““Një argjentinas, uruguaian dhe spanjoll…”: Bëhet hit në internet video e Suarezit, Messit dhe Albas” plus 9 more Telegrafi Futboll
““Një argjentinas, uruguaian dhe spanjoll…”: Bëhet hit në internet video e Suarezit, Messit dhe Albas” plus 9 more Telegrafi Futboll |
- “Një argjentinas, uruguaian dhe spanjoll…”: Bëhet hit në internet video e Suarezit, Messit dhe Albas
- Unai Emery i pakënaqur me vendimet e gjyqtarit
- Gerrard thotë se Emre Can po largohet, konfirmon transferimin e tij te Juve në verë?
- Zinedine Zidane: Kishim paraqitje të shkëlqyer, por asgjë s’ka përfunduar
- Porto 0-5 Liverpooli: Notat e lojtarëve, maksimale Mane
- Sergio Ramos: Reali kurrë nuk duhet të llogaritet i vdekur
- Ish-gjyqtari spanjoll, Iturralde Gonzalez: Nuk ishte penalti në rastin e Toni Kroosit
- Porto ‘viktimë’ e mungesës së Liverpoolit në fazën e eliminimit direkt në LK
- Reali tregon kush është kampioni, nënshtron PSG-në në Bernabeu
- Ronaldo i rekordeve, futet në histori të Ligës së Kampionëve: Top pesë golashënuesit më të mirë
“Një argjentinas, uruguaian dhe spanjoll…”: Bëhet hit në internet video e Suarezit, Messit dhe Albas Posted: 14 Feb 2018 03:22 PM PST Rrjetet sociale janë në kulmin e përdorimit aktualisht dhe mjafton një postim i një personi të rëndomtë për një temë të caktuar dhe menjëherë gjithçka bëhet virale. Shembull i kësaj është një video e Luis Suarezit, Lionel Messit dhe Jordi Albas, ku pas postimit të saj është krijuar një debat, por këtë herë në kuptimin edukativ. “Një argjentinas, uruguaian dhe spanjoll, takojnë një pengesë…“, shkruhej në përshkrimin e një video ku treshja e Barcelonës kalojnë një barrierë, secili në mënyrën e vetë. Video u postua nga një llogari në Twitter me emrin ‘Fede Pramal’ dhe brenda 24 orëve ka marrë mbi 70 mijë retweets (shpërndarje) dhe rreth 130 mijë pëlqime. Duke lënë shifrat anash, kryefjala është debati që ka krijuar kjo video e thjeshtë e postuar nga një person i rëndomtë. Debati i gjerë tema e të cilit janë lojtarët, ku secili përfaqëson një kulturë dhe një edukim ndryshe. Messi vendos të futet përfundi barrierës (shufrës metalike), Suarez mbi, ndërsa Alba nuk u ndikua nga bashkëlojtarët e tij dhe vendos të ec rrugës së ndërtuar. E postua si një shaka e thjesht, por e gjitha kjo u shndërrua në temë se sa ndryshojnë modelet e arsimit të Amerikës Latine me atë të Evropës. Po ju si thoni, jeni pjesë e debatit se është mënyrë kulture/arsimimi, apo thjesht refleks i rastit. /Telegrafi/
The post “Një argjentinas, uruguaian dhe spanjoll…”: Bëhet hit në internet video e Suarezit, Messit dhe Albas appeared first on Telegrafi. |
Unai Emery i pakënaqur me vendimet e gjyqtarit Posted: 14 Feb 2018 03:20 PM PST Real Madrid ka shënuar fitore në takimin e parë të fazës pas grupore në Ligën e Kampionëve. Madrilenët triumfuan para shikuesve të vetë në saje të tre golave të shënuar dhe një të pranuar kundër Paris Saint-Germain. Pas takimit ka folur trajneri i skuadrës franceze, Unai Emeryt, i cili tërthorazi ka akuzuar gjyqtarët se kanë ndikuar në rezultatin përfundimtar. “Shpjegimi është i thjeshtë, ne duhet të marrim parasysh 90 minutat e lojës. Ekipi ynë ka luajtur një lojë fantastike, por edhe pse rezultati nuk është i mirë, ne luajtëm me personalitet. Por me dy qëllimet e tyre të fundit ishte e vështirë”. “Ndoshta çdo gjë është e vendosur nga detajet e vogla, gjyqtari nuk na ka ndihmuar, por ishte e qartë se na ka dëmtuar”, tha spanjolli. Emery më tutje ka folur rreth gjyqtarit italian Gianluica Rocchi, të cilin e ka krahasuar me gjyqtarin e ndeshjes së vitit të kaluar, Deniz Aytekin, i cili u kontestua me gjykimin në takimin e PSG-së kundër Barcelonës. “Po mund të jetë, u ripërsërit. Prej fillimit ishte më i afërt me Real Madridin, por për mua nuk ishte penalti në rastin e Kroosit. Ai përdori kritere të ndryshme sa i përket te Ramosi”. “Unë kam shumë besim te ekipi, së pari e shoh rezultatin, i cili nuk është pozitiv, por mund të kthehemi, por jam i lumtur me ekipin tim”, tha Emery. Ndryshe, takimi i ardhshëm mes këtyre dyja skuadrave do të zhvillohet më 6 mars, në stadiumin Parc de Princes. /Telegrafi/ The post Unai Emery i pakënaqur me vendimet e gjyqtarit appeared first on Telegrafi. |
Gerrard thotë se Emre Can po largohet, konfirmon transferimin e tij te Juve në verë? Posted: 14 Feb 2018 03:06 PM PST Legjenda e Liverpoolit, Steven Gerrard, i ka forcuar akoma spekulimet se Emre Can do t’i bashkohet Juventusit. Ka kohë që raportohet se mesfushori që e përfaqëson Gjermaninë ka arritur marrëveshje bazë për të kaluar te Zonja e Vjetër në verën e ardhshme, duke qenë se atij i përfundon kontrata me Redsat në fund të këtij sezoni. Can nuk luajti kundër Portos për shkak të suspendimit, ndërsa ish-mesfushori anglez që tash ishte i angazhuar si ekspert nga BT Sport, ka folur rreth opsioneve të Jurgen Kloppit në mesfushë. Strategu gjerman vendosi të luante në mesfushë me Henderson, James Milner dhe Georginio Wijnaldum, ndërsa Gerrard ka thënë se Liverpooli duhet të mësohet të luajë pa 24-vjeçarin. Kur është pyetur se a do të mund të luajë Hendersoni pas transferimit të Naby Keitas nga RB Leipzigu, legjenda e ‘Të Kuqve’ la thënë: “Duhet të shohim çfarë do të ndodhë, sepse Emre Can po largohet dhe është e qartë se Keita po vjen”. Gerrard mendon se Henderson luan futbollin më të mirë në një pozitë më të avancuar dhe beson se Can është përshtatur më shumë të luajë në pozitën e mesfushorit defensiv. Liverpooli ka arritur marrëveshje me RB Leipzigun për transferimin e Keitas për 52 milionë funte (58.5 milionë euro) dhe ai do të luajë në Anfield nga korriku i këtij viti. /Telegrafi/ The post Gerrard thotë se Emre Can po largohet, konfirmon transferimin e tij te Juve në verë? appeared first on Telegrafi. |
Zinedine Zidane: Kishim paraqitje të shkëlqyer, por asgjë s’ka përfunduar Posted: 14 Feb 2018 02:49 PM PST Real Madrid ka shënuar fitore në takimin e parë të fazës pas grupore në Ligën e Kampionëve. Madrilenët triumfuan para shikuesve të vetë në saje të tre golave të shënuar dhe një të pranuar kundër Paris Saint-Germain. Pas takimit ka folur trajneri i kampionëve aktual, Zinedine Zidane, i cili ka pohuar se të besuarit e tij kanë pasur një paraqitje të shkëlqyer. “Ne kemi luajtur një ndeshje të shkëlqyer si ekip që nga fillimi. Ishte një fitore e merituar, jemi shumë të kënaqur me rezultatin dhe me paraqitjen. Kemi pasur personalitet dhe tifozët tanë kanë qenë gjatë gjithë kohës në mbështetje të ekipit”. “Iscos i kam kërkuar kontrollimin e topit dhe atë e bërë. Me katër mesfushorë kundër tre prej tyre, Isco bëri një lojë të madhe”. “Rezultati 3-1 nuk do të thotë se gjithçka ka mbaruar. Është edhe një ndeshje kthyese, ne duhet ta luajmë atë dhe të besojmë, sepse do të jetë një histori tjetër dhe e dimë se do të vuajmë. Nuk e di nëse ndeshja më e mrekullueshme e sezonit”, tha Zidane. Ndryshe, takimi i ardhshëm mes këtyre dyja skuadrave do të zhvillohet më 6 mars, në stadiumin Parc de Princes. /Telegrafi/ The post Zinedine Zidane: Kishim paraqitje të shkëlqyer, por asgjë s’ka përfunduar appeared first on Telegrafi. |
Porto 0-5 Liverpooli: Notat e lojtarëve, maksimale Mane Posted: 14 Feb 2018 02:43 PM PST Liverpool ka fituar me rezultat 0-5 ndaj Portos në Ligën e Kampionëve. Golat për Reds i shënuan: Sadio Mane (25′, 53′, 85′), Mohamed Salah (28′) dhe Roberto Firmino (69′). Më i miri në ndeshje ishte Mane, i cili mori notën maksimale në këtë takim. Dy golashënuesit tjetër kanë notë të lartë dhe pastaj James Milner dhe Virgil van Dijk. Për Porton më i miri ishte Hector Herrera, Alex Telles dhe Yacine Brahimi. Notat e lojtarëve të Portos: Notat e lojtarëve të Liverpoolit: The post Porto 0-5 Liverpooli: Notat e lojtarëve, maksimale Mane appeared first on Telegrafi. |
Sergio Ramos: Reali kurrë nuk duhet të llogaritet i vdekur Posted: 14 Feb 2018 02:14 PM PST Real Madrid ka shënuar fitore në takimin e parë të fazës pas grupore në Ligën e Kampionëve. Madrilenët triumfuan para shikuesve të vetë në saje të tre golave të shënuar dhe një të pranuar kundër Paris Saint-Germain. Pas takimit ka folur kapiteni i vendasve, Sergio Ramos, i cili ka pohuar se asgjë s’ka përfunduar dhe se duhet përqendrim maksimal në Paris. “Real Madridi kurrë nuk duhet të llogaritet i vdekur. Ka ditë që mbeten për t’u kujtuar dhe mënyra më e mirë ishte të bëhet me personalitet. Është një fitore e rëndësishme për rikthim.” “Çdo gabim mund të na lërë jashtë dhe në Paris duhet të mbajmë përqendrimin maksimal. Kemi qenë më efektiv se javë më parë”. “Ne kemi vuajtur pak me gabimet dhe se lojtarë e tyre ishin të shpejtë, por ne i rikuperuam. Sa i përket penaltive, topi më godet në gjoks dhe në krah. Ne kemi bërë një hap të rëndësishëm, por ndeshja është e hapur. Duhet të vazhdojmë të punojmë”, tha spanjolli. Ndryshe, takimi i ardhshëm mes këtyre dyja skuadrave do të zhvillohet më 6 mars, në stadiumin Parc de Princes. /Telegrafi/ The post Sergio Ramos: Reali kurrë nuk duhet të llogaritet i vdekur appeared first on Telegrafi. |
Ish-gjyqtari spanjoll, Iturralde Gonzalez: Nuk ishte penalti në rastin e Toni Kroosit Posted: 14 Feb 2018 02:00 PM PST Real Madrid ka shënuar fitore në takimin e parë të fazës pas grupore në Ligën e Kampionëve. Madrilenët triumfuan para shikuesve të vetë në saje të tre golave të shënuar dhe një të pranuar kundër Paris Saint-Germain. Një nga momentet të kryesore të pjesës së parë ishte kur gjyqtari italian Gianluca Rocchi, sinjalizoi një penallti në favor të Los Blancos. E gjithë kjo pas ndërhyrje të palejuar në zonën e rreptësisë të mesfushorit Lo Celso në Toni Kroosin, në minutën e 43 të takimit. Megjithatë, për Iturralde Gonzalez, gjyqtarin e pensionuar spanjoll, nuk ishte aspak penalti për ekipin vendas. “Mund ta shihni se si Kroos bie në tokë në momentin që kundërshtari i vendos krahun para trupit të lojtarit”, tha Gonzalez. Gjithashtu në minutën e 53-të, një goditje e fuqishme nga Adrien Rabiot goditi krahun e Sergio Ramosit. Disa lojtarë parizianë kërkuan një penallti, por gjyqtari italian vendosi të mos gjykonte penalti, gjë që pajtohet edhe Iturralde. Ndryshe, takimi i ardhshëm mes këtyre dyja skuadrave do të zhvillohet më 6 mars, në stadiumin Parc de Princes. /Telegrafi/ The post Ish-gjyqtari spanjoll, Iturralde Gonzalez: Nuk ishte penalti në rastin e Toni Kroosit appeared first on Telegrafi. |
Porto ‘viktimë’ e mungesës së Liverpoolit në fazën e eliminimit direkt në LK Posted: 14 Feb 2018 01:38 PM PST Liverpooli është një nga klubet që personifikohet me suksesin në Ligën e Kampionëve, pesë kupa në garën më të madhe për klube nuk janë pak. Fitorja e Stambollit është e paharrueshme, nga kjo mund të themi se Reds janë të lindur për të qenë pjesë e LK-së. Por, kishte nëntë vite që kur skuadra angleze ishte paraqitur në fazën e eliminimit direkt (1/16) të kësaj gare. Këtë mungesë e pagoi Porto, e cila në shtëpi të vetë ishte asgjë më shumë se një turistë, skuadra portugezi humbi në fund me rezultat 0-5 në takimin e parë. Ishte Sadio Mane ai që shënoi i parë në minutën e 25-të, ndërsa pas katër minutash shënoi edhe Mohamed Salah për golin e 30-të sezonal për Liverpoolin në të gjitha garat. Me rezultatin 0-2 dhe me Porton që nuk gjuajti asnjëherë në portën kundërshtare përfundoi pjesa e parë. Mane shënoi edhe një herë në minutën e 53-të, kurse Roberto Firmino në minutën e 73-të. Senegalezi kompletoi het-trikun në minutën e 85-të, duke i siguruar vetës një ndeshje komode në atë të kthimit. Ndeshja e këthimit luhet në Anfield me 6 mars. /Telegrafi/ The post Porto ‘viktimë’ e mungesës së Liverpoolit në fazën e eliminimit direkt në LK appeared first on Telegrafi. |
Reali tregon kush është kampioni, nënshtron PSG-në në Bernabeu Posted: 14 Feb 2018 01:37 PM PST Real Madridi ka shënuar fitore prej 3-1 kundër Paris Saint-Germainin në ndeshjen e parë të 1/8 së finales të Ligës së Kampionëve në duelin e shumëpritur që u zhvillua në Santiago Bernabeu. Nikoqirët i patën dy raste shumë të mira në pjesën e parë përmes Cristiano Ronaldos, mirëpo portugezi nuk arriti të tregohej i saktë. Derisa angazhimi i vazhdueshëm i mysafirëve, bëri që ata ta gjenin rrjetën. Një aksion i nisur nga Kylian Mbappe, i cili harkoi ulët në zonë, Edinson Cavani e lëshoi topin për Neymar, ndërsa braziliani e ktheu me thembër për Adrien Rabiot, i cili shënoi në qendër të portës (33′). Pa përfunduar pjesa e parë, Toni Kroos u ndal në mënyrë të parregullt në zonë dhe arbitri akordoi penallti. Crisitano Ronaldo ishte i saktë nga pika e bardhë (45′). Angazhimi i Los Blancos ishte shumë më i madh në gjysmën e dytë, në të cilën arritën t’i shënojnë dy gola. Në minutën e 83-të, pas një topi të kthyer në zonë, Cristiano Ronaldo e përmbysi rezultatin duke e kthyer në favor të skuadrës së tij. Menjëherë pas, Marco Asensio e gjeti Marcelon në zonë, i cili me të parën e goditi topin për ta futur në rrjetë (86′). Epërsia prej dy golash e favorizon Real Madridin për t’u kualifikuar në çerekfinale, mirëpo duhet pasur parasysh se Paris Saint-Germaini do të luajë para tifozëve të vet më 6 mars. /Telegrafi/
The post Reali tregon kush është kampioni, nënshtron PSG-në në Bernabeu appeared first on Telegrafi. |
Ronaldo i rekordeve, futet në histori të Ligës së Kampionëve: Top pesë golashënuesit më të mirë Posted: 14 Feb 2018 01:08 PM PST Real Madridi e përfundoi pjesën e parë ndaj Paris Saint Germainit me rezultat 1-1. Pas golit të Adrien Rabiot në minutën e 33-të, ishte Cristiano Ronaldo që barazoi në minutën e 45-të nga pika e bardhë. Me këtë rast portugezi bëhet lojtari i parë në histori të Ligës së Kampionëve që ka shënuar +100 gola për një klub. Për Los Blancos këtë numër të golave e ka shënuar vetëm në 95 ndeshje. Por, me golin ndaj PSG-së ai bëhet edhe lojtari i parë që shënon në shtatë ndeshjet e para garën elitare për klube. Nuk mbaron këtu, Ronaldo gjithashtu arrit të bëhet edhe lojtari i parë që shënon dhjetë (11 në total) gola në sezonin 2017/18. Vlen të theksohet se Cristiano ka shënuar edhe 15 gola tjetër në LK me Manchester Unitedin. /Telegrafi/
The post Ronaldo i rekordeve, futet në histori të Ligës së Kampionëve: Top pesë golashënuesit më të mirë appeared first on Telegrafi. |
You are subscribed to email updates from Futboll – Telegrafi. To stop receiving these emails, you may unsubscribe now. | Email delivery powered by Google |
Google, 1600 Amphitheatre Parkway, Mountain View, CA 94043, United States |
Lexo edhe: