“Deputeti i LDK-së nesër në gjyq për vjedhje të rrymës” plus 9 more Ekonomia Online |
- Deputeti i LDK-së nesër në gjyq për vjedhje të rrymës
- Thaçi në Paris takohet edhe me Erdoganin: Ai është mbështetës i fuqishëm i Kosovës
- Betisi befason Barçën në një ndeshje me shumë gola
- “Widows” me gratë në botën e krimit
- David Guetta poston fotografi me Dua Lipën, i lumtur që u takua me të
- Receta që do iu bëjë të mos sëmureni kurrë më
- Mungesa e zinkut gjatë shtatzënisë lidhet me autizmin tek foshnjat
- Basha paralajmëron: Nesër, skema e hajdutërisë te Unaza e Re
- Tërmet në Shqipëri
- Irani dënon me vdekje dy persona për krime ekonomike
| Deputeti i LDK-së nesër në gjyq për vjedhje të rrymës Posted: 11 Nov 2018 10:13 AM PST Nën akuzat për vjedhje të rrymës pritet që nesër të dalë para Gjykatës në Prishtinë deputeti i Kuvendit të Kosovës nga radhët e LDK-së, Ramiz Kelmendi. Herën e parë dështoi për shkak të gjendjes jo të mirë shëndetësore të Ramiz Kelmendit ndërsa herën e fundit si pasojë e mungesës së paarsyetuar te prokurorit të çështjes. Deputeti Kelmendi akuzohet se më qëllim të përvetësimit të sendeve të huaja të luajtshme që vetit t'i sjellë dobi pasurore të kundërligjshme nga data e pavërtetuar e deri më 30 qershor 2011, kompania "Elkos", në Fushë-Kosovë, e cila është pronë e tij, i kanë shkaktuar dëm KEK- ut në vlerë prej 22.801.19 euro. Kjo pasi që, sipas Prokurorisë, gjatë një kontrolle të bërë në kompaninë "Elkos" nga punëtorët e KEK-ut, kanë vërejtur se Kelmendi me qëllim të vjedhjes e ka shfrytëzuar në mënyrë të paautorizuar energjinë elektrike. Në aktakuzë më tej sqarohet se deri tek ky konkludim nga punëtorët e KEK-ut ka ardhur pasi që janë gjetur dy transformatorë të rrymës që kanë qenë jashtë matjes, derisa një përçues ishte shkëputur nga lidhja. Si rrjedhojë, Prokuroria pretendon se përmes këtyre veprimeve dy të tretat (2/3) e energjisë elektrike nuk ishte regjistruar, me ç'rast edhe e akuzon Kelmendin me veprën penale të vjedhjes së rëndë. Në janar të këtij viti, Ramiz Kelmendi për KALLXO.com kishte kundërshtuar akuzat e ngritura nga Prokuroria me pretendimin se në kohën për të cilën flitet në aktakuzë ai nuk ka pasur përgjegjësi ndaj kompanisë. |
| Thaçi në Paris takohet edhe me Erdoganin: Ai është mbështetës i fuqishëm i Kosovës Posted: 11 Nov 2018 10:02 AM PST Presidenti i Kosovës, Hashim Thaçi, ka takuar sot edhe presidentin e Turqisë, Recep Tajip Erdogan. Ai ka thënë se ishte kënaqësi të takohej me presidentin Erdogan, për të cilin tha se është mik i Kosovës dhe përkrahës i fuqishëm, njofton Klan Kosova. "Si gjithmonë, ishte e mrekullueshme të takoheshim dhe të bisedonim me Presidentin @RT_Erdogan. Ai është një mik i vërtetë dhe një mbështetës i fuqishëm i Kosovës dhe i të gjithë Ballkanit Perëndimor. Jemi përgjithmonë mirënjohës ndaj tij dhe për të mbështetur rrugën tonë drejt lirisë, pajtimit dhe integrimit euro-atllantik", shkruan Thaçi në Twitter. |
| Betisi befason Barçën në një ndeshje me shumë gola Posted: 11 Nov 2018 09:55 AM PST Barcelona është mposhtur në Camp Nou sot nga Betisi, që ia shkaktoi humbjen e dytë këtë sezon. Betisi fitoi ndeshjen spektakolare, ku u shënuan shtatë gola, me rezultatin përfundimtar që ishte 3 me 4. Mysafirët krijuan epërsinë prej dy golash përmes Juniorit dhe Joaquinit. Messi ngushtoi rezultatin në 1 me 2 duke shënuar nga penaltia në minutën e 68. Betisi shënoi sërish pas tre minutash për Lo Celsos, duke çuar rezultatin në 1 me 3. Barça ngushtoi sërish rezultatin përmes Vidalit në minutën e 79. E pas dy minutash katalunasit mbetën me një lojtar më pak në fushë kur Rakitiqi u ndëshkua me kartonin e dytë të verdhë. Me një lojtar më tepër në fushë Betisi shënoi sërish në minutën e 83 përmes Canalesit. Dhe e tëra që bëri në vazhdim Barça ishte ngushtimi i epërsisë përmes Messit, që shënoi në minutën e 90+2. Pas 12 xhirosh Barcelona mbetet lider me 24 pikë, kurse Betisi në vendin e 12 ka 16 pikë. |
| “Widows” me gratë në botën e krimit Posted: 11 Nov 2018 09:53 AM PST Shikimi përbuzës i Viola Davis ka fuqinë e pushkës me dy tyta në trilerin e ashpër të Steve McQueen. Me një pallto të bardhë e të lëmuar, në vend të rrobave të zisë, Davis udhëheq një grup grash në ribërjen e McQueen marrë nga drama televizive britanike e Lynda La Plante nga koha e Thatcher, ku disa gra të guximshme marrin përsipër të realizojnë një plaçkitje të planifikuar nga burrat e tyre kriminelë pasi që ata vriten gjatë një misioni të tyre, shkruan Koha Ditore. Aksioni këtu zë vend në Chicago e jo në Londër, dhe kanë nevojë që McQueen bashkë me skenaristin Gillian Flynn të bëjnë një version të ri të "Progress" të Turtle në Miami. Ky është një film i plaçkitjes me dhunë, një nero-noir dhe dramë e shartimit me diçka të marrë nga filmi "All the King's Men" të Robert Rossen të realizuar në vitin 1949. E ka cinizmin urban dhe toksicitetin mashkullor të cilin e kemi parë në tmerrin e varjes nga seksi në filmin "Shame" të McQueen, por detajet e tij dalluese me skena të gjata i shohim vetëm një herë në "Widows", kur kandidati për kryetar i kërrusur kacavirret në veturën e tij zyrtare, dhe McQueen mban kamerën e palëvizshme jashtë veturës, duke sjellë pamje të xhamave të zinj teksa mbyllen sikur përgjon arrogancën e këtij burri./Peter Bradshaw/The Guardian |
| David Guetta poston fotografi me Dua Lipën, i lumtur që u takua me të Posted: 11 Nov 2018 09:37 AM PST David Gutetta është një nga Dj më të famshëm dhe më të kërkuar në botë. Ai numëron nëntë milion albume të shitura dhe dhjetëra bashkëpunime me këngëtarë të famshëm. 
Së fundmi ai në llogarinë e vet Instagram ka zgjedhur ta posoi një fotografi ku shfaqet me yllin kosovar me famë botërore, Dua Lipa. Takimi i tyre u realizua mbrëmë në Kanë, shkruan Indeksonline. Madje Dj. përbri fotografisë ka shkruar:Kënaqësi të takohjë përsëri.
|
| Receta që do iu bëjë të mos sëmureni kurrë më Posted: 11 Nov 2018 09:35 AM PST Ditëve të fundit, njerëzit janë ata që janë përgjegjës për toksinat, kimikatet dhe stresin që përjetojnë të gjithë. Për t’u siguruar që të ruajmë mirëqenien dhe shëndetin e përgjithshëm, është shumë e rëndësishme që të detoksifikojmë trupin tonë kohë pas kohe. Spirulina është e njohur për aftësinë e saj për eliminimin e toksinave nga qelizat tona dhe për t'i zëvendësuar ato me të tjera. Prandaj është gjithashtu në gjendje t'iu lehtësojë nga lodhja dhe dhimbjet e muskujve. Krahas kësaj, spirulina bën që ju të jeni edhe më imun ndaj gripave apo virusëve të ndryshëm që mund t'iu kanosen në sezonën e tyre. Spirulina ka një bazë shumë të fortë minerale, si kripërat e Epsom-it, kështu që kur ta shtoni në banjën tuaj ai formon një proces që njihet si osmozë e kundërt. Ky është proces në të cilin toksinat që janë të dëmshme për trupin tonë eliminohen nga ai. Shtoni këta përbërës në vaskën tuaj:
|
| Mungesa e zinkut gjatë shtatzënisë lidhet me autizmin tek foshnjat Posted: 11 Nov 2018 09:33 AM PST Foshnjat të cilat nuk marrin mjaftueshëm zink derisa është në barkun e nënës mund të kenë më shumë gjasa të zhvillojnë autizëm, thotë një studim i ri. Shkencëtarët akoma nuk kanë një përgjigje përfundimtare për atë që e shkakton autizmin, por shumica dërmuese e hulumtimeve tregon se është në një kombinim të "faktorëve të mjedisit" dhe defekteve gjenetike. Mirëpo, nevojiten më shumë kërkime për të konfirmuar nëse mund të ketë lidhje shkakësore, por ekipi thotë se ata kanë përcaktuar një lidhje të mundshme mekanike. |
| Basha paralajmëron: Nesër, skema e hajdutërisë te Unaza e Re Posted: 11 Nov 2018 09:30 AM PST Kryetari i Partisë Demokratike, Lulzim Basha, ka paralajmëruar se nesër do të zbulojë me fakte dhe dokumenta "skemën e hajdutërisë te Unaza e Re".  |
| Posted: 11 Nov 2018 09:22 AM PST Gjate natës një tërmet mesatar ka rënë në zonën e Malësisë së Madhe. Sipas Institutit të Gjeoshkencave, Energjisë, Ujit dhe Mjedisit lëkundjet janë ndjerë në Koplik. Tërmeti ka qenë i shkallës 2.8 ballësh i shkallës rihter, shkruan lapsi.al.
|
| Irani dënon me vdekje dy persona për krime ekonomike Posted: 11 Nov 2018 09:19 AM PST Një Gjykatë Speciale e Iranit, që është formuar për të luftuar krimet ekonomike, ka dënuar dy persona me dënim me vdekje, ka raportuar sot media shtetërore. Gjykatat për krimet ekonomike janë formuar në muajin gusht, pasi lideri suprem, Ayatollah Ali Khamenei bëri thirrje për veprime ligjore për t'u përballur me atë që ai e cilësoi si "luftë ekonomike" nga armiqtë e huaj, transmeton Reuters. Zëdhënësi i gjykatës, Gholamhossein Mohseni Ejei citohet të ketë thënë se janë dënuar dy persona, pasi ata janë gjetur fajtorë nën akuza për "shpërndarje të korrupsionit", një vepër e cila sanksionohet në bazë të ligjeve islamike të Iranit. Në shtator, këto gjykata kundër krimeve ekonomike, kishin dënuar tre persona të tjerë, nën akuza të ngjashme. Ejei tha se edhe 11 të akuzuar të tjerë janë dënuar me dënime me burgim deri në 10 vjet për "korrupsion ekonomik" dhe një gjykatës është dënuar me 10 vjet burgim dhe 75 goditje me kamxhik, pasi është gjetur fajtor se ka pranuar ryshfet. Zyrtarët iranianë vazhdimisht kanë akuzuar Shtetet e Bashkuara dhe Izraelin, por edhe rivalin rajonal Arabinë Saudite dhe qeveritë e kundërshtarëve të tyre që jetojnë në mërgim, se po tentojnë të nxisin trazira duke bërë një luftë ekonomike, me qëllim të destabilizimit të Iranit. Shtetet e Bashkuara kanë rivendosur sanksione të ashpra ekonomike ndaj Teheranit, pasi janë tërhequr nga marrëveshja bërthamore e vitit 2015 në mes të Iranit dhe fuqive botërore. Sipas kësaj marrëveshjeje, Teherani do të kishte lehtësim të sanksioneve në këmbim të frenimit të programit bërthamor. Të hënën e kaluar, SHBA-ja rivendosi sanksionet për industrinë e naftës së Iranit si dhe ndaj sektorit bankar dhe të transportit, dhe ka kërcënuar Republikën Islamike se do të ndërmarrë edhe veprime të tjera nëse nuk ndryshon politikat. Teherani në anën tjetër, këto veprime të SHBA-së i ka cilësuar si luftë ekonomike dhe është zotuar se do t'i sfidojë ato. |
| You are subscribed to email updates from Ekonomia Online. To stop receiving these emails, you may unsubscribe now. | Email delivery powered by Google |
| Google, 1600 Amphitheatre Parkway, Mountain View, CA 94043, United States | |
Lexo edhe:
