Dinozauri e ka marrë nofkën Pinokio – për shkak të hundës së tij të gjatë – kurse është zbuluar nga shkencëtarët të cilët thonë se i takon familjes së dinozaurëve Tyrannosaurus.
Një dinozaur komik hundëgjatë ka marrë nofkën Pinokio pasi që është zbuluar nga shkencëtarët, e të cilët thonë se ai i takon familjes së njëjtë të Tyrannosaurëve.Ekspertët thonë se tyrannosauri me hundë të gjatë është po aq mishngrënës dhe vrasës si dinozaurët e tjerë pavarësisht pamjes së tij më të vogël.
Mbetjet e këtij lloji janë gjetur afër qytetit Ganzhou në Kinën Jugore.
Hulumtuesit besojnë që shtaza, e cila ka pasur bisht dhe ka jetuar në Tokë 66 milion vjet më parë, ishte një mishngrënës i frikshëm kurse jetoj në Azi gjatë periudhës së Cretaceous.
Eshtrat ishin zbuluar nga punëtoret e një firme ndërtimore të cilët i dërguan ato në muzeun lokal. Ekspertët nga Akademia e Shkencës dhe Gjeologjisë në Kinë dhe Universiteti i Edinburgh e kanë ekzaminuar mbetjet e dinozaurit.
Me një kafkë të shtrirë dhe të gjatë, dhëmbë të shpesh prodatori i sapozbuluar duket shumë më ndryshe nga T.rex, i cili ka dhëmbë me maje dhe nofulla më të fuqishëm.
Paleontologët kanë qenë të dyshimte rreth ekzistencës së tyrannosaurit me hundë të gjatë derisa gjetën mbetjet e dinozaurit – emri i mëparshëm i të cilit ishte Qianzhousaurus sinensis – e që doli mbi Tokë në Kinën Jugore.
Para çastit të gjetjes së tij, vetëm dy fosile të tyrannosaurëve me kokë të gjatë kanë qenë zbuluar, por përderisa ata ishin të ri ishte e pa qartë se a ishin nga klasa e re e dinozaurëve apo nëse ata ishin ende në fazat e hershme të rritjes së tyre.
Ekspertët nga Universiteti i Edingburgh thanë se specia e re është një shtazë afër moshës madhore. Është e paprekur dhe “shumë mirë e ruajtur”.
Mendohet që Qianzhousaurus sinensis kanë jetuar krahë tyrannosaurëve të tjerë por nuk ishin në garë direkt me ta, pasi që ata ndoshta kanë qenë gjah dhe pre e llojeve të tjera.
Një nga autorët e studimit, Dr Steve Brussate nga Universiteti i Edinburgh për shkollën e Gjeo-Shkencës tha:
“Ky është një tyrannosaur i ndryshëm. Ka dhëmbë që janë të familjes së T.rex, por feçka e tij është shumë më e gjatë dhe ai ka një radhë të brinjëve në hundë” .
“Mund të këtë pasur një dukje komike, por ka qenë i rrezikshëm sikurse tyrannosaurët e tjerë, ndoshta pak më i shpejtë dhe vjedhës i gjahut”.
“Është një mostër e mbresëlënëse, pothuajse me skelet komplet. Me të vërtetë vlen miliona gjetja e punëtorëve e këtij skeleti”, ka shtuar ai.
Tutje për zbulimin, studiuesit kanë krijuar një degë të re të familjes së tyrannosaurëve për llojin e gjetur që e kanë hundën e gjatë dhe ata presin që edhe më shumë dinozaur t’i shtohen këtij lloji pas që gjurmimet janë duke vazhduar për të identifikuar specie të reja të tyre.
Professor Junchang Lu, nga Instituti për Gjeologji, të Akademisë së Shkencave Gjeologjike në Kinë ka thënë se “zbulimi i ri është shumë i rëndësishëm.
“Pas zbulimit të Alioramus nga Mongolia, kjo tregon se tyrannosauridët hundëgjatë kishin një shtrirje të gjerë në Azi.
“Edhe pse ne ende jemi duke mësuar për të, tyrannosaurët hundëgjatë duket se kanë qenë prodatorët që kanë përbërë grupin kryesorë të tyre në Azi”.
Detalet e studimit, që janë zbuluar nga Natural Science Foundation of China dhe National Science Foundation, pritet të botohet në revistën Nature Communications.
Burimi: Gazeta
Express
loading...
Lexo edhe:
