PDK-ja në Klinë kërkon komision hetimor për projektet infrastrukturore |
- PDK-ja në Klinë kërkon komision hetimor për projektet infrastrukturore
- Kufij të çuditshëm që ndajnë shtetet (Foto)
- Vuçiq viziton rusin që tentoi t’i “fusë hundët” në aksionin e Policisë në veri!
- Testi i arritshmërisë nis të publikohet online
- Ambasadori gjerman ironizon me deklaratën e Brnabiqit, thotë se Gjermania është adhuruese e maleve
- Arrestohet pasi rrah babanë
- Haradinaj e shpallë rusin person ‘Non Grata’, urdhërohet ta lëshoj Kosovën menjëherë
- Lavrovi i kërkon OKB-së të reagojë për rastin e përfaqësuesit rus në UNMIK
- Haradinaj: Kosova nuk do të ndalet së kërkuari drejtësi për viktimat
- Bëhet shkrumb e hi një shtëpi në Mitrovicë, zjarrfikësit shpëtojnë 2 të tjera
| PDK-ja në Klinë kërkon komision hetimor për projektet infrastrukturore Posted: 31 May 2019 03:01 AM PDT Punimet e realizuara në projektet rrugore nga vjeshta e kaluar e deri më tash, në lokalitete të ndryshme të Komunë së Klinës, sipas subjektit opozitar në këtë komunë PDK, janë kryer keq dhe sipas saj janë dështime infrastrukturore që po rëndojnë edhe buxhetin e Komunës, shkruan sot Koha Ditore. Sipas këtij subjekti, përurimi i këtyre projekteve të realizuara është bërë me mburrje, sidomos asfaltimi i rrugëve në fshatrat Çabiq, Krushevë e Madhe, Stapanicë, Gremnik, Drenoc, në qytet… por këto rrugë sipas PDK-së janë prishur shpejt pas disa muajve. "Asfalti në disa rrugë të kryera para gjashtë muajve nuk zgjati shumë prej punimeve të këqija. Rrugët janë në gjendje të keqe, edhe pse në disa prej tyre ka pasur disa ndërhyrje, por gjendja është e keqe. Në mungesë të aplikimit të normativave të duhura në asfaltimin e rrugëve në fshatra, barishtet po e mbulojnë asfaltin e ri. Kështu do të vazhdojë edhe më tutje derisa të marrë masa dikush dhe këto masa duhet t'i ndërmarrë kryetari për këto punime, që teknikisht po pranohen", thotë Enver Berisha, shef i grupit të këshilltarëve të PDK-së në Kuvendin Komunal të Klinës. The post PDK-ja në Klinë kërkon komision hetimor për projektet infrastrukturore appeared first on DRENICA PRESS. |
| Kufij të çuditshëm që ndajnë shtetet (Foto) Posted: 31 May 2019 02:58 AM PDT Për shumë shtete vija kufitare është e shenjtë, e disa prej tyre kanë ndërtuar e po ndërtojnë mure për të pasur një kontroll sa më të mirë të tyre. Por në disa shtete të tjera si vijë kufitare janë vetëm disa shenja simbolike, mjafton të kalosh nga një anë e rrugës në tjetrën dhe ke ndryshuar shtet. Ndërsa në shtete të tjera vija kufitare është krijuar nga vetë natyra. Më poshtë keni disa prej ndarjeve më të çuditshme të kufijve, se si njerëzit kanë vendosur që të përcaktojnë territoret e tyre. /tch/  Kufiri mes Holandës dhe Belgjikës  Kufiri mes Gjermanisë dhe Francës  Kufiri mes Vietnamit dhe Kinës  Kufiri mes Zvicrës dhe Italisë  Kufiri mes Bullgarisë e Rumanisë  Kufiri mes Gjermanisë dhe Austrisë  Kufiri SHBA-Meksikë  Kufiri mes Tailandë-Laos-Mianmarit  Kufiri mes Haitit dhe Republikës Dominikane  Kufiri mes Argjentinës dhe Brazilit  Kufiri mes Portugalisë dhe Spanjës  Kufiri mes Gjermanisë dhe Republikës Çeke  Kufiri mes Lituanisë dhe Letonisë The post Kufij të çuditshëm që ndajnë shtetet (Foto) appeared first on DRENICA PRESS. |
| Vuçiq viziton rusin që tentoi t’i “fusë hundët” në aksionin e Policisë në veri! Posted: 31 May 2019 02:53 AM PDT Presidenti i Serbisë, Aleksandër Vuçiq së bashku me disa ministra serbë, vizituan në spital rusin, Mikhail Krasnoshchenkov, personi që tentoi t'i fusë "hundët" në aksionin e Njësisë Speciale të Policisë së Kosovës gjatë aksionit që u zhvillua të martën në veri. Vuçiq deklaroi se FIT-i përdori forcë të paparë ndaj zyrtarit të UNMIK-ut. Këto deklarata ai dha në Akademinë Mjekësore Ushtarake. "Është shumë e rëndësishme që ju të ndiheni në Serbi si në shtëpinë tuaj", i tha presidenti serb, rusit Krasnoshchenkov, transmeton Indeksonline  Ndryshe, kryeministri Ramush Haradinaj ka kërkuar edhe zyrtarisht që MPJ-ja ta shpallë person non-grata rusin që tentoi t'i përzihet punëve të organeve të sigurisë kosovare.  "Kam kërkuar nga Ministria e Punëve të Jashtme që në bazë të kompetencave kushtetuese dhe ligjore të shpallim shtetasin rus z.Mikhail Krasnoshchenkov si person 'Non Grata'. Vendimi është marrë sot ndaj këtij personi që punon si staf ndërkombëtar në Kombet e Bashkuara, dhe të njëjtit i urdhërohet që ta lëshojë territorin e Republikës së Kosovës. Ky vendim ka hyrë në fuqi, sot nga 31 maj 2019", ka deklaruar Haradinaj. The post Vuçiq viziton rusin që tentoi t'i "fusë hundët" në aksionin e Policisë në veri! appeared first on DRENICA PRESS. |
| Testi i arritshmërisë nis të publikohet online Posted: 31 May 2019 02:49 AM PDT Nxënësit e klasave të nënta sot i janë nënshtruar Testit të Arritshmërisë, ku me pikët e arritura do të kenë mundësi të orientohen për në shkollat e mesme. Por, ky test veçse ka nisur të publikohet online. Këtij testi i janë nënshtruar rreth 27 mijë nxënës dhe po mbahet në 110 qendra të testimit. Testi përmban 100 pyetje, ndërsa edhe këtë vit nuk do të ketë kriter të kalimit, por pikët e arritura do të përdoren për regjistrim në shkollat e mesme. Pyetjet janë nga lëndët si gjuha shqipe, gjuha angleze, matematika, pyetje nga shkencat shoqërore dhe ato natyrore. The post Testi i arritshmërisë nis të publikohet online appeared first on DRENICA PRESS. |
| Ambasadori gjerman ironizon me deklaratën e Brnabiqit, thotë se Gjermania është adhuruese e maleve Posted: 31 May 2019 02:45 AM PDT Ambasadori i Gjermanisë në Kosovë, Christian Heldt ka reaguar lidhur me deklaratën e kryeministres të Serbisë, Ana Brnabiq e cila tha se shqiptarët "janë njerëz të ardhur nga mali". Përmes një postimi në Twitter, ambsadori Heldt ka ironizuar me këtë deklaratë të Brnabiq duke shkruar se "Gjermanët janë adhurues të maleve. Shihemi në ecjen e radhës në pyll" Ambsadori po ashtu ka përdorur edhe hashtagun #literallyjustemergedfromthewoods i cili është krijuar enkas për këtë rast. /Telegrafi/
The post Ambasadori gjerman ironizon me deklaratën e Brnabiqit, thotë se Gjermania është adhuruese e maleve appeared first on DRENICA PRESS. |
| Posted: 31 May 2019 02:42 AM PDT Policia në Gjakovë ka arrestuar të dyshuarin i cili pas një mosmarrëveshje verbale e kishte sulmuar babanë e tij i cili si pasojë ka pranuar tretman mjekësor. I dyshuari për shkak të problemeve shëndetësore është dërguar në repartin e psikiatrisë në spitalin e Gjakovës për tretman mjekësor dhe sipas raportit të mjekut ai nuk është në gjendje të intervistohet. Me vendim të prokurorit i dyshuari është ndaluar në mbajtje. The post Arrestohet pasi rrah babanë appeared first on DRENICA PRESS. |
| Haradinaj e shpallë rusin person ‘Non Grata’, urdhërohet ta lëshoj Kosovën menjëherë Posted: 31 May 2019 02:41 AM PDT Kryeministri i Kosovës, Ramush Haradinaj ka njoftuar se ka kërkuar nga MPB që shtetasi rus, Mikhail Krasnoshchenkov të shpallet si person 'Non Grata'. Në një postim në Facebook, Haradinaj ka shkruar se sipas këtij vendimi, urdhërohet që rusi ta lëshoj territorin e Republikës së Kosovës. Më poshtë postimi i Haradinajt: Sot, kam kërkuar nga Ministria e Punëve të Jashtme që në bazë të kompetencave kushtetuese dhe ligjore të shpallim shtetasin rus z.Mikhail Krasnoshchenkov si person 'Non Grata'. Vendimi është marrë sot ndaj këtij personi që punon si staf ndërkombëtar në Kombet e Bashkuara, dhe të njëjtit i urdhërohet që ta lëshojë territorin e Republikës së Kosovës. Ky vendim ka hyrë në fuqi, sot nga 31 maj 2019. I bëj thirrje Përfaqësuesit të Posaçëm të Sekretarit të Përgjithshëm të Kombeve të Bashkuara në Kosovë të respektojë vendimin. Vendimi është marrë për shkak të veprimeve të shtetasit rus kundër rendit kushtetues të Kosovës, vlerave universale, paqes dhe stabilitetit! /Indeksonline/ Haradinaj kërkon që rusi të shpallet person 'Non Grata', e urdhëron ta lëshoj Kosovën The post Haradinaj e shpallë rusin person 'Non Grata', urdhërohet ta lëshoj Kosovën menjëherë appeared first on DRENICA PRESS. |
| Lavrovi i kërkon OKB-së të reagojë për rastin e përfaqësuesit rus në UNMIK Posted: 31 May 2019 02:39 AM PDT Ministri i Jashtëm i Rusisë, Sergej Lavrov, pas rastit të shtetasit rus në UNMIK, ka akuzuar “mbrojtësit perëndimorë ua kanë krijuar përshtypjen përfaqësuesve të Prishtinës për pandëshkueshmëri, ndërsa ata kanë dalë nga kontrolli i atyre që janë shtirë sikur po i kontrollojnë”. “Në fakt ata asnjëherë askënd nuk e kanë dëgjuar. Edhe BE-ja, edhe SHBA-ja janë përpjekur t’i kontrollojnë, por kjo ka çuar në rezultate dëshpëruese për patronët nga Perëndimi, që autoriteteve kosovare u ka krijuar përshtypjen e pandëshkueshmërisë dhe të lëshimit pe”, citon agjencia ruse e lajmeve TASS Lavrovin, i cili ndodhet për vizitë në Japoni, transmeton Koha.net. Duke iu referuar qëndrimit të autoriteteve të Kosovës ndaj anëtarit rus të Misionit të OKB në Kosovë, UNMIK, Lavrov ka thënë se “ai nuk mund të arsyetohet me asgjë” dhe ka shtuar se “përpjekjet e Prishtinës që ta privojnë nga statusi është çështje serioze ndaj të cilës duhet të reagojnë përfaqësuesit e OKB-së”. Sipas fjalëve të tij, shefi i Misionit të OKB në Kosovë, Zahir Tanin ka mbajtur qëndrim parimor në lidhje me këtë rast dhe nuk dëshiron të inkurajojë një sjellje të tillë të Prishtinës. Lavrov, siç e citojnë mediat ruse, ka thënë se përfaqësuesit e Prishtinës kanë shkelur shumë detyrime të veta, në radhë të parë ato që e obligojnë që para katër vjetësh, dhe ky është formimi i Bashkësisë (Asociacionit) së Komunave Serbe, transmeton Koha.net. Kosova e ka shpallur të padëshirueshëm përfaqësuesin rus në UNMIK, për shkak të keqpërdorimit të statusit që gëzonte në Kosovë. The post Lavrovi i kërkon OKB-së të reagojë për rastin e përfaqësuesit rus në UNMIK appeared first on DRENICA PRESS. |
| Haradinaj: Kosova nuk do të ndalet së kërkuari drejtësi për viktimat Posted: 31 May 2019 02:34 AM PDT Kryeministri i Kosovës, Ramush Haradinaj ka thënë se as pas 20 vjetësh nga masakra e kryer nga forcat serbe mbi familjen e Selatin Gërxhaliut, pjesëtar i Brigadës 142 "Mehë Uka", nga Studimja e Vushtrrisë, askush nuk është dënuar për këtë krim mizor. Haradinaj ka shkruar në Facebook se një familje e tërë, fëmijë e të moshuar, ishin ekzekutuar pamëshirshëm, vetëm pse ishin shqiptarë, në tokën dhe në të drejtën e tyre. "Kosova nuk do të ndalet kurrë së kërkuari drejtësi për viktimat. Lavdi të gjithë martirëve", ka shkruar ai. The post Haradinaj: Kosova nuk do të ndalet së kërkuari drejtësi për viktimat appeared first on DRENICA PRESS. |
| Bëhet shkrumb e hi një shtëpi në Mitrovicë, zjarrfikësit shpëtojnë 2 të tjera Posted: 30 May 2019 06:04 PM PDT Një shtëpi është pushtuar nga zjarri pak minuta pas mesnatës në lagjen 2 Korriku në Mitrovicë, duke shkaktuar djegien e tërësishme të gjësendeve që ishin brenda objektit.Dëshmitarë nga vendi i ngjarjes bëjnë të ditur se nuk ka persona të lënduar, ndërkaq dëmet materiale janë të konsiderueshme, shkruan Reporteri.net. Reporteri ka siguruar disa pamje nga djegia e shtëpisë dhe momenti kur zjarrëfikësit futen brenda objektit të djegur.
Qytetarë të asaj zone i kanë thënë gazetës se zjarrëfikësit kishin rrezikuar edhe jetët e tyre për të fikur zjarrin dhe për të mos lejuar që ai të shpërndahej. Falë punës dhe intervenimit të shpejtë të zjarrëfikësve, dy shtëpi të tjera që ishin ngjitur me atë që po digjej, kanë shpëtuar pa marrë flakë.
The post Bëhet shkrumb e hi një shtëpi në Mitrovicë, zjarrfikësit shpëtojnë 2 të tjera appeared first on DRENICA PRESS. |
| You are subscribed to email updates from DRENICA PRESS. To stop receiving these emails, you may unsubscribe now. | Email delivery powered by Google |
| Google, 1600 Amphitheatre Parkway, Mountain View, CA 94043, United States | |
Lexo edhe:
