INSAJDERI: “Një tjetër britanik i famshëm zgjedhë Shqipërinë për pushime” plus 2 more |
- Një tjetër britanik i famshëm zgjedhë Shqipërinë për pushime
- ‘Brexit’ nxitë pabarazinë racore në Britani
- Makinat pa timon pas vetëm pesë viteve
| Një tjetër britanik i famshëm zgjedhë Shqipërinë për pushime Posted: 18 Aug 2016 09:58 AM PDT Një tjetër personazh i famshëm ka zgjedhur jugun e Shqipërisë për të pushuar dhe bëhet fjalë për ish-drejtuesin e programit të famshëm "Top Gear", Jeremy Clarkson. Gazetari ka publikuar një fotografi në llogarinë e tij në "Instagram", duke postuar një foto nga bregdeti i Sarandës, njofton televizioni shqiptar Top Channel. "Shqipëri", ka shkruar Clarkson bashkangjitur postimit të tij. Kujtojmë se kjo është hera e dytë që ish-drejtuesi i programit të suksesshëm britanik viziton Shqipërinë. Javë më parë, edhe ish-kryeministri Tony Blair qëndroi për pushime në Shqipëri. The post Një tjetër britanik i famshëm zgjedhë Shqipërinë për pushime appeared first on INSAJDERI. |
| ‘Brexit’ nxitë pabarazinë racore në Britani Posted: 18 Aug 2016 09:51 AM PDT Minoritetet etnike dhe me ngjyrë në Britaninë e Madhe përballen ende me pabarazi racore në shumë fusha të jetës, përfshirë arsimin dhe shëndetësinë. Komisioni i të Drejtave të Njeriut dhe Barazisë, i cili gjithashtu shqyrtoi fusha si punësimi, strehimi, paga dhe drejtësia, tha se ka zbuluar një panoramë alarmante. Në raportin e komisionit shkruhet se të diplomuarit me ngjyrë paguhen mesatarisht 23% më pak se të bardhët, ndërsa më shumë minoritete etnike janë të papuna. David Isaac, kreu i komisionit, tha se raporti zbulon një kombinim të rrezikshëm të krimeve të urrejtjes pas "Brexit" dhe pabarazisë racore e sistematike në afat të gjatë. Ai tha se duhen shtuar përpjekjet për të luftuar pabarazinë racore, përndryshe ndarjet tashmë të dukshme në shoqëri do të thellohen. “Nëse je një person me ngjyrë apo i përket një minorance etnike në Britaninë moderne, të duket shpesh sikur jeton në një botë tjetër dhe përkatësia në një shoqëri të duket si propagandë", deklaroi Isaac. Raporti i komisionit thekson se përpjekjet e qeverisë për të luftuar këto fenomene negative kanë qenë të fragmentuara dhe jo të planifikuara mirë. Sipas këtij organizmi, përgjegjësia për një strategji të plotë në këtë drejtim duhet vendosur në duart e një ministrie në mënyrë që procedurat të organizohen më mirë. The post 'Brexit' nxitë pabarazinë racore në Britani appeared first on INSAJDERI. |
| Makinat pa timon pas vetëm pesë viteve Posted: 18 Aug 2016 09:38 AM PDT Makinat e autopilotuara janë e ardhmja e këtij sektori dhe kur thuhet e ardhmja, nuk bëhet fjalë për shumë larg. Prodhuesit më të mëdhenj të automjeteve janë vënë në garë me kohën për të dalë me një mjet të tillë dhe Ford tashmë ka dalë me një datë konkrete. Gjiganti amerikan i prodhimit të makinave njoftoi se në vitin 2021 do të prodhojë në masë makina 'të pavarura' dhe ka aq besim tek realizimi i këtij objektivi me sukses sa thotë që do t'i nxjerrë edhe pa timon fare. "Kemi hyrë në një epokë transformimi të shoqërisë dhe duhet t'i përshtatemi asaj. Siç mund ta imagjinoni, përvoja brenda një makine pa drejtues, ku nuk ke nevojë të bësh asgjë për ta bërë atë që të ecë, është e jashtëzakonshme. Në vend të kësaj mund të shfrytëzosh rrugën për në punë, shkollë, shtëpi apo pushime për të bërë diçka tjetër, si të lexosh, argëtohesh apo punosh ndërsa makina bën gjithçka për ty", deklaroi për BBC, Mark Fields, presidenti i kompanisë Ford. Ford është e para që del me një program kaq ambicioz, por jo e vetmja në këtë fushë, ku operon Tesla dhe kanë shfaqur ambiciet edhe shumë kompani të tjera, prodhues automjetesh e gjigantë teknologjikë, si në rastin e Google apo Apple. The post Makinat pa timon pas vetëm pesë viteve appeared first on INSAJDERI. |
| You are subscribed to email updates from INSAJDERI. To stop receiving these emails, you may unsubscribe now. | Email delivery powered by Google |
| Google Inc., 1600 Amphitheatre Parkway, Mountain View, CA 94043, United States | |
Lexo edhe:
