“Shkaqet ekonomike, 26-vjeçari dhunon prindërit dhe motrat” plus 9 more Gazeta SHQIP |
- Shkaqet ekonomike, 26-vjeçari dhunon prindërit dhe motrat
- Kërkohej për vrasje dhe pengmarrje, kapet në Shijak 48-vjeçari (EMRI)
- Aksident i trefishtë në Tiranë-Durrës. Asnjë i plagosur, shumë trafik (FOTO)
- Pushime familjare, por format e Belen mahnisin Ibizan (Foto)
- Vettingu, Medi Bici fshehu pasurinë. Gjyqtari: Duhet të kishit parë dokumentet
- Gjermani, policia në kërkim të rreth 300 mijë personave
- Tritol banesës së Gazmir Dacit, autori: Mora 5 mijë euro, e bleva në Fushë-Krujë
- Vetting-u fut në krizë kolegjet
- Temperaturat rriten, por pasditja sot sjell shira
- Si ta kuptosh një burrë të dashuruar
| Shkaqet ekonomike, 26-vjeçari dhunon prindërit dhe motrat Posted: 30 Jul 2018 02:02 AM PDT
Policia bën të ditur se ka arrestuar Bilbil N., 26 vjeç pasi ka dhunuar prindërit dhe motrat e tij pas një sherri në shtëpi. "Arrestimi i tij u bë pasi në banesë, për motive të dobëta ka ushtruar dhunë psikologjike dhe fizike ndaj prindërve dhe motrave të tij, shtetasve N.N, 59 vjeç, H.N, 50 vjeçe, D.N, 18 vjeçe, dhe M.N, 26 vjeçe", thotë policia e qarkut. Materialet proceduriale i kaluan Prokurorisë Pranë Gjykatës së Rrethit Gjyqësor Dibër për veprën penale "Dhunë në familje". 30 korrik 2018 (gazeta-Shqip.com) |
| Kërkohej për vrasje dhe pengmarrje, kapet në Shijak 48-vjeçari (EMRI) Posted: 30 Jul 2018 02:00 AM PDT
Mësohet se i arrestuari është Arben Haxhihyseni, 48 vjeç, banues në Elbasan. Ai ishte shpallur në kërkim në vitin 2014, pasi është dënuar nga ana e Gjykatës së Shkallës së Parë Elbasan me 1 vit, 10 muaj e 15 ditë burg, për veprën penale "Vrasja". Më pas, në vitin 2017 (ndërkohë që ishte i shpallur në kërkim), Gjykata e Apelit për Krimet e Rënda Tiranë e ka dënuar me 6 vite burg për veprën penale "Shtrëngim me anë të kanosjes ose dhunës për dhënie pasurie e kryer në bashkëpunim". Haxhihyseni është person me precedentë penalë të mëparshëm në fushën e veprave penale kundër jetës. Materialet në ngarkim të tij për veprime të mëtejshme i kaluan Drejtorisë Vendore të Policisë Elbasan për ekzekutimin e vendimeve penale. 30 korrik 2018 (gazeta-Shqip.com) |
| Aksident i trefishtë në Tiranë-Durrës. Asnjë i plagosur, shumë trafik (FOTO) Posted: 30 Jul 2018 01:55 AM PDT
    Si pasojë e përplasjes së trefishtë, është krijuar shumë trafik në këtë aks rrugor. 30 korrik 2018 (gazeta-Shqip.com) |
| Pushime familjare, por format e Belen mahnisin Ibizan (Foto) Posted: 30 Jul 2018 01:47 AM PDT
Së fundi Andrea Iannone është bashkuar me grupin dhe çifti është argëtuar në shoqërinë e vëllezërve, motrave dhe miqve. Në barkë shfaqet vëllai Jeremias, “vjehrri i saj” Ignazio Moser dhe “kunati” Angelo Iannone, por sigurisht nuk mungon Santiago i vogël.               Rodriguez pëlqen të bëjë postime intriguese, ku doza e sensualitetit është e lartë. Format e saj me bikinit rozë duken shumë seksi. Meshkujt e grupit në vend të kësaj përfitojnë nga zhytja në ujë dhe akrobacitë në det. Grupi i gëzuar duket se po argëton tej mase, edhe pse ka një çift romantik që nuk i mbajnë duart larg njëri-tjetrit mes tyre… |
| Vettingu, Medi Bici fshehu pasurinë. Gjyqtari: Duhet të kishit parë dokumentet Posted: 30 Jul 2018 01:30 AM PDT
Për pasuritë, ILDKPKI ka sjellë raport ku konstaton se deklarimi nuk është i saktë, ka kryer fshehje të pasurisë dhe ka kryer deklarim të rremë. Komisioni kreu hetimin e tij të pavarur, prandaj deklarata e Bicit iu nënshtrua një hetimi të thelluar, ku u konsistua se ka pasuri një vilë 4-katëshe vendosur në truall 430 m2, ndërtuar gjatë viteve 1993-1996, me tokën e blerë në 1986. Objekti është legalizuar dhe vlera e ndërtimit është 6 milionë lekë. Gjtihashtu ka në pronësi një autoveturë Craisler me vlerë 10 mijë euro, burimi i të cilës është shitja e një automjeti ekzistues dhe disa të ardhura. Gjyqtari ka deklaruar se vëllai emigrant e ka ndihmuar për shkollimin e fëmijëve në vlerën e 10 mijë eurove në total. Gjyqtari ka paraqitur një deklaratë ku vëllai thotë se e ka ndihmuar për shkaqe të vështirësive financiare. Subjekti ka paraqitur prova për këtë gjë. KPK-ja thotë se nuk rezulton që gjyqtari Medi Bici të ketë pasuri të fshehura në emër të tij apo të personave të lidhur me të. DSIK ka dërguar raport për figurën e Medi Bicit, në të cilin konstatohet përshtatshmëri. Nga hetimi i KPK-së nuk ka dyshime se zoti Medi Bici ka lidhje me persona të dyshimtë, nuk ka denoncime për të dhe nuk ka dyshime korrupsioni. Medi Bici tha: "Po ju paraqes disa prova të reja për të sqaruar e për të provuar se kur kam blerë tokën isha banor në Shkozë sepse para vitit 1990 nuk mund të blije tokë pa qenë banor i zonës. ILDKPKI përpara se të dilte në përfundime të tilla duhet të shikonte dokumentat e të më thërriste. Ndërtimi i shtëpisë zgjati 3 vjet, që kur e kam ndërtuar pak nga pak dhe që nga 1996 nuk kam vënë më dorë mbi të. Në shpjegimet e mia ju kam radhitur provat. Kam vetëm një shtëpi dhe asgjë tjetër. E kam ndërtuar shtëpinë në një nga zonat e varfra të Tiranës, e kam nisur këtë pasuri që në vitin 1986. Në pasaportat diplomatike të miat dhe të familjes nuk do të gjeni asnjë vulë. Kam udhëtuar vetëm në Maqedoni. Të tre fëmijët i kam shkolluar në Shqipëri, nuk kisha asnjë mundësi t'i shkolloja jashtë vendit. Jam emëruar gjyqtar në vitin 1994 dhe në vitin 1997 jam shpallur gjyqtari i vitit. E dini pse? Sepse kam punuar me ndershmëri e përkushtim". 30 korrik 2018 (gazeta-Shqip.com) |
| Gjermani, policia në kërkim të rreth 300 mijë personave Posted: 30 Jul 2018 01:23 AM PDT
Gazeta “Welt am Sonntag” jep shifrat e sakta duke iu referuar të dhënave të Entit Federal për Kriminalitetin në Gjermani. Sipas tyre janë shpallur në kërkim saktësisht 297.820 vetë, 126.327 syresh të huaj. Ministria Federale e Punëve të Brendshme mendon se një pjesë të huajve të shpallur në kërkim duhet të jenë larguar ndërkohë nga Gjermania. Personat e shpallur në kërkim janë persona të burgosur për vepra penale që janë arratisur, të tillë që janë fshehur për t’i shpëtuar ndjekjes penale, ose persona që konsiderohen si rrezik për rendin publik. Sipas autoriteteve ndër personat e shpallur në kërkim ka një rritje të numrit të personave që kanë kryer vepra penale me motive poltike. Në krahasim me një vit më parë numri i personave të shpallur në kërkim për vepra të tilla është trefishuar – fjala është për 4.411 vetë. Shumica e tyre janë islamistë. Armin Schuster, bashkëkryesues i Komisionit për Punët e Brendshme të Bundestagut, kërkoi përpjekje më të mëdha për arrestimin e të huajve, të cilët janë fshehur për t’i shpëtuar dëbimit nga Gjermania. Ai kërkoi që për këtë qëllim policia të përdorë metodën e kontrollit të automjeteve apo të personave edhe pa pasur raste dyshimi, metodë e cila në Gjermani zakonisht përdoret për arsye sigurie në raste konferencash të rëndësishme ndëkombëtare. 30 korrik 2018 (gazeta-Shqip.com)/DW |
| Tritol banesës së Gazmir Dacit, autori: Mora 5 mijë euro, e bleva në Fushë-Krujë Posted: 30 Jul 2018 01:15 AM PDT
Ai i ka thënë hetuesve se nuk ka asnjë konflikt me Xhelal Dacin, babain e të dënuarit për vrasje, dhe se aktin e rëndë e kreu vetëm sepse kishte nevojë për para. "Nuk kam asgjë më Xhelal Dacin, e bërë vetëm se më duheshin paratë. Të atin e Gazmir Dacit e njoh se jetoj në Kamzë", ka thënë Vilson Brahaj. Ai ka pranuar se është paguar 5 mijë euro për të vënë tritolin dhe ka rrëfyer se montimin e kanë bërë personat në Fushë-Krujë, ku ai e vleu lëndën shpërthyese.
"Mora 5 mijë euro për të vënë tritolin. Pranoj autorësinë e vendosjes së lëndës eksplozive. Jam i pa punë nuk kam asnjë të ardhur. Kisha nevojë për para prandaj e bëra", ka rrëfyer i riu me origjinë nga Kukësi. Brahaj gjithashtu tregoi vendin ku hodhi rrobat dhe fshehu makinën, ndërsa policia ka dyshime se 23-vjeçari është paguar nga familja Kolaveri, për të kryer shpërthimin. Kujtojmë se një nga djemtë e familjes Kolaveri është vrarë dhe një tjetër është plagosur nga Gazmir Daci, i cili ndodhet aktualisht në burg. 30 korrik 2018 (gazeta-Shqip.com) |
| Vetting-u fut në krizë kolegjet Posted: 30 Jul 2018 01:04 AM PDT
Artan Zeneli dhe Tom Ndreca nuk janë më në Kolegjin Penal, që ka ngelur vetëm me Edmond Islamaj. Admir Thanza është larguar nga Kolegji Administrativ, duke e lënë vetëm me Ardian Dvoranin dhe Xhezair Zaganjorin. Nga Kolegji Civil iku sot Shkëlzen Selimi, duke pasur vetëm Medi Bicin dhe Artan Brocin. 30 korrik 2018 (gazeta-Shqip.com) |
| Temperaturat rriten, por pasditja sot sjell shira Posted: 30 Jul 2018 01:02 AM PDT
Temperaturat e ajrit mbeten konstante në mëngjes, por tjetër rritje sjell mesdita, sipas Meteoalb, duke shënuar maksimalisht 38 gradë Celsius. 30 korrik 2018 (gazeta-Shqip.com) |
| Si ta kuptosh një burrë të dashuruar Posted: 30 Jul 2018 01:00 AM PDT
Ke nisur të dalësh me dikë por nuk je e sigurt në ndjenjat e tij. Sigurisht që të pëlqen, por do të kuptosh në dhe ai ndjen të njëjtën gjë. Sigurisht nuk është e lehtë për të kuptuar se çfarë ndodh në mendjen e një burri apo në zemrën e tij, por disa shenja dhe mund të na e tregojnë. Në dashuri ka rregulla të ndryshme, dhe më e rëndësishmja, gjithçka është çështje e marrëveshjes që duhet të ekzistojë midis partnerëve. Por psikologët arrijnë të dallojnë shenja që I veçojnë meshkujt e dashuruar, dhe na bëjnë ta kuptojmë më lehtë në ai do të jetë në jetën tonë. Ja disa prej tyre: Mesazhet Një mashkull I dashuruar është I vëmendshëm ndaj mesazheve. Ai nuk vonon asnjëherë të përgjigjet, pasi është gjithmonë në pritje të tij. Ai jo vetëm pret mesazhe por edhe shkruan të tillë. Vëmendja Një mashkull I dashuruar përpiqet të japë vëmendje, dhe shkëput gjithë lidhjet e mëparshme. Këtë mund ta kuptosh lehtë. Nëse ai do të jetë gjithë kohës me ty, sigurisht që nuk ka në horizont asnjë femër tjetër. Prioriteti Në dashuri ndryshojnë ekuilibrat. E nëse jeta e tij vijon të jetë si më parë, dhe vijon të takojë miqtë apo rutinën duke mos të vënë ty në vend të parë, atëherë nuk është I dashuruar. Ai nuk duhet të thotë se "kam një darkë me kolegët e punës", pasi ata s'mund të jenë asnjëherë më të rëndësishëm se ty. Instinkti Mos e injoroni instinktin. Ai mund tua tregojë shpesh më mirë se çfarë ndodh me të. Në fund dashuria është çështje të ndjeri dhe zemra di ta dallojë furtunën nga larg, apo diellin që po afrohet drejt saj. Dëgjojeni zemrën. 30 korrik 2018 (gazeta-Shqip.com) |
Problemet ekonomike kanë çuar në degjenerimin e debatit familjar në dhunë fizike dhe psikologjike në një familje në Dibër.
Policia e Shijakut ka arrestuar një person të shpallur në kërkim kombëtar për disa vepra penal.
Tre automjete janë aksidentuar paraditen e së hënës në autostradën Tiranë-Durrës. Fatmirësisht, nga aksidenti nuk ka persona të lënduar.
Medi Bici, kandidat për në Kolegjin e Lartë Gjyqësor, i është nënshtruar vetting-ut me përparësi dhe paraditen e së hënës doli përballë trupës së KPK në seancë dëgjimore.
Sipas njoftimeve të mediave policia gjermane është në kërkim të rreth 300.000 vetëve të shpallur në kërkim. Ndër ta 126.000 të huaj, shumica e të cilëve janë islamistë.
Autorësinë për vendosjen e tritolit në banesën e Gazmir Dacit, i riu nga Kukësi që u arrestua nga Policia e Tiranës, e ka pranuar menjëherë sapo është marrë në pyetje nga Blutë e kryeqytetit.
Pas vendimeve të deritanishme të vetting-ut, kolegjet janë në krizë.
Vijon paraditja me kthjellime dhe vranësira kalimtare në të gjithë vendin, por pasditja fuqizon vranësirat e sidomos në zonat malore dhe pjesërisht në zonat qendrore, ku priten rrebeshe shiu afatshkurtra
| You are subscribed to email updates from Gazeta SHQIP Online. To stop receiving these emails, you may unsubscribe now. | Email delivery powered by Google |
| Google, 1600 Amphitheatre Parkway, Mountain View, CA 94043, United States | |
Lexo edhe:
