “Pfizer” për vaksina Posted: 20 Jan 2021 01:21 AM PST Kontrata e shumëpërfolur ndërmjet qeverisë shqiptare dhe korporatës farmaceutike "Pfizer" është siguruar ekskluzivisht nga "Gogo.al". Pjesë nga kontrata sekrete e qeverisë shqiptare dhe "Pfizer Export B.V" Lidhur mes "Pfizer Export B.V" në Holandë dhe ministrive të Shëndetësisë e Kujdesit Social dhe asaj të Shtetit për Rindërtimin si dhe Institutit të Shëndetit Publik, kontrata prej 52 faqesh përcakton sasinë, kostot por dhe kushtet që duhet të plotësojë qeveria shqiptare. Nëpërmjet kësaj marrëveshje konfidenciale, qeveria shqiptare ka blerë te "Pfizer"-i për muajin janar 10 mijë e 530 doza, duke paguar për një dozë 12 dollarë. Pjesë nga kontrata sekrete e qeverisë shqiptare dhe "Pfizer Export B.V", sasia dhe çmimi Kontrata zbulon edhe planin e ardhjes së 30 mijë e 420 dozave në shkurt ndërsa në vjeshtë dhe dimër 458 mijë e 640 të tjerave. Në total qeveria shqiptare ka nënshkruar me "Pfizer" blerjen e 499 mijë e 590 dozave por praktikisht nuk do ketë dërgim vaksinash në Shqipëri në mars, prill, maj dhe qershor ndërsa nevoja për vaksinën në vend është emergjente. E paqartë mbetet edhe ndarja e dërgesave në muajt e fundit të vitit. Nuk dihet pse qeveria ka planifikuar këtë shpërndarje faturash për marrjen e vaksinave, mes muajve janar, shkurt dhe vjeshtës e dimrit dhe nëse lidhet me kapacitetin pagues të saj, ndërsa teza e "testimit" mbi shqiptarët bie poshtë duke qenë se bëhet fjalë për dy blerje të vogla paraprake. Një nga dyshimet që qarkulloi kohë më parë qe pamundësia e prodhimit për Shqipërinë, ndërsa mbetet me pikëpyetje nëse ka qenë "Pfizer"-i që ka kushtëzuar qeverinë shqiptare në këto dërgesa. Totali i parave që duhet të paguajmë? Rreth 6 milionë dollarë. Në fakt, sipas kontratës qeveria shqiptare do të paguajë paraprakisht brenda 30 ditëve nga marrja e faturës 2.997.540 dollarë (rreth 3 milionë dollarë). Nga një shikim i detajuar i kontratës mes autoriteteve shqiptare e "Pfizer" e "BioNTech" me bazë në Gjermani mësohet se këto të fundit do të jenë përgjegjëse për të gjithë kërkesat e marketimit të produktit. Qeveria shqiptare merr përsipër ruajtjen e konfidencialitetit të kontratës dhe pronësinë intelektuale. Termat e kontratës tregojnë se vendet e prodhimit të "Pfizer" në Kalamazoo (Michigan) dhe Puurs, Belgjikë dhe dy vendet e prodhimit të "BioNTech", në Mainz dhe Idar Oberstein në Gjermani do të jenë ato ku do të prodhohet vaksina por edhe vende të tjera prodhuese që "Pfizer" e gjykon. "Pfizer"-i del garant për të siguruar që produkti është prodhuar në përputhje me specifikimet ndërsa qeveria shqiptare ka detyrimet si më poshtë sa i përket kujdesit për vaksinat: "(b) Me dorëzimin e produktit Blerësit në Vendin e Destinacionit dhe, për aq sa është e zbatueshme, për çdo shpërndarje të mëtejshme dhe / ose transportim në një Vend Destinacioni që nuk është një pikë e përdorimit të Produktit, Blerësi do të ruajë dhe trajtojë Produktin në mënyrën e përcaktuar te Specifikimet, udhëzimet në Shtojcën D dhe udhëzimet e dhëna nga "Pfizer"-i për të siguruar stabilitetin dhe integritetin e Produktit. (c) Për të shmangur dyshimet, Blerësi do të ketë të gjitha shpenzimet për përdorimin e Produktit pas transferimit nga Pfizeri në Vendin e Destinacionit, përfshirë, por pa u kufizuar në ato për ruajtjen e Produktit dhe shpërndarjen dhe administrimit të Produktit (nëse zbatohet) në Shqipëri. d)Blerësi do të jetë i vetmi përgjegjës për ruajtjen, trajtimin, shpërndarjen, transportimin, administrimin dhe përdorimin e produktit në Shqipëri pas dorëzimit të Produktit Blerësit ose të caktuarit të tij në Vendin e Destinacionit. (e) Blerësi do të jetë përgjegjës dhe do të sigurojë që çdo pajisje e përdorur për të dorëzuar Produktin, për shembull Dërguesi (ët) dhe Pajisja (et) monitoruese të jenë ruajtur në një vend të duhur të pastër dhe të sigurt për të mbrojtur dhe ruajtur funksionalitetin e pajisjeve të tilla (në kushte të kontrolluara, pa ekspozim ndaj motit ose dëmtuesve, etj). (f) Pfizer mund t'i sigurojë Blerësit Fletë të Dhënash Sigurie dhe informacione të tjera për të ndihmuar Blerësin për të zhvilluar procese dhe procedura, përfshirë trajnimin, për të trajtuar Produktin dhe Materialet e Produktit në një mënyrë të sigurt dhe në përputhje me Ligjet… Blerësi përfaqëson dhe garanton që vetë ai do të sigurojë që të gjithë marrësit e Produktit dhe Materialet e Produktit të kenë ekspertizën e nevojshme për të zhvilluar dhe zbatuar procedurat e përshtatshme dhe programet e trajnimit për të mundësuar trajtimin e duhur të Produktit dhe Materialeve të Produktit në një mënyrë të sigurt dhe të ligjshme."/ gogo.al |
Ujë i vakët me limon çdo mëngjes esëll dhe ja 21 përfitimet shëndetësore që merrni Posted: 20 Jan 2021 12:08 AM PST Përshtati në shqip: Daniela Burnazi Mëngjesi është një nga vaktet më të rëndësishme dhe mënyra e duhur për ta nisur atë është me një gotë ujë të vakët me limon. Limoni është një agrume e pasur me vitamina dhe minerale dhe përmban shumë pak kalori, rreth 26 kalori për një kokërr limoni. Në këtë postim do t'ju paraqesim 21 përfitime shëndetësore që merrni nëse e nisni ditën me një gotë uji të vakët me limon:
|
You are subscribed to email updates from GAZETA SHËNDETI. To stop receiving these emails, you may unsubscribe now. | Email delivery powered by Google |
Google, 1600 Amphitheatre Parkway, Mountain View, CA 94043, United States |
Lexo edhe: