“Neymar e do kthimin në Camp Nou, i gatshëm t’iu kërkojë falje publike tifozëve të Barcelonës për largimin te PSG” plus 9 more Telegrafi Futboll
“Neymar e do kthimin në Camp Nou, i gatshëm t’iu kërkojë falje publike tifozëve të Barcelonës për largimin te PSG” plus 9 more Telegrafi Futboll |
- Neymar e do kthimin në Camp Nou, i gatshëm t’iu kërkojë falje publike tifozëve të Barcelonës për largimin te PSG
- Trajneri i ri Fonseca: Nuk mendova dy herë kur më thirri Roma, mund të bëjmë diçka speciale së bashku
- Formacioni i të padëshiruarve të Zidanes është më i mirë se shumica e ekipeve evropiane
- Milani bën ofertën e parë për Torreiran
- Barcelona mendon për të ardhmen, synon dyshen e talentuar japoneze Abe dhe Nishikawa
- Ekskluzive: Gjilani nënshkruan me dy mesfushorë, njëri vije nga Prishtina e tjetri nga Ferizaj
- Van Gaal: Messi duhet të jap përgjegjësi pse Barcelona nuk e fiton Ligën e Kampionëve që katër vite
- Conte pëlqen Dani Alvesin, Interi synon transferimin e tij
- Roma dhe Napoli takohen për Manolasin, flasin edhe për Hysajn
- Nuk u ambientua në Serie A, Lazio mendon ta shkëmbejë Valon Berishën
Posted: 24 Jun 2019 02:57 PM PDT Neymar thuhet se është i gatshëm të bëjë kërkim-falje publike për tifozët e Barcelonës në një përpjekje për të siguruar kthimin e tij në Camp Nou këtë verë. Futbollisti brazilian shpreson të largohet nga Paris Saint-Germain në këtë afat kalimtar, vetëm dy vjet pasi ai u largua nga Barcelona për tek francezët në një lëvizje rekord botëror prej 220 milionë eurosh. Sipas gazetës katalunase Sport, transferimi la një shije të hidhur tek tifozët e Barçës dhe tani Neymar është gati të rindërtojë ura duke kërkuar falje për largimin e tij. Në raport, thuhet se Neymar ishte larguar shkaku i joshjes nga paratë e ofruara nga klubi i Ligue 1, si dhe shansi për të udhëhequr revolucionin e tyre. Por, pas dy eliminimeve në 1/16-tën në Ligën e Kampionëve, braziliani thuhet se ka arritur në përfundimin se PSG është jashtë konkurrimit me garën elitare të Evropës. Pra, për të vulosur një kthim në Kataluni, Neymar tani besohet të jetë i gatshëm të pranojë publikisht se ai ka bërë një gabim duke u larguar, siç ka bërë në mënyrë private me disa nga shokët e tij të mëparshëm të ekipit. Duket se ai do të mirëpritet përsëri me duar të hapura nga skuadra aktuale e Barcelonës, me Arthur dhe Philippe Coutinho që kohët e fundit kanë thurë elozhe për yllin brazilian. /Telegrafi/ The post Neymar e do kthimin në Camp Nou, i gatshëm t’iu kërkojë falje publike tifozëve të Barcelonës për largimin te PSG appeared first on Telegrafi. |
Posted: 24 Jun 2019 02:29 PM PDT Paulo Fonseca ka mbërritur sot (e hënë) në kryeqytetin italian, për të startuar aventurën e tij si trajner i Romës, teksa ka shfaqur një entuziazëm të lartë. Trajneri i ri i Romës ka folur fjalët e para pas ardhjes së tij në kryeqytetin italian për të marr drejtimin e skuadrës së njohur nga Serie A. “Është një sfidë e madhe dhe mendoj se me idetë e mia, do të arrijmë të bëjmë diçka të bukur. Kur Roma më ka telefonuar, nuk u mendova dy herë dhe kam dëshirë të ndërtojmë diçka speciale”, ka thënë fillimisht Fonseca.
Dita e parë e trajnerit portugez kaloi shumë shpejt, me një vizitë në ambientet sportive të klubit verdhekuq dhe një takim me zyrtarët që ishin të pranishëm, ku shkëmbyen edhe idetë e para organizative. "Përshtypjet e para janë pozitive, pasi kam takuar presidentin dhe kam marrë një konfirmim të plotë të besimit të tij, që është mjaft i rëndësishëm”. “Jam i bindur që nëse punojmë së bashku, mund të ndërtojmë diçka mjaft të bukur dhe speciale”.
Fonseca vjen pas një eksperience mjaft pozitive në stolin e skuadrës ukrainase të Shakhtar Donetskut, ndërsa pranon se të njëjtën grintë dhe mentalitet do të kërkojë të instalojë edhe te ekipi verdhekuq. “Dua një skuadër me kurajë, që përballet pa problem, pavarësisht nëse ka përballë një ekip të fortë apo të dobët”. “Djemtë duhet të njohin idetë e mia dhe për këtë do të kujdesem bashkë me stafin tim”. “Ne besojmë shumë te kualiteti dhe duam një ekip që të bëjë krenare tifozërinë", përfundoi portugezi. The post Trajneri i ri Fonseca: Nuk mendova dy herë kur më thirri Roma, mund të bëjmë diçka speciale së bashku appeared first on Telegrafi. |
Formacioni i të padëshiruarve të Zidanes është më i mirë se shumica e ekipeve evropiane Posted: 24 Jun 2019 02:09 PM PDT Zinedine Zidane dhe Real Madridi kanë qenë shumë të zënë në tregun e transferimeve dhe tani ata do të duhet të shesin lojtarë. Real Madridi është i njohur kur bëhet fjalë për blerjen e lojtarëve. Përderisa shumica e ekipeve ende po përpiqen të vënë planet e tyre të verës në veprim, Los Blancos kanë bërë mjaft shumë duke kryer katër blerje të mëdha. Kampionët e trembëdhjetëfishtë evropianë kanë nënshkruar tashmë me Eden Hazard, Luka Jovic, Eder Militao dhe Ferland Mendy, ndërsa Rodrygo është bashkuar me ekipin. Blerjet e Mbretërve nuk pritet të përfundojnë këtë pasi Zidane dhe Florentino Perez synojnë edhe blerjen e Paul Pogbas dhe njërin në mes të Neymar dhe Kylian Mbappe. Me kaq shumë transferime të reja, tani është koha që Reali të shkurtojë pak grupin dhe gazeta AS ka hartuar një 11-she të lojtarëve që po përpiqen të shesin. Nuk po thuhet se kjo skuadër do të fitonte ligën kudo, por ky formacion përbëhet nga shumë yje dhe mund të jetë skuadër më e mirë se shumë të njohura evropiane. Keylor Navas ishte portieri i parë i Realit për tre sezone që nga 2015, por nënshkrimi me Thibaut Courtois verën e kaluar e ka vënë atë në shitje. Mbrojtja është një nga pjesët më të dobëta, ku përbëhet nga lojtarë si Lucas Vazquez, Jesus Vallejo, Nacho dhe Theo Herandez. Dani Ceballos dhe Martin Odegaard kanë ende shanse të shkëlqyera për të ardhmen, por të dy kanë dështuar të shkëlqejnë në kryeqytetin spanjoll. Tre lojtarët pas sulmuesit janë padyshim pjesa më e fortë e ekipit dhe shumica e ekipeve në botë do të forcoheshin me Gareth Bale, Isco dhe James Rodriguez, ndërsa në sulm gjendet Mariano Diaz. /Telegrafi/ The post Formacioni i të padëshiruarve të Zidanes është më i mirë se shumica e ekipeve evropiane appeared first on Telegrafi. |
Milani bën ofertën e parë për Torreiran Posted: 24 Jun 2019 01:49 PM PDT Klubi i madh italian, Milani thuhet se kanë bërë ofertë për mesfushorin e Arsenalit, Lucas Torreira. Milan po përpiqet ta sjell ish-mesfushorin e Sampdorias për në Itali. Sipas mediumit të afër me Rossonerët, Sportmediaset, propozimi i parë i Milanit është paraqitur tashmë. Kuqezinjtë ka bërë ofertë për të marrë Torreiran në huazim për dy vite me një opsion për ta blerë pastaj në shumën prej 38 milionë eurosh. Rossonerët gjithashtu do të ishin te përgatitur t’i ofrojnë mesfushorin një pagë prej 3.5 milion eurosh. Arsenali është i hapur për të diskutuar transferimin e Torreiras, i cili është nën kontratë deri në vitin 2023. /Telegrafi/ The post Milani bën ofertën e parë për Torreiran appeared first on Telegrafi. |
Barcelona mendon për të ardhmen, synon dyshen e talentuar japoneze Abe dhe Nishikawa Posted: 24 Jun 2019 01:30 PM PDT Barcelona po synon të ‘bastis’ futbollin japonez për të rritur kualitetin në ekipin e tyre B. Sipas gazetës spanjolle Mundo Deportivo, 20-vjeçari Hiroki Abe, dhe Jun Nishikawa, 17 vjeç, janë dy lojtarët në agjendën e Barcelonës. Abe, i Kashima Antlers , është pjesë e skuadrës së Japonisë në Copa America, ndërsa Nishikawa, sulmues i skuadrës Cerezo Osaka. Nishikawa luan për trajnerin spanjoll Miguel Angel Lotina në Cerezo. Lotina e vlerëson adoleshentin si një nga lojtarët më të mirë të rinj në Azi, teksa luajti për Japoninë në Kupën e Botës U-20. Barcelona është në bisedime për të dy lojtarët e rinj, ndërsa preferojnë fillimisht një marrëveshje huazimi. /Telegrafi/ The post Barcelona mendon për të ardhmen, synon dyshen e talentuar japoneze Abe dhe Nishikawa appeared first on Telegrafi. |
Ekskluzive: Gjilani nënshkruan me dy mesfushorë, njëri vije nga Prishtina e tjetri nga Ferizaj Posted: 24 Jun 2019 01:17 PM PDT Gjilani ka vazhduar ta përforcojë skuadrën për stinorin e ri. Klubi që i shpëtoi rënies vetëm përmes barazhit, ka bërë transferime të bujshme gjatë afatit kalimtar veror. Gjilanasit kryesisht transferimet deri më tani i kanë bërë nga kampionati shqiptar dhe ai maqedonas. Por gjatë ditës së sotme 'Skifterat' kanë nënshkruar edhe me dy mesfushorë të tjerë të ardhur nga skuadrat rivale në Superligë. Telegrafi merr vesh ekskluzivisht se gjilanasit kanë nënshkruar me mesfushorin e Prishtinës, Mërgim Pefqeli. Ndërkohë përforcimi i dytë për Gjilanin është mesfushori që kaloi nëpër një formë mjaftë të lartë në pranverë me Ferizajn, Qëndrim Dautaj. Për Dautajn ky është një rikthim në Gjilan, pasi edhe më parë ka veshur fanellën bardhëkuqe. Prezantimi i dy futbollistëve pritet të bëhet gjatë kësaj jave. Deri më tani Gjilani është përfocuar me futbollistë si Oltion Rapa, Erlis Frashëri, Jackson Ferreira, Muhamed Useini si dhe portierin Shkëlzen Ruçi. /Telegrafi/ The post Ekskluzive: Gjilani nënshkruan me dy mesfushorë, njëri vije nga Prishtina e tjetri nga Ferizaj appeared first on Telegrafi. |
Van Gaal: Messi duhet të jap përgjegjësi pse Barcelona nuk e fiton Ligën e Kampionëve që katër vite Posted: 24 Jun 2019 01:07 PM PDT Ish-trajneri i Barcelonës , Louis van Gaal, e ka cilësuar Lionel Messin si një lojtar ‘shumë individual’ gjatë një interviste me një gazetë spanjolle. Në një intervistë për El Pais, trajneri holandez ka thënë se 32-vjeçari ia mohoi skuadrës katalunase triumfin në Ligën e Kampionëve, pasi ishte individual. "E pëlqej Messin si lojtar individual. Ai është lojtari më i mirë individual në botë, pasi statistikat e tij janë të mahnitshme", ka thënë 67-vjeçari. "Por, pse ai nuk e ka fituar Ligën e Kampionëve që katër vite? Si kapiten, ju duhet ta pyesni vetën se përse skuadra nuk e fiton titullin e Evropës". "Barça ka një skuadër të mrekullueshme. Ju nuk mund të thoni se Ivan Rakitici apo Philippe Coutinho janë të dobët, apo Jordi Alba është i dobët…ata janë lojtarë të shkëlqyer". "Mendoj se Messi duhet të mbajë përgjegjësi për atë çfarë ndodhë te Barcelona, jo vetëm trajneri. Lojtarët kanë një pjesë të përgjegjësisë çfarë ndodhë aty", ka përfunduar Van Gaal. Katalunasit u eliminuan në gjysmëfinale të Ligës së Kampionëve nga Liverpooli, dështuan ta fitonin Kupën e Mbretit, pasi u mposhtën në finale nga Valencia, derisa e fituan vetëm La Liga-n. /Telegrafi/ The post Van Gaal: Messi duhet të jap përgjegjësi pse Barcelona nuk e fiton Ligën e Kampionëve që katër vite appeared first on Telegrafi. |
Conte pëlqen Dani Alvesin, Interi synon transferimin e tij Posted: 24 Jun 2019 12:56 PM PDT Interi thuhet se është i interesuar të nënshkruajë me ish-mbrojtësin e djathtë të Barcelonës dhe Juventusit, Dani Alves, i cili është në dispozicion si lojtar i lirë. Sipas gazetës France Football, trajneri i ri i Interit, Antonio Conte, ka kërkuar Alvesin pasi ai do të përshtatej pa problem në formacionin e tij 3-5-2. 36-vjeçari do të largohet nga Paris Saint-Germain pasi kontrata e tij të skadojë në fund të muajit pas dy sezoneve në kryeqytetin francez. Mediumi francez argumenton se Serie A mund të jetë tërheqëse për lojtarin edhe pse ai tashmë e ka kaluar sezonin 2016-17 te Juve, ku fitoi Scudetton dhe arriti në finalen e Ligës së Kampionëve. Megjithatë, Nerazzurët do të përballen me konkurrencë nga Borussia Dortmund, Manchester City dhe klubet kineze. Edhe ish-klubi i tij, Barcelona është lidhur me rikthimin e mbrojtësit brazilian, i cili ka fituar gjithçka sa ishte në Camp Nou. /Telegrafi/ The post Conte pëlqen Dani Alvesin, Interi synon transferimin e tij appeared first on Telegrafi. |
Roma dhe Napoli takohen për Manolasin, flasin edhe për Hysajn Posted: 24 Jun 2019 12:47 PM PDT Roma thuhet se kanë pyetur zyrtarisht për mbrojtësin shqiptar të Napolit, Elseid Hysaj, por ata mund të kenë ardhur shumë vonë. Sipas gazetarit Alfredo Pedulla nga Sportitalia, Napoli dhe Roma u takuan sot (e hënë) për të diskutuar rreth marrëveshjes për grekun Manostas Kostas. Në këtë takim, sipas tij u diskutua edhe mundësia e një lëvizjeje për reprezentuesin e Shqipërisë. Giallorossët mund të ketë nevojë për një mbrojtës të djathtë të ri pasi Alessandro Florenzi ka qenë i lidhur me Interin, ndërsa Rick Karsdorp dhe Davide Santon nuk kanë bindur. Megjithatë, Pedulla paralajmëron se Atletico Madridi mbetet i etur për mbrojtësin, ku thuhet se janë pajtuar me Napolin për një çmim prej 20 milionë eurosh. /Telegrafi/ The post Roma dhe Napoli takohen për Manolasin, flasin edhe për Hysajn appeared first on Telegrafi. |
Nuk u ambientua në Serie A, Lazio mendon ta shkëmbejë Valon Berishën Posted: 24 Jun 2019 12:37 PM PDT Ylli i Përfaqësueses së Kosovës, Valon Berisha nuk ka kaluar aspak mirë në vitin e tij të parë te skuadra italiane, Lazio. Mesfushori kosovar kishte problem me ambientimin në futbollin italian, por edhe lëndimet e shumta nuk e lanë të qetë. Kësisoj Lazio po projekton largimin e Berishës edhe pse paguan 7.6 milionë euro për transferimin e tij nga RB Salzburg. Flitej për një huazim të Berishës tek kampioni austriak, por duket se Lazio tani po mendon ta përdor kosovarin si shkëmbim. Sipas mediumit italian Calciomercato, kryeqytetasit janë duke biseduar me Salzburgun për mbrojtësin e djathtë, Stefan Lainer. Salzburg ka kërkuar 8.5 milionë për anësorin e tyre, ndërsa Igli Tare i ka propozuar shkëmbimin me Berishën. Kampioni dhe fituesi i Kupës së Austrisë janë duke menduar seriozisht për këtë shkëmbim pasi janë të bindur se Berisha do ta rikthej formën e vjetër me tu rikthyer në Austri. 26-vjeçari këtë edicion ka zhvilluar vetëm 14 ndeshje me fanellën e Lazios ku kryesisht është inkuadruar nga banka rezervë. /Telegrafi/ The post Nuk u ambientua në Serie A, Lazio mendon ta shkëmbejë Valon Berishën appeared first on Telegrafi. |
You are subscribed to email updates from Futboll – Telegrafi. To stop receiving these emails, you may unsubscribe now. | Email delivery powered by Google |
Google, 1600 Amphitheatre Parkway, Mountain View, CA 94043, United States |
Lexo edhe: