“Arrat dhe vlerat e tyre” plus 9 more Ekonomia Online |
- Arrat dhe vlerat e tyre
- Nëse keni këto shenja, duhet të pini më shumë ujë
- Reshitaj në Vjenë bën thirrje për zbutjen e pasojave të ndryshimeve klimatike
- Java e parë e verës e ftohtë e me shi
- Reagimi i Dardan Molliqajt për zgjedhjen e Gent Begollit kryeshef të Telekomit
- Disa zona të Prishtinës nesër do të mbesin pa ujë, shkak punimet
- Shpërthen gypi i kanalizimit, vërshohet rruga “Gazmend Zajmi”
- Këshilltari i Hamzës i përgjigjet Haradinajt: Nuk jemi në odë, jemi në institucione
- Vajza e pronarëve të RTV21 martohet me gazetarin Fatmir Aliu
- Rezultatet e shigjetarëve në kualifikime përballin mes vete Atdhe Luzhnicën dhe Hazir Asllanin
Posted: 22 Jun 2018 10:10 AM PDT Arrat, në veçanti, përdoren edhe në kozmetikë, për bukurinë e lëkurës, në fakt prej tyre nxirret edhe vaji më shumë vlera të mira. Por cilat janë të gjitha të mirat e tyre terapeutike dhe ushqyese? Vlerat ushqyese Arrat kanë shumë kalori, rreth 650 kal për 100 gramë. Në arra gjejmë 16% proteina, 12% glucide dhe më shumë se 60% yndyra. Për sa i përket këtyre të fundit, nuk flitet për yndyra negative për organizmin, përkundrazi, por për të famshmen omega 3 dhe omega 6, të cilat kanë një aksion pozitiv mbi kolesterolin dhe trigliceridet. Arrat janë të pasura me kripëra minerale, si potas, hekur, fosfor, magnez, kalcium dhe vitamina. Mes tyre B1, B2, B6 dhe vitamina E, e cila ndihmon për te parandaluar radikalet e lira dhe si pasojë plakjen. Vlerat shëndetësore të arrës Vlerat ushqyese dhe shëndetësore të arrave janë më të vërtet të shumta. Fillimisht, arrat përmbajnë një substance aminoacide bazike të quajtur argininë, shumë e rëndësishme për të parandaluar arterosklerozën. Për më tepër, arrat mund të konsumohen edhe si qëllim për të parandaluar këto patologji. Duke qenë shumë ushqyese, arrat mund të konsumohen edhe për të luftuar stresin, për të njëjtin motiv, mund të futen në dieta vegjetariane për të shtuar sasinë e proteinave. Arrat gjithashtu janë të këshilluara edhe në periudhën e shtatzënisë, për përmbajtjen e lartë të omega 3, për një zhvillim të fetusit. Kundër ndikimet, janë të pakta dhe me tepër janë të lidhura me konsumin e tepërt të arrave. The post Arrat dhe vlerat e tyre appeared first on Ekonomia Online. |
Nëse keni këto shenja, duhet të pini më shumë ujë Posted: 22 Jun 2018 10:00 AM PDT Nuk ka shumë gjëra më freskuese sesa uji, në këtë mot të nxehtë. Prapëseprapë, shumica prej nesh nuk pimë ujë mjaftueshëm në baza ditore. E duke bërë kështu, ne e dëmtojmë trupin tonë. Nëse i vëreni këto shenja tek vetja juaj, ju rekomandojmë që të pini më shumë ujë. 1. Goja juaj është e thatë 2. Lëkura juaj është e thatë 3. Sytë tuaj janë të thatë 4. Po përjetoni dhimbje në nyje 5. Keni probleme me tretje The post Nëse keni këto shenja, duhet të pini më shumë ujë appeared first on Ekonomia Online. |
Reshitaj në Vjenë bën thirrje për zbutjen e pasojave të ndryshimeve klimatike Posted: 22 Jun 2018 09:33 AM PDT Ministrja e Mjedisit dhe Planifikimit Hapësinor Albena Reshitaj në kuadër të vizitës së saj zyrtare në Vjenë mori pjesë në Panelin e Lartë "Politikat e Energjisë dhe Klimës pas vitit 2020" organizuar nga Komuniteti i Energjisë, në të cilën po marrin pjesë ministra nga shtetet e rajonit dhe ekspertë që kanë përgatitur dokumente të rëndësishme në fushën e ndryshimeve klimatike. Në fjalën e saj në këtë panel ministrja Reshitaj foli për të arritur e Kosovës në fushën e ndryshimeve klimatike dhe energjisë së ripërtëritshme duke theksuar se për të zbutur pasojat dhe për t'u përshtatur me ndryshimet klimatike duhet që secili shtet të jep kontributin e vet. Reshitaj deklaroi se Kosova ka punuar në hartimin e legjislacionit duke filluar me transpozimin e Rregullores per Mekanizmin e Monitorimit. Poashtu sipas saj është përfunduar drafti i Strategjisë për Ndryshime Klimatike, objektivi kryesor i së cilës është zvogëlimi i emetimet të gazrave serrë përmes rritjes së efiçiencës së energjisë në të gjithë sektorët, zhvillimit të burimeve të energjisë së ripërtëritshme dhe shfrytëzimit të qëndrueshëm të burimeve natyrore. "Duke marrë parasysh që ndryshimet klimatike janë problem global që rrezikon mirëqenien e tërë qytetareve të botës, edhe angazhimi dhe zgjidhjet duhet të jenë të përbashkëta. Pra secili shtet duhet ti kryej detyrat dhe përgjegjësitë që ka në këtë drejtim, në mënyrë që të përmirësojmë gjendjen e ndotjes se ajrit, andaj duhet të fokusohemi se si ne mund ta përmirësojmë atë duke e ulur përdorimin e gazrave të dëmshme, thëngjillit dhe lendeve tjera të cilat ulin kualitetin e jetës dhe që ndikojnë drejtpërdrejt në mirëqenien dhe jetëgjatësinë tonë" tha nder të tjerash ministrja Reshitaj. Gjatë këtij forumi ministrja Reshitaj ka realizuar takime bilaterale me përfaqësues të shteteve e mekanizmave ndërkombëtar si: Komuniteti Energjetik, Agjencia Ndërkombëtare për Energji të Ripërtëritshme- IRENA, Agjencia e Mjedisit- Austri etj, nga të cilët mori përkrahje për realizimin e projekteve në fushën e ndryshimeve klimatike dhe energjisë së ripërtëritshme.
The post Reshitaj në Vjenë bën thirrje për zbutjen e pasojave të ndryshimeve klimatike appeared first on Ekonomia Online. |
Java e parë e verës e ftohtë e me shi Posted: 22 Jun 2018 08:57 AM PDT Instituti Hidrometeorologjik i Kosovës, ka njoftuar për parashikimin e motit për këtë vikend. Vendi ynë, thuhet se do të jetë nën ndikimin e masave të ftohta të ajrit me origjinë nga veriu. Në këtë situatë meteorologjike parashihet të mbajë mot i ftohtë dhe pa reshje shiu. "Temperaturat minimale parashihen të ulën ndjeshëm në të dy vlerat ekstremale, minimalet nga 8-10 gradë Celsius, ndërsa maksiamlet e ditës parashihet të lëvizin ndërmjet 18-20 gradë Celsius. Shtypja atmosferike do të lëvizë rreth vlerave të normales. Indeksi UV mbetet i ulët deri mesatar. Do të fryjë erë nga verilindja dhe veriperendimi me shpejtësi 1-6m/s", thuhet në njoftim, transmeton Koha.net. Pjesa e parë e javë së ardhshme parashihet të jetë me reshje shiu dhe me temperatura afërsisht të ngjashme me të vikendit. The post Java e parë e verës e ftohtë e me shi appeared first on Ekonomia Online. |
Reagimi i Dardan Molliqajt për zgjedhjen e Gent Begollit kryeshef të Telekomit Posted: 22 Jun 2018 08:47 AM PDT Deputeti nga radhët e Partisë Socialdemokrate, Dardan Molliqaj, ka reaguar pas zgjedhjes së Gent Begollit, në postin e kryeshefit ekzekutiv të Telekomit. Molliqaj ka shkruar në Facebook, se emërimi i Begollit është vazhdimësi i kapjes së ndërmarrjeve publike nga pushtetarët. "Zgjedhja e Gent Begollit (AAK) në pozitën e kryeshefit ekzekutiv të Telekomit është vazhdim i kapjes së ndërmarrjeve publike nga pushtetarët", ka shkruar Molliqaj. Molliqaj shton se ndërmarrjet shoqërore duhet të udhëhiqen nga profesionistë, duke aluduar në joprofesionalizmin e Begollit. "Ndërmarrjet tona publike e shoqërore duhet të udhëhiqen nga njerëz profesionistë e jo nga njërëz të partisë sikurse rasti i Begollit i cili nuk e ka as idenë më të vogël në lidhje me telekomin", vazhdon tutje Molliqaj. Për deputetin e PSD-së, Kosova ka nevojë për një gjeneratë të re të politikës, që sipas tij ka guxim për ta luftuar kapjen dhe kriminalizimin e shtetit. "Kosovës i duhet një gjeneratë e re në politikë, e cila ka guximin dhe dijen për ta luftuar kapjen e shtetit dhe kriminalizimin e tij", përfundon shkrimi i Molliqat. Gent Begolli ka qenë drejtor i shërbimeve publike në qeverisjen e kaluar në Prishtinë nga radhët e Aleancës për Ardhmërinë e Kosovës. Ai kishte qenë bartës i listës së AAK-së në zgjedhjet lokale për Komunën e Prishtinës. The post Reagimi i Dardan Molliqajt për zgjedhjen e Gent Begollit kryeshef të Telekomit appeared first on Ekonomia Online. |
Disa zona të Prishtinës nesër do të mbesin pa ujë, shkak punimet Posted: 22 Jun 2018 08:34 AM PDT Kompania Rajonale e Ujësjellësit "Prishtina" sh.a. njofton konsumatorët e rrugës "Luan Haradinaj", konsumatorët e lagjes "Pejton", "Dardania", "Lakrishte", "Kalabria" se, gjatë ditës së nesërme, 23 qershor 2018 e shtunë, duke filluar nga ora 09:00 – 17:00, gjithsej 8 orë, do të kenë mungesë të furnizimit me ujë të pijshëm. Arsyeja e ndërprerjes së furnizimit me ujë janë punimet teknike, gjegjësisht mundësimi i instalimit të pusetave zonale në kuadër të projekteve investive të KRU "Prishtina" sh.a., puseta që do të instalohen te Stacioni i Policisë në Qendër të Prishtinës dhe te Pallati i Rinisë dhe Sporteve. Me këtë rast, përveç zonave të lartëcekura, mungesën e ujit të pijshëm do e ndjejnë edhe konsumatorët te Qendra e Regjistrimit Civil. Këto punime teknike po realizohen me qëllim të përmirësimit të vazhdueshëm të infrastrukturës së rrjetit të ujësjellësit dhe kanalizimit, thuhet në njoftimin nga KRU "Prishtina". The post Disa zona të Prishtinës nesër do të mbesin pa ujë, shkak punimet appeared first on Ekonomia Online. |
Shpërthen gypi i kanalizimit, vërshohet rruga “Gazmend Zajmi” Posted: 22 Jun 2018 08:32 AM PDT Një gyp që i kanalizimit ka shpërthyer në rrugën “Abdyl Frashëri” ka vërshuar rrugën “Gazmend Zajmi”, në lagjen Aktash në Prishtinë, transmeton Koha.net. Kalimtarët e kanë pasur të vështirë kalimin nëpër ngushticën në të cilën është krijuar një ujëvarë e vogël shkaku i ujit që kalonte nga shpërthimi i gypit të kanalizimit. The post Shpërthen gypi i kanalizimit, vërshohet rruga "Gazmend Zajmi" appeared first on Ekonomia Online. |
Këshilltari i Hamzës i përgjigjet Haradinajt: Nuk jemi në odë, jemi në institucione Posted: 22 Jun 2018 08:29 AM PDT Ministri i Financave, Bedri Hamza së bashku me 7 këshilltarë të tij nuk e kanë pranuar pagën me rritje. Edhe pse i kanë kryer të gjitha procedurat që zyrtarëve qeveritarë t'i dalin pagat me rritje, vet drejtuesi i ministrisë së financave, Bedri Hamza me këshilltarët e tij po refuzon të ia qes edhe vetës këtë pagë të lartë. "Ministri Hamza ka kërkuar që të mos e marrë pagën me rritje dhe s'po dëshiron me shftyrëzu këtë të drejtë. Njëjtë edhe 7 këshilltaret e tij, nuk po dojnë me shfrytëzu pagën me rritje", tha për KALLXO.com Lulzim Rafuna, këshilltar i ministri Hamza. Rafuna e ka konfirmuar se të tjerët që i prek ky vendim i Qeverisë do e marrin pagën me rritje. Kryeministri Haradinaj sot gjatë ditës në mes tjerash tha se ministri Hamza mundet me kallxu "burrni", por vendimin duhet ta zbatojë. Sipas Rafunës, kjo nuk lidhet me burrni, sepse bëhet fjalë për institucione e jo oda. "Është çështje individuale kjo, nuk ka të bëjë kjo me burrni, nuk jemi në odë, jemi në institucione. Ideja është që a mendon që është vendim i drejtë një vendim i tillë apo ligjor. Ligjor është mëndu që është sepse kushtetuesja e ka thënë këtë, mirëpo tash s'po dojmë me shfrytëzu sepse kemi kërku që kjo gjë të rregullohet me ligj", tha tutje Rafuna. Ndërsa sa i përket asaj që Kryeministri tha se Hamza ta tregoj burrninë e tij duke e sjellë ligjin për nivelizim të pagave, Rafuna thotë se Ministria e Administratës Publike duhet ta punojë ligjin. "Ne si ministri e kemi mbështetë këtë, zyrtarët e buxhetit e kanë përgatitë këtë, kanë punuar që disa ditë. Tani është çështje e Ministrisë së Administratës Publike sepse ata janë sponzorizues të këtij ligji. Ne e mbështesim veç në kuptim të buxhetimit. Pavarësisht kostos, Ministria e Financave do ta mbështesë", tha tutje Rafuna për kallxo.com. The post Këshilltari i Hamzës i përgjigjet Haradinajt: Nuk jemi në odë, jemi në institucione appeared first on Ekonomia Online. |
Vajza e pronarëve të RTV21 martohet me gazetarin Fatmir Aliu Posted: 22 Jun 2018 08:23 AM PDT Vajza e pronarëve të RTV21, Afërdita Saraçini – Kelmendi dhe Florin Kelmendi, Parta, i ka dhënë fund beqarisë, duke u martuar me gazetarin Fatmir Aliu, i cili është po ashtu pjesë e këtij televizioni, kryeredaktor i RTV21 në Maqedoni. Parta dhe Fatmiri kurorëzimin e martesës e kanë bërë në Las Vegas të Shteteve të Bashkuara të Amerikës, nga ku kanë postuar edhe foto në rrjetet e tyre sociale, shkruan gazetametro.net. Aliu para se të kalonte në RTV21, ka punuar edhe në Koha Ditore, Radio Evropa e Lirë dhe Klan Kosova. Ndërsa Parta, një kohë të gjatë ka qenë producente në RTV21, por prej rreth 3 vitesh nuk ka qenë aktive në media. Gazetari Aliu ka qenë i martuar me vajzën e historianit të njohur, Jusuf Buxhovi, martesë nga e cila ka dy vajza. The post Vajza e pronarëve të RTV21 martohet me gazetarin Fatmir Aliu appeared first on Ekonomia Online. |
Rezultatet e shigjetarëve në kualifikime përballin mes vete Atdhe Luzhnicën dhe Hazir Asllanin Posted: 22 Jun 2018 08:12 AM PDT Ekipi i shigjetarisë ka përfunduar garën kualifikuese për renditje më të mirë në disiplinën hark olimpik, të Lojërave Mesdhetare Tarragona 2018. Pas rezultateve të sotme, do të kemi nesër përballjen e dy garuesve nga Kosova, Atdhe Luzhnica dhe Hazir Asllani, të cilët do të sfidohen në 1/24 e finales. Në garat kualifikuese, Atdhe Luzhnica pati rezultatin më të mirë, duke u renditur në vendin 31 nga 40 garues. Luzhnica mblodhi 570 pikë nga të dy seritë. Shigjetari tjetër, Hazir Asllani, u rendit tri pozita më poshtë (34), me 549 pikë. Në bazë të këtyre pozitave, shorti deshi që të kemi një përballje kosovare. Në konkurrencën e femrave, Ardita Zejnullahu, doli e 21-ta (494 pikë) nga 24 garuese. Ajo në 1/16-ën e finales takohet me sllovenen, Ana Umer. Garat e nesërme fillojnë nga ora 9:30. The post Rezultatet e shigjetarëve në kualifikime përballin mes vete Atdhe Luzhnicën dhe Hazir Asllanin appeared first on Ekonomia Online. |
You are subscribed to email updates from Ekonomia Online. To stop receiving these emails, you may unsubscribe now. | Email delivery powered by Google |
Google, 1600 Amphitheatre Parkway, Mountain View, CA 94043, United States |
Lexo edhe: