Të gjitha kanë frikë nga banesa e mallkuar: Ndodhin vetëvrasjet, sëmundjet dhe shkurorëzimet! (Video)
Një apartament luksoz në New York nuk mund të gjejë blerës. Arsyeja thonë se është: mallkimi!
Banesa në rrugën Lindje 64, gjendet në vendet më të preferuara të metropolit. Nga tarraca në katin 12 ofrohet pamje e mrekullueshme në Central Park dhe në rrokaqiellin Chrysler.Apartamenti nën çati gjendet në shitje. Por, nuk ka blerës, sepse thuhet se aty është hedhur mallkimi. Për këtë fajësohet Bernie Madoff, financieri i cili bëri mashtrimin më të madh në historinë e SHBA me 65 miliardë dollarë dhe i cili në Karolinën e Veriut vuan dënimin me 150 vjet burg, transmeton Telegrafi.
Edhe pse vuan nga kanceri i veshkave, askush nga familja nuk e viziton. Banesa ku është vrarë djali i tij Michael, meqë thuhet se nuk mund ta duronte presionin e skandalit, nuk është “dëshmia” e vetme për mallkimin që përflitet. Secili që kishte lidhje me Madoffin i frikësohet kësaj. Kështu, djali i kontabilistit të tij kryesor, David Friehling, ka bërë vetëvrasje. Ndërsa, të njëjtën e bëri, për shkak të humbjeve materiale, bankari Thierry de la Villehucheta. Të vdekur në pishinë e gjetën edhe Jeffry Picoweran, për të cilin thuhet se më së shumti përfitoi nga këto mashtrime. E, djali i madh i Madoffit, po ashtu vuan nga kanceri në veshka.
Apartamentin më 2011 e ka shitur gjykata për të mbledh para për viktimat e mashtrimeve të Madoffit. Askush nuk donte ta blinte për 9.9 milionë dollarë, kështu që e ulën çmimin dhe e tërhoqën për blerje mbretin e lodrave Al Kahn dhe gruan e tij Patsy.
Për shtëpinë luksoze të njeriut më të urryer në Shtetet e Bashkuara u dhanë tetë milionë dollarë. Banesa u rinovua plotësisht. Patsy Kahn, menjëherë pas blerjes, tha në një intervistë se është e shqetësuar “rreth karmës që ka banesa” dhe shqetësimi i saj nuk ishte i gabuar, meqë ajo ndahet nga burri. Tashti Patsy e ka vënë banesën në shitje. Për të kërkoi 16 milionë dollarë, ndërsa çmimin e uli në 14 milionë. Por, blerës nuk ka, sepse të gjithë frikohen nga mallkimi.
Burimi: Gazeta
Express
loading...
Lexo edhe:
