“Katër gola të shënuara dhe shumë spektakël në mes Argjentinës dhe Uruguait që përfundoi pa fitues” plus 9 more Telegrafi Futboll
“Katër gola të shënuara dhe shumë spektakël në mes Argjentinës dhe Uruguait që përfundoi pa fitues” plus 9 more Telegrafi Futboll |
- Katër gola të shënuara dhe shumë spektakël në mes Argjentinës dhe Uruguait që përfundoi pa fitues
- Hadërgjonaj: Faleminderit populli ynë – kemi humbur betejën, por jo luftën
- Italia edhe pse e kualifikuar, turpëron Armeninë
- Zvicra me goeladë ndaj Gjibraltarit kualifikohet në Euro 2020
- Chelsea planifikon t’i vazhdojë kontratën Willianit
- Milani shihet si favorit, por Bologna nuk heq dorë nga Ibrahimovic
- Emre Can: Nuk jam i lumtur te Juventusi
- Redi Jupi: Me një kombëtare, shqiptarët gjithmonë do të kualifikoheshin në kampionate evropiane e botërore
- Dortmundi i vendosur të arrijë marrëveshje me Mourinhon
- Sokoli e Munishi me mendime të kundërta nëse bashkimi në futboll mes Shqipërisë dhe Kosovës do të sillte më shumë sukses
Katër gola të shënuara dhe shumë spektakël në mes Argjentinës dhe Uruguait që përfundoi pa fitues Posted: 18 Nov 2019 02:58 PM PST Argjentina dhe Uruguai dhuruan spektakël në miqësoren e zhvilluar në "Bloomfield Stadium" të Tel-Avivit, Izrael, sfidë në të cilën luajtën titullarë dhe shënuan emra të tillë si Lionel Messi, Sergio Aguero, Luis Suarez dhe Edinson Cavani, me "yllin" e Barcelonës që u rikthye në përfaqësuesen bardhekaltër pas një mungesë të gjatë. Gjithçka nisi keq për Argjentinën, që e pa veten në disavantazh në minutën e 34-të, falë bashkëpunimit mes Suarezit dhe Cavanit, me sulmuesin e PSG-së që realizoi nga një distancë e afërt. Pjesa e parë u mbyll 0-1, ndërsa 18 minuta pas startit të pjesës së dytë, Sergio Aguero, i i shërbyer nga Lionel Messi (goditje e lirë), barazoi me kokë 1-1. Vetëm 5 minuta më vonë Suarez ndëshkoi për herë të dytë portierin Andrada, ndërsa golin e barazimit dhe të rezultatit përfundimtar 2-2 e shënoi Lionel Messi me 11-metërsh në minutën e dytë shtesë. Tifozët izraelitë u dëfryen me një miqësore luksi, që për nga antagonizmi dhe spektakli i dhuruar në fushë i ngjante një përballjeje të kompeticioneve më të rëndësishme ndërkombëtare. /Telegrafi/ The post Katër gola të shënuara dhe shumë spektakël në mes Argjentinës dhe Uruguait që përfundoi pa fitues appeared first on Telegrafi. |
Hadërgjonaj: Faleminderit populli ynë – kemi humbur betejën, por jo luftën Posted: 18 Nov 2019 02:47 PM PST Florent Hadërgjonaj ka shkruar një mesazh falënderues për Dardanët pas kualifikimeve në Euro 2020. Edhe pse nuk arritën që të kualifikoheshim nga grupi A, Përfaqësuesja jonë ka ende shpresa që të kualifikohet në Kampionatin Evropian përmes Ligës së Kombeve. Hadërgjonaj ka postuar një mesazh në llogarinë e tij në Facebook, duke thënë se e kemi humbur betejën, por jo edhe luftën. "Faleminderit populli ynë për mbështetjen e jashtëzakonshme që na keni dhënë, të gjithë jemi krenarë prej nga vijmë", ka thënë Hadergjonaj. "Kemi dashur të bëjmë edhe më shumë, kemi humbur një betejë, por jo edhe luftën. Do të vazhdojmë të bashkuar si një familje për ta bërë ëndrrën realitet, që të kualifikohemi në Euro 2020. Jeni ju ata që na keni dhënë fuqi dhe besim për të synuar kualifikimin. FALEMINDERIT", ka përfunduar ai. /Telegrafi/ The post Hadërgjonaj: Faleminderit populli ynë – kemi humbur betejën, por jo luftën appeared first on Telegrafi. |
Italia edhe pse e kualifikuar, turpëron Armeninë Posted: 18 Nov 2019 02:37 PM PST Kombëtarja e Italisë e ka mbyllur në mënyrë perfekte rrugëtimin në kualifikueset e Euro 2020. Italia shënoi dy gola të shpejtë në minutat 8' dhe 9', me anë të Immobile dhe Zaniolo, për të thyer kundërshtarin qysh në 10 minutëshin e parë. Rezultatin në 3:0 e dërgoi Nicolo Barella, kur luhej minuta e 29', kurse Immobile shënoi edhe një herë në minutën e 33'. Zaniolo shënoi golin e dytë personal dhe golin e pestë të Italisë, në minutën e 64', kurse në listën e realizatorëve u regjistrua edhe Alessio Romagnoli, në minutën e 72', për 6:0. Jorginho nga pika e bardhë (75') dhe Orsolini 78' shënuan për 8:0, para se Babayan të shënonte për 8:1 një minutë më vonë. Rezultatin final e vendosi Federico Chiesa, kur në minutën e 81' regjistroi shifrat 9:1, shkruan lajmi.net. Kjo ishte fitorja e 10-të për Italinë në po aq ndeshje, për ta mbyllur kampanjën si lidere e grupit J, me 30 pikë. Armenia e mbyll në pozitën e pestë, me 10 pikë. The post Italia edhe pse e kualifikuar, turpëron Armeninë appeared first on Telegrafi. |
Zvicra me goeladë ndaj Gjibraltarit kualifikohet në Euro 2020 Posted: 18 Nov 2019 02:26 PM PST Zvicra edhe zyrtarisht është kualifikuar në Euro 2020, pasi e ka mposhtur 1-6 Gjibraltarin. Pas vetëm dhjetë minutash lojë, 'Helvetikët' kaluan në epërsi me anë të Cedric Itten, e me kaq përfundoi edhe pjesa e parë. Ruben Vagas (50') ishte ai që e dyfishoi epërsinë nga një asistim i Benitos, ndërsa shtatë minuta më vonë, Christian Fassnacht shënoi për 3-0. Benito më pas ndryshoi rolin nga një asistues për t'u bërë golashënues në minutën e 75-të, ndërsa Itten (84') realizoi edhe golin e dytë në këtë takim. Vendasit arritën ta ngushtonin epërsinë e mysafirëve me anë të Styche (74'). Granit Xhaka e mbylli këtë goleadë të Zvicrës në minutën e 86-të, gjeras mori një asistim fenomenal nga Itten. Zvicra u kualifikua në Kampionatin Evropian si lider i grupit me 17 pikë së bashku me Danimarkën që kishte një më pak. /Telegrafi/
The post Zvicra me goeladë ndaj Gjibraltarit kualifikohet në Euro 2020 appeared first on Telegrafi. |
Chelsea planifikon t’i vazhdojë kontratën Willianit Posted: 18 Nov 2019 01:50 PM PST Chelsea duket se nuk e ka ndërmend ta lejojë Willianin të largohet nga skuadra pas këtij sezoni. Sulmuesi brazilian ka vlerë të madhe në strategjitë e Frank Lampardit dhe ky i fundit dëshiron që lojtari ta vazhdojë kontratën. Marrëveshja aktuale e 31-vjeçarit me The Blues skadon në qershor të vitit 2020, por që Chelsea është e gatshme t'i ofrojë atij edhe një vit kontratë. Willian fiton 120 mijë euro në javë te skuadra nga veriu i Londrës, por që në marrëveshjen e re, lojtari kërkon një pagë më të lartë. Barcelona ka kohë që e dëshiron transferimin e brazilianit, mirëpo asnjëherë nuk ka arritur ta bind lojtarin e Selecaos që të largohet nga Stamford Bridge. Nëse Chelsea dhe Willian nuk arrijnë një marrëveshje për ta vazhduar kontratës, atëherë Blaugranasit do ta kenë rrugën e hapur për ta transferuar atë. /Telegrafi/ The post Chelsea planifikon t’i vazhdojë kontratën Willianit appeared first on Telegrafi. |
Milani shihet si favorit, por Bologna nuk heq dorë nga Ibrahimovic Posted: 18 Nov 2019 01:20 PM PST Bologna është mjaftë e interesuar në transferimin e Zlatan Ibrahimovicit në afatin kalimtar të janarit. Sipas asaj që raporton La Gazzetta Dello Sport, skuadra italiane po e kërkon me ngulm transferimin e sulmuesit suedez. Ibrahimovic ditë më parë ka bërë të ditur se po largohet nga La Galaxy, derisa kontrata e tij skadon më 31 dhjetor të muajit të ardhshëm. Ibra Kadbra po e kërkon po ashtu rikthimin në Evropë, gjersa për të kanë shprehur interesim edhe skuadra si, Milani dhe Manchester United. Mediu italian bënë më tej të ditur se destinacioni i preferuar i ish-sulmuesit të Barcelonës është Italia dhe gjërat mund të kuptohen shumë shpejtë. Rossonerët duan që t'i marrin shërbimet e suedezit për pjesën tjetër të mbetur të sezonit, por që 38-vjeçari kërkon të luajë së paku edhe dy vite. /Telegrafi/
The post Milani shihet si favorit, por Bologna nuk heq dorë nga Ibrahimovic appeared first on Telegrafi. |
Emre Can: Nuk jam i lumtur te Juventusi Posted: 18 Nov 2019 01:00 PM PST Emre Can e ka pranuar se nuk është i lumtur te Juventusi shkaku i minutazhës që ka në dispozicion. Mesfushori gjerman thuhet se nuk bënë me pjesën në planet e Maurizio Sarrit dhe mund të largohet qysh në janar. Can e ka konfirmuar se dëshiron të luajë më shumë, por që italiani po preferon në mesfushë Blaise Matuidin dhe Miralem Pjanicin. "Nuk jam duke luajtur që nga fillimi, kështu që nuk jam i lumtur, por unë do të qëndroj i fortë dhe do të punojë me vetën", ka hënë gjermani për Kicker. "Jam qëndroj në fitnes para dhe pas stërvitjeve, duke bërë gjëra shtesë. Shumë gjëra mund të ndodhin në futboll", ka shtuar më tej Can. Juventusi tashmë ka pranuar disa oferta nga klube të ndryshme evropiane për mesfushorin e në mesin e tyre është edhe Bayern Munichu. /Telegrafi/ The post Emre Can: Nuk jam i lumtur te Juventusi appeared first on Telegrafi. |
Posted: 18 Nov 2019 12:41 PM PST Ish-futbollisti i Kombëtares Shqiptare të Futbollit, Redi Jupi ka thënë se Shqipëria është dobësuar shumë në momentin që Kosova është pranuar në UEFA dhe FIFA. Jupi në një lidhje direkte në "Debat Plus" me Ermal Pandurin në RTV Dukagjini ka thënë se nëse shqiptarët me këto kapacitete do të kishin një kombëtare të përbashkët do të kualifikoheshin gjithmonë në kampionate evropiane dhe botërore të futbollit. Ai ka thënë se është fatkeqësi që ndarja mes shqiptarëve të Kosovës dhe Shqipërisë ka filluar në kohën e komunizmit. Ish-futbollisti i Kombëtares Shqiptare të Futbollit ka thënë se 'Kombëtarja e Kosovës" ka fituar popullaritet të madh në Shqipëri për shkak të lojërave të mira që ata kanë zhvilluar. Duke komentuar zgjedhjen e Rashicës për Kosovën, Jupi ka thënë se ai është i pjekur dhe askush nuk mund ta kontestojë vendimin e tij se zgjodhi Kosovën dhe la Shqipërinë./Telegrafi/ The post Redi Jupi: Me një kombëtare, shqiptarët gjithmonë do të kualifikoheshin në kampionate evropiane e botërore appeared first on Telegrafi. |
Dortmundi i vendosur të arrijë marrëveshje me Mourinhon Posted: 18 Nov 2019 12:26 PM PST Borussia Dortmundi po planifikon që ta shkarkojë Lucien Favren para afatit kalimtar të janarit. Skuadra gjermane aktualisht gjendet në vendin e gjashtë në Bundesligë, derisa ishte mposhtur 4-0 nga Bayern Munichu para ndeshjeve ndërkombëtare. Sipas France Football, Dortmundi dëshiron që ta shkarkojë Favren dhe në vend të tij të vije Jose Mourinho. Strategu portugez është aktualisht i papunë, pasi në dhjetorin e vitit të kaluar ishte shkarkuar nga Manchester United. Mourinho ka bërë me dije se dëshiron të rikthehet sa më shpejtë në futboll dhe destinacioni i tij i preferuar mbetet Anglia. Portugezi lidhet me një kalim te Arsenali ose Tottenham Hotspuri, por ende nuk ka ndonjë bisedim konkret. Dortmundi shpreson që ta bind Mourinhon të kalojë në Gjermani dhe t'i drejtojë ata në triumfin e ligës gjermane dhe në Ligën e Kampionëve. /Telegrafi/ The post Dortmundi i vendosur të arrijë marrëveshje me Mourinhon appeared first on Telegrafi. |
Posted: 18 Nov 2019 12:09 PM PST Trajneri i futbollit Ismet Munishi ka thënë se Kosova dhe Shqipëria nëse do të ishin bashkë nuk do të ishin më të fortë se që janë tani. Munishi në "Debat Plus" me Ermal Pandurin në RTV Dukagjini ka thënë se në dy përfaqësuese ka shumë më tepër hapësirë për promovimin e futbollistëve se që ka në një. "Për momentin defilojnë në dy përfaqësueset rreth 60 futbollistë që kanë kualitet afërsisht të njëjtë. Në një skuadër do të ishte pikëpyetje nëse këta do të gjenin hapësira për promovim", tha ai, përcjell Telegrafi. Nga ana tjetër trajneri i futbollit njëkohësisht profesor universitar, Bylbyl Sokoli mendon ndryshe nga Munishi. Ai thotë se ndarja në dy përfaqësuese ka dëmtuar futbollin e shqiptarëve. Sokoli thotë se kjo vërehet edhe nga deklaratat e trajnerit të Kosovës ku citon të ketë thënë se ka pasur mungesa të futbollistëve dhe lodhje të tyre. "Ndarja na ka dëmtuar edhe në fushat tjera të jetës por edhe në jetë. Procesi i unifikimit sjellë konkurrencë e cilësi. E shihni, futbollistët që nuk gjejnë vend në Shqipëri vijnë në Kosovë apo e kundërta. Kjo na bën dëm", tha mes tjerash Bylbyl Sokoli./Telegrafi/ The post Sokoli e Munishi me mendime të kundërta nëse bashkimi në futboll mes Shqipërisë dhe Kosovës do të sillte më shumë sukses appeared first on Telegrafi. |
You are subscribed to email updates from Futboll – Telegrafi. To stop receiving these emails, you may unsubscribe now. | Email delivery powered by Google |
Google, 1600 Amphitheatre Parkway, Mountain View, CA 94043, United States |
Lexo edhe: