Shënohet rasti i parë i ri-infektimit me Covid-19 në vendin tonë

Shënohet rasti i parë i ri-infektimit me Covid-19 në vendin tonë
COVID-19/ 20 raste të reja, mbrëmë ndërroi jetë një e moshuar
Ndërron jetë në spitalin infektiv një tjetër person me COVID-19

Posted: 06 Jun 2020 06:33 AM PDT

Gjatë komunikimit të përditshëm në lidhje me situatën e koronavirusit në Shqipëri gjatë 24 orëve të fundit, Ministria e Shëndetësisë njoftoi edhe për rastin e parë të një të ri-infektuari.

Bëhet fjalë për një personel shëndetësor, i ri-infektuar 3 muaj pas herës së parë. Infektimi i dytë, është rast kontakti familjar dhe deri më tani gjendja shëndetësore është e stabilizuar.

Gjatë 24 orëve të fundit, janë kryer 253 teste prej të cilave janë konfirmuar 20 raste të reja:

Tiranë-10

Shkodër-3

Krujë-3

Durrës-2

Tropojë-2

Të shëruar gjatë 24 orëve të fundit janë 15 qytetarë, duke e çuar në 925 numrin e tyre që nga fillimi i pandemisë.

COVID-19/ 20 raste të reja, mbrëmë ndërroi jetë një e moshuar

Posted: 06 Jun 2020 02:11 AM PDT

Një humbje jete në 24 orët e fundit. Rreth 70% e rasteve aktive janë në Tiranë. 925 të shëruar nga fillimi i epidemisë.

Dr. Flutra Beqo
Ministria e Shëndetësisë

Ju informojmë rreth situatës së COVID19 në Shqipëri.
Gjatë 24 orëve të fundit një 85 vjeçare nga Tirana ka humbur jetën në Spitalin Infektiv, e konfirmuar me COVID19, me disa sëmundje bashkëshoqëruese.
Deri me sot 34 qytetarë nuk e kanë fituar dot betejën me COVID19 pavarësisht përpjekjeve të stafit mjekësor.
Vijon të ketë shtrime të reja në spitalin infektiv, ku aktualisht po trajtohen 27 të prekur, nga të cilët 6 janë në terapi intensive, njëri prej tyre është i intubuar.
Ndërkohë në Laboratorin e Virologjisë në ISHP kanë vijuar testimet për të dyshuar të prekur me COVID19 dhe vazhdon puna intensive e epidemiologëve në terren për gjurmimin aktiv të rasteve ne te gjithë vendin. Në 24 orët e fundit janë kryer 253 testime nga të cilat janë konfirmuar 20 raste pozitive, përkatësisht, 10 raste në Tiranë, 3 raste në Shkodër, 3 në Krujë, 2 në Durrës, 2 në Tropojë. Rastet e identifikuara në 24 orët e fundit janë kontakte familjare dhe disa raste të reja në proces hetimi.
Aktualisht kemi një personel shëndetesor të riinfektuar pas thuajse 3 muajsh, pra i infektuar për herë të dytë, si kontakt familjar. Gjendja e tij shëndetesore është e stabilizuar.

Gjatë 24 orëve të fundit janë shëruar 15 qytetarë, duke e çuar në 925 numrin e të shëruarve që nga fillimi epidemisë.

Deri tani janë kryer mbi 18 mijë testime molekulare dhe serologjike dhe janë konfirmuar pozitivë 1232 raste. Në vendin tonë janë aktualisht 273 persona aktivë me COVID19, rreth 70% e të cilëve janë në Tiranë.

Ministria e Shëndetësisë dhe Mbrojtjes Sociale ju fton edhe njëherë për t'u treguar të kujdesshëm për respektimin e distancës fizike me njëri-tjetrin, evitimin e kontakteve, shtrengimit të duarve dhe përqafimeve, ruajtjen e higjienës vetjake dhe shmangien e grumbullimeve.

Nëse keni shenja të sëmundjes telefononi në numrin e Urgjencës Kombëtare 127 dhe në linjën e gjelbër 0800 40 40 për këshillim psikologjik apo çdo informacion për COVID19.

COVID-19 – Statistika (6 Qershor 2020)
Testime totale                         18097
Testime molekulare                16062
Testime serologjike                 2035
Raste pozitive                          1232
Raste të shëruara                      925
Raste Aktive                             273
Humbje jete                              34 (Qarku Tiranë 21, Durrës 6, Fier 3, Vlorë 1, Shkodër 2, Kukës 1)
Shpërndarja gjeografike e rasteve aktive është si vijon:
Tiranë           187
Krujë             23
Shkodër         17
Kamëz            14
Durrës           10
Mat                 9
Lushnje           6
Berat               2
Tropojë          2
Korçë              1
Librazhd          1
Mallakastër     1

Ndërron jetë në spitalin infektiv një tjetër person me COVID-19

Posted: 05 Jun 2020 02:50 PM PDT

Mbrëmjen e sotme ka ndërruar jetë në spitalin Infektiv një paciente 85-vjeçare nga Tirana, e konfirmuar me COVID-19. E moshuara e cila vuante nga insuficiencë kardiake kronike, fibrillacion atrial dhe hipertension, referuar shërbimit infektiv, ndërroi jetë si pasojë e dekompensimit progresiv kardiak dhe pulmonar fatal nga COVID19.

85-vjeçarja me inicialet H.K, nuk arriti dot të mbijetonte, pavarësisht mjekimit intensiv dhe përpjekjeve të stafit mjekësor.

85-vjeçarja është viktima e 34 e COVID-19 në Shqipëri. Ministria e Shëndetësisë i shpreh ngushëllimet familjes së të ndjerës dhe apelon edhe një herë qytetarët të respektojnë rregullat e distancimit social, të shmangin grumbullimet dhe të ruajnë higjienën vetjake, për të mbrojtur veten dhe të tjerët.

Lexo edhe:

Rapitful Shqip

Search This Blog