Skip to main content

Hasta La Vista - Petro Marko (Analiza)



Hasta La Vista - Petro Marko (Analiza)


Tema e romanit  ''Hasta La Vista'' është marrë nga lufta qytetare në Spanjë, në të cilën në vitin 1936 kundër regjimit fashist luftuan vullnetarisht shumë të rinj nga mbarë bota.

Me këtë vepër Petro Marko ka dashur të paraqesë jetën dhe veprimet e vullnetarëve shqiptarë, e veçanërisht të flas për heroizmin solidar dhe për ndjenjën e internacionalizmit të intelektualit shqiptar në luftë për zhdukjen e fashizmit që në zanafillë.

Në boshtin tematiko-motivor ndërthuren edhe motive tjera siç është ai i dashurisë me antonime romantike dhe paraqitja e peizazhit të luftës qytetare në Spanjë.

Në roman trajtohet një dramë e njëmendët njerëzore, ku në mes të mirës dhe të keqes vihet në sprovë natyra dhe shpirti i njeriut, si dhe karakteri dhe morali i tij.

Në roman me një gjerësi epike jepen shumë episode aksionesh, luftimesh frontale, bombardimesh tërheqjesh, vrasjesh e plagosjesh; kapet atmosfera e vërtetë e një lufte të madhe e të përgjakshme.

Nganjëherë të duket se shkrimtari ndalet së tepërmi në këto momente e shumë pak zhytet në thellësitë psikologjike dhe të fatit të individit në atë luftë.

Figura qendrore janë Gori Gjinleka, vullnetar shqiptar dhe spanjollja e re dhe e bukur, Anita.

Siç kuptohet nga fillimi i romanit këta dy shpejt bien në dashuri, segment ky që do të behët subjekt i veprës. Dashuria e tyre lind në shikim të parë, por bëhet shumë e fortë dhe e sinqertë. Ata kanë edhe përkatësi të njëjtë ideologjike. Fatkeqësisht, kjo dashuri ndërpritet me kthimin e Gorit në atdhe. Mundësia për t’u takuar mbetet e hapur, sepse në ndarje Gori i thotë Anitës përshëndetjen spanjolle “hasta la vista”, që do të thotë mirupafshim.


Gori Gjinleka jo vetëm që është trim e luftëtar i vetëdijshëm, por njeri që gjithmonë është i gatshëm të flijohet për shokët e vet që luftojnë për të njëjtin ideal. Në të shkrimtari ka dashur të bashkojë idealin dhe realitetin dhe këtij synimi ia del me sukses. Gori Gjinleka është prototip dhe sintezë e njeriut me ideologji dhe me ndjenja.Pucelli – luftëtari garibaldian me origjinë italiane.


Posaçërisht janë të bukura dialogët e shumta ndërmjet Pucellit e Xhemal Kadës. Që të dy janë personazhe të krijuar me një liri dhe forcë të madhe kreative, ku përveç motivit ideologjik, autori me sukses e përdor edhe motivin psikologjik të tyre. Pucelli gjithmonë është optimist. Shakatë e tij ia shuajnë brengat luftëtarit që e ka pranë, në front ose gjatë pushimit.


Kjo vepër ka rëndësi sepse me këtë Petro Marko ngre njëkohësisht një përmendore të lavdishme trimave shqiptarë, që vullnetarisht morrin pjesë në këtë luftë, pjesëmarrës i së cilës ishte edhe vet autori.


romani hasta la vista analiza,analiza e romanit hasta la vista petro marko,petro marko hasta la vista,romani hasta la vista referat,referate shqip,romane shqip,hasta la vista romani shqip,romane shqip,kritika letrare petro marko,Petro Marko

loading...

Lexo edhe:

Postimet e fundit






Popular posts from this blog

Vjershe per 28 nentorin nga Suhejla Topojani - Kaçanik

28 Nëntori

Shumë zemra rënkonin
Shumë lotë pikonin
Shumë fëmijë u vranë
Vetëm se ishin shqiptarë.

Tani erdhi paqja
Tani erdhi liria
Gëzohemi të gjithë
Se erdhi Pavarësia.

Mirë se erdhe Pavarësi
Mirë se erdhe 28 Nëntor
Jemi të gëzuar të gjithë
Të bashkuar e unik

Vjershe apo poezi nga Suhejla Topojani - Kaçanik


vjersha per 28 nentorin,28 nentori vjersha shqip,vjersha dhe poezi per 28 nentorin,28 nentori poezi shqip,vjersha te bukura per 28 nentorin,pavaresine e Shqiperise,shqipnise,

Pranvera në vendin tim

''Pranvera''është një stinë e bukur ku natyra fillon të ngjallet e të gjelbërohet,moti fillon të ngrohet jetë e re fillon të afrohet.

Çdo mëngjes kur zgjohem kënaqem kur shikoj rrezet e diellit që bien në dritare dhe kënaqem poashtu kur dëgjoj cicërimën e zogjve.

Kjo stinë e gëzon çdokënd me gjallërinë dhe bukurinë e saj.

Zogjtëgëzohen shumë sepse tani e kanë më të lehtë jetën,ushqimin dhe strehimin.Disa prej tyre(zogjtë shtegtarë) kthehen nga vendet e largëta si: dallëndyshja,lejleku etj.

Bariu është shumë i gëzuar sepse tani ai ka ku ti kullos bagëtinë dhe ta ruaj më lehtë atë.

Bujku fillon ta mbjellë misrin,domatet,patatet e perime dhe pemë tjera të ndryshme që janë të nevojshme për jetesën e njeriut.

Unë e dua këtë stinë sepse është tejet e bukur dhe në mua ngjall dashuri dhe lumturi shpirtërore.


Lexo edhe nje ese tjeter: Ese per pranveren


Shkruar nga stafi Rapitful.

Ndalohet rreptesisht kopjimi dhe postimi ne nje faqe tjeter


Pranvera në vendin tim .Kjo eshte nje…
Related Posts Plugin for WordPress, Blogger...

Labels

Show more