“Suarez flet për Neymarin: Lëreni të qetë që ta marr vendimin përfundimtar” plus 9 more Telegrafi Futboll
“Suarez flet për Neymarin: Lëreni të qetë që ta marr vendimin përfundimtar” plus 9 more Telegrafi Futboll |
- Suarez flet për Neymarin: Lëreni të qetë që ta marr vendimin përfundimtar
- Finalja e Ligës së Kampionëve në vitin 2023 pritet të mbahet në Wembley
- De Vrij arrin në darkën e skuadrës së Interit me një veturë qesharake
- Vendimi i Icardit për padi ndaj Interit, presion për ta lëshuar drejt Juves
- Solskjaer: Besimi që kam në këta tre lojtarë më lejoi ta largoja Sanchezin
- Kadri Veseli me familjen në stadium, festojnë fitoren e Kosovës ndaj Turqisë
- Notat e lojtarëve: Metz 0-2 PSG, Di Maria më i miri
- Lorente arrin në Itali, flet si lojtar i Napolit
- PSG me shumë mungesa e mposht Metzin
- Icardi padit Interin – fillon lufta ligjore mes të dyja palëve
Suarez flet për Neymarin: Lëreni të qetë që ta marr vendimin përfundimtar Posted: 30 Aug 2019 03:04 PM PDT Luis Suarez mendon se Neymarit duhet t’i jepet hapësirë që ta marr vendimin për të ardhmen e tij, ku spekulohet një rikthim i mundshëm në Barcelona. Suarez dhe Neymar, së bashku me Leo Messin, luajtën së bashku mes viteve 2014 dhe 2017. “E di se është një kohë e vështirë për Neymarin”. “Ai duhet të lihet vetëm me njerëzit e tij për të vendosur atë që dëshiron”, ka thënë Suarez për Sport 890. Duke folur edhe për të ardhmen e tij, Suarez mohoi se e ka menduar largimin nga Barcelona. “Në asnjë moment, kurrë nuk e konsideroja largimin nga Barcelona". “Unë jam aty për të ndihmuar klubin, jam në skuadrën më të mirë në botë”, ka thënë ai. /Telegrafi/ The post Suarez flet për Neymarin: Lëreni të qetë që ta marr vendimin përfundimtar appeared first on Telegrafi. |
Finalja e Ligës së Kampionëve në vitin 2023 pritet të mbahet në Wembley Posted: 30 Aug 2019 02:59 PM PDT Wembley thuhet se mund ta organizojë finalen e vitit 2023 të Ligës së Kampionëve. Zyrtarët e UEFA-së kanë konfirmuar se finalja e madhe do të mbahet në stadiumin nacional të Anglisë në shenjë nderimi të njëqindvjetorit të Kullave Binjake. Stadiumi i Wembleyt do ta organizonte për herë të tretë finalen e Ligës së Kampionëve që nga rihapja në vitin 2007, pasi hera e parë ishte në vitin 2011 kur Manchester United u përball me Barcelonën dhe dy vite më vonë kur Bayern Munich e mposhti Dortmundin e Jurgen Kloppit. Finalja e këtij sezoni do të zhvillohet në stadiumin "Ataturk Stadium" në Stamboll, ndërsa në vitin 2021 pritet të mbahet në stadiumin e Zenitit, derisa ajo e vitit 2022 në Allianz Arena të Bayernit. UEFA ka bërë me dije se finalet e Ligës së Kampionëve tani do të organizohen në stadiume më të mëdha dhe do të jetë e mundshme që tifozët mos të kenë pengesa gjatë udhëtimit. /Telegrafi/ The post Finalja e Ligës së Kampionëve në vitin 2023 pritet të mbahet në Wembley appeared first on Telegrafi. |
De Vrij arrin në darkën e skuadrës së Interit me një veturë qesharake Posted: 30 Aug 2019 02:52 PM PDT Derisa lojtarët e tjerë të Interit arritën në darkë me vetura të markave të njohura, Ferrari, Porsche dhe Lamborgini, Stefan de Vrij kishte ide të tjera. Lojtari 27-vjeçar arriti në darkën e skuadrës italiane me një veturë ekonomike, derisa Antonio Conte kishte planifikuar një bisedë të gjatë me ta. Pamjet e publikuar në rrjetet sociale tregojnë momentin e arritjes së De Vrij me një makinë të vogël. Në këtë darkë të organizuar nga Conte, i pranishëm nuk ishte Mauro Icardi që flitet se do të largohet në këto ditë të fundit të afatit kalimtar. Afati i transferimeve në Serie A mbyllet më 2 shtator dhe siç duket Nerazzurët tashmë kanë përfunduar biznesin e tyre. /Telegrafi/
The post De Vrij arrin në darkën e skuadrës së Interit me një veturë qesharake appeared first on Telegrafi. |
Vendimi i Icardit për padi ndaj Interit, presion për ta lëshuar drejt Juves Posted: 30 Aug 2019 02:44 PM PDT Veprimi juridik i Mauro Icardi ndajt Interit, thuhet së është një dredhi për ta lejuar lojtarin që të transferohet te Juventusi. Saga verore mori një kthesë tjetër të premten në mbrëmje, kur u kuptua se Icardi e kishte paditur Interin, duke i kërkuar 1.5 milion euro për prishje imazhi dhe kërkoi të rikthehet në seancat stërvitore. Sipas Corriere della Sera, procesi gjyqësor është mënyra e sulmuesit për t'i bërë presion Nerazzurrëve. Kjo pasi ata nuk po e lejojnë të bashkohet me Juventusin, klub që pëlqehet nga lojtari. Argjentinasi që është persona 'non grata' për tifozët, dëshiron të qëndrojë në San Siro nëse nuk e lejojnë të bashkohet me Zonjën e Vjetër. Nerazzurrët në anën tjetër e konsiderojë një shitje te Juve, vetëm nëse në marrëveshje futet Paulo Dybala. Edhe kjo një mundësi e vogël. Dita e hënë do ta jep verdiktin final të një prej çështjeve më të gjata verore sa i përket afatit kalimtar. /Telegrafi/ The post Vendimi i Icardit për padi ndaj Interit, presion për ta lëshuar drejt Juves appeared first on Telegrafi. |
Solskjaer: Besimi që kam në këta tre lojtarë më lejoi ta largoja Sanchezin Posted: 30 Aug 2019 02:14 PM PDT Ole Gunnar Solskjaer ka zbuluar se përse e lejoi Alexis Sanchezin të largohej nga Manchester Unitedi në këtë afat kalimtar. Trajneri norvegjez ka zbuluar se sulmuesi kilian nuk ishte në planet e tij për sezonin e ri dhe se ka tre sulmues që u beson shumë. Solskjaer ka thënë se ai ka besim të madh në Anthony Martialin, Marcus Rashfordin dhe MasonGreenwood, së paku deri në afatin e janarit. "Kam besim në Anthonyn, Marcusin dhe Masonin që të jenë sulmuesit tonë kryesor për sezonin që sapo ka filluar", ka thënë ai para gazetarëve. "Ne kemi anësor të jterë si Chony (Tahith Cgong), Dan James dhe (Andreas) Pereira. Kemi edhe disa opsione të tjera", ka shtuar më tej Solslkajer. Sanchez kaloi te Interi në formë huazimi me të drejt blerje në fund të sezonit për 15 milionë euro. /Telegrafi/ The post Solskjaer: Besimi që kam në këta tre lojtarë më lejoi ta largoja Sanchezin appeared first on Telegrafi. |
Kadri Veseli me familjen në stadium, festojnë fitoren e Kosovës ndaj Turqisë Posted: 30 Aug 2019 02:07 PM PDT Kryetari i PDK-së, Kadri Veseli, së bashku me bashkëshorten e tij Violetën dhe me fëmijët kanë ndjekur ndeshjen e vajzave të Kosovës në futboll ndaj Turqisë ku ekipi i ynë shënoi fitore 2-0. Kandidati i PDK-së për kryeministër të Kosovës, Kadri Veseli tha se Kosovës nuk po i ndalen fitoret dhe ka paralajmëruar edhe fitore bindëse në finalen e zgjedhjeve. "Urime fitorja! Po na e don kohëve të fundit, nuk po na ndalen fitoret. Kështu me fitore edhe në finalen e madhe!", ka shkruar Veseli në faqen e tij në Facebook. Kosova e ka nisur shumë mirë edicionin e kualifikimeve për Kampionatin Evropian "EURO 2021". Të besuarat e Afërdita Fazlijajt e merituan festën pas ndeshjes, pasi ishin tri pikët e para. Me këto tri pikë, Kosova do të udhëtojë për në Slloveni për ndeshjen e dytë më 3 shtator. /Telegrafi/ The post Kadri Veseli me familjen në stadium, festojnë fitoren e Kosovës ndaj Turqisë appeared first on Telegrafi. |
Notat e lojtarëve: Metz 0-2 PSG, Di Maria më i miri Posted: 30 Aug 2019 02:01 PM PDT Paris Saint-Germain e ka mposhtur Metzin në udhëtim 0-2 në kuadër të javës së tretë në Ligue 1. Golat në këtë përballje i realizuan Angel Di Maria në minutën e 11-të nga pika e bardhë, dhe Eric Maxim Choupo-Moting (43'), pas asistimit nga Marco Verratti. Kampioni në fuqi i ligës franceze ishte dukshëm skuadër më e mirë, duke marrë notën e përgjithshme 7.18, ndërsa Metz mori vlerësimin 6.38. Lojtari me paraqitjen më të mirë në këtë përballje ishte Di Maria, që shënoi golin e parë, derisa mori notën 8.3. Nga ana tjetër, dështimi i këtij takimi ishte mesfushori i vendasve, Mamadou Fofana, që u ndëshkua po ashtu me karton të verdhë, e që mori vlerësimin 5.5. Vlerësimet e lojtarëve të të dyja skuadrave: /Telegrafi/ The post Notat e lojtarëve: Metz 0-2 PSG, Di Maria më i miri appeared first on Telegrafi. |
Lorente arrin në Itali, flet si lojtar i Napolit Posted: 30 Aug 2019 01:54 PM PDT Fernando Llorente ka mbërritur në Napoli, ku do të nënshkruajë kontratë me klubin e këtij qyteti. Ishte Carlo Anchelotti që e kërkoi në ekip, duke qenë se nuk arritën ta marrin Mauro Icardin nga Interi. "Jam i lumtur që kthehem, por është herët dhe nuk mund të them asgjë. Le të presim, kështu që unë mund t’ju tregoj më shumë".
"Napoli më ka befasuar, ata më dhanë diçka të rëndësishme. Me Ancelottin do të as vetëm për gjërat e bëra". "Juve-Napoli? Pres një lojë të shkëlqyeshme, le të shpresojmë që skuadra ime të tojë. Më vjen keq për Chiellinin, ai është një mik i shkëlqyeshëm dhe askush nuk e meriton një dëmtim kaq serioz". Llorente e ka veshur edhe fanellën e Juventusit./Telegrafi/ The post Lorente arrin në Itali, flet si lojtar i Napolit appeared first on Telegrafi. |
PSG me shumë mungesa e mposht Metzin Posted: 30 Aug 2019 01:38 PM PDT Paris Saint-Germain u është rikthyer fitoreve në Ligue 1, pas humbjes 2-1 që pësoi ndaj Rennes në javën e kaluar. Kampioni në fuqi i ligës franceze e ka mposhtur Metzin 2-0 në udhëtim, derisa golat u shënuan qysh në pjesën e parë. Golin e parë për parisienët e realizoi Angel di Maria në minutën e 11-të nga pika e bardhë.
Epërsinë për PSG-në e dyfishoi Choupo-Moting (43'), pasi asistimit që pranoi nga Marco Verratti, e që me kaq edhe përfundoi pjesa e parë. Pjesa e dytë i ishte rastet e veta, mirëpo të dyja skuadrat nuk arritën të tregoheshin të sakta, duke bërë që ndeshja të përfundonte me rezultatin e pjesës së parë, 0-2. Pas javës së tretë, PSG gjendet në vendin e parë me nëntë pikë, po aq sa ka Rennes në vendin e dytë. /Telegrafi/ The post PSG me shumë mungesa e mposht Metzin appeared first on Telegrafi. |
Icardi padit Interin – fillon lufta ligjore mes të dyja palëve Posted: 30 Aug 2019 01:12 PM PDT Në mediat italiane ka filluar të raportohet se Mauro Icardi e ka paditur Interin me 1.5 milion euro, pasi nuk po e lënë të rikthehet në stërvitje. Sipas asaj që raporton La Gazzetta dello Sport, sulmuesi argjentinas dhe gruaja e tij që njëherësh është edhe agjentja e tij, kanë filluar proceduar ligjore kundër Nerazzurëve. Kjo gjë është konfirmuar nga disa burime brenda klubit për gazetën italiane, madje thuhet më tej se tani të dyja palët janë në luftë të hapur ligjore. E gjithë situata ka filluar nga marrja e shiritit të kapitenit – arsye që asnjëherë nuk janë tregua në publik që nga muaji shkurt i këtij viti. Monaco kishte tentuar transferimin e Icardit në këtë afat mirëpo, argjentinasi nuk e dëshiron transferimin te asnjë skuadër tjetër përveç Juventusit. Por, Beppe Marotta po refuzon që ta lejojë largimin e tij në drejtim të Zonjës së Vjetër, pasi do të forcohej kundërshtari direkt për titull. /Telegrafi/ The post Icardi padit Interin – fillon lufta ligjore mes të dyja palëve appeared first on Telegrafi. |
You are subscribed to email updates from Futboll – Telegrafi. To stop receiving these emails, you may unsubscribe now. | Email delivery powered by Google |
Google, 1600 Amphitheatre Parkway, Mountain View, CA 94043, United States |
Lexo edhe: