“Greqi, i dënuari shqiptar vret veten në qeli” plus 9 more Gazeta SHQIP |
- Greqi, i dënuari shqiptar vret veten në qeli
- Maqedoni, gjuha shqipe bëhet zyrtare
- Kura e re për kancerin
- Përplaset makina e policisë në Tiranë
- Tërmeti me magnitudë 4.6 ballë dridh Italinë
- Telashe për lotin 1 të Unazës së Tiranës, ankimohet tenderi për mbikëqyrjen
- Faqet e para të gazetave
- Horoskopi – 15 janar 2019
- Shenjat që ju tregojnë se sa inteligjentë jeni
- Rama: Jam ‘de jure’ ministër i Jashtëm; Meta: E para Kushtetuta, s’ka shtet fals!
Greqi, i dënuari shqiptar vret veten në qeli Posted: 15 Jan 2019 12:35 AM PST Një shqiptar është gjetur sot i vetëvarur në paraburgimin e Agiou Nikolaou në Kretë të Greqisë. Ambulanca ka shkuar me shpejtësi në burg për t'i dhënë ndihmën mjekësore, por ka qenë e kotë, Shqiptari ishte ndarë nga jeta. Ndërkohë, ka nisur menjëherë hetimi për zbardhjen e ngjarjes. Ende nuk dihet identiteti i shqiptarit, i cili i dha fund jetës në shtetin grek dhe as motivi i arrestimit të tij. 15 janar 2019 (gazeta-Shqip.com) |
Maqedoni, gjuha shqipe bëhet zyrtare Posted: 15 Jan 2019 12:29 AM PST Kryetari i Kuvendit të Maqedonisë, Talat Xhaferi, ka firmosur Ligjin për përdorimin e gjuhëve, të cilin tashmë e ka dorëzuar për botim në Gazetën Zyrtare. Ligjin për përdorimin e gjuhëve rregullon përdorimin zyrtar të gjuhës shqipe në institucionet e pushtetit qendror. Xhaferi njoftimin e ka bërë të ditur në rrjetin social Facebook ku ka shkruar se “Ligji për gjuhët, edhe në gazetën zyrtare! Siç bëhet e ditur ligji pritet të botohet të martën me çka edhe bëhet zyrtar”. Shumica parlamentare disa herë kishte kërkuar nga presidenti që të dekretojë ligjin, por kjo kërkesë është shpërfillur në vazhdimësi nga kreu i shtetit për t'u dërguar tani për botim në Gazetën Zyrtare për firmën e presidentit, raporton REL. Kreu i shtetit dhe opozita maqedonase kanë thënë se një veprim i tillë paraqet shkelje, por nga Qeveria kanë thënë se presidenti është ai që ka bërë shkelje meqë Kushtetuta e obligon të dekretojë ligjet pas votimit të dytë në Kuvend. Ligji për gjuhët parasheh përdorimin e plotë të gjuhës shqipe, apo siç thuhet të gjuhës që e flasin më shumë se 20 për qind e popullatës, ndryshe nga maqedonishtja, në Qeveri, Kuvend, organet e pushtetit gjyqësor, administratën publike si dhe ndërmarrje e institucione tjera. Për dallim nga më parë, tani edhe drejtuesit e seancave, qoftë të Qeverisë apo Kuvendit, nëse janë shqiptarë, ato do të mund t'i udhëheqin në gjuhën e tyre. Zgjidhja ligjore parasheh që edhe mbishkrimet në nivel qendror të jenë në dy gjuhë. 15 janar 2019 (gazeta-Shqip.com) |
Posted: 15 Jan 2019 12:20 AM PST Për herë të parë është neutralizuar “manteli i padukshëm” i tumoreve, pra një lloj maskimi molekular që qelizat e sëmura vishen dhe iu fshihen për t’i shpëtuar ” pikës së kontrollit të sistemit imunitar' për ta shkatërruar atë në rrënjë. Rezultati premton një mënyrë të re për trajtimin e sëmundjes. Kompleksi që bllokon maskën tashmë është duke u testuar tek njerëzit. Studiuesi italian Davide Ruggero tha:-“Ne kemi gjetur një vend të ri të dobët të kancerit për të shkatërruar qelizat e tij. Kemi kuptuar se si qelizat e tumorit prodhojnë proteina specifike që janë të rëndësishme për rritjen e tyre. Një nga këto është proteina PD-L1 që i bën qelizat e kancerit të padukshme nga sulmi i sistemit imunitar ” Në fakt, hulumtimi është pjesë e imunoterapisë tumurore, një trajtim premtues që do të rekrutojë sistemin imunitar për të luftuar sëmundjen. Një klasë e barnave, e quajtur “frenuesit e pikave të kontrollit”, synon sulmin e këtyre proteinave dhe bllokon aktivitetin e tyre, për t'i bërë tumoret të dukshme dhe të prekshme ndaj sulmeve të sistemit imunitar. Një nga këto barna vetëm bllokon PD-L1, megjithatë, nuk është efektive në trajtimin e kancerit agresive të tilla si mëlçi dhe të tjerët, të tilla si zorrës së trashë, mushkërive dhe Limfoma. Hulumtimi i laboratorit të Roger ofron një alternativë dhe ka për qëllim për të vrarë qelizat e këtyre tumoreve agresiv “bllokuar për herë të parë, jo aktivitetin e proteinave, por prodhimin e tyre”, vuri në dukje studiuesi. 15 janar 2019 (gazeta-Shqip.com)/S.M |
Përplaset makina e policisë në Tiranë Posted: 15 Jan 2019 12:04 AM PST Një aksident ka ndodhur në orët e para të mëngjesit të sotëm. Mësohet se një makinë policie është përplasur nga një mjet tip "Benz" në zonën e "21 Dhjetorit" në kryeqytet. Nuk ka persona të lënduar nga aksidenti, por vetëm dëme të vogla materiale. Policia ka nisur hetimet për zbardhjen e rrethanave të aksidentit. 15 janar 2019 (gazeta-Shqip.com) |
Tërmeti me magnitudë 4.6 ballë dridh Italinë Posted: 14 Jan 2019 11:44 PM PST Një tërmet me magnitudë 4.6 u regjistrua në mesnatë në Itali. Instituti italian i gjeofizikës informon se tërmeti është regjistruar rreth orës 00.03 minuta të datës 15 janar me epiqendër në Ravena. Lëkundje sizmike pati një thellësi 11 km. Mediat italiane raportojnë se tërmeti u ndje edhe në zona të tjera, ku qytetarët kanë kërkuar ndihmën e shërbimit zjarrfikës. Deri më tani nuk raportohet për persona të lënduar dhe as për dëme materiale. Institucionet kanë nisur verifikimet nëpër shkolla, institucione të tjera dhe shtëpi. 15 janar 2019 (gazeta-Shqip.com) |
Telashe për lotin 1 të Unazës së Tiranës, ankimohet tenderi për mbikëqyrjen Posted: 14 Jan 2019 11:32 PM PST Telashet për lotin 1 të Unazës së Tiranës, që po i nënshtrohet rehabilitimit nga mbikalimi te pallati me shigjeta e deri te rreth-rrotullimi Shqiponja duket se nuk kanë të sosur. Në datë 11 janar, në Komisionin e Prokurimit Publik, është dorëzuar ankimi nga një kompani private e cila kundërshton procedurën e "Supervizion punimesh, rehabilitim i segmentit rrugor mbikalimi pallati me shigjeta rreth-rrotullimi Shqiponja Loti 1" të Autoritetit Rrugor Shqiptar. Kjo procedurë është fituar më herët nga "AVE Consulting" & "Archispace" sh.p.k., një prej tetë kompanive që morën pjesë në procedurë në shtator të këtij viti ndërkohë që ankimi është bërë nga kompania A&E Engineering sh.p.k. Aktualisht procedura për vetë rehabilitimin në Lotin 1 të Unazës së Tiranës është në proces vlerësimi ofertash të cilat u hapën këtë të hënë. Gjashtë kompani shprehën interes për vijuar punimet në këtë pjesë ndër të tjera Gjoka Konstruksion SH.A. & Shansi invest sh.p.k, Curri sh.p.k. & Vëllezërit Hysa sh.p.k. & Agri Konstruksion, Geci sh.p.k, ANK sh.p.k, GD Granit AD Skopje dhe Baftjar Murati. Fondi limit për këtë lot është 2.2 miliardë lekë. "Në përputhje me ligjin e Prokurimit Publik, Autoriteti Rrugor Shqiptar tanimë ka filluar procedurën e vlerësimit të dokumentacionit të paraqitur. Pas shqyrtimit të dokumentacionit do të kalohet në vlerësimin e ofertave, shpalljen e rezultatit dhe bërjen e tij publike. Kriteret dhe kërkesat ligjore në këtë garë, të publikuara edhe në Agjencinë e Prokurimit Publik janë të njëjtat me ato të garës së mëparshme për të njëjtin lot të unazës dhe nuk ka ndryshuar asnjë prej tyre" bëri me dije ARRSH. Loti 1 u ritenderua pas bërjes publik të skandalit ku kompania fituese në fazën e parë DH Albania rezultoi se kishte falsifikuar dokumentet për të plotësuar kushtet e nevojshme që e shpallën atë fituese të tenderit. Ndaj DH Albania ka filluar hetim ndërkohë që qeveria deklaroi se do të ekzekutonte garancinë e kompanisë. Të dhënat do të tregonin se DH Albania kishte fituar edhe një tjetër tender me vlerë 13 milionë euro pranë Operatorit të Sistemit të Transmetimit, kontratë e cila u prish në mënyrë të njëanshme menjëherë pasi u bë publik skandali lidhur me tenderin e Unazës. Aktualisht dy lotet e tjera të kësaj unaze kanë kontrata që vijojnë të mbeten në fuqi dhe që do të zbatohen dhe bëhet fjalë për Lotin 2 dhe 3 të kësaj rruge. 15 janar 2019 (gazeta-Shqip.com) Monitor |
Posted: 14 Jan 2019 11:18 PM PST |
Posted: 14 Jan 2019 10:00 PM PST DASHI Falë influencës mjaft pozitive të Venusit, do kaloni momente shumë të lumtura pranë atij që dashuroni. Rutina do largohet sa hap e mbyll sytë. Në sektorin financiar fati do jetë në anën tuaj.
DEMI
Ata që janë në çift do shkojë shumë mirë me njëri-tjetrin dhe do tregohen mjaft tolerantë. Dita do jetë e favorshme. Ndikimi i Neptunit tek financat do jetë i dyzuar. BINJAKËT Ambienti për çiftet do jetë i favorshëm. Në vend që të krijoni një klimë pasionante dhe të ndërtoni raporte me forcë, ju do të përforconi bashkëpunimin me partnerin. Financat do të lulëzojnë dhe ju do keni përfitime të mëdha. GAFORRJA Do përjetoni momente shumë të lumtura në praninë e atij që dashuroni. Yjet iu premtojnë një klimë plot bashkëpunim. Nuk do keni shumë nevojë ta shprehni atë që ndieni sepse ajo do duket qartë. Falë ndikimit të Hënës me zor do iu bëni ballë shpenzimeve. LUANI Ndjenjat në çift do jenë me të thella sot dhe më të sinqerta. Do bëni gjithçka që keni në dorë që financat të ruajnë ekuilibrin, madje do ulni shumë edhe shpenzimet e mëdha. VIRGJËRESHA Për të gjithë ata që kanë tashmë një lidhje, Neptuni do bëjë të mundur thellimin e marrëdhënies dhe cilësinë e saj. Në planin financiar kjo e enjte do jetë e favorshme dhe do ketë përmirësime. PESHORJA Do kaloni një ditë mjaft të lumtur sot në praninë e atij që kni në krah. Tregohuni më të gatshëm për gjithçka dhe do ia bëni zemrën mal partnerit. Plutoni do ndikojë negativisht tek financat. AKREPI Jeta në çift do jetë e qetë dhe e kënaqshme. Ata që kanë pasur vështirësi do kenë mundësi të pajtohen dhe rregullojnë problemet. Mos e lini veten të rrëzoheni nga një problem financiar që mund t'iu dalë para. SHIGJETARI Çështjet e zemrës do kenë të gjitha mundësitë të rregullohen falë ndikimit pozitiv të Venusit. Falë ndikimit të Diellit në sektorin e parave do i rrisni të ardhurat por do harxhoni shumë. BRICJAPI Kujdes nga influencat e këqija gjatë kësaj ditë. Në planin financiar do merrni vendime të rëndësishme, por duhet të bëni kujdes nga impulsiviteti i tepruar. UJORI Nëse jeni në çift dhe keni një lidhje të fortë, do të dyfishohet pasioni ndërmjet jush dhe partnerit. Urani do iu bëjë të tregoheni të matur me financat dhe do iu ndihmojë të filloni një projekt të ri në punë. PESHQIT Jeta juaj sentimentale nuk do jetë shumë e qetë për shkak të turbullirave planetarë. Do merrni iniciativa, do jeni të vendosur dhe do limitoni rreziqet. 15 janar 2019 (gazeta-Shqip.com) |
Shenjat që ju tregojnë se sa inteligjentë jeni Posted: 14 Jan 2019 01:30 PM PST I keni bërë ndonjëherë pyetje vetes se sa të zgjuar jeni dhe se si ta kuptoni këtë gjë. Në po ju japim një listë të veprimeve që i bëjnë vetëm njerëzit e zgjuar Njerëzit inteligjentë heshtin Personat që flasin vazhdimisht nuk do të thotë se ata janë të zgjuar. Ata mund të pohojnë të jenë inteligjentë, por nuk janë ashtu. Personat e heshtur shpeshherë janë ata me nivelet më të larta të inteligjencës. Ata mendohen mirë përpara se të flasin dhe argumentet e tyre janë bindës në më të shumtën e rasteve. Personat inteligjentë rrinë zgjuat Shumica e njerëzve inteligjentë flenë pak orë. Ata e kaloj në natën duke lexuar libra apo duke parë dokumentarë. Nata e ofron një aftësi të shtuar për t'u përqendruar. I bëjnë ballë problemeve me pasion Një person inteligjent nuk largohet e as nuk e shmang një problem që duhet zgjidhur. Ata ballafaqohen me të, dhe kjo është ajo çfarë i ndanë inteligjentët me personat tjerë. Janë gjithmonë ë informuar Kanë informacion pothuajse rreth gjithçkaje Këta individë lexojnë dhe kuptojnë çdo gjë që ndodh përreth tyre. Ata janë të përditësuar me lajme. Bëjnë pyetjet e duhura Këta individë dinë gjithmonë çfarë dhe si të pyesin. Ata duan të mësojnë nga tjerët dhe të fitojnë informacione të reja në çdo hap. 14 janar 2019 (gazeta-Shqip.com)
|
Rama: Jam ‘de jure’ ministër i Jashtëm; Meta: E para Kushtetuta, s’ka shtet fals! Posted: 14 Jan 2019 01:17 PM PST Ngërçi i krijuar në marrëdhëniet midis Kryeministrisë dhe Presidencës ka marrë një zgjidhje provizore, e cila është njoftuar edhe zyrtarisht nga shefi i qeverisë Edi Rama. Duke hedhur poshtë mundësinë për të ridërguar dekretin për emërimin e Gent Cakajt si ministër i Jashtëm në Presidencë, Rama ka njoftuar në Twitter se "de-jure" do të jetë ai Kryediplomati i ri i Shqipërisë. "Presidenti s’e ka çdekretuar Ministrin e Jashtëm në afatin kushtetues. Shkelje e radhës që do ta ballafaqojmë bashkë me të tjerat në Gjykatën e re Kushtetuese. Deri atë ditë që vjen shumë shpejt, do të jem de jure në këtë rol sepse s’kemi kohë për të humbur në kërkim të Presidentit", shkruan Rama. Në postimin e tij, kryeministri lë të kuptohet se "Lufta e Ftohtë" me Kreun e Shtetit do të vijojë, pasi e paralajmëron atë se me konstituimin e Gjykatës së re Kushtetuese, do të ballafaqohen aty për çështjen e mosdekretimit të Cakajt. Rama nuk ka humbur kohë as për të dërguar në Presidencë për të dytën herë propozimin për shkarkimin e Ditmir Bushatit si kreu i diplomacisë shqiptare. Bashkangjitur me këtë kërkesë, është dërguar edhe emri i kreut të qeverisë, për të mbajtur njëkohësisht edhe postin e Ministrit të Jashtëm. Ndërkohë, nuk ka vonuar shumë dhe Presidenti Ilir Meta i është përgjigjur "flakë për flakë" kreut të ekzekutivit. Në anglisht Meta i përcjell Ramës një mesazh të fortë me shkronja kapitale, duke thënë se: "NUK KA MË SHTET FALS". “Presidenti në krye të punës. Për Presidentin e para është Kushtetuta dhe sundimi i ligjit. NO MORE FAKE STATE. Shqipëria e para!”, shkruan Meta |
You are subscribed to email updates from Gazeta SHQIP Online. To stop receiving these emails, you may unsubscribe now. | Email delivery powered by Google |
Google, 1600 Amphitheatre Parkway, Mountain View, CA 94043, United States |
Lexo edhe: