“‘Çmendet’ 33-vjeçari, “Range Rover-i” me 261 km/h në Tiranë-Durrës (Video)” plus 9 more Gazeta SHQIP
“‘Çmendet’ 33-vjeçari, “Range Rover-i” me 261 km/h në Tiranë-Durrës (Video)” plus 9 more Gazeta SHQIP |
- ‘Çmendet’ 33-vjeçari, “Range Rover-i” me 261 km/h në Tiranë-Durrës (Video)
- Plastike apo origjinale? Plas sherri për vithet në “Miss BumBum” (Video)
- Sheri Blair, fillimet e vështira të karrierës si avokate
- Edon Guraziu, dizajni shqiptar në top listën e Hollivudit (FOTO)
- Dështon grabitja, “skifteri” shqiptar bie nga kati i 3-të, në gjendje të rëndë
- “Bularati”, Shehu – Ramës: Trimërinë pas lufte s’e ha as qeni!
- Kalifornia nën pushtetin e flakëve, numri i viktimave shkon në 25 (VIDEO)
- Babai i Kaçifas: Gomerët e policisë të provokuan, ti qëllove në ajër (Video)
- TË KËRKOJMË NDJESË PËR DROGËN E TYRE?!
- Alban Hoxha: Viti i duhur për titullin, e mbyll karrierën te Partizani
| ‘Çmendet’ 33-vjeçari, “Range Rover-i” me 261 km/h në Tiranë-Durrës (Video) Posted: 11 Nov 2018 02:11 AM PST
Sipas policisë drejtuesi i një mjeti tip "Range Rover" ishte duke lëvizur me shpejtësi 261 km/h.
"Ne rrugën interurbane Tirane-Durrës, me Policinë Rrugore te Tiranës. Me radar për te parandaluar aksidentet rrugore qe shkaktohen si pasoje e shpejtësisë tej normave te lejuara. 33 vjeçari nga Tirana me Range Rover me 261 km/h Ndërkohë bëhet me dije se gjatë fundjavës janë ndërmarrë 49 masa administrative për shpejtësi qe varionin nga 172 deri në 261 km/h. 11 nëntor 2018 (gazeta-Shqip.com) |
| Plastike apo origjinale? Plas sherri për vithet në “Miss BumBum” (Video) Posted: 11 Nov 2018 02:03 AM PST
Një nga konkurrentet nuk mbeti e kënaqur me ndarjen e çmimeve dhe sulmoi fituesen, duke nxjerrë në "shesh" mashtrimet me vithet. Sipas vajzës që hapi sherrin, fituesja e "Miss BumBum" i kishte të pasmet e bëra me ndërhyrje kirurgjikale. Konkurrentja Aline Uva, ia shkuli shiritin e "Miss-it" fitueses Ellen Santanan.
"Unë i respektova të gjitha rregullat. Vithet e mia janë origjinale, por ajo i ka plastike", tha Aline në skenë. 11 nëntor 2018 (gazeta-Shqip.com) |
| Sheri Blair, fillimet e vështira të karrierës si avokate Posted: 11 Nov 2018 02:00 AM PST
Kur nisi të punonte në një studio ligjore bashkë me bashkëshortin e saj të ardhshëm interesin e saj ndaj politikës e dinin të gjithë Edhe Toni ishte anëtari i Partisë Laburiste në zonën e Uandsorthit, por nuk i kishte treguar askujt. " Me thënë të drejtën, në shumë aspekte, isha veçse një çupëlinë. Isha njëzetedy, por dukesha si dymbëdhjetë. Isha shumë hollake, përpara se kjo të ishte në modë. Nuk e kisha atë pragmatizëm që i karakterizonte ata që vinin nga shkollat private, gjë që manifestohej haptazi tek kolegët e mi, meshkuj e femra. Nuk më kishin mësuar asnjëherë kuptimin e fjalisë "maturia ka shumë vlerë". Me fjalë të tjera, nuk e dija se kur nuk duhej të hapja gojë. Murgeshat edhe mund ta kenë përmendur, por dukej sheshit se nuk kisha qenë e vëmendshme", shkruan Sheri. Ajo kujton se gjithnjë bëhej më e qartë se, për sa i përket marrjes së vendit të punë, pengesa më e madhe ishte gjinia: kisha seksin e gabuar. "Atë vit, vetëm 16 % femra u pranuan në institucionet e avokaturës. Një vit më parë ishin marrë vetëm 9 % dhe vitin e mëparshëm edhe më pak. Ishte e vërtetë se përqindja po rritej, por qëndrimet dhe opinionet e avokatëve me përvojë – njerëzit që vendosnin për punën tonë të ardhshme – nuk kishin ndryshuar. Një nga librat shkollorë të vitit të parë ishte "Mësimi i ligjit", shkruar nga profesor Glanvill Uilliams, KM. Në botimin e vitit 1973, ai paralajmëronte vështirësitë e përfshirjes së femrave në sistemin gjyqësor. "Ushtrimi i profesionit në gjykatë është një detyrë e vështirë për një burrë," shkruante ai. "Është akoma më e vështirë për një grua. Nuk është e lehtë për një të ri të përballet në sallën e gjyqit, ndërsa shumë femra nuk mund ta përballojnë. Zëri i një gruaje nuk dëgjohet si ai i një burri." Këshilla e tij ndaj të sapodiplomuarave ishte: bëhuni konsulente ligjore", shkruan ajo. Blair nuk do ta harrojë kurrë momentin kur, pak kohë pasi ishte pranuar, u fut në një dhomë plot me burra me mantele. "Ata heshtën të shokuar e të tmerruar, kur e kuptuan se unë do të shkoja aty, do të vija parukën dhe do të vishja mantelin njëlloj si ata", shkruan Sheri Blair. 11 nëntor 2018 (gazeta-Shqip.com) |
| Edon Guraziu, dizajni shqiptar në top listën e Hollivudit (FOTO) Posted: 11 Nov 2018 01:43 AM PST
Kështu shkruan Will Gibbons, New York më 2017. …vetëm 20 vjeç, shqiptari Edon Guraziu e ka vendosur karrierën në mesin e top-dizajnerëve të botës të cilët u japin formë “ëndrrave” të Hollivudit sot – ishte ndër më të rinjtë (siç paraqitur nga ArtCafe 2015-18), shumë nga dizajnerët e tjerë janë “seniorë” (30, 35, 40, 50 vjeç) Jet Cooper është një një tjetër personazh që shkruan për talentin e dizajnerit Guraziu. “Jam marrë me 3D-design që nga koha kur është shpikur 3D, dhe puna jote vazhdimisht më mahnit…”, i shkruan ai djaloshit shqiptar. Jet Cooper është drejtor artistik dhe konceptualist i lartë në industrinë filmike të Hollywood, me mbi 20 vjet eksperiencë. Pasi Edoni e pati bërë publik një koncept të vetin robotik, Jet Cooper komenton: “mind blowing… s’gjej dot fjalë”.          Edoni e di se Cooper i ka frymëzuar panumër dizajnerë për pothuaj dy dekada, duke e ditur se kush është prapa komentit, sikur i duket e pabesueshme, e cilëson komentin e tij si një “dozë inkurajuese” (ama jo medoemos dhe “vlerësim realistik”, më shumë si dashamirësi… për t’i inkurajuar të rinjtë. Cooper i përgjigjet: “Aspak… unë rrallë e shoh këtë cilësi në filmat “blockbuster” rreth të cilëve jam i përfshirë, jam marrë me 3D-design që nga koha kur është shpikur 3D, dhe puna jote vazhdimisht më mahnit…” Ndërsa Jet Cooper vërtet e di se “për çfarë e ka fjalën”, pasi duke kontribuar për industrinë filmike të Hollivudit mbi 20 vjet me radhë, si psh. disa nga titujt: Sherlock Holmes, Harry Potter, Star Wars, James Bond, Skyfall, Narnia, Cinderella, Guardians of the Galaxy, Z-World War, Maleficent, Captain America, Warcraft, Fast & Furious, Ex Machina, Wrath of Titans, Exodus, X-Men, Die Hard, Jupiter Ascending etj. Etj 11 nëntor 2018 (gazeta-Shqip.com) |
| Dështon grabitja, “skifteri” shqiptar bie nga kati i 3-të, në gjendje të rëndë Posted: 11 Nov 2018 01:21 AM PST
"Skifteri" shqiptar ra nga ballkoni në përpjekje për t’u larguar me një bashkëpunëtor pasi kishin kryer vjedhjen në një apartament në Fogazzaro, Loano. Ngjarja ka ndodhur rreth orës 20:00. Dy hajdutët ishin ngjitur në banesë përgjatë tubit të shkarkimit, por nuk i morën dot në kohë paratë dhe sendet me vlerë, pasi pronarët e shtëpisë u kthyen dhe gjetën derën hyrëse të bllokuar.
Shërbimet e emergjencës mbërritën menjëherë në vendin e ngjarjes dhe transportuan të riun drejt spitalit. “Lastampa” shkruan se gjendja e 23 vjeçarit me iniciale R.M. është shumë e rëndë. Ndërkohë, bashkëpunëtori i tij është larguar dhe ka humbur gjurmët. 11 nëntor 2018 (gazeta-Shqip.com) |
| “Bularati”, Shehu – Ramës: Trimërinë pas lufte s’e ha as qeni! Posted: 11 Nov 2018 01:05 AM PST
"Mu kujtua kjo fjale e urte e Kurveleshit duke dëgjuar dje Kryeministrin te ngrihet përsëri ne rolin e te "fortit" gjate oscilacioneve te tij ndaj ngjarjeve te shëmtuara e te rrezikshme te Bularatit. Ashtu si ne te gjithë trajektin pese vjeçar te marrëdhënieve te Rilindjes me Greqinë edhe ne këto ngjarje te fundit ne asnjë rast nuk u demonstrua "trimëri apo urtësi" pikërisht kur duhej njëra apo tjetra", thotë Shehu. Sipas tij në raportin e qeverisë Rama me Greqinë, në 5 vite është luajtur "roli i të 'fortit' atëherë kur duhej mençuri e urtësi për te shtyre me përpara marrëdhëniet strategjike midis dy vendeve tona, duke i shkatërruar qëllimshëm ato". "U zhvillua kështu ne ketë hark kohor një inkoherence larg interesave te vendit e Rajonit, qe veçse te fut ne një spirale ngjarjesh e provokacionesh te rrezikshme. E njëjta "déjà vu" edhe me qëndrimet e deklaratat teatrale kryeministrore për dinamiken e çfarë ndodhi ato dite ne Bularat; gjithmonë jashtë kohe e kontekstit. Përfundimi: "Një vërrë në ujë" siç thuhet, vetëm kakofoni e thellim i konfuzionit politik e te qëndrimeve", nënvizon deputeti i PD. Ndërsa sipas tij, "kanosja" e kryeministrit Edi Rama dje në rubrikën "Përgjigjia ime" për ndjekësit në Facebook ku tha: "Provoni të kaloni edhe një herë nga lagja ime, me gurë do ju ndjekim", i kujton fëmijërinë. 11 nëntor 2018 (gazeta-Shqip.com) |
| Kalifornia nën pushtetin e flakëve, numri i viktimave shkon në 25 (VIDEO) Posted: 11 Nov 2018 12:49 AM PST
Bilanci është rritur frikshëm pasi 14 trupa të tjerë u zbuluan në ose pranë qytetit të shkatërruar Paradise në veri të shtetit, duke e çuar numrin e të vdekurve të konfirmuar atje në 23. Dy persona të tjerë u dogjën nga flakët "përbindëshe" në jug, pranë qytetit të VIP-ave, Malibu. Në një konferencë shtypi të shtunën, shefi i qarkut Butte, Kory Honea tha se 10 prej viktimave shtesë u gjetën në Paradise, dhe katër prej tyre në zonën e afërt Concou. Shefat e zjarrfikësve vlerësojnë se do të duhet rreth tre javë kohë për të kontrolluar plotësisht flakët. Zjarri filloi në Pyllin Kombëtar të Plumas, në veri të Sacramentos të enjten dhe shpejt përfshiu qytetin Paradise, me banorët që ikën për të shpëtuar jetën e tyre, pasi u shkatërruan më shumë se 6,700 shtëpi dhe biznese, duke e bërë zjarrin më shkatërruesin në historinë e shtetit. Rreth 250,000 njerëz janë detyruar të ikin nga shtëpitë e tyre për të shmangur tre vatra të mëdha zjarri që kërcënojnë shtetin. Ndërkohë, Presidenti Donald Trump ka reaguar me zemërim duke thënë se menaxhimi i dobët i pylltarisë duhet të fajësohet për zjarret. Cilat janë zjarret kryesore? Camp Fire filloi të përhapet në Butte County të enjten, dhe zjarrfikësit ishin të pafuqishëm për të ndalur atë të shkatërronte qytetin Paradise.      Një tjetër zjarr përfshiu vendpushimin e pasur jugor të plazhit të Malibusë të premten dhe tani është dyfishuar në madhësi. Zjarri, i njohur si Woolsey, tani është shtrirë në një sipërfaqe prej 28,000 hektarë. Ndër qytetet nën urdhrat e evakuimit është Thousand Oaks, ku një person i armatosur vrau 12 vetë në një krim të rëndë të mërkurën. Meteorologët kanë paralajmëruar se kushtet e rrezikshme të motit mund të vazhdojnë edhe në javën e ardhshme, por zjarrfikësit thonë se po shpresojnë të përfitojnë nga rënia e fuqisë së erës. 11 nëntor 2018 (gazeta-Shqip.com) |
| Babai i Kaçifas: Gomerët e policisë të provokuan, ti qëllove në ajër (Video) Posted: 11 Nov 2018 12:35 AM PST
Tre ditë pas ceremonisë së varrimit të Konstadinos Kaçifas në Bularat, e cila tensionoi edhe njëherë marrëdhëniet mes Tiranës dhe Athinës zyrtare, sepse u pasua me shpalljen non-grata të 52 grekëve, mes të cilëve edhe eurodeputetja qipriote Eleni Theocarus, në mediat helene po qarkullon një video me protagonist babain e 35-vjeçarit. Janis Kaçifas, në video i quan "gomerë", efektivët e RENEA-s, të cilët qëlluan mbi 35-vjeçarin duke e lënë të vdekur, gjatë shkëmbimit të zjarrit që ndodhi të dielën e 28 tetorit në Bularat.
Video është filmuar gjatë shërbimit përkujtimor një ditë pas funeralit për Kaçifas, para banesës së fundit ku prehet ai. Janis Kaçifas ka bërë një monolog që media greke "Espresso", e cilëson si "i një heroi të tragjedisë antike". "Ç'doje të bëje biri im? Të mbeteshe i paharruar në kujtesën e 13.000 bijve, atë deshe të bëje biri im? Por ata maskarenjtë, gomerët e policisë të provokuan dhe ti qëllove në ajër dhe jo mbi ta. Ike dhe malet gjëmuan nga zhurma e armës tënde, në nder të të parëve të tu që luftuan fashizmin", tha babai i Kaçifas para varrit të të birit. "Ti nuk e le frikën të të mposhtë biri im, si të tjerë si ne që kanë lepurin brenda. Ti e mposhte frikën për të mbrojtur të drejtat e minoritetit. Udhëtim i mbarë, fëmija im", vijoi monologun e tij Janis. 11 nëntor 2018 (gazeta-Shqip.com) |
| TË KËRKOJMË NDJESË PËR DROGËN E TYRE?! Posted: 11 Nov 2018 12:26 AM PST
Vesi i Rilindjes për t'u marrë me drogë do ju dalë bashkë me shpirtin! Ndaj kushdo që pret të veprojë drejtësia e ka gabim! Sajmiri nuk ishte e as është i vetëm në këtë projekt katastrofe kombëtare. Ai ishte dhe mbeti besnik i Rilindjes, grupit politik më anti-shtet, anti-demokraci e anti-komb që na kanë parë sytë! Prokuroria e Republikës ka gabuar rëndë në trajtimin e çështjes ndaj tij. Ajo dështoi paq të mbledhë e të ruajë provat, dëshmitarët dhe aktorët që realizuan kanabizimin, projektin më kriminal të shoqërisë sonë. Prokuroria dhe policia dështuan kontrollin në flagrancë të banesës; dështuan të mbrojnë Naser Seitajn, të cilin e ekstraduan në mënyrë mafioze; dështuan të arrestojnë dhe të hetojnë drejtues të policisë së shtetit, të cilët i lanë të arratisen; dështuan të lidhin me prova disa ngjarje e personazhe… Dështuan ta trajtojnë Sajmirin si gjithë të tjerët para ligjit që kanë miratuar vetë. Dështuan të ngrenë akuza të provueshme, por nxituan të bëjnë akuza absurde! Gabuan se deshën vetë apo se i shërbyen Rilindjes, kjo ska shumë rëndësi. Pasoja është njësoj e rëndë! Na kërkohet të kërkojmë Ndjesë?! Po pse? Ç'borxh i kemi?! Të kërkojmë ndjesë ne për akuzat që Prokuroria (vetja e tyre) ju bën? Pra për akuza që ata i bëjnë vetes?! Jo mo jo! Ndjesë duhet ti kërkojë Rilindja këtij vendi, që e mbyti në drogë, krim e borxhe. E mbyti në propagandë e mashtrime. Ndjesë duhet të kërkojë Rilindja çdo shqiptari që ndjehet i përzënë nga vendi i tij. Duhet ti kërkojë çdo shqiptari që i ka marrë votën e që sot po i merr taksat, shtëpitë dhe shpirtin… Të kërkojnë ndjesë e të hapin rrugë se na e çpifën! 11 nëntor 2018 (gazeta-Shqip.com) |
| Alban Hoxha: Viti i duhur për titullin, e mbyll karrierën te Partizani Posted: 11 Nov 2018 12:19 AM PST
– Mendoni se është viti duhur për të fituar trofe? – Shpresoj, gjithmonë kemi besuar. Thuajse çdo vit kemi qenë gati për t'u shpallur kampion, por për gabime të vogla na ka ikur nga duart. Mendoj se ky është viti i duhur, po punohet mirë, janë alternuar lojtarët e rinj me ata me eksperiencë. Akush nuk e priste që do të ishim në krye. – Çfarë mendimi keni për Laçin dhe për Memellin? – Nuk e njoh fare Memellin si trajner, e njoh si futbollist, ka qenë shumë sulmues i mire. Laçi ka treguar edhe në vitet e mëparshme që është një ekip i mirë, ka mundur edhe Skënderbeun dhe Kukësin. Vjet ka qenë një Partizan tjetër, i kemi kaluar ato vështirësi dhe probleme. Dua të flas për Partizanin aktual, kemi fituar shumë besim. Nuk kemi frikë, aq më tepër që luajmë në Tiranë. Ne kemi mundur edhe ekipe të tjera në fusha të vështira. – A ka qenë momenti më i vështirë me Julianon, kur t'u hoq shiriti i kapitenit? – Problemet nisën që në fillim. U dënua Trashi, më pas unë. Moxhi kërkonte të tregonte se këtu kishte rregull, por nuk i eci. Shiritin e dorëzova vetë. Nuk ka qenë vit i mirë te Partizani. Që nga koha kur jam unë këtu, ka qenë viti më i vështirë. – Cikli më i mirë, momentet e tua më të mira? – Me Shpëtim Duron kam kaluar shumë mirë. Trajneri duhet të dijë t'i marrë maksimumin lojtarit. Me Starovën po ashtu. Nuk duhet t'i bëj qejfin trajnerit aktual, puna e tij duket. Edhe me Gegën kam marrëdhënie shumë të mira. – Cila dyshe mbrojtëse të ka dhënë më shumë siguri në portë? – Në këto vite do të thosha Krasniqi me Atandën, por edhe dyshja e tanishme, Belica-Atanda. Ka dhe lojtarë të tjerë që më bënin të ndihesha mirë, si Vrapi dhe Rrahmani. – Pse nuk keni provuar një eksperiencë jashtë Shqipërisë? – Kam patur disa oferta. Nga momentin im i mirë edhe klubi ka kërkuar më shumë para. Kanë qenë tri oferta që janë prishur për pak para. Portieri është e vështirë të transferohet jashtë. Mendoj ta mbyll karrierën këtu, te Partizani, pasi të luaj 8 apo 10 vite të tjera. – E keni kaluar dëmtimin? – Nuk kam 100%. Është bërë një sakrificë nga ana ime, me shtysën e doktorëve. Kam pasur probleme me Skënderbeun dhe me Skënderbeun. Do të duhet ende kohë për të qenë në 100% të formës. 11 nëntor 2018 (gazeta-Shqip.com) |
Në autostradën Tiranë-Durrës kontrollet e Policisë Rrugore kanë vijuar edhe këtë fundjavë, teksa Radari ka kapur një "avion duke fluturuar" në rrugë.
Është mbyllur me sherr dhe "shkulje flokësh" konkursi "Miss BumBum" 2018, ku zgjidhet vajza me të pasmet më të përkryera.
Sheri Blair bashkëshortja e ish kryeministrit britanik Toni Blair avokate e njohur e të drejtave të njeriut tregon në librin e saj me kujtime se fillimet e karrierës nuk kanë qenë të lehta. Të jesh grua që aspiron në një sistem të dominuar nga burrat duhet shumë guxim. Herët ajo u bashkua me Partinë Laburiste. Shpesh dëgjonte se gjykata ishte vend i egër për gratë.
“Vetëm 20 vjeç, puna e Edon Guraziut e ka frymëzuar dhe e ka influencuar botën e dizajnit konceptual, dhe ai vetëm sa ka filluar!”
Ka rezultuar fatale, tentativa për grabitjen e radhës nga një i ri shqiptar në Itali, pasi 23-vjeçari në përpjekje për t'i shpëtuar pronarëve ka rënë nga kati i 3-të i një pallati.
Të ndihmuar nga fqinjët arritën ta hapnin atë, duke përdorur një çelës. Pronari zbuloi dy vjedhësit duke dalë nga ballkoni i kuzhinës, por shqiptari ra duke u përplasur në tokë.
"Trimërinë mbas lufte e urtësinë mbas kuvendit s'e ha as qeni"! Me këtë shprehje frazeologjike, që sipas tij e ka origjinën nga Kurevleshi, deputeti demokrat i Gjirokastrës, Tritan Shehu ka zgjedhur të etiketojë reagimin e kryeministrit Edi Rama pas "varrimit ekstremist" të Konstandinos Kaçifas në Bularat.
Numri i të vdekurve nga zjarret që po shkrumbojnë rajone të tëra në Kaliforni ka shkuar në 25 viktima, sipas zyrtarëve.
Nga Ylli MANJANI
Alban Hoxha, në një komunikim me "Zona Gol", e pranoi se i duhet të presë për të qenë në 100% të formës pas dëmtimit të pësuar. "Gardiani" i kuq beson se është viti i duhur për t'u shpallur kampion, ndërsa theksoi se dëshiron të mbyll karrierën te Partizani.| You are subscribed to email updates from Gazeta SHQIP Online. To stop receiving these emails, you may unsubscribe now. | Email delivery powered by Google |
| Google, 1600 Amphitheatre Parkway, Mountain View, CA 94043, United States | |
Lexo edhe:
