Ora News: “Frikë dhe panik në Monte Karlo gjatë një grabitje me armë” plus 9 more |
- Frikë dhe panik në Monte Karlo gjatë një grabitje me armë
- Prezantuesja pushon së qari foshnjen ‘live’ në emision
- E mbani mend vajzën e Eminem? Ja si duket ajo tani
- Të hënën pritet të zgjidhet kryetari i Kuvendit
- Mal i Zi, dëshmi për përfshirjen ruse në ngjarjet e tetorit 2016
- “Kush qesh i fundit?” Rama mesazh për çadrën e opozitës
- Protesta dhe strategjia, Basha mbledh sot grupin parlamentar
- Sot ndryshoi ora, flemë një orë më pak
- Bjellorusi, autoritetet shtypin demonstratën, qindra të arrestuar
- Për herë të parë me vogëlushin në ekran, Blerina Kondi përlot shikuesit
Frikë dhe panik në Monte Karlo gjatë një grabitje me armë Posted: 26 Mar 2017 12:13 AM PDT Momente frike dhe paniku kanë shoqëruar kalimtarët në Montekarlo gjatë grabitjes së një dyqani bizhuterish Cartier. Në fillim agresorët hapën zjarr në një tunel aty pranë, për të shpërqëndruar shërbimet emergjente, para se të nisnin bastisjen. Qindra turistë panë të shokuar se si banda nisi të qëllojë me armë brenda tunelit të famshëm ku bëhet garat e Formula 1. Duke dëgjuar të shtënat, kalimtarët menduan se kishin të bënin me sulm terrorist. Në gjendje paniku ata u fshehën në dyqanet më të afërta që ishin rrotull zonës. Shërbimet emergjente shpejtuan për të parë se ç'kishte ndodhur, tre grabitësit nxituan në dyqanin Cartier. "Kjo ishte ajo që ata u përpoqën të bënin, deri sa ndërhyri një makinë policie. Të paktën një person është plagosur. Ai u arrestua sëbashku me një tjetër të dyshuar. Një i tretë është ende në arrati," tha një zëdhënës i policisë. Një zjarr pastaj shkaktoi një re masive tymit të zi në afërsi të hotel Fairmont. Një automjet ishte përfshirë nga flakët, dyshohet të jetë djegur nga hajdutët. /Oranews.tv/ Të parët për lajmin e fundit. Ndiqni Oranews.tv në Facebook dhe në Twitter |
Prezantuesja pushon së qari foshnjen ‘live’ në emision Posted: 26 Mar 2017 12:04 AM PDT Kjo prezantuese e BBC-së tërhoqëi vëmendjen e të gjithëve me veprimin e saj që bëri në transmetimin direkt gjatë emisionit. Rachel Burden, që modern emisionin "Breakfast", pushoi së qari një foshnje pesë muajsh që nuk po rrinte e qetë në krahët e së ëmës së ftuar. Rachel e mori në duar dhe nisi ta përkëdhelte e t'i pëshpëriste lehtë, derisa foshnja u qetësua. Të parët për lajmin e fundit. Ndiqni Oranews.tv në Facebook dhe në Twitter |
E mbani mend vajzën e Eminem? Ja si duket ajo tani Posted: 25 Mar 2017 11:46 PM PDT Reperi i njohur botëror, Eminem bëri për herë të parë publik vajzën e tij në një fotografi ku shfaqej bashkë me të teksa e përqafonte. Ajo fotografi në të cilën ai shtrëngonte Hailien ka plot 15 vjet. Hailie Scott Mathers tani është 21 vjeç dhe është studente psikologjisë në Universitetin e Michigan.
Të parët për lajmin e fundit. Ndiqni Oranews.tv në Facebook dhe në Twitter |
Të hënën pritet të zgjidhet kryetari i Kuvendit Posted: 25 Mar 2017 11:45 PM PDT Lidhja Socialdemokrate e Maqedonisë paralajmëron se të hënën përvec zgjedhjes së Kreut të Komisionit për Zgjedhje dhe Emërime do të zgjedhet edhe kryeparlamentari i ri. Sipas partisë së Zoran Zaevit shumica prej 67 deputetëve është e mjaftueshme për të përfunduar konsitutimin e Kuvendit të lënë përgjysmë më 30 dhjetor të vitit të kaluar. ‘Ne presim të hënën të vazhdojë seanca konstituive në të cilën fillimisht do të zgjedhet kryetari dhe anëtarët e Komisionit për Zgjedhje dhe emërime. Në këtë seancë duhet të zgjedhet edhe kryetari i ri i Kuvendit. Të hënën do të bëhet e qartë çfarë do të thotë marrëveshje e 67 deputetëve të shumicës së re parlamentare rreth zgjidhjes kadrovike për kryetar të ri të Kuvendit’ – deklaroi Jagoda Shahpaska, LSDM. Sipas Rregullores së Kuvendit, të hënën pasi të votohet përbërja e Komisionit në seancë plenare prezantohen propozimet e partive për kryetar Kuvendi. Propozimet do të shqyrtohen nga Komisioni për zgjedhje dhe emërime, kreu i të cilit duhet të thërrasë vazhdimin e seancës për të zgjedhur kreun e Kuvendit. Në rast se ky hap pengohet nga VMRO-DPMNE-ja, ekspertët shpjegojnë mekanizmat e tjera ligjore. ‘Vështirë të pritet, por mund të pritet që të mos thirret seanca e komisionit. Seanca mund të thirret me vullnetin e kryetarit të Komisionit por edhe me kërkesë të 1/3 së anëtarëve të Komisionit. Nëse kryetari këtë nuk e bën, rregullorja parashikon që kryetari dhe nënkryetarët e Kuvendit të propozohen nga së paku 20 deputet të përbërjes parlamentare. Pra ky problem është i zgjidhshëm’ – tha Temelko Risteski, jurist. Risteski shpjegon kushtet të cilat duhet t'i plotësojë një kandidat për kryetar Kuvendi, duke shtuar se në këtë aspekt nuk merret parasysh përkatësia etnike e kandidatëve. ‘Duke pasur parasysh se të gjithë anëtarët e parlamentit kanë fituar besimin e qytetarëve, nënkupton se i plotësojnë kushtet për të qenë kryetar i Kuvendit dhe këtu nuk ka dilema’ – u shpreh Temelko Risteski, Jurist. Ndër emrat më të përfolur deri më tani për kryetar Kuvendi është deputeti i BDI-së Talat Xhaferi. Këtë ditë më parë e konfirmuan edhe nga BDI. Xhaferi përveç LSDM-së, do të ketë edhe mbështetjen e Aleancës për Shqiptarët. Ndonëse nuk e konfirmojnë, nga Aleanca për Shqiptarët thonë se kanë refuzuar që posti në fjalë t'i takojë kreut të LR PDSH-së Ziadin Sela dhe se nuk kanë plan për të propozuar emër kandidati për kryetar Kuvendi. Ndërkohë Lëvizja Besa si parti nënshkruese e deklaratës së përbashkët të partive shqiptare ka njoftuar se do të propozojë kandidatin e saj për kryetar Kuvendi, por gjithnjë duke lënë hapësirë që ky vendim të shqyrtohet. Nga VMRO-DPMNE-ja nuk tregojnë nëse Xhaferi do të marrë edhe votat e deputetëve të tyre për marrjen e detyrës së kryeparlamentarit, ose do të propozojnë kandidatin e tyre./AlsatM/ Të parët për lajmin e fundit. Ndiqni Oranews.tv në Facebook dhe në Twitter |
Mal i Zi, dëshmi për përfshirjen ruse në ngjarjet e tetorit 2016 Posted: 25 Mar 2017 11:32 PM PDT Në procesin gjyqësor ndaj të akuzuarve për përgatitjen e sulmeve terroriste në Malin e Zi, po dalin në pah shumë fakte që argumentojnë se këto ngjarje i kanë organizuar disa qarqe të caktuara ruse dhe një pjesë e opozitës proserbe në Malin e Zi. Dëshmitari i mbrojtur, i cili nënshkroi marrëveshjen mbi pranimin e fajësisë, Aleksandar Singjeliç dëshmoi plot 11 orë para gjykatës së posaçme mbi përgatitjen e grusht shtetit në Mal të Zi për rolin e Rusisë dhe të partisë opozitare malazeze "Fronti Demokratik". Aleksandar Singjeliç, i cili njihet si një paramilitar serb që mori pjesë në luftërat e ish Jugosllavisë dhe në luftën e Ukrainës, përkrah rusëve, bëri të ditur se ai u rekrutua nga agjenti i sigurimit rus, Eduard Shishmakov, i cili i dha 200.000 euro për përgatitjen e planit për grushtet në Mal të Zi. "Me Shishmakovin u njohëm që nga viti 2014 në një kamp lufte në Rusi dhe kemi pasur disa takime në Serbi ku përgatitëm detajet e aksionit, i cili do të shpinte deri te gjakderdhja në rrugët e Podgoricës", tha Singjeliç. Singjeliç ka pranuar se "sipas urdhrit të Shishmakovit ka rekrutuar personat, të cilët është dashur të mblidhen para Kuvendit, të shkaktojnë trazira dhe dhunshëm të hyjnë në këtë institucion, të gjuajnë në popull e më pas të likuidojnë kryeministrin e atëhershëm Milo Gjukanoviç". Në aksion, sipas dëshmitarit të mbrojtur ka qenë i përfshirë edhe ish shefi i xhandarmerisë serbe Bratislav Dikiç, i cili ishte i ngarkuar të kontrollojë protestuesit para Parlamentit të Malit të Zi. Singjeliç tha se pas dështimit të grushtshtetit ishte frikësuar për jeten e tij pasi, siç u shpreh ai "dy herë rusët tentuan të më vrasin në Beograd për çka u detyrua të dorëzohem në Mal të Zi". Singjeliç po mbahet nën masat e rrepta të sigurimi dhe vendndodhja e tij është tejet sekrete. Ndërkohë shërbimet e sigurimit ndërkombëtar bënë të ditur se oficeri rus Eduard Shishmakov, i cili ishte organizatori kryesor i ngjarjeve në Mal të Zi, merrte pjesë në mbledhjet e Këshillit të Sigurimit të Rusisë. Mjetet malazeze të informacionit, duke iu referuar këtyre shërbimeve theksojnë se Shishmakov është pjesëtar i sigurimit shtetëror rus dhe se ishte njeriu i besueshëm i Vladimir Putinit. Kohëve të fundit Moska ka qenë jo vetëm kritikuese e ashpër e hyrjes së Malit të Zi në NATO, por jo rrallë herë kishte kërcënuar ish republikën jugosllave në, mënyrë të hapur nëpërmjet zyrtarëve rusë që të mos bashkohet me NATO. Kësaj fushate iu bashkuan edhe përfaqësuesit e opozitës proserbe në Mal të Zi "Fronti Demokratik" ku dy deputetëve të saj iu hoq imuniteti me kërkesën e Prokurorisë së posaçme, të cilët dyshohen se kanë qenë të përfshirë në komplotin e grusht shtetit në Mal të Zi. Ndërkaq, partitë opozitare kanë theksuar se grusht shteti i dyshuar është fabrikuar dhe kanë akuzuar partinë në pushtet se po shfrytëzon shërbimet e sigurimit për ta ruajtur pushtetin në Mal të Zi. Në këtë kuadër analistët vlerësojnë se integrimi sa më i shpejtë i Malit të Zi në strukturat euroatlantike do të ndikonte në qëndrueshmërinë dhe sigurinë e Malit të Zi dhe rajonit. Mali i Zi ka qenë i përfshirë në ngjarjet konspirative në prag të zgjedhjeve parlamentare të 16 tetorit të vitit të kaluar, ku policia malazeze arrestoi 20 shtetas serbë të akuzuar për përgatitje të sulmeve të armatosura ndaj institucioneve shtetërore në vend. Grupi i organizuar, i cili ishte formuar në territorin e Serbisë, Rusisë dhe Malit të Zi kishte për qëllim vrasjen e kryeministrit të atëhershëm Gjukanoviç dhe marrjen e parlamentit nga ana e një partie opozitare proserbe në Mal të Zi. /VOA/ Të parët për lajmin e fundit. Ndiqni Oranews.tv në Facebook dhe në Twitter |
“Kush qesh i fundit?” Rama mesazh për çadrën e opozitës Posted: 25 Mar 2017 11:22 PM PDT Kryeministri Edi Rama po bëhet gjithnjë e më aktiv në rrjetet sociale. Në postimin e parë për këtë të dielë në fb bashkë me urimin për një ditë të mbarë për ndjekësit e tij, Rama u ka sugjeruar të shohin dhe një film vizatimor të animuar, prodhim shqiptar me titull "Kush qesh i fundit?" Rama: "MIRËMËNGJES dhe ju uroj një të dielë të qetë, me këtë film kalamajsh për të rritur që po nuk e patë vetë të paktën tregojuani kalamajve". Fabula e filmit Historia e zakonshme e maces qe kerkon te haje miun, por ky i fundit me shkathtesi arrin t’i shpetoje shume here thonjve te mprehte te maces. Atehere macja nderron taktike. Pret thonjte dhe me anen e nje letre i ben te ditur miut se nuk do ta ndjeke me. Miu megjithate eshte i kujdesshem dhe mundohet te haje kur macja nuk eshte ne dhome. Po ky kujdes nuk vazhdon per shume kohe sepse miu filon te haje shume gjersa vjen nje moment ku ai do te fshihet ne vrimen e tij por tashme eshte fryre aq shume sa nuk e nxe me vrima e keshtu perfundon ne thonjte e mprehte te maces. /Oranews.tv/ Të parët për lajmin e fundit. Ndiqni Oranews.tv në Facebook dhe në Twitter |
Protesta dhe strategjia, Basha mbledh sot grupin parlamentar Posted: 25 Mar 2017 11:20 PM PDT Kryetari i Partisë Domokratike Lulzim Basha do të mbledhë sot në orën 19:00 grupin parlamentar për të diskutuar mbi protestën dhe strategjinë që do të ndiqet në vazhdim. Po ashtu kryedemokrati Basha do të informojë deputetët e PD edhe për vizitën e tij në Shtetet e Bashkuara të Amerikës. Pas kthimit nga Uashingtoni, Basha nga çadra e lirisë përcolli tre mesazhe. Ai u shpreh i bindur se ka mbështetjen e Shtëpisë së Bardhë për kauzën e tij, ndërsa nënvizjoi se zgjedhje me Ramën nuk do të ketë. Opozita ndodhet në protestë që prej 18 shkurtit. /Oranews.tv/ Të parët për lajmin e fundit. Ndiqni Oranews.tv në Facebook dhe në Twitter |
Sot ndryshoi ora, flemë një orë më pak Posted: 25 Mar 2017 11:00 PM PDT Kjo e dielë e fundit e muajit mars (26 mars) shënoi ndërrimin e akrepave të orës dhe zhvendosjen e tyre një orë përpara. Në orën 02:00 të mëngjesit të datës 26 mars, akrepat u zhvendosen dhe ora do shënoi 03:00. I quajtur ndryshe numërimi i orës verore, ky ndryshim do t'u japë mundësi të gjithë njerëzve të shijojnë sa më shumë ditën dhe rrezet e diellit. Në vende të tjera , ky ndryshim do të ndodhë sipas orëve përkatëse lokale. Për vendet e Bashkimit Europian, ora e gjithë zonës do të ndryshojë në të njëjtin çast. Ndryshimi i orës më parë në Europë ka qenë jo i njëtrajtshëm, por ajo filloi të përgjithësohej nga viti 1974, pas krizës së parë të naftës dhe kur disa vende vendosën të çojnë përpara orën në mënyrë që të shfrytëzonin më shumë dritën e diellit dhe të konsumonin më pak energji elektrike. Ndryshimi i orës në Europë u vendos si ligj europian nga viti 1981 dhe është rinovuar çdo katër vjet. Norma europiane vendos në mënyrë të qëndrueshme datat e fillimit të periudhës së orës së verës (kur ora shkon një orë përpara) dhe përfundimin e saj (kur ora si tani, shkon një orë pas ); që tani respektivisht janë e diela e fundit e marsit dhe e diela e fundit e tetorit. /ata/
Të parët për lajmin e fundit. Ndiqni Oranews.tv në Facebook dhe në Twitter |
Bjellorusi, autoritetet shtypin demonstratën, qindra të arrestuar Posted: 25 Mar 2017 02:51 PM PDT Autoritetet Bjelloruse kanë arrestuar qindra njerëz të shtunën, të cilët po protestonin në rrugët e kryeqytetit Minsk për standardet në rënie të jetesës dhe taksave për të papunët. Protestuesit që mbanin pankarta dhe parrulla në duar u morën me forcë nga forcat policore, shumë prej tyre u rrahën, përfshirë kalimtarë dhe të paktën 10 gazetarë. Qindra policë ishin vendosur në pikat e hyrjes dhe të daljes së sheshit ku po mbahej protesta, stacionet e metrove aty pranë ishin mbyllur dhe tre bote uji po mbaheshin në gatishmëri. Më herët policia bastisi zyrat e një grupi opozitar të quajtur Vesna-96, duke arrestuar 60 aktivistë të cilët u liruan pak më vonë. Demonstrata e të shtunës është e fundit e organziuar në valën e protestave që janë mbajtur që prej muajit shkurt dhe që paraqesin sfidën më të madhe në vitet e fundit për Presidentin Alexander Lukashenko, i cili ka sunduar ish vendin sovjetik për gati një çerek shekulli. Bjellorusia ndodhet në recesion prej të paktën dy vitesh, duke vuajtur efektet e renies ekonomike ruse dhe rënies së cmimit të naftës. Kjo situatë ka bërë që në protestë të dalin edhe mbështetësit e vetë presidentit Lukashenko. Shkak për trazirat u një taksë mbi qytetarët që punojnë më pak se 183 ditë në vit, e njohur në vend si ligji kundër “parazitëve sociale”. Por bjellorusët mendojnë se kjo taksë po ndëshkon padrejtësisht ata që janë të paaftë të gjejnë një punë. Lukashenko ka pezulluar taksën, por protestat sërish kanë vijuar. Më herët gjatë kësaj jave, Lukashenko ka akuzuar kolonën e pestë për komplot ndaj tij, me ndihmën e grupimeve ndërkombëtare. Ende nuk dihet se do të ndikojë tek marrëdhenia me fqinjët goditja ndaj protestave teksa Lukashenko ka kërkuar të përmirësojë lidhjet me Perëndimin kundër sfondit të ftohjes të marrëdhënieve me Rusinë. /Oranews.tv/ Të parët për lajmin e fundit. Ndiqni Oranews.tv në Facebook dhe në Twitter |
Për herë të parë me vogëlushin në ekran, Blerina Kondi përlot shikuesit Posted: 25 Mar 2017 02:50 PM PDT Mbrëmjen e sotme emisioni "Xing" i Ermal Mamaqit ka patur një të ftuar shumë të veçantë: bashëkshortja e Dr. Florit u shfaq në emision sëbashku me djalin e tyre të vogël, Daniel. Një nga pyetjet që Ermali i drejtoi Blerinës ishte në lidhje me problemet që asaj i duhej të përballej duke qenë se Danieli i vogël ka lindur me Sindromën Down. Por, Blerina dhe përgjigjen perfekte duke na përlotur të gjithëve. "A të duket hall kjo krijesë" , tha bashkëshortja e këngëtarit që humbi jetën në mënyrë tragjike tre vite më parë. Ndonëse gjatë shtatzënisë ata kishin dyshime se Danieli mund të ishte me sindromën Down, sërish nuk ka dashur ta vërtetojë 100%. "Çdo gjë që vjen nga Perëndia është e bekuar dhe jemi falenderues për këtë",- shprehu Blerina duke dhënë një mesazh të fortë jo vetëm për prindërit, por edhe për shoqërinë tonë që ende nuk ka krijuar hapësirën e nevojshme për të rritur e mbështetur fëmijët me Sindromën Down. /anabel.al Të parët për lajmin e fundit. Ndiqni Oranews.tv në Facebook dhe në Twitter |
You are subscribed to email updates from Ora News. To stop receiving these emails, you may unsubscribe now. | Email delivery powered by Google |
Google Inc., 1600 Amphitheatre Parkway, Mountain View, CA 94043, United States |
Lexo edhe: