RTSH: “Rama-Meta shkëmbejnë replika në distancë” plus 9 more |
- Rama-Meta shkëmbejnë replika në distancë
- Rama : “U hap dera për drejtësinë e re”
- Parlamenti voton vettingun, Topalli përplaset me Ramën
- Patozi: Fushatë që po përçmon PD!
- Meta: Dhuna ndaj Gjinit- pabesi e Rilindjes
- Vatikan, Papa pret Merkelin
- Jerusalem, vriten tre palestinezë, therrën policen
- Homazhe për Helmut Kohl
- Shifra në rritje për turizmin shqiptar
- Shënohet tjetër përplasje Rama – Meta
| Rama-Meta shkëmbejnë replika në distancë Posted: 17 Jun 2017 01:47 PM PDT Fushata për zgjedhjet e përgjithshme të 25 qershorit e dy partive kryesore të së majtës po shënon shkëmbim replikash në distance mes dy figurave kryesore, kryeministrit dhe kreut të PS Edi Rama dhe kreut të parlamentit dhe presidentit të zgjedhur Ilir Meta. |
| Rama : “U hap dera për drejtësinë e re” Posted: 17 Jun 2017 08:03 AM PDT Kryeministri socialist Edi Rama ka shprehur sot kënaqësinë e tij pasi parlamenti miratoi listën e kandidatëve për institucionet e rivlerësimit të gjyqtarëve dhe prokurorëve, duke thënë se tashmë “u hap dera për drejtësinë e re”. Zoti Rama doli duke buzëqeshur para gazetarëve në parlament duke thënë se “Jam shumë i lehtësuar që u kapërcyen të gjitha pengesat”. “Nga sot fillon zbatimi i reformë! Orët për gjyqtarët dhe prokurorët e korruptuar janë të numëruara” tha ai. |
| Parlamenti voton vettingun, Topalli përplaset me Ramën Posted: 17 Jun 2017 07:33 AM PDT Parlamenti shqiptar ka votuar të shtunën pas dite me 100 vota pro, anëtarët e institucioneve që do të bëjnë rivlerësimin kalimtar të gjyqtarëve dhe prokurorëve shqiptarë, duke shënuar fillimin e procesit të vettingut. Seanca shënoi një përplasje mes deputetëve të PD që nuk do të jenë më në parlamentin e ardhshëm dhe kryeministrit Rama. Ish kryetarja e parlamentet Jozefina Topalli, më shumë se ndaj kryeministri Rama, sulmin e saj e përqëndroi ndaj kreut të PD Basha. “Në këtë listë ka miq personalë të kryeministrit, njerëz militantë, politikë dhe të paaftë. Pjesa tjetër e emrave janë të paktit Rama-Basha. Nëse ky është produkti i paktit tuaj, kjo është një këmbanë alarmi. Nuk më shkon mendja që të votoj në bllok njerëz që kanë mbyllur çështje personale gjyqësore me para. Po fortifikoni korrupsionin në sistemin e drejtësisë” tha zonja Topalli duke spjeguar kështu dhe votën e saj. Por kryeministri Rama ka reaguar menjëherë dhe ka mbrojtur disa nga emrat e juristëve në listë. “Jozefinë, unë i hodha një sy listës dhe nuk e kam parë ndonjëherë dhe nuk e kuptoj se ku i gjete gjithë këta miq dhe gjithë këta shokë të mi. Ti përmende Ina Ramën dhe Ina Rama nuk është mikja ime, pavarësisht se Ina Rama është shembull i shkeljes së të drejtave të njeriut. Njoh Albana Shtyllën dhe jam shumë krenar që ajo është këtu. Njoh edhe Sokol Çobon në distancë, të tjerët nuk i njoh. Më vjen keq që e mbylle me kaq nivel të ulët karrierën tënde parlamentare për këtë moment, se unë jam i bindur që do të rikthehesh një ditë këtu” tha zoti Rama. “Ky Vettingu është gjëja e duhur, por është kaq e vonuar dhe kaq e domosdoshme saqë ka mbështetjen e gjithë popullit shqiptar, majtas dhe djathtas. Nëse është vonuar deri këtu, jeni ju në radhë të parë përgjegjës” ku drejtua zoti Rama zonjës Topalli", deklaroi ai. Seanca u ndonje edhe nga trupi diplomatik ku ranë në sy ambasadori amerikan Lu dhe ambasadorja e BE Vllahutin. |
| Patozi: Fushatë që po përçmon PD! Posted: 17 Jun 2017 06:25 AM PDT Ish nënkryetari i PD dhe ish kryetari i grupit parlamentar të saj Astrit Patozi, akuzoi ashpër kryetarin Lulzim Basha se po bën fushatë të gabuar që po dëmton rezultatin e Partisë Demokratike. Deklarata e zotit Patozi, i njohur edhe më parë si zë kritik brenda PD, vjen pasi ai dhe disa figura të njohura të kësaj partie nuk u përfshinë nga kryetari Lulziom Basha në listat për deputetë në zgjedhjet e 25 qershorit. “E shikoj me keqardhje që për herë të parë në historinë e PD-së forca jonë politike nuk merret seriozisht nga kundërshtari. Nuk ka ndodhur kurrë më parë. Është një fushatë që përçmon PD-në, pra kundërshtarët përçmojnë PD-në, duke nisur që nga flamuri, simbolet kryetari. Dhe ndjej keqardhje” u tha zoti Patozi gazetarëve pra selisë së parlamentit.”Problemi kryesor në këtë fushatë për PD-në për të cilën jam i shqetësuar është fakti se qarkullon një legjendë e cila nuk po fashitet, sipas së cilës pas zgjedhjeve do të ketë një koalicion të madh mes PS- PD. Në rast se kjo javë e fundit që ka ngelur nuk do ta ndajë përfundimisht Partinë Demokratike nga kjo legjendë sigurisht që pasojat do të jenë mjaft të rënda dhe do të jetë përgjegjësia vetëm e zotit Basha” tha zoti Patozi, aktualisht deputet i parlamentit shqiptar. |
| Meta: Dhuna ndaj Gjinit- pabesi e Rilindjes Posted: 17 Jun 2017 06:15 AM PDT Policia e Lezhës po punon për të bërë të mundur identifikimin dhe kapjen e autorëve që kanë ushtruar dhunë ndaj Gjovalin Gjini, kryeplak i fshatit Rraboshtë në Lezhë . Blutë e Lezhës kanë sqaruar se , materialet proceduriale do ti kalojnë Prokurorisë së Rrethit Gjyqësor Lezhë, për veprat penale të parashikuara nga nenet 89-150 dhe 25 “Plagosje e lehtë ” “Shkatërrim prone" e kryer në bashkëpunim. |
| Posted: 17 Jun 2017 06:00 AM PDT Papa Francesku priti në një takim privat në Vatikan kancelaren gjermane Angela Merkel dhe bashkëshortin e saj. Mbrëmjen e së premtes Merkel ndodhej në selinë e ambasadës gjermane në Romë, ku u takua me përgjegjësit e qendrës së mbrojtjes së të miturve që promovohet nga Universiteti Gregorian. Lajmi është konfirmuar nga presidenti i kësaj qendre që merret me luftën kundër pedofilisë. Kjo ishte vizita e katërt e kancelares gjermane në Vatikan për t’u takuar me Papa Franceskun. "Jam e lumtur që ndodhem sërish këtu", deklaroi Merkel përpara se të takonte Atin e Shenjtë në audiencë private. Në takim Merkel dhe papa Françesku diskutuan edhe për samitin e muajit të ardhshëm në Hamburg të G20-ës, në një kohë kur kancelarja po përgatitet për zgjedhjet parlamentare që do të zhvillohen në shtator. |
| Jerusalem, vriten tre palestinezë, therrën policen Posted: 17 Jun 2017 05:49 AM PDT Forcat e sigurisë izraelite kanë vrarë tre palestinezë, të cilët mbrëmë i morën jetën një policeje Izraelite, në atë që duket se ishin sulme të koordinuara me të shtëna dhe therrje në Jerusalem. Përgjegjësinë për dy sulmet e ka marrë grupi ekstremist, Shteti Islamik, në faqen e vet në Internet. Shteti Islamik ka tërhequr vërejtjen se ky nuk do të jetë "sulmi i fundit" kundër Izraelit. Në incidentin e parë, dy palestinezë u vranë vranë pasi hapën zjarr kundër një grupi të policëve izraelitë dhe u përpoqen t'i therrnin me thika. Në rastin tjetër, një palestinez therri për vdekje një police kufitare izraelite. Dhuna ndodhi ndërsa myslimantë shënuan përfundimin e Xhumasë së tretë të agjërimit të Ramazanit, me ç'rast dhjetëra mijëra palestinezë nga pjesa lindore e Jerusalemit dhe Bregu Perëndimor, morën pjesë në faljet në kompleksin e xhamisë, Al-Aksa, që është një nga vendet më të shenjta myslimane. |
| Posted: 17 Jun 2017 05:40 AM PDT Flamujt janë ulur në gjysëm shtizë në Gjermani dhe homazhet për arkitektin e bashkimit të vendit, Helmut Kohl vijnë nga të gjitha anët. Angela Merkel e quajti një gjerman dhe një europian të madh njeriun që dikur ishte udhërrëfyesi i saj. Krerët e Bashkimit Europian përdoren Twitterin për të përcjellë keqardhjen nga shuarja e një njeriu të kthyer në mishërimin e unitetit gjerman e atij europian. I biri, Walter Kohl thotë se Europës i nevojiten sot më shumë njerëz si ish kancelari gjerman që qëndroi më gjatë në post. Kohl ishte për 16 vjet Kancelar Federal i Gjermanisë, një çerek shekulli kryetar i CDU-së, e të gjitha këto flasin për një aftësi të pabesueshme për të rezistuar, një aftësi të habitshme për t’u imponuar, një dëshirë të çeliktë për pushtet, por edhe një fat demokratik në zgjedhje. Katër herë u zgjodh në krye të ekzekutivit, një arritje politike imponuese e jetës së tij. Skandali i donacioneve ilegale për partinë e vet nuk arriti të zbehë atë që Kohl bëri në jetën e tij. Ai shkroi historinë, e në sytë e njerëzve do të mbetet gjithmonë ribashkimi i Gjermanisë dhe Bashkimi i Europës. |
| Shifra në rritje për turizmin shqiptar Posted: 17 Jun 2017 05:32 AM PDT Viti 2016 ka sjellë rritje të kontributit të turizmit në ekonominë e Shqipërisë. Sipas shifrave industria turistike shqiptare kapi shifrën e 127.7 miliardë lekëve, ç’ka është e barabartë me 8.4 përqind të prodhimit të brendshëm bruto. Ndërsa këtë vit, kontributi i drejtëpërdrejtë i turizmit në ekonomi pritet të rritet edhe me 5.2 përqind. Kjo sipas raportit të Këshillit Botëror të Turizmit dhe Udhëtimeve për impaktin ekonomik të turizmit për vitin 2017. |
| Shënohet tjetër përplasje Rama – Meta Posted: 17 Jun 2017 05:15 AM PDT Afrimi i ditës së zgjedhjeve duket se ngre gjithnjë e më shumë tensionin në marrëdhëniet mes forcve kryesore politike dhe liderëve të tyre. Orët e fundit janë shënuar përplasje të forta me dy aleatëve të deritanishëm, kryeministrit Edi Rama dhe kreut të parlamentit dhe presidentit të zgjedhur Ilir Meta. Ky i fundit gjatë një interviste dhë televizionit grek “Star” tha se “…për fat të keq zoti Rama ka marrëdhënie të vështira me të gjithë dhe të paqëndrueshme, përfshirë dhe Greqinë, por jo vetëm Greqinë, por dhe fqinjë të tjerë”. Pas kësaj deklarate zoti Rama shkruajti në rrjetin social Fejsbuk se kjo ishte një deklaratë shokuese. “Si mundet një President shqiptar të shajë kryeministrin e vendit si të ishte ekstremist fqinj? TURP!” shkruajti zoti Rama. Më parë zoti Meta ishte shprehur se si president nuk do të dekretonte kryeministër apo ministra nëse do të cënohej vota e zgjedhësve. Por përgjigjia e ardhur nga sekretari i përgjithshëm socialist Ruçi ishte se nëse vepronte në këtë mënyrë Meta do të shkarkohej si president. |
| You are subscribed to email updates from RTSH-Radio Televizioni Shqiptar. To stop receiving these emails, you may unsubscribe now. | Email delivery powered by Google |
| Google Inc., 1600 Amphitheatre Parkway, Mountain View, CA 94043, United States | |
Lexo edhe:
