Dy ushtrime për kurriz të fortë: Dhembja nga qëndrimi i gjatë ulur zhduket shumë shpejt! Telegrafi Keshilla Mjekesore

Dy ushtrime për kurriz të fortë: Dhembja nga qëndrimi i gjatë ulur zhduket shumë shpejt!

Posted: 10 Nov 2016 11:20 PM PST

Muskujt e shpinës sigurojnë lëvizshmërinë e kurrizit dhe pozitën e drejtë të 24 unazave të tij bashkë me ligamentet, tejzat dhe disqet.

Nëse ata nuk janë mjaft të tendosur dhe të fortë, ndonjëherë mjafton vetëm një lëvizje e gabueshme të shkaktojë dhembje afatgjatë dhe të forta në qafë, gjoks, apo pjesën e ijëve të kurrizit.

Mjekët tërheqin vërejtjen që te një numër gjithnjë e më i madh i personave më të rinj se 40 vjeç vërehen dukuri të shtuara të kalcifikimeve të imëta dhe shpenzim të kërcit në nyjë.

Prandaj ju propozojmë dy ushtrime me të cilat mund të zhvilloni fleksibilitetin e kurrizit.

Ushtrimi i parë

Gjyshet dikur na kanë mësuar të ushtrojmë ecjen me libër mbi kokë për të pasur qëndrim të drejtë të trupit. Gjyshet vërtet kanë pasur të drejtë.

Ekspertët propozojnë që mbi kokë të vendosni një pako orizi prej një kilogrami dhe sipër saj të vendosni një kuti kripe prej 500 g.

Merrni frymë thellë, tërhiqeni stomakun, lëshoni supet dhe bëni disa hapa nëpër dhomë.

Ushtrimi nuk duhet të zgjasë më shumë se pesë-gjashtë minuta dhe mund ta përsërisni çdo ditë.

Ushtrimi i dytë

Ecja nordike do t'ju mësojë që të mbani drejt kurrizin, shkruan Shegaime. Duke u mbështetur dhe duke u mbajtur për shkopinj derisa jeni duke ecur, aktivizoni edhe muskujt e shpinës, të cilët në mënyrë alternative tendosen dhe lirohen.

Pas disa ushtrimeve do të vëreni që jeni duke e mbajtur drejt kurrizin madje edhe kur qëndroni në këmbë apo kur jeni ulur.

The post Dy ushtrime për kurriz të fortë: Dhembja nga qëndrimi i gjatë ulur zhduket shumë shpejt! appeared first on Telegrafi.

Lexo edhe:

Rapitful Shqip

Search This Blog