Trupi i pajetë i Bujar Nishanit mbërrin në Shqipëri të martën |
- Trupi i pajetë i Bujar Nishanit mbërrin në Shqipëri të martën
- Tifozi i veçantë i Trepçës nuk përmbahet dot, shpërthen në lot pas fitores ndaj Yllit
- Velipoja çel sezonin, kryetari i Shkodrës thirrje kosovarëve të kalojnë pushimet atje
- Ankohen turistët: Çmimet në Ksamil tejet të larta, rrugët me gropa
- Trepça hap konkurs për 180 vende të lira për punë praktike
- Edhe një vend konfirmon rastin e parë të lisë së majmunit
- Vdes ish-luftëtari i UÇK-së
- “Sa dhimbje më dha lajmi që nuk më paske prit”, letra e Hysni Gucati për vdekjen e babait
- Ndarja nga jeta e Nishanit, mbesa Beniada mesazh prekës: Jeton në zemrat tona…
- Shembet muri i stadiumit në Mitrovicë
Trupi i pajetë i Bujar Nishanit mbërrin në Shqipëri të martën Posted: 29 May 2022 12:09 PM PDT Trupi i pajetë ish-presidentit të Republikës, Bujar Nishani do të mbërrijë në Shqipëri të martën. Ish-kryetari i shtetit ndërroi jetë ditën e djeshme në një spital në Gjermani, ku ishte i shtruar prej një muaji. Gazetari Juxhin Mustafaraj raporton se Nishanit do t'i kryhen të gjitha nderimet e fundit në një ceremoni shtetërore. Ai ishte presidenti i 6-të i Shqipërisë post komuniste. Nishani po kurohej në spitalin universitar Charite në Berlin. Ai u shtrua fillimisht në spitalin "Shefqet Ndroqi" në Tiranë, pasi kishte kompliacione të post Covid. Ish-presidenti u dërgua për mjekim më të specializuar, por shëndeti i tij u përkeqësua për shkak të insuficiencës polmonare të theksuar. Bujar Nishani dha frymën e fundit dje. Në karrierën e tij politikë ai njihej për gjuhën e kujdesur dhe maturinë. Bujar Nishani ishte një nga figurat më të rëndësishme të Partisë Demokratike. Ai ka mbajtur disa poste të rëndësishme si deputet, ministër dhe kryetar i Këshillit Kombëtar në selinë blu. Në vitin 2012, Nishani u zgjodh president. Ndërsa së fundmi ai ishte anëtar i Komisionit të Rithemelimit. |
Tifozi i veçantë i Trepçës nuk përmbahet dot, shpërthen në lot pas fitores ndaj Yllit Posted: 29 May 2022 12:07 PM PDT Trepça shënoi fitore ndaj Golden Eagle Yllit në ndeshjen e tretë finale, për mbajtur gjallë shpresat për titull.Ndeshja e zhvilluar në palestrën sportive "13 Qershori" ka përfunduar me rezultatin 55:58, shkruan Gazeta Express. Të pranishëm në Suharekë ishin edhe tifozët nga Mitrovica, "Torcidat". Në mesin e tyre ishte edhe një djalosh, i cili mori vëmendjen e thuajse të gjithëve. Ai u pa duke qarë në fundin e ndeshjes. Padyshim se lotët ishin gëzimi, pasi skuadra e tij e zemrës shënoi fitore. Edhe pse lotët e tij nuk ndaleshin, djaloshi në fjalë nuk e ndali këngën për Trepçën. Ndryshe, mes Yllit dhe Trepçës tani do të zhvillohet edhe ndeshja e katërt e serisë finale, në palestrën "Minatori". Seria finale tani është 2:1 në të mirë të skuadrës nga Suhareka. /Gazeta Express/ |
Velipoja çel sezonin, kryetari i Shkodrës thirrje kosovarëve të kalojnë pushimet atje Posted: 29 May 2022 12:03 PM PDT Bashkia e Shkodrës çeli sot zyrtarisht sezonin turistik veror duke garantuar kushte shumë të mira për pushuesit vendas dhe të huaj. Sipas traditës së krijuar, Velipoja është plazhi ku përqendrohem aktivitetet për çeljen e sezonit veror. Bashkia e Shkodrës garanton pastërtinë e plazhit dhe ruajtjen e pastërtisë së detit, pastaj rëra kurative dhe mikpritja janë ana tjetër e medaljes që tërheqin mijëra e mijëra pushues çdo vit. Këto cilësi e kanë kthyer Velipojën në plazhin më të preferuar e frekuentuar jo vetëm nga shkodranët, por edhe nga shqiptarë të Kosovës, Maqedonisë së Veriut, Mali i Zi, si dhe turistëve të huaj nga vende të ndryshme të Europës. Çelja zyrtare e sezonit u parapri nga një përgatitje intensive nga Bashkia e Shkodrës, me synim krijimin e kushteve optimale për pushuesit, të cilët në fakt, frekuentojnë Velipojën gjatë gjithë vitit. Duke patur turizmin si një nga prioritetet kyçe për fuqiziminekonomik të shkodranëve dhe punësimin e të rinjve, kryetari i Bashkisë së Shkodrës Bardh Spahia ka ndjekur vetë të gjitha përgatitjet e bashkisë për të përmirësuar shërbimet publike gjatë sezonit. Kryebashkiaku Spahia vuri në dukje se pastërtia maksimale dhe hapësirat publike janë në vëmendjen kryesorë të Bashkisë për të siguruar pushime sa më komode për turistët. Bashkia e Shkodrës është kujdesur që Velipoja, me hapësirat publike, të kthehet në një plazh që ofron aktovotete sportive-argëtiese. Disa prek tyre u demonsteuan edhe sot, së bashku me disa koncerte të organizuara nga Bashkia. Shkodra është ndër të paktat bashki që, në pak kilometra katrorë, ofron turizmin detar, liqenor, lumor, malor, si dhe atë kulturor elitar, i përfaqësuar me disa muzè në qytet, si dhe sitet arkeologjike. Velipoja, Thethi, Shiroka, Zogaj, Lumi i Shalës janë disa nga atraksionet turistikë që janë të arritshme gjatë gjithë vitit, por veçanërisht në verë, kthehen në pika të rëndësishme referimi për turizmin. |
Ankohen turistët: Çmimet në Ksamil tejet të larta, rrugët me gropa Posted: 29 May 2022 11:49 AM PDT Ksamili, një nga destinacionet tërheqëse dhe me çmimet më të larta në bregdetin e Jugut nuk ofron atë për të cilin paguajnë turistet. Këta të fundit janë përballur me rrugë gjithë gropa e mbetje nëpër qytet e plazh. Vera është në prag por Ksamili ende nuk është gati të presë turistët. I njohur si një nga destinacionet tërheqëse të Jugut, por edhe me çmimet më të larta të zonës, duket se infrastruktura rrugore nuk i përgjigjet fluksit turistik. Rrugët që të çojnë drejt plazheve janë gjithë gropa. Disa prej tyre nuk janë shtruar ende, duke krijuar vështirësi në lëvizje. Panorama aspak e këndshme nuk i ka shpëtuar syrit të vizitorëve. "Jam nga Spanja, kemi shëtitur gjithë rivierën sdhqiptare dhe është e bukur. Më pastër nga çfarë e kisha imagjinuar. Është maji dhe Ksamili është i qetë.Tani nuk ka shumë njerëz, por me siguri më vonë pastrimi do të jetë një problem. Rruga është në rregull por unë imagjinoj më shumë turistë në verë. Infrastruktura nuk është e mjaftueshme." Në jug turistët thonë se rrugët janë të rrezikshme. "Ksamili është i mrekullueshëm por rruga është shumë e keqe. Dje ishim në Syrin e Kaltër dhe rruga për atje ishte e rrezikshme." Për banorët rezidentë shqetësim përbën mungesa e sinjalistikës. "Viza të bardha nuk ka, ecin çunat e rinj si të tërbuar. Jemi pleq, kemi frikë. Dhe vetë hutohemi, jo fëmijët e vegjël". Për problemet që ndeshin gjatë gjithë vitit e veçanërisht gjatë sezonit i janë drejtuar Bashkisë, por zgjidhje nuk kanë marrë. "Pse mos të ketë sinjalistikë dhe të jetë policia rrugore. Vjet dhe parvjet kanë ardhur, sivjet nuk po i shohim dhe pse sezoni ka filluar." Në Ksamilin turistik shqetësim janë edhe mbetjet urbane që nuk pastrohen vazhdimisht. /oranews/ |
Trepça hap konkurs për 180 vende të lira për punë praktike Posted: 29 May 2022 11:39 AM PDT Zëvendësministri i Ekonomisë, Mentor Arifaj, ka bërë të ditur se ndërmarrja publike Trepç Sh.A ka bërë thirrje për punë praktike. Sipas Arifajt, puna praktike do të bëhet në tri grupe, ku secili grup do të t'i ketë 60 praktikantë me kohëzgjatje prej 6 muajsh. "Kujtojmë se si Qeveri e Kosovës jemi të interesuar dhe jemi duke punuar që sa më shpejt ta kthejmë Trepçën në ndërmarrje profitabile, që do të ndihmoj në rritjen e punësimit dhe të kontribuoj në zhvillimin e vendit", ka shkruar Arifaj. Detajet për aplikim për punë praktike mund t'i gjeni duke klikuar KËTU |
Edhe një vend konfirmon rastin e parë të lisë së majmunit Posted: 29 May 2022 11:37 AM PDT Meksika sot konfirmoi rastin e parë të konfirmuar të lisë së majmunëve në vend. Lajmin e ka bërë të ditur zëvendëssekretari i shëndetësisë së Meksikës, Hugo Lopez-Gatell, shkruan The Sun. Lopez-Gatell bëri të ditur se pacienti ishte një 50-vjeçar, banor i Nju Jorkut, i cili po trajtohet në Mexico City. "Ka mundësi të jetë infektuar në Holandë," tha Lopez-Gatell, duke shtuar se pacienti është izoluar dhe gjendja e tij shëndetësore është stabile. |
Posted: 29 May 2022 11:34 AM PDT Ka vdekur ish-luftëtari i Ushtrisë Çlirimtare të Kosovës, Nezir Neziri. Lajmin e ka bërë të ditur kryetari i Aleancës për Ardhmërinë e Kosovës, Ramush Haradinaj përmes një shkrimi në rrjetin social Facebook. "Bashkë në luftë dhe në paqe. Jeta jote kaloi në rrugën e lavdisë dhe sakrificave. Përgjithmonë në kujtimin tonë, Nezir!", ka shkruar Haradinaj. |
“Sa dhimbje më dha lajmi që nuk më paske prit”, letra e Hysni Gucati për vdekjen e babait Posted: 29 May 2022 09:11 AM PDT Hysni Gucati nga Haga ka shkruar një letër me rastin e vdekjes së babait të tij, Avdullah Gucati. Letrën e ka publikuar në Facebook, djali i Hysni Gucatit, Musliu, raporton Indeksonline. Më poshtë shkrimi i plotë: Letër nga Hysi me rastin e vdekjes së Gjyshit Babë sot nuk i paske prit shokët si çdo herë tjetër Me thanë që portreti ytë i priti të dera, të ajo derë e shpisë që sditi kurrë me u mbyll Që edhe Kur kulluan gjak plagët bashkë i kemi ndrydhë, Unë plagët e tua e ti plagët e mia Duke qesh me thojshe kështu bir e don liria Shumë herë Shokve ni fjalë jau ke thanë Ta kisha plumbin që ka Hysi në trup Kurrë nuk e kisha larguar, kujtim të lirisë e kisha lanë Eh ta kisha ditë që ky plumb nuk me dha aq dhimbje Sa dhimbje me dha lajmi që nuk me paske prit Të kisha shok lufte shok shpirti e shok lirie Pusho Babë në amshim larg çdo padrejtësie. |
Ndarja nga jeta e Nishanit, mbesa Beniada mesazh prekës: Jeton në zemrat tona… Posted: 28 May 2022 03:57 PM PDT Ish-banorja e Big Brother VIP dhe njëkohësisht mbesa e ish-Presidentit Bujar Nishani, Beniada Nishani ka shprehur ngushëllimet për humbjen e xhaxhait të saj. Në një postim në rrjetet sociale ka ngushëlluar dhe vajzën e ish-Presidentit, Fiona. 'Askush nuk vdes në tokë për sa kohë jeton në zemrën e atyre që mbeten. Fiona Nishani, zemra ime është me ty,'- shkruan Beniada Nishani. Ish-presidenti i Shqipërisë, Bujar Nishani, ndërroi jetë të shtunën në Gjermani, ku po trajtohej për shkak të gjendjes së rënduar shëndetësore. Ish presidenti Nishani vuante prej kohësh nga një sëmundje auto-imune dhe gjendja e tij u rëndua nga pasojat e COVID-19. Bujar Nishani shërbeu si president i Shqipërisë nga viti 2012 deri në vitin 2017. I lindur në Durrës më 29 shtator të vitit 1966, ai mbaroi studimet në Akademinë Ushtarake "Skënderbeu" në Tiranë, në vitin 1988. Në vitin 1996 përfundoi studimet pasuniversitare në Kaliforni, ndërsa në vitin 2004, përfundoi studimet për Jurisprudencë në Universitetin e Tiranës. Një vit më pas mori titullin "Master", në Studimet Evropiane në këtë universitet. Zyrtar i lartë i Partisë Demokratike ai shërbeu si ministër i Mbrojtjes, ministër i Drejtësisë dhe ministër i Brendshëm para se të zgjidhej president. |
Shembet muri i stadiumit në Mitrovicë Posted: 28 May 2022 03:32 PM PDT Është shembur muri i stadiumit i klubit Trepça '89 në Mitrovicë. Shembja e murit ka ndodhur gjatë ditës së sotme. Shembja e tij pengoi edhe makinat në rrugë. |
You are subscribed to email updates from Drenica Press. To stop receiving these emails, you may unsubscribe now. | Email delivery powered by Google |
Google, 1600 Amphitheatre Parkway, Mountain View, CA 94043, United States |
Lexo edhe: