Në ditën e Bajramit haxhinjtë kanë disa detyra. Kjo edhe tregon
urtësine e Allahut ne caktimin e detyrave të Haxhit. Ditën e tetë të
gjithë njerëzit shkojnë në Mina dhe nuk kanë ndonjë angazhim të madh.
Ditën e nëntë të gjithë shkojnë në Arafat dhe të vetmin oblgim e kanë
lutjen, dhikrin dhe namazin, kurse ditën e dhjetë kane disa oblgime,
pse? Urtësia e Allahut ka caktuar që në ditën e Bajramit të ndahet
detyrat për të ndarë xhematin.
Një pjesë shkon për të hedhur guralecat,
një pjesë për të bërë Tavaf, një pjesë për të qethur ose rruar kokën,
një pjesë për të therë kurbanin, një pjesë për të bërë Sajin. Në këtë
formë ndahen haxhinjte dhe u lehtësohet kryerja e obligimeve sa ma
lehtë. Përndryshe paramendoni që të gjithë haxhinjtë këtë ditë të
shkonin në një vend dhe në një kohë?!
Dita e Bajramit është dita më e mirë e vitit, siç ka thënë Pejgamberi, sal-lallahu alejhi ve sel-lem.
((أَفْضَلُ الأيَّامِ عِنْدَ اللَهِ يَوْمُ النَّحْرِ، ثُمَّ يَوْمُ القَرِّ))
"Dita më e mirë te Allahu është dita e Kurbanit e pastaj dita e dytë e Kurban Bajramit". Ebu Davudi, hadithi është sahih.
Në këtë ditë haxhiu që hedh guralecat, qeth ose rruan kokën dhe therr
Kurbanin, sipas shumicës së dijetarëve del pjesërisht nga Ihrami, nëse e
bën edhe Tavafin e Haxhit, lirohet tërësisht nga Ihrami.
Kjo ditë
ka më shumë obligime dhe është paksa më e vështirë për Haxhiun. Sepse
rrugët bllokohen, udhëtimi për në Meke bëhet i vështirë me veturë dhe
duhet ecur një pjesë të madhe në këmbë.
Me të kryer të Tavafit dhe Sajit haxhiu kthehet për në Mina ku duhet të qëndrojë atë natë dhe natën tjeter.
Një pjesë e madhe e haxhinjve tanë nuk e shohin Minen aspak dhe kjo,
mendoj, është një mangësi që duhet të korigjohet, sepse mejetet teknike
ekzistojnë dhe mundësia për ta realizuar këtë gjë është e pranishme. Së
fundit edhe nëse është sunet, sikurse e llogarisin hanefitë qëndrimin në
Mina, përsëri duhet tu mundësojmë haxhinjve tanë ta shijojnë këtë
sunet, të cilin vetëm këtë herë në jetë mund ta shijojnë, sepse shumica e
tyre vijnë vetëm një herë në Haxh.
Burimi:Bekir Halimi
loading...
Lexo edhe:
