“Më e keqja ende nuk ka arritur për Barcelonën – fillon nga largimi i Arthur Melos” plus 9 more Telegrafi Futboll
“Më e keqja ende nuk ka arritur për Barcelonën – fillon nga largimi i Arthur Melos” plus 9 more Telegrafi Futboll |
- Më e keqja ende nuk ka arritur për Barcelonën – fillon nga largimi i Arthur Melos
- Nuk ndalet shkëlqimi i Vedat Muriqit në Turqi- sërish pjesë e formacionit të javës
- E marta – dita e fundit e Arda Turanit si lojtar i Barcelonës
- Gjyqtari kosovar shërohet nga coronavirusi
- Zyrtare: Gani Sejdiu largohet nga Drenica
- Sarri ende nuk e ka të qartë për pozitën që luan Arthur Melo
- Miralem Pjanic u shkruan letër lamtumirëse Juventusit dhe tifozëve
- Edhe pse humbi ndaj Prishtinës, Tovërlani zbulon se do rinovojë kontratën me Feronikelin
- Armend Dallku i kënaqur me reagimin e lojtarëve të Prishtinës në fitoren ndaj Feronikelit
- Renditja tabelare pas javës së 27-të në Superligën e Kosovës, katër skuadra në garë të ngushtë për titull
Më e keqja ende nuk ka arritur për Barcelonën – fillon nga largimi i Arthur Melos Posted: 29 Jun 2020 02:56 PM PDT Suksesi në vitet e kaluara i ka mbajtur lojtarët e Barcelonës të bashkuar me trajnerët, por nuk mund të thuhet kështu edhe në këto vitet e fundit. Klubi po përballet me lojtarë që nuk janë të interesuar më në sukses, por me kritika në hierarkinë e lartë dhe këtë cilësohet se e kanë me të drejtë. Pasi barazuan 2-2 ndaj Celta Vigos në fundjavën e kaluar, katalunasit i kanë dhënë një mundësi të artë Real Madridi në garën për titullin e La Ligës. Los Blancos janë dy pikë përpara Barcelonës që është në vendin e dytë ku kanë mbetur edhe gjahtë javë, ndërsa këta të fundit do të takohen këtë të enjte m Atletico Madridi në Camp Nou, aty ku mund të lëshojnë sërish pikë. Ideja për të zëvendësuar Ernesto Valverden me Quique Stetienin nuk ka sjell ndonjë ndryshim, ata ende po vuajnë në taktikat e lojës dhe duket si tika-taka është zhdukur. Gara për titull u është vështirësuar dhe lojtarët kanë filluar që në deklarata për media të thumbojnë Setienin me shkarkim. Luis Suarez e vëri në dyshime punën e trajnerit në barazimin ndaj Celta Vigod, derisa Lionel Messi kishte thënë se ai ishte keqkuptuar nga strategu i katalunasve. Lëndimi Frenkie de Jong e ka çorientuar Setienin, ndërsa Arthur Melo e kompletoi kalimin te Juventusi, si shkëmbim me Miralem Pjanicin. Antoine Griezmann vazhdon të përjetojë krizën e golave, pasi ka pesë ndeshje që nuk ka realizuar dhe 120 milionëshi e ka humbur vendin te një 17-vjeçar (Ansu Fati), që edhe babi i këtij të undit mendon se djali i tij ende nuk e meriton të startojë. Barcelona ka pothuajse problem në çdo nivel. Nuk e kanë të garantuar ende se do të kalojnë në çerekfinale të Ligës së Kampionëve. E ardhmja e Stetienes është në dyshime, pasi Josep Bartomeu nuk do të ishte i lumtur po të përfundohej sezoni pa trofe. Ky sezon ka qenë i vështirë për Barcelonën, pasi problemet shpërthyen nga bordi, në fushë, në bankën rezervë dhe përfundojnë me largim lojtarësh. Kështu si qëndrojnë gjërat, e ardhmja e klubit duket e zezë, pasi transferimet e reja nuk po tregojnë sukses. /Telegrafi/ The post Më e keqja ende nuk ka arritur për Barcelonën – fillon nga largimi i Arthur Melos appeared first on Telegrafi. |
Nuk ndalet shkëlqimi i Vedat Muriqit në Turqi- sërish pjesë e formacionit të javës Posted: 29 Jun 2020 02:38 PM PDT Vedat Muriqi është përfshirë në formacionin e javës në Superligën e Turqisë. Reprezentuesi i Kosovës po vazhdon të shkëlqejë në ligën turke, derisa ka ndihmuar në fundjavën e kaluar Fenerbahcen që të marrë tri pikë të arta. Muriqi ka arritur të kalonte në epërsi skuadrën e tij në fitoren 3-2 ndaj Yeni Malatyaspor, derisa ka bërë edhe një asistim. Me atë gol e asistim të bërë, prizrenasi ka shkuar në kuotën e 15 golave dhe pesë asistimeve deri më tani në këtë edicion. Për këtë paraqitje fantastike, Muriqi ka arritur të futet në formacionin e javës në Superligën e Turqisë, duke u vlerësua si lojtari i dytë më i mirë. Sulmuesi shqiptar është vlerësua me notën 8.7, ndërsa vetëm Burak Yilmaz ka qenë më i mirë se ai. /Telegrafi/ The post Nuk ndalet shkëlqimi i Vedat Muriqit në Turqi- sërish pjesë e formacionit të javës appeared first on Telegrafi. |
E marta – dita e fundit e Arda Turanit si lojtar i Barcelonës Posted: 29 Jun 2020 02:21 PM PDT ArdaTuran do të 'shijoj' 30 qershorin si ditën e fundit si lojtar i Barcelonës, pasi i skadon kontrata. Nga 1 korriku, mesfushori turk do të jetë i lirë të nënshkruajë me cilëndo skuadër që i dëshiron shërbimet e tij. Barcelona i ka bërë me dije Turanit se nuk do të rinovojë kontratën dhe është i lirë të kërkojë klub të ri. Turku kishte kaluar te katalunasit nga Atletico Madridi, mirëpo në gjashtë muajt e parë nuk mund të ishte në dispozicion të Luis Enriques shkaku i dënimit të klubit nga UEFA për thyerje të rregullit financiar. Në edicionin e ri, ai kishte filluar më në fund të luante për Barcelonën, por klasin që e kishte te Rojiblancos kishte humbur tashmë. Në vitin 2018, ishte dërguar në huazim te Istanbul Basaksehir, aty ku e përcollën shumë skandale, si kërcënim me armë dhe skandale të tjera në fushë. Më pas ishte suspenduar nga Superliga e Turqisë dhe kishte qëndruar më shumë duke bërë skandale të tjera se sa duke u stërvitur. Nesër (30 qershor), Turan do të përfundojë kontratën me Barcelonën dhe ai do të detyrohet të kërkojë një skuadër në Kinë ose në Amerikë. /Telegrafi/ The post E marta – dita e fundit e Arda Turanit si lojtar i Barcelonës appeared first on Telegrafi. |
Gjyqtari kosovar shërohet nga coronavirusi Posted: 29 Jun 2020 01:59 PM PDT Gjyqtari kosovar, Ilir Mehmeti ka bërë të ditur se është shëruar plotësisht nga coronavirusi. Ai kishte qëndruar për 14 ditë në vetëizolim, por në testimet e fundit, ka rezultuar negativ. Gjyqtari nga Superliga e Kosovës e ka bërë të ditur lajmin përmes një postimi në llogarinë e tij në Facebook. "Te nderuar. Pas 14 ditësh qëndrimi ne izolim pas rezultatit pozitiv me Covid 19, ne ritestimin e bere sot kam rezultuar NEGATIV". "Faleminderit te gjithëve pre mbështetje. Kujdes po, panik jo", ka shkruar ai. /Telegrafi/ The post Gjyqtari kosovar shërohet nga coronavirusi appeared first on Telegrafi. |
Zyrtare: Gani Sejdiu largohet nga Drenica Posted: 29 Jun 2020 01:51 PM PDT Trajneri i mirënjohur kosovar, Gani Sejdiu i ka ndarë rrugët me skuadrën e Drenicës. Sejdiu i cili zëvendësoi Tahir Lushtakun në postin e trajnerit të Drenicës, ka bërë me dije se i ka dhënë fund aventurës në “Bajram Aliu”. Vetë trajneri mitrovicas e ka konfirmuar ndarjen nga Drenica në një prononcim për “Zeri.info”. “Jam larguar nga Drenica pasi që nuk po arrijmë që t’i fitojmë ndeshjet si vendas. Në ndeshjet si mysafirë po fitojmë dhe po luajmë mirë, por jo edhe si vendas”, u shpreh Sejdiu. “Me vjen shumë keq prej kryetares Mihane Bekteshi, mirëpo për të mirë të Drenicës, me mirë po largohem. Drenica është brenda objektivave, por i duhet një ndryshim dhe trajner që di të fitojë edhe si vendas”, shtoi ai. Ky largim i Sejdiut vjen pas humbjes 2:4 nga Trepça’89 gjatë ditës së djeshme. Pas 27 javësh, Drenica renditet në vendin e tetë në tabelë me 35 pikë të tubuara, katër pikë larg zonës së rrezikshme. The post Zyrtare: Gani Sejdiu largohet nga Drenica appeared first on Telegrafi. |
Sarri ende nuk e ka të qartë për pozitën që luan Arthur Melo Posted: 29 Jun 2020 01:18 PM PDT Maurizio Sarri duket se ende nuk e ka të qartë për rolin që ka Arthur Melo në mesfushë. Mesfushori brazilian edhe zyrtarisht iu bashku Juventusit si pjesë e shëkmbimit me Miralem Pjanicin që kaloi te Barcelona. Trajneri i Zonjës së Vjetër ka thënë në konferencë për media se një pjesë e stafit do të studiojë Arthur Melon në lojën e tij. "Një pjes e stafit teknik do të studiojë Arthur Melon", ka thënë Sarri. "Nuk mund të them asgjë më shumë, pasi ai nuk është pjesë e skuadrës tani". "Pjanic? Është me ne dhe i fokusuar për ndeshjen ndaj Genoas. Nuk më pëlqen të flas për afati i transferimeve kur jemi në këtë pikë, pasi kemi ndeshje ende". "Vëmendja jonë është që të mbyllim takimet dhe më pas të flasim rreth lojtarëve të rinj", ka shtuar më tej trajneri i Juventusit. Melo do t'i bashkohet skuadrës italiane me të përfunduar ky edicion, derisa kujtojmë se ishte kundër që të largohej nga Camp Nou. /Telegrafi/ The post Sarri ende nuk e ka të qartë për pozitën që luan Arthur Melo appeared first on Telegrafi. |
Miralem Pjanic u shkruan letër lamtumirëse Juventusit dhe tifozëve Posted: 29 Jun 2020 12:59 PM PDT Miralem Pjanic i shkroi një letër lamtumirëse për Juventusin pasi përfundoi transferimin e tij te Barcelona. Marrëveshja u kompletuar për 60 milionë euo plus 5 milionë të tjera në bonuse, ndërsa Arthur Melo kaloi Torino për 72 milionë plus 10 milionë bonuse. Edhe pse mesfushorët do të qëndrojnë me klubet e tyre aktuale për pjesën tjetër të sezonit 2019-20, Pjanic tashmë e shkroi fjalimin e tij të lamtumirës. “Merr frymë, Mire, kjo është thënia që unë vazhdoj ta përsëris në mendje gjatë momenteve vendimtare të një ndeshje”, ka shkruar ai në Instagram. “Kjo është ajo që unë vazhdoj të përsëris tani, ndërsa përpiqem të shkruaj atë që ndjej në këtë moment. Kam mbërritur katër vite më parë, kështu që mund të përpiqesha të fitoja gjithçka. Sepse edhe kur nuk e menaxhoni atë, një lojtar i Juventusit duhet të përpiqet gjithmonë". “Këto ishin katër vite intensive, me përvojë përkrah profesionistëve të shkëlqyeshëm, por mbi të gjitha miq të vërtetë, me të cilët ndava fitore dhe rekorde, por edhe humbje të hidhura në prag të triumfit". “Këto janë vite në të cilat jam pjekur si burrë dhe baba. Ky është qyteti ku Edin u rrit, duke u bërë tifozi më i madh i këtij ekipi, dhe ku me familjen time ndërtuam kujtimet më të mira të jetës sonë". “Unë nuk mendoj se ndonjëherë mund t’ju falënderoj sa duhet, kështu: “Faleminderit Familjes Agnelli. Faleminderit për të gjithë ata shokë të skuadrës që ndanë këtë udhëtim me mua. Faleminderit për të gjithë punonjësit dhe anëtarët e stafit, të cilët më ndihmuan të rritem. Faleminderit fansave që më bënë të ndjehem i veçantë çdo ditë". “Sepse nëse ka një gjë që kam mësuar, është se nuk ka kohë minimale në të cilën mund të biesh në dashuri. Në fund të ditës, është shumë e thjeshtë: ju e vishni këtë fanellë si një lëkurë të dytë, gjithmonë i jepni gjithçka, dhe kurrë nuk do të shkoni keq". “Tani nuk kemi shumë kohë për të humbur dhe ka kaq shumë për të fituar nga këtu deri në fund të sezonit". “Prandaj, merr frymë, Mire. Sepse ajo që sot mund të duket kaq e trishtueshme, nga nesër do të jetë një kujtim i mrekullueshëm që do të mbash në zemrën tënde për pjesën tjetër të jetës suaj", ka përfunduar Pjanic. /Telegrafi/
The post Miralem Pjanic u shkruan letër lamtumirëse Juventusit dhe tifozëve appeared first on Telegrafi. |
Edhe pse humbi ndaj Prishtinës, Tovërlani zbulon se do rinovojë kontratën me Feronikelin Posted: 29 Jun 2020 12:35 PM PDT Prishtina e ka mposhtur 3-1 Feronikelin në kuadër të javës së 27-të në Superligës e Kosovës. Nikli me këtë humbje ka zbehur gjasat që të luajë së paku në Ligën e Evropës, mirëpo i qëndron besnik trajnerit të tyre. Afrimë Tovërlani ka konfirmuar pas derbit se ai do rinovojë kontratën me skuadrën nga Drenasi, përkundër rezultateve të dobëta. "Pas kësaj ndeshje zvogëlohen mundësit për të dal në Evropë", ka thënë strategu i Feronikelit pas ndeshjes në një intervistë për Super Sport Kosova. "Ndeshje që bëmë dy gabime te dy golat e para, mendoj që nuk luajtëm keq mirëpo Prishtina ka shumë më shumë kapacitet dhe i ka dy formacione të forta në ekip". "Vazhdimi me Feronikelin? Aktualisht jemi afër marrëveshjes, dhe ajo është që unë të vazhdojë me Feronikelin, por të shohim deri në fund të kampionatit", ka përfunduar Tovërlani. /Telegrafi/ The post Edhe pse humbi ndaj Prishtinës, Tovërlani zbulon se do rinovojë kontratën me Feronikelin appeared first on Telegrafi. |
Armend Dallku i kënaqur me reagimin e lojtarëve të Prishtinës në fitoren ndaj Feronikelit Posted: 29 Jun 2020 12:30 PM PDT Prishtina e ka mposhtur Feronikelin 3-1 në kuadër të javës së 27-të në Superligën e Kosovës dhe për këtë trajneri Armend Dallku është shprehur mjaftë i lumtur. Me këtë fitore, bardhekaltrit kanë qëndruar në ndjekje të liderit Dritës që ka 58 pikë, ndërsa të parët katër sosh më pak. Dallku pas ndeshje është shprehur i kënaqur me reagimin e lojtarëve të tij në këso ndeshje të mëdha dhe që sipas atij ata u treguar serioz. "Këtu alternativa e vetme ishte fitorja, jam i kënaqur me reagimin e futbollistëve të mi pas barazimit të rezultatit", ka thënë Dallku në Super Sport Kosova. "Kishim mundësi të shënojmë edhe gola të tjerë, por neve tashmë na mbetet të rikuperohemi dhe të shohim përpara". "Nuk dua t'i shoh kundërshtarët, dua t'i shoh vetëm ndeshjet tona, dhe Prishtina duhet t'i bëjë hyzmetin çdo takimi", ka përfunduar ai. /Telegrafi/ The post Armend Dallku i kënaqur me reagimin e lojtarëve të Prishtinës në fitoren ndaj Feronikelit appeared first on Telegrafi. |
Posted: 29 Jun 2020 12:07 PM PDT Ka përfunduar edhe java e 27-të në Superligë e Kosovës, me pretendentët për titull që morën fitore. Por, nuk mund të thuhet e njëjta gjë edhe për Gjilanin që mori një pikë në shtëpi në takimin ndaj Llapit që përfundoi 2-2. Drita edhe në këtë javë tregoi më të mirë në fushë, duke fituar 2-0 në Gjilan nga Dukagjini, e që ruajti diferencën në pikë. Edhe Ballkani në këtë javë ishte në top formë, pasi arriti të merrte një fitore të lehtë në Therandë ndaj Vushtrrisë me rezultat 3-1. Ndeshja kryesore e kësaj xhiroje ishte ajo në mes të Prishtinës dhe Feronikelit që u zhvilluar në stadiumin "Fadil Vokrri", duke përfunduar 3-1 në të mirë të bardhekaltërve. Fitore në këtë rreth kanë marrë edhe Trepça '89 që mposhti Dritën në shtëpi me shifrat 4-2. Në anën tjetër, Flamurtari ka mposhtur Ferizajn 3-2 në ndeshjen dramatike që u zhvilluan të dielën e javës që shkoi. Më poshtë mund ta shikoni renditjen tabelare të plotë në Ipko Superligë e Kosovës: The post Renditja tabelare pas javës së 27-të në Superligën e Kosovës, katër skuadra në garë të ngushtë për titull appeared first on Telegrafi. |
You are subscribed to email updates from Futboll – Telegrafi. To stop receiving these emails, you may unsubscribe now. | Email delivery powered by Google |
Google, 1600 Amphitheatre Parkway, Mountain View, CA 94043, United States |
Lexo edhe: