“Sokoli: Unë do ta kisha inkuadruar Salahun nga minuta e parë” plus 9 more Telegrafi Futboll |
- Sokoli: Unë do ta kisha inkuadruar Salahun nga minuta e parë
- Ronaldo gjeti golin nga gjuajtja e lirë pas 45 tentimeve në garat e mëdha
- Hierro: Jemi si familje, nuk do ta ndërroja asnjë lojtar me Cristianon
- Bylbyl Sokoli: Do të ketë befasi në Grupin B nga Irani dhe Maroku, Munishi: Do të befasohen si do ta ndjekin topin
- Munishi: CR7 nuk është ekzekutuesi më i mirë, unë u thosha lojtarëve shkoni festoni para gjuajtjeve të lira
- Cristiano Ronaldo ka shënuar në garën e tetë të madhe rresht
- Dzagoev rrezikon të humbasë Botërorin pas lëndimit
- Notat e lojtarëve: Portugali 3-3 Spanjë, CR7 lë gjurmë në Sochi
- Hetriku spektakolar i CR7 shtang Spanjën në barazimin dramatik
- Diego Costa dhe Nacho me dy gola ekspres për ta shokuar Ronaldon dhe Portugalinë
| Sokoli: Unë do ta kisha inkuadruar Salahun nga minuta e parë Posted: 15 Jun 2018 03:16 PM PDT Trajneri i njohur kosovar me renome ndërkombëtare, Bylbyl Sokoli, ka folur për vendimin e trajnerit të Egjiptit për të mos inkuadruar Mohamed Salahun në ndeshjen ndaj Uruguait. Egjipti ishte një minut larg prej barazimit ndaj Uruguait, në një ndeshje ku tekniku vendosi të mos inkuadrojë superyllin e Liverpoolit. Bylbyl Sokoli në Duelin e Botërorit sqaroi se vendimi i trajnerit të Egjiptit nuk është një vendim që ai personalisht e preferon. “Unë do ta kisha inkuadruar nga minuta e parë. Sepse nëse ai mund të luaj, do të performojë për ekipin, por nëse lëndohet, është një zëvëndësim që do të bëhet”. “Nëse lojtari i lënduar inkuadrohet si zëvëndësues dhe më pas nuk mund të vazhdojë, janë dy zëvëndësime të realizuara dhe kjo më pas është hendikep”, u shpreh Sokoli në emisionin “Dueli i Botërorit” në TV Dukagjini. Egjipti ndeshjen e ardhshme e zhvillon ndaj Rusisë në kërkim të një fitore për të shpresuar për kualifikim. Ndiqni emisionin e plotë: The post Sokoli: Unë do ta kisha inkuadruar Salahun nga minuta e parë appeared first on Telegrafi. |
| Ronaldo gjeti golin nga gjuajtja e lirë pas 45 tentimeve në garat e mëdha Posted: 15 Jun 2018 02:54 PM PDT Plot 45 herë e kërkoi një gol të tillë – kapiteni i Portugalisë, Cristiano Ronaldo, shënoi më në fund nga gjuajtja e lirë dhe gol ky që siguroi një barazim të artë ndaj kombëtares së Spanjës. Ronaldo kishte tentuar të shënojë shumë herë. Plot 44 herë më parë, ai tentoi të shënojë gol në një Kampionat Evropian ose Botëror. Më në fund, ai gjeti një gol të tillë në momentet e fundit të takimit të Grupit B ndaj Spanjës, sfidë kjo e zhvilluar në Sochi. Kapiteni i Portugalisë dy herë kishte shënuar në Fisht para golit nga gjuajtja e lirë që shtangu të gjithë.  Panoramë, Foto: Getty Images Ronaldo gjeti këndin e djathtë të De Geas nga një distancë mjaft e largët, ku muri po ashtu nuk ishte i vendosur mirë. Portugezi mbetet të shihet se si do të performojë në ndeshjet e radhës ku sigurisht do të kërkojë gola të tillë sërish. /Telegrafi/
The post Ronaldo gjeti golin nga gjuajtja e lirë pas 45 tentimeve në garat e mëdha appeared first on Telegrafi. |
| Hierro: Jemi si familje, nuk do ta ndërroja asnjë lojtar me Cristianon Posted: 15 Jun 2018 02:29 PM PDT Përzgjedhësi i Spanjës, Fernando Hierro, ka përgëzuar lojtarët e tij për paraqitjen teksa mori përgjegjësinë mbi vete për largimin e Diego Costas si momentin që përcaktoi rënien e lojës së ekipit të tij. Spanja u rikthye dy herë nga disavantazhi për të krijuar madje epërsinë. Goli i epërsisë u zhvleftësua nga Cristiano Ronaldo i cili ishte i pakapshëm me një hetrik që u kompletua nga gjuajtja e lirë.  Foto: Getty Images “Ne kemi treguar karakter, krenari dhe personalitet. Ne jemi ekip i matur me personalitet. Ne jemi ekip. Ne nuk kemi dyshime në lojtarët tanë, jemi si familje. Të gjithë janë të rëndësishëm në këtë ekip”. “E kam kuptuar se Diego Costa ka mundur të na ndihmojë më shumë. Kemi pasur raste për 2-4, por ekip kishte besim në fitore. Kur ke një lojtar si Cristiano përpara, gjëra të tilla mund të ndodhin”. “Jam krenar me lojtarët e mi. Nuk do të ndërroja asnjërin për Cristiano Ronaldon. Kur ke lojtarë të tillë, gjithçka është më lehtë”. “Portieri është pozitë e veçantë, siç e dimë të gjithë. Por, ne nuk kemi dyshime në De Gean”, u shpreh Hierro. /Telegrafi/ The post Hierro: Jemi si familje, nuk do ta ndërroja asnjë lojtar me Cristianon appeared first on Telegrafi. |
| Posted: 15 Jun 2018 02:18 PM PDT Trajneri i njohur kosovar, Bylbyl Sokoli, ka vlerësuar se rënia e lojës nga Spanja erdhi si pasojë e zëvëndësimeve. Sokoli vlerësoi si të fuqishëm ekipin e Spanjës pas paraqitjes ndaj Portugalisë. Por, rënien e lojës në momentin e arritjes së epërsisë ja faturoi zëvëndësimeve, e mbi të gjitha, largimit të Julen Lopeteguit. “Po flasim për një kombëtare e cila ka larguar trajnerin i cili ka punuar me këtë ekip, ka bërë taktizimet, ishte e vështirë”, theksoi mes tjerash tekniku i njohur kosovar. Ai shtoi se në Grupin B mund të shkaktojnë befasi Irani dhe Maroku ndaj Spanjës dhe Portugali. Ky pohim nuk u prit mirë nga Ismet Munishi, i cili ironizoi me qëndrimin e Sokolit. “Do të befasohen si do ta ndjekin topin, po çfarë…”, theksoi i ashtuquajturi, “Baba”, Ismet Munishi. Bylbyl Sokoli, trajner aktual i Llapit, është pjesë e panelit të rregullt të “Duelit të Botërorit” në TV Dukagjini. Emisioni transmetohet çdo mbrëmje nga ora 22:30. /Telegrafi/ Ndiqeni emisionin më poshtë: The post Bylbyl Sokoli: Do të ketë befasi në Grupin B nga Irani dhe Maroku, Munishi: Do të befasohen si do ta ndjekin topin appeared first on Telegrafi. |
| Posted: 15 Jun 2018 01:53 PM PDT Trajneri i njohur kosovar, Ismet Munishi, ka vlerësuar performancën e Cristiano Ronaldos, por jo mjeshtrinë e tij nga gjuajtjet e lira në paraqitjen e tij në emisionin “Dueli i Botërorit” në TV Dukagjini. Ai deklaroi se Ronaldo shënoi një gol të bukur edhe pse nuk njihet si specialist. Madje Munishi shtoi se atë e nervozon portugezi kur kërkon ekzekutimin e gjuajtjeve të lira te Real Madridi edhe pse ka të tjerë që gjuajnë më mirë prej gjuajtjeve standarde. “Nuk është ekzekutuesi më i mirë, por ja që shënoi”. “E di personalisht kur kam qenë si lojtar, u thosha lojtarëve të bëhen gati të festojnë para gjuajtjeve të lira. Isha aq i sigurt”, shtoi mes tjerash Munishi. Emisioni “Dueli i Botërorit” ka filluar në ora 22:30 në TV Dukagjini, një emision i veçantë me të ftuar special, analiza, detaje dhe statistika. /Telegrafi/ Ndiqeni këtu emisionin: The post Munishi: CR7 nuk është ekzekutuesi më i mirë, unë u thosha lojtarëve shkoni festoni para gjuajtjeve të lira appeared first on Telegrafi. |
| Cristiano Ronaldo ka shënuar në garën e tetë të madhe rresht Posted: 15 Jun 2018 01:44 PM PDT Superylli Cristiano Ronaldo pati një mbrëmje historike për të ndaj kombëtares së Spanjës. Ylli portugez ishte i pandalshëm, duke realizuar hetrik në barazimin prej 3-3. Si rezultat, Ronaldo ka arritur në një arritje të paprecedentë të shënuarit në gara të mëdha.
Që prej se shënoi në vitin 2004, ai ka shënuar gola në tri kampionate tjera evropiane dhe në katër Kampionate Botërore. Ronaldo është lojtari i katërt që shënon në katër Kampionate Botërore, duke ndjekur hapat e Uëe Seeler, Peles dhe Miroslav Kloses.
Ky ishte hetriku i parë për Botërorin, Rusia 2018. Portugalia dhe Spanja kanë nga një pikë në Grupin B të Botërorit, Rusia 2018. /Telegrafi/ The post Cristiano Ronaldo ka shënuar në garën e tetë të madhe rresht appeared first on Telegrafi. |
| Dzagoev rrezikon të humbasë Botërorin pas lëndimit Posted: 15 Jun 2018 01:33 PM PDT Për Alan Dzagoevin ky Botëror mund të jetë i përfunduar. Gjithnjë sipas një njoftimi të kombëtares ruse, lojtari do t’u nënshtrohet skanimeve dhe mund të mungojë për pjesën e mbetur të Botërorit. Ylli rus u lëndua në kofshë gjatë pjesës së parë të ndeshjes hapëse të Botërorit ndaj Arabisë Saudite. “Alan Dzagoev dëmtoi muskulin prapa kofshës”.  Trajneri i Rusisë me festin interesant, Foto: Getty Images “Trajtimi do të përcaktohet pas skanimeve MRI”, shkruan në një komunikatë të kombëtares ruse. Përkundër lëndimit të Dzagoevit, Rusia udhëhoqi me rezultat 2-0 pas pjesës së parë falë golave të Yuri GAzinskiy dhe zëvëndësuesit Denis Cheryshev. Rusia ndeshjen e ardhshme e zhvillon më 19 qershor ndaj Egjiptit. /Telegrafi/ The post Dzagoev rrezikon të humbasë Botërorin pas lëndimit appeared first on Telegrafi. |
| Notat e lojtarëve: Portugali 3-3 Spanjë, CR7 lë gjurmë në Sochi Posted: 15 Jun 2018 01:06 PM PDT Kombëtarja e Portugalisë edhe pse pati dy herë epërsinë, në fund arriti vetëm një barazim prej 3-3 ndaj Spanjës. Por, edhe për barazimin portugezët ju falën Cristiano Ronaldos, i cili kompletoi hetrikun e tij me një gol spektakolar nga gjuajtja e lirë. Ronaldo më parë shënoi edhe dy gola tjerë që gjetën përgjigje. Panoramë, Foto: Getty Images Diego Costa shënoi dy gola duke treguar se është në top formë. Një supergol u realizua edhe nga Nacho, i cili vlerësohet lart për performancën e tij. Jo aq vlerësime meriton De Gea, i cili realizoi gabimin e tretë në tri ndeshje rresht për kombëtaren e tij. Notat e Portugalisë:
Notat e Spanjës:
The post Notat e lojtarëve: Portugali 3-3 Spanjë, CR7 lë gjurmë në Sochi appeared first on Telegrafi. |
| Hetriku spektakolar i CR7 shtang Spanjën në barazimin dramatik Posted: 15 Jun 2018 12:52 PM PDT Cristiano Ronaldo ka realizuar një hetrik dhe ka qenë vendimtar në barazimin e Portugalisë ndaj Spanjës në sfidën me shumë ndryshim në rezultat e që përfundoi me barazim 3-3. Sfida në Sochi në stadiumin impozant Fisht Stadium ku dëgjohej zëri i Era Istrefit para ndeshjes, filloi me atmosferë impozante.  Foto: Getty Images Ronaldo pas vetëm katër minutash lojë kaloi Portugalinë në epërsi pas një penaltie të realizuar mjeshtrisht. Spanja filloi të krijonte raste të shumta dhe arriti të gjejë golin e barazimit 20 minuta më vonë.  Foto: Getty Images Diego Costa pas një kundërsulmi pranoi topin në zonë për të mashtruar disa lojtarë, e për të lansuar goditjen që la pa opsione portierin portugez për 1-1. Në fund të pjesës së parë Ronaldo sërish realizoi, teksa Spanja po kërkonte fuqishëm epërsinë. Një goditje e ulët e fuqishme befasoi De Gean i cili gaboi dhe la për herë të dytë skuadrën e tij në disavantazh. 2-1 për Portugalinë, e goli i dytë i mbrëmjes për Ronaldon.  Foto: Getty Images Portugalia mendoi se ishte afër fitores dhe hyri me mungesë përqëndrimi në pjesën e dytë. Kjo u shfrytëzua nga Stuhia e Kuqe. Diego Costa pas një topi të Busquetsit shënoi nga afërsia për 2-2 (55′) dhe vetëm tri minuta më vonë me një volej fantastik Nacho la të shtangur portierin portugez për 3-2. Spanja riktheu epërsinë në mënyrë të stuhishme, kurse sulmet e dy skudrave vazhduan deri në fund të takimit, kur edhe Portugalia gjeti barazimin. Foto: Getty Images Ronaldo nga gjuajtja e lirë (88′) arriti të fotografojë sërish De Gean për të realizuar për 3-3 dhe barazimin e rezultatit. Gol i çmendur për hetrikun e portugezit. Pas ndeshjeve të para Irani ka kryesimin në Grupin B me tri pikë, kurse Spanja dhe Portugalia pasojnë me nga një pikë. Maroku s’ka pikë. /Telegrafi/
The post Hetriku spektakolar i CR7 shtang Spanjën në barazimin dramatik appeared first on Telegrafi. |
| Diego Costa dhe Nacho me dy gola ekspres për ta shokuar Ronaldon dhe Portugalinë Posted: 15 Jun 2018 12:19 PM PDT Diego Costa dhe Nacho kanë realizuar dy gola të shpejt për të rikthyer eprsinë në 10 minutat e parë të pjesës së dytë. Ashtu sikurse ishte pritur, Spanja hyri me ofensive në pjesën e dytë. Mungesa e përqëndrimit u shfaq kur Diego Costa në minutën e 55-të shënoi me ndihmën e Busquetsit për të eklipsuar Ronaldon dhe për të barazuar rezultatin.
Vetëm tri minuta më vonë Nacho realizoi me një super volej që qëlloi shtyllën dhe më pas përfundoi edhe në rrjetë. Ndeshja po vazhdon me portugezët që janë të shokuar pas dy golave të shpejtë. /Telegrafi/
The post Diego Costa dhe Nacho me dy gola ekspres për ta shokuar Ronaldon dhe Portugalinë appeared first on Telegrafi. |
| You are subscribed to email updates from Futboll – Telegrafi. To stop receiving these emails, you may unsubscribe now. | Email delivery powered by Google |
| Google, 1600 Amphitheatre Parkway, Mountain View, CA 94043, United States | |
Lexo edhe:
