Sllavët shtriheshin ndërmjet Dnjeprit(lumë në Rusi) e Karpateve(male që ndajnë Evropën dhe Azinë) prej nga edhe erdhën në Ballkan.
Sllavët ndaheshin në tri grupe të mëdha: në sllavët e Lindjes, sllavët e Perëndimit dhe sllavët e Jugut.
Sllavët e Lindjes janë: rusët, bellorusët dhe ukrainasit.
Sllavët e Perendimit janë: polakët, çekët, moravët dhe sllovakët
Sllavët e Jugut janë: sllovenët, kroatët, serbët, malazeztë, maqedonasit, bullgarët etj.
Sllavët e Jugut
Fiset sllave të Jugut në fillim u vendosën në veri të Danubit të ulët. Ata vazhdimisht kalonin Danubin(lumë që buron në Gjermani dhe derdhet në Detin e Zi) dhe plaçkitnin popujt e Ballkanit.
Sllavët e Jugut në mes të shekullit VI filluan të depërtojnë në tokat e Perandorisë Bizantine. Ata erdhën gradualisht nga veriu në jug dhe zunë vend në tokat ndërmjet Danubit dhe Detit Egje.
Të gjitha vendet i pushtuan me forcë.
Nga fundi i shekullit VII në pjesën e poshtrne të Danubit u formua shteti i fuqishëm bullgar, kurse pjesa veriperëndimore e Ballkanit u pushtua nga fiset sllave të serbëve dhe të kroatëve.
Depertirni i sllavëve në tokat shqiptare
Sllavët e Jugut arritën në Gadishullin Ilirik (tokat shqiptare), duke ndjekur rrjedhat e lumenjve dhe rrugët e vjetra tregtare të romakëve, deri në Kosovë. Duke vazhduar më tej ata dolën në Mal të Zi, të sotëm, dhe në fushat pjellore perreth Liqenit të Shkodrës, e deri në Detin Adriatik. Sllavët e Jugut ndoqën edhe rrjedhën e Drinit, duke zënë viset pjellore të territoreve në Maqedoninë e sotme. Ata ende jetonin si në kohën e bashkësisë primitive. Pothuajse të gjithë sllavët e Jugut u vendosën në viset e Ilirisë. Ata në historinë e popujve ballkanikë njihen si ardhacakë. Ata kudo që shkuan ua ndërruan emrat vendbanimeve ilire, por edhe emërtuan shumë vende me emra të tyre si p.sh. Zadrime (Anadrini), Dibër ( Greminë, Grykë), Çorovodë (uji i zi) etj.
Pasojat e ardhjes së sllavëve në Ballkan
Ardhja e sllavëve në Ballkan pati pasoja të mëdha të cilat u reflektuan te popujt e lashtë ballkanikë. Ata zunë pjesën më të madhe të territorëve ilire, duke djegur, shkatërruar e plaçkitur vendet dhe popullsinë ilire. Shumica e ilirëve u asimiluan nga sllavët. Vetëm në Shqipërinë e sotme, në Kosovë dhe viset e tjera perreth, në Maqedoninë e sotme, në Mal të Zi dhe në disa vise të tjera, sllavët nuk arritën të zhdukin popullsinë ilire. Pasojat e ardhjes së sllavëve u ndien edhe te populisia trake. Fiset trake u asimiluan dhe u shkatërruan tërësisht, kurse territoret greke u reduktuan.
origjina e sllaveve, ardhja e sllaveve ne ballkan, pushtimi i sllaveve, sllavet ne ballkan, si ndahet sllavet, karpatet, lumi dnjepri, lumi danub, pushtimi sllav, ardhacaket sllave, fiset primitive sllave, sllavet primitive,
loading...
Lexo edhe:
