Rapitful Shqip

Pejgamberi salAllahu alejhi we selem ka thënë: "Mos iu gëzo fatkeqësisë së vëllait tënd, sepse Allahu mund ta mëshirojë atë, kurse fatkeqësinë e tij të ta caktojë ty." [Transmeton Buhariu]

Ebu Hurejra, radijAllahu anhu, ka transmetuar se Pejgamberi, salAllahu alejhi ve selem, me një rast ka thënë: "Nëse vdes njeriu, i ndërpriten veprat përveç tri: Një sadaka rrjedhëse, një dije e dobishme dhe një fëmijë i ndershëm që lutet për të." (Muslimi)

Transmeton Ebu Hurerja, radijallahu anhu, i cili thotë: Kam dëgjuar Pejgamberin, salallahu alejhi ve sel-lem, dukë thënë: “Kush dëshiron t’i shtohet rizku (furnizimi) dhe t’i zgjatet jeta le të mbajë lidhjet farefisnore.” (Buhariu dhe Muslimi)

Transmetohet se i Dërguari i All-llahut sal-lall-llahu alejhi ve sel-lem. ka thënë: “A e dini ç’është përgojimi?” (As'habët) thanë: “All-llahu dhe i Dërguari i Tij e dinë më së miri!” (Pejgamberi sal-lall-llahu alejhi ve sel-lem) ka thënë: “Përmendja e vëllait me atë që nuk i vjen mirë.” Dikush tha: “E ç’mendon, nëse ajo që flas për vëllanë tim është e vërtetë?” (Pejgamberi sal-lall-llahu alejhi ve sel-lem.) ka thënë: “Nëse është e vërtetë ajo që ti flet, atëherë e ke përgojuar, e nëse ajo që e flet nuk është e vërtetë, atëherë ke shpifur.” (Transmeton Muslimi)

Pejgamberi [sal-lAllahu alejhi ve sel-lem] thotë: “Veprat në asnjë ditë nuk janë ma të mira se sa në dhjetë ditët e Dhil-Hixhxhes. Thanë: as xhihadi në rrugë të Allahut? Tha: as xhihadi në rrugë të Allahut, përveç njeriut, i cili del me vetveten dhe pasurinë e tij dhe nuk kthehet me asgjë”. (Buhariu).

Pejgamberi sal-lallahu alejhi ve sel-lem thotë: «لا يزال البلاء بالمؤمن والمؤمنه، في جسده وأهله وماله، حتى يلقى الله عز وجل وما عليه خطيئة» [صححه الألباني] "Vazhdon sprova ti vijë besimtarit dhe besimtares në trupin, familjen dhe pasurinë e tij gjersa të takojë Allahun pa asnjë mëkat". (Shejh Albani e vlerëson të saktë).  

Duaje të dashurin me masë, se ndoshta një ditë të bëhet njeriu më i urryer dhe urreje të urryerin me masë, se ndoshta një ditë do të bëhet i dashuri yt! | Muhammed a.s. |

Pejgamberi, sal-lallahu alejhi ve sel-lem, thotë: “Asnjëri nuk e ka plotësuar besimin (imanin) përderisa të dëshiron për vëllain e tij atë që e dëshiron për vete.” (Transmeton Buhariu)

Pejgamberi sal-lallahu alejhi ve sel-lem thotë: "Zekatul-Fitri është pastrim për agjëruesin nga fjalët e kota dhe të ndyta dhe ushqim për të varfërit. Kush e jep para namazit të Bajramit i llogaritet zeqatul-fitër i pranuar e kush e jep pas namazit është sadaka e thjeshtë". Shejh Albani e vlerëson si hadith autentik.

Ukbe ibën Amir, radijallahu anhu, thotë: kam dëgjuar Pejgamberin, sal-lallahu alejhi ve sel-lem, duke thënë: “Secili njeri do të jetë nën hijen e sadakasë së tij deri sa të gjykohet mes njerëzve (në ditën e Gjykimit)”. Jezidi thoshte: Ebul-Hajri Murthidi nuk lejonte ti ikë asnjë ditë pa dhënë diç sadaka, qoftë ajo ushqim apo kujdes për farefisin. Ahmedi dhe tjerët. Shejh Albani e vlerëson si autentik.  

Sexhdeja na mbush me sevape dhe na ngrit i Lart Ubade ibën Samit, radiallahu anhu, na tregon se ka dëgjuar Pejgamberin, sal-lallahu alejhi ve sel-lem, duke thënë: "Secili rob i cili bën një sexhde për Allahun, Allahu do tia shkruan një të mirë, do tia fshin një të keqe dhe do tia ngrit një gradë, andaj sa ma shumë bëni sexhde". Ibën Maxhe, sahih  Burimi: Bekir Halimi  

Çdo të mirë që e bën të shpërblehet Xhabiri, radiallahu anhu, na tregon se Pejgamberi, sal-lallahu alejhi ve sel-lem, ka thënë: "Çdo e mirë llogaritet sadaka". Buhariu dhe Muslimi عن جابر رضي الله عنه قال: قال رسول الله صلى الله عليه وسلم: ( كُلُّ معروفٍ صدقةٌ ).  Burimi: Bekir Halimi  

I Dërguari, salallahu alejhi ue selem, ka thënë: "Agjërimi dhe Kur’ani do të ndërmjetësojnë për robin. Agjërimi do të thotë: Zoti im, unë ia ndalova hajen dhe pijen gjatë ditës, më mundëso të ndërmjetësoj për të! Kur’ani do të thotë: Zoti im, une e ndalova nga gjumi gjatë natës, më mundëso të ndërmjetësoj për të! Kështu do të ndërmjetësojnë." (Ahmedi, sahih)

Është pyetur i dërguari i Allahut, lavdërimi dhe paqja e Allahut qofshin mbi të, se cila vepër është më e dashur tek Allahu? Ai është përgjigjur duke thënë: “Namazi në kohën e vet.” pastaj cila? – është pyetur. Ka thënë: “Mirësjellja ndaj prindërve.”, pastaj cila? “Lufta në rrugën e Allahut.” (Transmeton Buhariu, Muslimi dhe të tjerë)

Na rrëfen Ebu Hurejre, radiallahu anhu, se Pejgamberi, sal-lallahu alejhi ve sel-lem, ka thënë: "I gjith umeti im do të hyjë në Xhenet veç atij që nuk dëshiron. I thanë: o Resulullah a ka kush refuzon? Tha: ai që më respekton mua hyn në Xhenet kurse ai që nuk më respekton veç se ka refuzuar". Buhariu عن أبي هريرة رضي الله عنه عن النبي صلى الله عليه وسلم أنه قال:( كل أمتي يدخلون الجنة إلا من أبى، قيل يا رسول الله، ومن يأبى؟ قال: من أطاعني دخل الجنة، ومن عصاني فقد أبى). Burimi: Bekir Halimi  

Pejgamberi, salallahu alejhi ve sel-lem, thotë: “Agjërimi është mbrojtje nga zjarri i Xhehenemit. Secili që agjëron, le të mos sillet me pakuptimësi kur agjëron, e nëse ndonjë sillet me pakuptimësi ndaj tij, ky le të mos e ofendojë e as le të mos e fyej, por le të thotë: Unë jam agjërues. Pasha Atë në dorën e të Cilit është shpirti i Muhamedit, era e gojës së agjëruesit është më e mirë tek Allahu sesa era e miskut”. (Hadithi është i saktë, e transmeton Nesaiu)

Na përcillet nga Abdullah bin Amri r.a. se i Dërguari i Allahut a.s. ka thënë: “Kënaqësia e Allahut është tek kënaqësia e prindërve dhe zemërimi i Tij është tek zemërimi i prindërve.”

Na përcillet nga Ebu Bekrete r.a. se i Dërguari i Allahut a.s. ka thënë: “A t’ju njoftoj për më të mëdhatë e gjynaheve.” Thamë: “Po, o i Dërguari i Allahut.” Tha: “T’i shoqërosh shok Allahut, mosrespektimi i prindërve” dhe pasi ishte i mbështetur, u ul ndenjur dhe tha: “Fjala e rreme, dëshmia e rreme” dhe vazhdoi ta përsëriste këtë fjalë derisa thamë me vete: “Ah, sikur të heshtte.” E përcjell Buhariu dhe Muslimi.

Profeti (alejhis-selam) ka thene: "Mos e mallkoni veten, mos i mallkoni femijet tuaj, mos mallkoni pasurine tuaj. Mos ia qelloni çastit ne te cilin Allahu lutesit ia ploteson çdo gje te kerkuar, qe edhe mallkimit tuaj t'i pergjigjet pozitivisht.'' {Muslimi} KUR'AN DHE HADITH

MOS I MBUSH NJERËZIT ME LËVDATA Ebu Bekrete, radijallahu anhu, transmeton: Një burrë e lavdëroi një tjetër në prani të Pejgamberit, salallahu alejhi ue selem, kështu që ai tha: “Mjerë për ju! Ia pretë kokën vëllait tuaj! Ia pretë kokën vëllait tuaj! Nëse ndonjëri prej jush dëshiron ta lavdërojë shokun e tij, le të thotë: Unë e konsideroj filanin kështu-kështu (të mirë) dhe Allahu e di më së miri; unë nuk mund të dëshmojë për pastërtinë e tij para Allahut, por ai duket të jetë kështu-kështu (i mirë).” [Muslimi, 7139] Burimi: Lulzim Susuri