Aksidenti me 15 të vdekur në Shkup – Tetovë, kjo është shuma e parave që do t’iu ndahet familjarëve

---

• Aksidenti me 15 të vdekur në Shkup – Tetovë, kjo është shuma e parave që do t’iu ndahet familjarëve
• Nis ceremonia e shpërndarjes të 17 banesave për 17 shkurt
• Simboli i Pavarësisë me mesazh të ri
• Supsendohet kirurgu nën dyshimin për ngacmim seksual
• Autobusi që u mori jetën 14 personave, kishte dalë nga rruga para një viti në Kosovë
• Milaim Zeka tregon sesi shefi i tij me Ahmetin e Pacollin dëshirojnë ta ‘djegin’ Ramushin
• Deklarata e Pavarësisë në shtatë qendrat e Kosovës
• Deputetja drenicase në Strasburg për liberalizimin e vizave
• Halil Kastrati sot dhuron 17 çelësa të banesave për 17 familje skamnore
• Vdes gazetari dhe tekstshkruesi i njohur kosovar

Aksidenti me 15 të vdekur në Shkup – Tetovë, kjo është shuma e parave që do t’iu ndahet familjarëve Posted: 16 Feb 2019 02:58 AM PST Autobusi i aksidentuar i tipit "Setra S-317 GT" ka poseduar polisë të vlefshme të sigurimit deri në janar të viti 2020. Polisa me numër 5453 e dhënë sipas obligimit ligjor nga Kompania e Sigurimeve "EuroSig", ka të siguruar 59 vende të udhëtarëve në rast të fatkeqësive në komunikacion. Dëmshpërblimi do t'u bëhet vetëm udhëtarëve të aksidentuar, që në këtë rast, familjet e të vdekurve do të kompensohen me nga 4.500 euro për person. Për udhëtarët, që mund të mbeten invalid dhe nuk do të jenë më të aftë të punojnë, do të dëmshpërblehen me nga 9 mijë euro, shkrua koha.mk Kurse, për udhëtarët me lëndime tjera do të marrin nga 2.200 euro për kurimet mjekësore. Ne jemi të gatshëm të paguajmë 100% obligimin ligjor të kësaj polise, e cila vlerën maksimale e arrin në 675 mijë euro për të gjithë udhëtarët. Autobusi me targa GV-864-BT nuk ka qenë i siguruar në nivelin 'Full Kasko', por vetëm me llojin e "Auto-përgjegjësisë", që nënkupton se vlera prej 370 mijë eurove për dëmet materiale nuk do t'i kompensohet kompanisë 'Durmo Tours' – njoftojnë nga Kompania e sigurimeve "EUROSIG" Me urdhër të prokurorit, autobusi është duke iu nënshtruar ekspertizës teknike nga Fakulteti i Inxhinierisë Mekanike, ndërsa më pas do të përgatitet mendim të shkruar për gjetjet e defekteve. Një ekip i Byrosë së Ekspertëve Ligjorë, i cili ishte i pranishëm në vendngjarje me prokurorin publik, është duke përgatitur raportin i cili do të përmbajë konstatimet për shkaqet e mundshme të aksidentit. Ndër të lënduarit nga aksidenti tragjik në Llaskarcë, është edhe shoferi Manoil Trifunovski. Prokuroria tha se ai do të merret në pyetje sërish posa të shërohet, së bashku me udhëtarët e tjerë të mbijetuar. The post Aksidenti me 15 të vdekur në Shkup – Tetovë, kjo është shuma e parave që do t'iu ndahet familjarëve appeared first on DRENICA PRESS.

Nis ceremonia e shpërndarjes të 17 banesave për 17 shkurt Posted: 16 Feb 2019 02:43 AM PST Ka filluar të mbahet ceremonia e shpërndarjes të 17 çelësave të banesave për nder të 17 shkurtit Ditës së Pavarësisë së Kosovës. Shoqata bamirëse "Jetimat e Ballkanit" është ajo e cila dhuron 17 banesa për familjet në nevojë, njofton Klan Kosova. Kjo ceremoni është duke u mbajtur në Sallën e Kuqe në Prishtinë. Shoqata bamirëse "Jetimat e Ballkanit" është ajo e cila dhuron 17 banesa. The post Nis ceremonia e shpërndarjes të 17 banesave për 17 shkurt appeared first on DRENICA PRESS.

Simboli i Pavarësisë me mesazh të ri Posted: 16 Feb 2019 02:38 AM PST Ruajta e mjedisit do të jetë mesazhi i sivjetmë i "Newborn"-it, simbolit të Pavarësisë së Kosovës.  Ideatori i këtij obelisku, Fisnik Ismaili, ka bërë të diturpër gazetën "Zëri" se në 11-vjetorin e Pavarësisë së Kosovës do të jepen mesazhe për ruajtjen e ambientit, për problemet me ndotjen e ajrit, për energjinë e të tjera, shkruan Gazeta “Zëri”. Në 11-vjetorin e Pavarësisë së Kosovës obelisku i "Newborn"-it do të ngjyroset me ngjyra të theksuara, që kanë për qëllim vetëdijesimin e qytetarëve të Kosovës për ruajtjen e ambientit, për mbrojtjen e ajrit, si dhe për riciklimin e mbeturinave, shkruan Gazeta “Zëri”. Kjo është bërë e ditur nga krijuesi i këtij obelisku, Fisnik Ismaili, i cili gjatë një interviste për gazetën "Zëri" ka thënë që kjo ide i ka ardhur si pasojë e ajrit të ndotur në vend. Ismaili ka bërë të ditur po ashtu se këtë vit monumentit të "Newborn"-it do t'i krijohet një bazament, me qëllim që në të ardhmen të shfrytëzohet edhe si atraksion turistik nga njerëzit që vijnë në qytetin e Prishtinës. Në planet e Ismailit hyn edhe hapja e një restoranti afër "Newborn"-it me emrin e këtij monumenti, si dhe do të shiten suvenire me figura të këtij monumenti. The post Simboli i Pavarësisë me mesazh të ri appeared first on DRENICA PRESS.

Supsendohet kirurgu nën dyshimin për ngacmim seksual Posted: 16 Feb 2019 02:30 AM PST Drejtoria e Spitalit të Përgjithshëm të Pejës ka suspenduar një kirurg pasi Prokuroria e Pejës ka ngritur aktakuzë ndaj tij me dyshimet për ngacmim seksual. "Kirurgu është suspenduar nga puna deri me vendim të gjykatës. Sipas ligjit, ai do të marrë 50 për qind të pagës", ka thënë për klankosova.tv zëdhënësi i spitalit të Pejës, Naim Sahiti. Ai konfirmoi se kanë kërkuar informacione nga Prokuroria Themelore në Pejë lidhur me rastin, pastaj e kanë supsenduar kirurgun N.B. The post Supsendohet kirurgu nën dyshimin për ngacmim seksual appeared first on DRENICA PRESS.

Autobusi që u mori jetën 14 personave, kishte dalë nga rruga para një viti në Kosovë Posted: 16 Feb 2019 02:28 AM PST Pas fatkeqësisë së "Llaskarcës", ku mbetën të vdekur 14 persona dhe 37 të lënduar, "enigma" se kush e shkaktoi aksidentin po vazhdon, transmeton Gazeta Metro. Edhe pse pronari i kompanisë "Durmo Turs" deklaroi se vozitësi i autobusit i ka deklaruar përgjegjësit të tij se ka humbur vetëdijen dhe se autobusi ka qenë teknikisht në rregull, në opinion është shfaqur një fotografi e një autobusi i cili në mars të vitit 2018 ka dalë nga rruga në magjistralen Ferizaj -Prishtinë. Portali "Ferizajpress.com" shkruan se më 8 mars të vitit 2018 në magjistralen Ferizaj-Prishtinë , në fshatin Banullë ka dalë nga rruga, një autobus i kompanisë "Durmo Turs", shkruan Koha.mk. Siç shkruan portali, arsyet e daljes nga rruga nuk dihen por dëshmitarë të rastit bëjnë të ditur se udhëtarët janë nxjerrë nga autobusi dhe janë transportuar më autobus tjetër. "Udhëtarët janë nxjerrë nga autobusi dhe janë transportuar me një autobus tjetër. Nuk është vërejtur ndonjë i lënduar, ndoshta ka ndonjë me lëndim të lehtë " ka thënë Shpend Reqiça për Ferizajpress, një qytetar i rastit që po kalonte në këtë drejtim, i cili ka dërguar edhe fotot në redaksi./gazetametro.net The post Autobusi që u mori jetën 14 personave, kishte dalë nga rruga para një viti në Kosovë appeared first on DRENICA PRESS.

Milaim Zeka tregon sesi shefi i tij me Ahmetin e Pacollin dëshirojnë ta ‘djegin’ Ramushin Posted: 16 Feb 2019 12:37 AM PST Deputeti i Nismës Socialdemokrate, Milaim Zeka, ka folur për taksen dhe punën që po behën në Qeverinë e Kosovës. Ai ka thënë se njerëzit e qeverisë janë duke punuar kundër kryeministër. Zeka thënë se Limaj, Ahmeti e Pacolli kanë qëllime që ta "djegin" Haradinajn. Zeka  në televizonin  7, ka treguar se edhe disa këshilltar të kryeministrit punojnë kundër tij. " Hashim Thaçi në restorante të ndryshme takohet me Limajn, Ahmetin, Paciollin e Gashin. Këto takime behën pa pranin e kryeministër Ramush Haradinaj. Pra, të gjithë këtë që i përmend janë që hiqet taksa. Kjo tregon se Thaçi dhe këtë të tjerët po punojnë kundër Haradinajt", ka thënë Zeka. Ai ka thënë se këtë liderë ndryshe flasin me Haradinajn e ndryshe me Thaçin. Deputeti i Nismës thotë se këtë persona bëjnë politik për interesa të veta. " Këta po duan ta qojnë deri në avullim. Deri në eleminin e tij politikë. Pra, këtë e kanë testuar damarin e tij të sinqertë, dhe me këtë pu luajnë"./gazetametro.net The post Milaim Zeka tregon sesi shefi i tij me Ahmetin e Pacollin dëshirojnë ta ‘djegin’ Ramushin appeared first on DRENICA PRESS.

Deklarata e Pavarësisë në shtatë qendrat e Kosovës Posted: 16 Feb 2019 12:26 AM PST Deklarata e Pavarësisë sot do të niset nga Kuvendi i Kosovës, për në 7 qendrat kryesore në vend. Prishtina, Mitrovica, Peja, Prizreni, Gjilani, Gjakova dhe Ferizaji janë qytetet në të cilat do të dërgohet Deklarata e Pavarësisë. Nisja e Deklaratave përcillet në mënyrë ceremoniale nga Garda Shtetërore. The post Deklarata e Pavarësisë në shtatë qendrat e Kosovës appeared first on DRENICA PRESS.

Deputetja drenicase në Strasburg për liberalizimin e vizave Posted: 16 Feb 2019 12:22 AM PST Deputetja e PDK-së, Blerta Deliu ka marrë pjesë në takimin e gjashtë të Komisionit të përbashkët BE-Kosovë në Strasburg. Deliu ka theksuar në këtë takim progresin e institucioneve në liberalizimin e vizave. Deputetja konfirmon se qëndrim të njejtë kishin edhe deputetë të Parlamentit Evropian të cilët mbështetën perspektivën evropiane të Kosovës. "Në takimin e gjashtë të Komisionit të përbashkët BE-Kosovë në Strasburg, theksova edhe njëherë progresin e institucioneve në liberalizimin e vizave me kërkesë që kjo çështje të marrë epilogun e duhur brenda këtij mandati të Parlamentit evropian. Qëndrim të njejtë kishin edhe deputetë të Parlamentit Evropian të cilët mbështetën perspektivën evropiane të Kosovës dhe kërkuan më shumë përkushtim për implementim të PKZMSA-së" shkruan Deliu në Facebook./Indeksonline/ The post Deputetja drenicase në Strasburg për liberalizimin e vizave appeared first on DRENICA PRESS.

Halil Kastrati sot dhuron 17 çelësa të banesave për 17 familje skamnore Posted: 16 Feb 2019 12:15 AM PST Shoqata "Jetimat e Ballkanit" ka njoftuar se sot do të dhurohen 17 banesa për familje skamnore, për Ditën e Pavarësisë së Kosovës, transmeton Drenica Press Lajmi është bërë publik gjatë ditës së djeshme, përmes faqes zyrtare ku shkruan: Festa e pavaresise se Kosoves me buzeqeshje Dhurimi i 17 banesave 😊 Per ndere te dites se pavarsise se Kosoves shoqata jone dhuron 17 pale çelesa te banesave te reja per 17 familje nevojtare Ftesa eshte e hapur per te gjithe Ju presim ti perjetojme se bashku keto emocione gezimi bashke me familjet qe do te ju dhurohen keto banesa Banesat do te jene ne disa qytete duke i perfshire thuajse te gjjtha trojet shqiptare Neser ne ora 11:00 Salla e kuqe Prishtine Bamires Zoti ju shperblefte   The post Halil Kastrati sot dhuron 17 çelësa të banesave për 17 familje skamnore appeared first on DRENICA PRESS.

Vdes gazetari dhe tekstshkruesi i njohur kosovar Posted: 16 Feb 2019 12:04 AM PST Nga një sëmundje e shkurtër, ka ndërruar jetë gazetari dhe prezantuesi i njohur kosovar, Hivzi Krasniqi. Krasniqi ka dhënë një kontribut të madh në gazetari, duke u konsideruar si nga të parët në vend. Ai punoi për vite të tëra në  Radio Televizionin e Prishtinës, më pas në Radio Televizionin e Kosovës dhe në Radio Dukagjin, përcjellë Indeksonline. I ndjeri shquhet edhe për kontributin e madh në kulturën tonë, pasi shkroi qindra tekste këngësh./ Indeksonline/ The post Vdes gazetari dhe tekstshkruesi i njohur kosovar appeared first on DRENICA PRESS.

You are subscribed to email updates from DRENICA PRESS. To stop receiving these emails, you may unsubscribe now.	Email delivery powered by Google
Google, 1600 Amphitheatre Parkway, Mountain View, CA 94043, United States

loading...

Lexo edhe: