Mesazhi.com: “Serbia vazhdon propagandën kundër Kosovës në UNESCO, institucionet heshtin” plus 9 more
Mesazhi.com: “Serbia vazhdon propagandën kundër Kosovës në UNESCO, institucionet heshtin” plus 9 more |
- Serbia vazhdon propagandën kundër Kosovës në UNESCO, institucionet heshtin
- Deputeti holandez Turhan nuk ia zgjat dorën kryeministrit izraelit
- Haliti: Demarkacioni do të përfundojë në Arbitrazh
- Një tjetër hap para në luftën kundër kancerit
- UEFA: Skënderbeu trukoi 50 ndeshje
- Aksident hekurudhor ne Spanje, 4 te vdekur
- Bekim Çollaku, shef i stafit të presidentit Thaçi
- “Jeremiq s’mund të zgjidhet sekretar”
- KQZ-ja, e gatshme për organizimin e zgjedhjeve
- Arrestohen tri gra ne Paris, dyshohej se planifikonin sulme
Serbia vazhdon propagandën kundër Kosovës në UNESCO, institucionet heshtin Posted: 09 Sep 2016 07:36 AM PDT Serbia tashmë ka filluar fushatë kundër Kosovës në UNESCO. Shteti i Serbisë, ditët e fundit, ka hapur një ekspozitë në Paris "Kosova e Metohija – 10 hapa”, e konceptuar nga Zyra për Kosovë e Qeverisë së Serbisë dhe Komuna e Zveçanit, raporton KTV. Në anën tjetër, pala kosovare nuk ka bërë shumë në këtë drejtim, pas dështimit vitin e kaluar. Fajtor për këtë dështim, sipas partive opozitare, është presidenti i tanishëm, Hashim Thaçi. Ndërkaq, zyrtarë të Qeverisë së Kosovës nuk e kanë thënë asnjë fjalë për këtë temë. E nëse në Kosovë vazhdon të bëhet degradimi i trashëgimisë kulturore, sipas Hajrulla Çekut, Kosova do të dështojë sërish që të anëtarësohet në UNESCO. Në nëntorin e vitit të kaluar, Kosova nuk arriti që të bëhet anëtare e UNESCO-s për vetëm tri vota. Nga 142 shtetet anëtare të pranishme, për pranimin e Kosovës votuan 92, 50 ishin kundër, ndërsa 29 shtete abstenuan. The post Serbia vazhdon propagandën kundër Kosovës në UNESCO, institucionet heshtin appeared first on Mesazhi.com. |
Deputeti holandez Turhan nuk ia zgjat dorën kryeministrit izraelit Posted: 09 Sep 2016 07:34 AM PDT
Në video mund të shihet moment kur Kuzu afrohet me kryeministrin Netanjahu. Siç shihet Kuzu ka refuzuar të jep dorën ndërsa në pallton e tij ka të vendosur edhe flamurin e Palestinës. "Ai nuk ka meriton shtrëngim duarsh përderisa gjaku i fëmijëve palestinez derdhet nëpër rrugët e Gazës" – deklaroi Tunahan Kuzu. "Ne kemi nevojë për zbatim sanksionesh ndaj Izraelit, me qëllim që që të ndalojë kjo politikë", ka thënë Kuzu, përcjell "SHENJA". Protesta të mëdha pro Palestinës janë mbajtur në shtet para ardhjes së tij. Në mesin e shumë parrullave spikas njëra: "dërgone ate drejtë në Gjykatën Penale Ndërkombëtare". /SHENJA/ The post Deputeti holandez Turhan nuk ia zgjat dorën kryeministrit izraelit appeared first on Mesazhi.com. |
Haliti: Demarkacioni do të përfundojë në Arbitrazh Posted: 09 Sep 2016 07:33 AM PDT Nënkryetari i Kuvendit të Kosovës nga radhët e Partisë Demokratike të Kosovës, Xhavit Haliti ka deklaruar se demarkacioni do të përfundon në Gjykatën Ndërkombëtare të Arbitrazhit. "Unë po besoj, meqë kjo çështje është shtyrë shumë, do të shkojë në Gjykatën Ndërkombëtare të Arbitrazhit, megjithatë ende varet se sa do të mundim t'i bindim qytetarët. Në arbitrazh nuk do të ketë shumë ndryshime". Kurse, zëdhënësi i Qeverisë së Kosovës, Arban Abrashi është shprehur i bindur se kjo çështje nuk do të shkojë në Arbitrazh sepse do ta kalojnë në Kuvendin e Kosovës, pasi vija e kufirit është në rregull. The post Haliti: Demarkacioni do të përfundojë në Arbitrazh appeared first on Mesazhi.com. |
Një tjetër hap para në luftën kundër kancerit Posted: 09 Sep 2016 06:34 AM PDT Një test i thjeshtë gjaku që mund të dallojë kancerin përpara shfaqjes së simptomave, po konsiderohet si një arritje e madhe që mund të çojë në shpëtimin e mijëra jetëve. I konsideruar nga shkencëtarët si një detektor tymi, testi arrin të dallojë ndryshimet në qelizat e kuqe të gjakut, që ndodhin kur kanceri është prezent, por jo kancerin në vetevete. Kushton përafërsisht sa një analizë standarde gjaku dhe ekspertët shpresojnë që një ditë do të mund të përdoret për të monitoruar personat që rrezikohen nga prekja e kësaj sëmundje. Kapja që në fazat e hershme, në pjesën më të madhe të rasteve të kancerit, rrit shanset për të mbijetuar, pasi trajtimet janë më efektive kur kanceri sulmohen përpara se të përhapet. Shkencëtarët besojnë se ky zbulim, që u bë publik në Festivalin Britanik të Shkencës në Swansea, mund të shpëtojë me mijëra jetë në vit. The post Një tjetër hap para në luftën kundër kancerit appeared first on Mesazhi.com. |
UEFA: Skënderbeu trukoi 50 ndeshje Posted: 09 Sep 2016 06:22 AM PDT UEFA ka publikuar arsyet që çuan në përjashtimin nga kompeticionet europiane për një periudhë 1 vjeçare skuadrën e Skënderbeut. Institucioni më i lartë i futbollit europian zbulon se ekipi korçar dyshohet se ka manipuluar 50 ndeshje, 41 prej të cilave në Shqipëri. Në vendimin e zbardhur të premten, thuhet se Sistemi i Detektimit të Mashtrimeve të Basteve, me saktësi ka konfirmuar para panelit se klubi Skënderbeu ka qenë i përfshirë vazhdimisht në aktivitete manipulimesh rezultatesh në ndeshje kombëtare dhe ndërkombëtare në 6 vitet e fundit. Sipas UEFA-s, Skënderbeu ka manipuluar për qëllime fitimit të paligjshëm nëpërmjet basteve 41 ndeshje të Kampionatit shqiptar dhe Kupës së Shqipërisë, 5 ndeshje të Ligës së Kampionëve, 2 ndeshje të Ligës së Europës dhe 6 miqësore, transmeton TCH. "Sistemi arrin në konkluzionin se të paktën numri në vijim i ndeshjeve është manipuluar për qëllime fitimit të paligjshëm nëpërmjet basteve: 5 ndeshje të Ligës së Kampioneve, 2 ndeshje të Ligës së Europës, 41 ndeshje të Kampionatit shqiptar dhe Kupës së Shqipërisë si dhe 6 ndeshje miqësore", argumenton UEFA. The post UEFA: Skënderbeu trukoi 50 ndeshje appeared first on Mesazhi.com. |
Aksident hekurudhor ne Spanje, 4 te vdekur Posted: 09 Sep 2016 05:01 AM PDT Një tren pasagjerësh doli nga shinat në rajonin veriperëndimor të Spanjës Galicia, duke vrarë të paktën katër persona dhe duke plagosur 47 të tjerë të cilët janë duke u trajtur në spitale, thanë autoritetet. The post Aksident hekurudhor ne Spanje, 4 te vdekur appeared first on Mesazhi.com. |
Bekim Çollaku, shef i stafit të presidentit Thaçi Posted: 09 Sep 2016 04:41 AM PDT Pas dorëheqejes së nga Ministria e Integrimit Evropian, Bekim Çollaku ka nisur zyrtarisht punën si Shefi i Stafit të Presidentit të Kosovës, Hashim Thaçi. Lajmi është konfirmuar edhe nga Thaçi i cili me një shkrim ka uruar Çollakun në detyrën e re. "Sot ekipit tim iu bashkua z. Bekim Çollaku në cilësinë e Shefit të Stafit të Presidentit. Në të gjitha funksionet politike dhe institucionale të cilat i kam bartur përgjatë këtyre 16 viteve, z. Çollaku ka qenë një ndër bashkëpunëtorët e mi më të afërt. Z. Çollaku me vete sjellë një bagazh të madh të punës në shërbim të institucioneve shtetërore. Në Presidencë ai po vjen pas një pune të shkëlqyeshme si Ministër për Integrim Evropian, duke përmbushur me sukses misionin tonë të përbashkët për vendosje të marrëdhënieve kontraktuale me Bashkimin Evropian përmes nënshkrimit të MSA-së dhe përmbushjen e kritereve për procesin e liberalizimit të vizave. Mirësevjen Bekim!", ka shkruar Thaçi. The post Bekim Çollaku, shef i stafit të presidentit Thaçi appeared first on Mesazhi.com. |
“Jeremiq s’mund të zgjidhet sekretar” Posted: 09 Sep 2016 04:33 AM PDT Konsulli kosovar në Nju Jork u ka dërguar letër të gjitha vendeve anëtare të OKB-së përmes së cilës kërkon që Vuk Jeremiq mos të zgjidhet për sekretar të ri të Organizatës së Kombeve të Bashkuara (OKB). Konsulli, në fakt, e ka përcjellë letrën e Shoqatës së Familjeve të të Zhdukurve gjatë luftës në Kosovë, shkruan lajmi.net. "Ne, përfaqësuesit e familjeve të të zhdukurve u bëjmë thirrje të gjitha vendeve anëtare të OKB-së që mos ta zgjedhin Vuk Jeremiqin për sekretar të Përgjithshëm të Kombeve të Bashkuara", thuhet në fillim të letrës. Siç thuhet, "Jeremiqi është person i papërshtatshëm për atë pozitë, sepse vije nga vendi që ka shkaktuar gjenocid gjatë luftës në Kosovë dhe qëllimisht familjeve të të zhdukurve ua ka mohuar mundësinë që të dinë për fatin e me të dashurve". Për shkak të kësaj, thuhet në letër, zgjedhja e Vuk Jeremiqit do të ishte lëndim për të gjitha familjet e të zhdukurve të vrarëve. Nënshkrues të letrës janë koordinatori i Këshillit të familjeve të të zhdukurve, Bajram Çerkini, përfaqësuesja e Shoqatës "Thirrjet e Nënave", Nysrete Kumnova, kryetari i Shoqatës për zbardhjen e fatit të të zhdukurve, Haki Kasumi dhe Hysen Hyseni nga Shoqata "Zëri i prindërve". "Vuk Jeremiq, i cili ka lindur dhe është rritur në Serbi, ndodhet në pozitat më të larta në politikën serbe dhe është njëri nga përgjegjësit për gjenocid gjatë viteve të 90-ta në hapësirën e ish Jugosllavisë, krime të cilat përveç qindra mijëra viktimave kanë lënë edhe më shumë se 40 mijë të zhdukur", thuhet në letër. The post “Jeremiq s'mund të zgjidhet sekretar” appeared first on Mesazhi.com. |
KQZ-ja, e gatshme për organizimin e zgjedhjeve Posted: 09 Sep 2016 04:30 AM PDT Komisioni Qendror i Zgjedhjeve (KQZ), ka shprehur gatishmërinë për organizimin e zgjedhjeve, kurdo që ato vendosen të mbahen. Në një prononcim për "Zërin", zëdhënësi i KQZ-së, Valmir Elezi, ka thënë se po qe se një gjë e tillë kërkohet, ky komision do të veprojë gjithmonë sipas ligjit. "KQZ-ja është institucion i pavarur që për detyrë kryesore ka organizimin dhe mbajtjen e zgjedhjeve, prandaj nëse një gjë e tillë kërkohet, KQZ-ja do t'i ndërmarrë të gjitha veprimet e parapara me ligj për përmbushjen e këtij detyrimi kushtetues", ka deklaruar Elezi. Ndërkaq, shefi i Grupit Parlamentar të PDK-së, Zenun Pajaziti, ditë më parë ka thënë se Partia Demokratike nuk i ka problem zgjedhjet. Mirëpo, pas kësaj ka reaguar Lidhja Demokratike e Kosovës. Sipas deputetit të kësaj partie, Adem Salihaj, zgjedhjet në këtë kohë janë opsioni më i pafavorshëm. Dhe, nëse një gjë e tillë do të ndodhte, PDK-ja do ta bënte këtë për interesa personale. Për dallim prej LDK-së, partitë opozitare kanë thënë se opsioni më i mirë janë vetë zgjedhjet. The post KQZ-ja, e gatshme për organizimin e zgjedhjeve appeared first on Mesazhi.com. |
Arrestohen tri gra ne Paris, dyshohej se planifikonin sulme Posted: 09 Sep 2016 04:17 AM PDT Tri gra jane arrestuar ne Paris te enjten mbrema, pasi policia dyshoi se ato po planifikonin sulm ne Gare de Lyon, ben te ditur nje zyrtar policor. Grate e moshave 19, 23 dhe 39 u arrestuan ne perfier te Parisit, pasi dyshohej se kishin lidhje me nje veture te mbushur me cilindra gazi, e qe sipas policise ishte e destinuar per sulm terrorist. Ministri i brendshem francez Bernard Cazeneuve tha se grate ishin te “radikalizuara dhe fanatike” dhe se per kapjen e tyre ishte angazhuar nje ekip i tere. Gare de Lyon eshte nje nga stacionet kryesore te trenit ne Paris, dhe eshte me i ngarkuari ne qytet. /MESAZHI/
The post Arrestohen tri gra ne Paris, dyshohej se planifikonin sulme appeared first on Mesazhi.com. |
You are subscribed to email updates from Mesazhi.com. To stop receiving these emails, you may unsubscribe now. | Email delivery powered by Google |
Google Inc., 1600 Amphitheatre Parkway, Mountain View, CA 94043, United States |
Lexo edhe: