Mesazhi.com: “Alaves befason Barcelonën” plus 9 more |
- Alaves befason Barcelonën
- Walker: Politikanët e Kosovës nuk janë patriotë
- Kosova pëson humbjen e katërt
- Pozita e as opozita nuk janë të gatshme për zgjedhje
- Liverpooli s’e njeh kampionin
- Juventusi vazhdon me fitore
- Reali deklason Osasunen
- Amerikë: Gruaja shqiptare sulmoi dy gra myslimane dhe ua hoqi shamitë nga koka
- Miliona haxhinjë në Qabe reflektojnë barazi, pavarësisht racës së tyre
- City fiton derbin e Manchesterit
| Posted: 10 Sep 2016 09:26 AM PDT Alaves është befasia më e madhe e futbollit evropian këtë javë. Kjo skuadër modeste, ka arritur të mposht 1:2 në udhëtim Barcelonën, në kuadër të xhiros së tretë të La Ligas. S'e Barcelona do të ketë telashe në këtë ndeshje, u pa në minutën e 39', kur Alaves kaloi në epërsi nëpërmjet Deyverson. Me të filluar pjesa e dytë, Barcelona barazoi në 1:1 me anë të Mathieu. Por, në minutën e 64', Alaves riktheu epërsinë për ta mbajtur deri në fund të takimit. The post Alaves befason Barcelonën appeared first on Mesazhi.com. |
| Walker: Politikanët e Kosovës nuk janë patriotë Posted: 10 Sep 2016 09:08 AM PDT Ish-shefi i Misionit verifikues të OSBE-së në Kosovë, thotë se sistemi politik në Kosovë nuk po funksionon. Duke folur për krizën politike në vend, William Walker ia atribuon përgjegjësinë jo vetëm politikanëve të vendit, sidomos Qeverisë, por edhe problemeve të trashëguara nga ato që ai i quan gabime të organizatave dhe faktorëve ndërkombëtarë që kanë vepruar në vend që pas çlirimit. Walker foli edhe për planin e tij për të organizuar diasporën shqiptare nga të gjitha vendet e Ballkanit, për të rritur ndikimin e tyre. Ndërkaq, duke folur për simpatinë e tij ndaj Lëvizjes Vetëvendosje, ai tha se nuk përkrah protestat e dhunshme. Ai ka shtuar politikanët kosovarë nuk po tregohen patriotë për të zhvilluar vendin, por po përpiqen të përmbushin vetëm interesat e tyre personale. The post Walker: Politikanët e Kosovës nuk janë patriotë appeared first on Mesazhi.com. |
| Posted: 10 Sep 2016 08:44 AM PDT Përfaqësuesja e Kosovës në basketboll ka pësuar humbjen e katërt në kuadër të eliminatoreve të Kampionatit Evropian "EuroBasket 2017" ndaj Sllovenisë, me rezultat 81:91. Përfaqësuesja e Kosovës për dallim nga ndeshja e parë kundër sllovenëve, kësaj radhe pati paraqitje dukshëm më të mirë dhe pushim arriti të shkojë me epërsi prej katër pikëve 41:37. Megjithatë, në çerekun e tretë sllovenët arritën ta dëshmojnë cilësinë e tyre dhe të fillojnë shkëputjen në rezultat, për të fituar në fund pa shumë vështirësi. The post Kosova pëson humbjen e katërt appeared first on Mesazhi.com. |
| Pozita e as opozita nuk janë të gatshme për zgjedhje Posted: 10 Sep 2016 08:16 AM PDT Problemet e brendshme të koalicionit qeverisës për ta votuar demarkacionin kanë vënë në pah edhe mundësinë që nëse kjo çështje nuk kalon, atëherë të mendohet shkuarja në zgjedhje të parakohshme. Madje zërat për këtë temë janë shtuar pas 1 shtatorit, ani pse qëndrimet janë të ndryshme brenda partisë më të madhe në vend, PDK-së. Për dallim nga bashkëpartiakët e tij, njëri nga njerëzit më me ndikim në këtë parti, Xhavit Haliti, thotë se Kosova në asnjë variant nuk është e gatshme për zgjedhje. Ndërsa kategorik kundër zgjedhjeve shprehet partneri i PDK-së në koalicion, Lidhja Demokratike e Kosovës. “Nuk shoh rrezik. Nëse ka zgjedhje, ka zgjedhje, por nuk e besoj se jemi të përgatitur as pozita e as opozita për zgjedhje. Unë mendoj se nuk është koha për zgjedhje dhe demarkacioni nuk është shkas përmes të cilit duhet të shkohet në zgjedhje”, ka theksuar Haliti. Ndërkaq Ministri i Punës dhe Mirëqenies Sociale, Arban Abrashi i ka thënë RTK-së se koalcioni PDK-LDK është i qëndrueshëm, ndërsa thotë se as pozita e as opozita nuk janë të gatshme për zgjedhje. “Nuk mendoj se ka ndonjë çarje në koalicion. Koalicioni është më të vërtetë stabil. Demarkacioni është për çështje tjera, ashtu siç i ka përmend edhe kryeministri. Nuk besoj se do të ndodhin zgjedhjet dhe nuk ka kurrfarë indikacioni se për shkak të demarkacionit do të shkohet në zgjedhje”, ka thënë Abrashi. The post Pozita e as opozita nuk janë të gatshme për zgjedhje appeared first on Mesazhi.com. |
| Posted: 10 Sep 2016 08:07 AM PDT Liverpooli ka fituar ndaj Leicesterit Cityt me rezultat 4-1. Reds ishin më të mirë gjatë gjithë takimit dhe kjo ishte një fitore e merituar për ata. Goli i parë në këtë takim erdhi nga Roberto Firmino nga minutën e 13-të, i asistuar nga James Milner. Ndërsa në minutën e 31-të shënoi edhe Sadio Mane, pas një asistimi të bukur nga Daniel Sturridge. Por, pas shtatë minutash Jamie Vardy e shënoi golin e nderit në këtë takim për Leicester Cityn dhe me rezultatin 2-1 përfunduan 45 minutat e parë. Goli i tretë në këtë takim erdhi nga Adam Lallana në minutën e 56-të, pas një asistimi nga Georginio Wijnaldum. Ndërsa i fundit nga Firmino në minutën e 89-të. Pas këtij takimi Liverpoolit renditet në vendin e pestë me shtatë pikë, kurse Leicesteri në vendin e 13-të me katër pikë. The post Liverpooli s’e njeh kampionin appeared first on Mesazhi.com. |
| Posted: 10 Sep 2016 08:01 AM PDT Juventusi ka shënuar edhe fitoren e tretë në Serie A. Zonja e Vjetër në 'Juventus Stadium' ka mposhtur 3:1 Sassuolon, në kuadër të xhiros së tretë. Të gjitha golat e kësaj ndeshje u shënuan në pjesën e parë. Higuain me dy gola dhe Pjanic me një, ishin realizatorët për Juventusin. Për mysafirët golin e vetëm e shënoi Antei. Ndeshjen e ardhshme Juventusi e luan në udhëtim, te Interi. The post Juventusi vazhdon me fitore appeared first on Mesazhi.com. |
| Posted: 10 Sep 2016 07:27 AM PDT Real Madrid ka shënuar fitore të thellë kundër Osasunës në ndeshjen e javës së tretë të La Ligës. Pjesa e parë ishte në dominim total të madrilenëve ku shënuan tre gola. Ronaldo është kthyer nga lëndimi në mënyrën më të mirë të mundshme, ku vetëm pas gjashtë minutave lojë shënoi golin e parë për Realin. Danillo (40') dhe Ramos (45') ishin golashënuesit që vendosën rezultatin e pjesës së parë. Edhe në pjesën e dytë Reali nuk ndaloi ku shënoi dy gola që në fillim me anë të Pepe (56') dhe Modric (62'). Osasuna shënoi dy gola që shërbyen vetëm për ta zbutur avantazhin. Riera (64') dhe Garcia (79') ishin golashënuesit e Osasunës. Në javën e tretë Real Madridi kryeson tabelën me bilanc të qindpërqind, ku pas tre ndeshjeve ka po aq fitore, kurse Osasuna ka vetëm një pikë nga tre ndeshje të luajtura. The post Reali deklason Osasunen appeared first on Mesazhi.com. |
| Amerikë: Gruaja shqiptare sulmoi dy gra myslimane dhe ua hoqi shamitë nga koka Posted: 10 Sep 2016 03:48 AM PDT Një grua nga New York-u nga Shtetet e Bashkuara të Amerikës, është akuzuar për krim të urrjejtes pasi që ka ofenduar dhe ka sulmuar fizikisht dy gra myslimane. Emirjeta Xhelili, 32 vjeçare me origjinë nga Tirana, u ka bërtitur dhe i ka sulmuar dy gratë e moshës 23 dhe 24 vjeçare, duke u thënë: "Largohuni nga Amerika k***a", dhe më pas i ka goditur me grushte në fytyrë. Xhelili e cila në Facebook e quan veten Mary Magdalene, po ashtu i ka shqelmuar gratë në këmbët e tyre dhe më pas ka provuar t'ua heqë shamitë nga koka, transmeton Klan Kosova. "Kjo është Amerika dhe ju s'duhet të jeni ndryshe nga ne", ka bërtitur ajo gjatë këtij sulmi që ka ndodhur në afërsi të shtëpisë së saj në Brooklyn. Asnjëra nga viktimat dhe as fëmijët me të cilat ato ishin, nuk janë lënduar nga sulmi, kurse Xhelili, është arrestuar katër orë më vonë. Xhelili e cila punon në një restorant italian, është akuzuar për sulm dhe krim të urrejtjes e po ashtu me nj gjobë prej 50,000 dollarësh. The post Amerikë: Gruaja shqiptare sulmoi dy gra myslimane dhe ua hoqi shamitë nga koka appeared first on Mesazhi.com. |
| Miliona haxhinjë në Qabe reflektojnë barazi, pavarësisht racës së tyre Posted: 10 Sep 2016 03:18 AM PDT Besimtarët nga e gjithë bota në prag të njërës prej festave më të mëdha muslimane, asaj të Kurban Bajramit po bëhen bashkë në vendet më të shenjta për muslimanët për të kryer obligimin për një nga pesë kushtet e Islamit, Haxhin, raporton Anadolu Agency (AA). Pas vizitës që ja bënë qytetit të Medinës mbi dy milionë haxhinjë përfshirë edhe ato nga vendet e Ballkanit kanë mbërritur në Mekë ku do të kryejnë obligimin, pelegrinazhin në tempullin e shenjtë të Qabes që njihet si Haxh. Një ditë para se të ngjiten në kodrën e Arafatit për të kryer ritualet që janë pjesë e Haxhit, besimtarët e kalojnë kohën duke bërë namaz dhe lutje në Qabe. Besimtarë nga e gjithë bota, pa marrë parasysh përkatësinë etnike dhe racore kanë veshur ihramin e bardhë ndërkohë që imazhet e barazisë njëherësh janë nga qëllimet dhe mesazhet të cilat i dërgon Haxhi. The post Miliona haxhinjë në Qabe reflektojnë barazi, pavarësisht racës së tyre appeared first on Mesazhi.com. |
| City fiton derbin e Manchesterit Posted: 10 Sep 2016 02:41 AM PDT Skuadra e Manchester Cityt e ka fituar derbin e javës përball Manchester Unitedit me rezultat 2 me 1. Ndeshja ishte mjaftë e zjarrtë nga dy skuadrat, por ajo e Pep Guardiolës doli të jetë më e fuqishme ku shënoi dy gola në "Old Trafford". Golat për Cityn i shënuan: De Bruyne dhe Ihaenacho, ndërsa golin e nderit për ekipin e Jose Mourinhos e shënoi, Zlatan Ibrahimovic. Edhe pse United deri në fund të ndeshjes nuk u dorëzua duke rrezikuar disa herë portën e Bravos, nuk arritën të shënoni së paku golin e barazimit. Kështu kjo ishte humbja e parë këtë sezon për Unitedin e cila mbetët me nëntë pikë, ndërsa City vazhdon me fitore të një pas njëshme dhe kryeson tabelën e Premier Ligës me 12 pikë. The post City fiton derbin e Manchesterit appeared first on Mesazhi.com. |
| You are subscribed to email updates from Mesazhi.com. To stop receiving these emails, you may unsubscribe now. | Email delivery powered by Google |
| Google Inc., 1600 Amphitheatre Parkway, Mountain View, CA 94043, United States | |
Lexo edhe:
