“Shëtitja në park ul tensionin e gjakut dhe na bën më të lumtur” plus 2 more Shëndetësia |
- Shëtitja në park ul tensionin e gjakut dhe na bën më të lumtur
- Të rinjtë inovativë kosovarë, shpikin dorën protetike të printuar 3D – për t’ju ndihmuar personave në nevojë
- BRENGOSËSE: Antibiotikët më nuk ndikojnë në sëmundjet e transmetueshme seksualisht
| Shëtitja në park ul tensionin e gjakut dhe na bën më të lumtur Posted: 10 Sep 2016 01:39 PM PDT Të paktën një herë në javë, largojuni ngarkesave të ditës për të shëtitur gjysmë ore në park. Kërkon fare pak mund dhe organizim, por është diçka që i sjell mjaft mirëqenie trupit, pasi ul tensionin e lartë dhe ndihmon shëndetin mendor. Ky është përfundimi të bërë në universitetin e Queensland dhe nga "Centre of Excellence for Environmental Decisions". Studiuesit kanë analizuar 1538 njerëz, duke krahasuar zakonet e tyre gjatë javës, aktivitetin fizik dhe marrëdhënien që kanë me natyrën. Nga rezultatet doli në pah se ata që shëtisnin në park kishin më pak mundësi për të zhvilluar sëmundje kardiake, stres, ankth dhe depresion. "Nëse të gjithë do të shkonin të shëtisnin në një park pranë shtëpisë, të paktën 30 minuta në javë, ekziston mundësia e 7% më pak në rastet e depresionit dhe 9% më pak për shqetësimet me tensionin e lartë", ka deklaruar dr. Danielle Shanahan, udhëheqëse e studimit, i cili u botua në "Nature Scientific Reports".
Përfitimet që marrim nga natyra në dobi të shëndetit janë të ditura prej kohësh, por kjo risia e këtij studimi ishte saktësimi i kohës që nevojitet për të përfituar. "E dimë prej kohësh që shëtitjet në ajër të pastër i bëjnë mirë shëndetit, tani po fillojmë të përcaktojmë saktësisht se për sa kohë kemi nevojë", shpjegon profesor Richard Fuller. Provat specifike bëjnë fjalë për vizita të shpeshta për të paktën 30 minuta. Grupi i studiuesve ka zbuluar, veç të tjerash, që personat që bëjnë vizita të gjata në hapësirat e gjelbra, përveç se kanë nivele të ulta të depresionit dhe të tensionit të lartë, zhvillojnë gjithashtu një ndjesi më të madhe solidariteti dhe empatie përkundrejt personave të tjerë. Një dozë natyre në javë nuk kushton asgjë dhe nuk ka asnjë rrezik. Vini në praktikë terapinë që sjell natyra, pasi vetëm do të përfitoni, pa qenë e nevojshme të bëni sakrifica. /Telegrafi/ The post Shëtitja në park ul tensionin e gjakut dhe na bën më të lumtur appeared first on Telegrafi. |
| Posted: 10 Sep 2016 06:20 AM PDT Besfort Berisha Kishin dëgjuar se protezat protetike kanë çmime të larta, nga 700 euro e më shumë – varësisht nga kualiteti i protezës. Por, çmim më të lirë ka proteza që mund të realizohet me printerin 3D, fakt ky që ka shtyrë anëtarët e RotaractClubIllyrian të punojnë në këtë drejtim, për të lehtësuar jetët e mbi 150 personave në nevojë në Kosovë. Për të realizuar prototipin, nga ana financiare ishte përkujdesur Rotary Prishtina International. Prototipi ishte printuar në Universitetin Amerikan të Kosovës (AUK). Ndërsa, ndihmë ka dhënë edhe qendra BONEVET në Gjakovë – sidomos me hapësirën e ofruar për vazhdimin e këtij projekti mbresëlënës. Proteza funksionon duke e lidhur në kyçin e dorës. Kur lëviz kyçi, proteza – me anë të disa penjve – hyn në funksionon dhe e mundëson lëvizjen e dorës. Pra, gjithçka është mekanike pa nevojë për ndërhyrje kirurgjike.  Gjatë printimit në AUK Ekspertët kanë dalë me të dhënat se proteza e printuar në 3D është më e bukur në dukje dhe se kryen më mirë funksionet e saj, si lëvizjet apo mbajtjet e gjësendeve. Ajo nuk është aspak e rrezikshme, pasi materiali është krejtësisht organik. Proteza është rezistente ndaj ujit, por assesi nuk duhet të ketë kontakt me ujin e nxehtë të vluar në mbi 100 gradë, meqë mund ta zbusë plastikën dhe ta deformojë atë. Sidoqoftë, proteza nuk i ka problem temperaturat e larta ditore. Sa i përket peshës, kjo varet kryesisht nga madhësia dhe dizajni. Një protezë e madhësisë normale mund të peshojë nga 200-600 gramë. Qëllimi i projektit të RotaractIllyrian është t'ju ndihmojë personave që kanë nevojë për proteza të tilla, ndërsa nuk mund ta përballojnë financiarisht. Kështu, ato nuk janë në shitje, por do të dhurohen. Një nga përfitueset e saj këto ditë do të jetë një shtatëvjeçare nga Prishtina.
Për të përcjellë punën e klubit dhe për të kontaktuar me ta, vizitojeni faqen e tyre zyrtare në Facebook, duke klikuar: KËTU Rotaract Ilyrian /Telegrafi/
The post Të rinjtë inovativë kosovarë, shpikin dorën protetike të printuar 3D – për t'ju ndihmuar personave në nevojë appeared first on Telegrafi. |
| BRENGOSËSE: Antibiotikët më nuk ndikojnë në sëmundjet e transmetueshme seksualisht Posted: 09 Sep 2016 11:58 PM PDT Sëmundjet e transmetueshme seksualisht po bëhen imune ndaj antibiotikëve, theksohet në raportin e Organizatës Botërore të Shëndetësisë (OBSH). Disa nga sëmundjet më të shpeshta seksualisht të transmetueshme, si p.sh. sifilizi, gonorreja dhe klamidia kryesisht trajtohen me antibiotikë, mirëpo raporti më i ri i OBSH-së tregon që mikroorganizmat, të cilët i shkaktojnë këto sëmundje, kohëve të fundit po zhvillojnë rezistencë ndaj trajtimeve aktuale, transmeton Telegrafi. Këto sëmundje te femrat shtojnë mundësinë e abortit, shtatzëninë jashtë mitrës dhe inflamacionin e komblikut, por edhe te meshkujt edhe te femrat mund të shkaktojnë sterilitet dhe të shtojnë ndjeshmërinë ndaj HIV-it. Meqenëse këto sëmundje po u përshtaten disa antibiotikëve më shpejtë se të tjerat, OBSH-ja ka ftuar qeveritë e shteteve që të ripërsërisin udhëzimet për trajtimin e tyre, në mënyrë që mjekët të mund të përshkruajnë antibiotikët të cilët akoma kanë ndikim.
Sëmundjet seksualisht te transmetueshme janë infeksione që përftohen nëpërmjet marrëdhënieve seksuale. Mikroorganizmi që shkakton sëmundjen mund të kalojë nga personi i infektuar në partnerin e shëndoshë nëpërmjet gjakut, spermës, sekrecioneve vagjinale, si dhe çdo fluidi trupor. Një pjesë e këtyre sëmundjeve mund të kalojnë nga nëna tek fëmija, gjatë shtatzënisë, gjatë lindjes, nëpërmjet transfuzionit të gjakut ose përdorimit të shiringave të infektuara. Shumë prej këtyre infeksioneve nuk japin simptoma, dhe mbarten nga njerëz plotësisht të " të shëndetshëm" në dukje. Rezistenca ndaj antibiotikëve konsiderohet si sfida kryesore globale e shëndetësisë në shekullin XXI. Ekspertët kanë frikë se pas disa viteve organizmi i njeriut mund të bëhet thuajse i pambrojtur kundër disa infeksioneve bakteriale. /Telegrafi/ The post BRENGOSËSE: Antibiotikët më nuk ndikojnë në sëmundjet e transmetueshme seksualisht appeared first on Telegrafi. |
| You are subscribed to email updates from Shendetesi Lajme – Telegrafi. To stop receiving these emails, you may unsubscribe now. | Email delivery powered by Google |
| Google Inc., 1600 Amphitheatre Parkway, Mountain View, CA 94043, United States | |
Lexo edhe:
