“Tifozi shkatërroi plotësisht televizorin e tij pasi Jorginho përfundoi i treti në renditjen e Topit të Artë” plus 9 more Telegrafi Futboll
“Tifozi shkatërroi plotësisht televizorin e tij pasi Jorginho përfundoi i treti në renditjen e Topit të Artë” plus 9 more Telegrafi Futboll |
- Tifozi shkatërroi plotësisht televizorin e tij pasi Jorginho përfundoi i treti në renditjen e Topit të Artë
- Leotrim Kryeziu është “Ylli i Javës” në BKT Superligën e Kosovës
- Bledar Kryeziu, fitues i javës së pestë në ‘Eksperti’ – parashiko, kënaqu dhe fito!
- Pele me urim të veçantë për Messin në triumfin e shtatë për Topin e Artë
- Topi i Artë për Messin, kundërshton Papin: Ka pesë muaj që nuk luan!
- “Topin e Artë nuk do ia jepja Messit” – Totti mendon se argjentinasi nuk e meritoi këtë vit
- Bild e quan skandal Topin e Artë që iu dha Messit – Lewandowski e meritoi sipas tyre
- Liverpool insiston në transferimin e Traores
- Pikët dhe renditja finale e 30-të konkurrentëve për Topin e Artë
- Formacioni i javës së 16-të në BKT Superligën e Kosovës
Posted: 30 Nov 2021 02:08 AM PST Një tifoz i zemëruar shkatërroi televizorin e tij pasi Jorginho përfundoi i treti në renditjen e Topit të Artë. Mesfushori siguroi një vend në tre vendet e para të renditjes së Topit të Artë 2021, duke përfunduar përpara lojtarëve si Cristiano Ronaldo dhe Mohamed Salah. Mesfushori i Chelseat dhe Italisë kishte shkëlqyer për klubin dhe kombëtaren këtë vit, derisa ishte shikuar edhe si favorit për të fituar çmimin. Ai fitoi Ligën e Kampionëve sezonin e kaluar dhe luajti për ekipin e tij kombëtar, duke fituar Euro 2020 në verë. Por, disa fansa nuk ishin të bindur nga paraqitjet e tij, me një tifoz në veçanti duke bërë përpjekje ekstreme për të treguar zemërimin e tij. Një përdorues i Snapchat shprehu zhgënjimin e tij për renditjen e Topit të Artë kur pa renditjen e Jorginhos, para Karim Benzemas. Ai shkatërroi televizorin e tij, ndërsa mbeti i habitur nga pozicioni i 29-vjeçarit në renditjen e Topit të Artë. Vetëm dy lojtarë përfunduan mbi Jorginhon. Robert Lewandowski përfundoi në të dytin dhe Lionel Messi, i cili mori Topin e Artë për të shtatën herë në karrierë. /Telegrafi/
The post Tifozi shkatërroi plotësisht televizorin e tij pasi Jorginho përfundoi i treti në renditjen e Topit të Artë appeared first on Telegrafi. | ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
Leotrim Kryeziu është “Ylli i Javës” në BKT Superligën e Kosovës Posted: 30 Nov 2021 01:56 AM PST Federata e Futbollit e Kosovës së bashku me sponsorin e Superligës, Bankën Kombëtare Tregtare, BKT Kosova, vazhdojnë të ndajnë çmimin “YLLI I JAVËS”, për lojtarin më të mirë të xhiros. "YLLI I JAVËS" për xhiron e 16-të në #BKTSuperligë është shpallur futbollisti në radhët e FC Prishtina, Leotrim Kryeziu. Sulmuesi 22-vjeçar i bardhekaltërve ishte përcaktues në fitoren që skuadra e tij e realizoi si mysafire në Lipjan kundër Ulpianës, me rezultat 3:0. Ai shënoi dy gola dhe pati paraqitje të shkëlqyeshme gjatë tërë takimit. Kryeziu shënoi nga një gol në secilën pjesë në minutat 34' e 85′, teksa me një gol nga penalltia kontribuoi Besnik Krasniqi (57′). Golin e fundit në këtë edicion Leotrim Kryeziu e kishte shënuar pikërisht ndaj Ulpianës në ndeshjen e javës së 7-të, që ishte mbyllur baras 1:1. Me këtë fitore FC Prishtina ka ruajtur hapin me skuadrat e kreut të renditjes dhe aktualisht ndodhet në pozitën e 5-të të renditjes në #BKTSuperligës me 6 pikë më pak se lideri FC Ballkani. Çmimin "Ylli i javës" për sulmuesin e FC Prishtina, e ndau Burim Shala, menaxher i departamentit të korporatave në BKT. The post Leotrim Kryeziu është “Ylli i Javës” në BKT Superligën e Kosovës appeared first on Telegrafi. | ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
Bledar Kryeziu, fitues i javës së pestë në ‘Eksperti’ – parashiko, kënaqu dhe fito! Posted: 30 Nov 2021 01:09 AM PST Tashmë është duke u zhvilluar loja shpërblyese 'Eksperti' në Telegrafi, derisa është dhënë edhe shpërblimi për javën e pestë. Tashmë lexuesit e mediumit më të madh në vend janë mishëruar me lojën shpërblyese, me parashikimin e rezultateve nga gara më e madhe evropiane e klubeve Liga e Kampionëve, BKT Superliga e Kosovës, Liga Premier, La Liga, Serie A, Bundesliga dhe Ligue 1. Në javën e pestë të lojës që po e organizon mediumi ynë, Bledar Kryeziu është treguar më i suksesshmi duke mbledhur 72 pikë, dhe kështu ka fituar dëgjuese "MI TRUE ËIRELESS BASIC 2. Bledari me këtë rast është edhe pjesë e garës për një nga çmimet e mëdha: Skuter elektrik, iPhone 13 Pro Max dhe Trotinet Elektrik. Tashmë ka filluar java e gjashtë në lojën 'Eksperti', andaj nxito, parashiko dhe fito shpërblimin e gjashtë që e jep Telegrafi duke klikuar KËTU. /Telegrafi/
The post Bledar Kryeziu, fitues i javës së pestë në 'Eksperti' – parashiko, kënaqu dhe fito! appeared first on Telegrafi. | ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
Pele me urim të veçantë për Messin në triumfin e shtatë për Topin e Artë Posted: 30 Nov 2021 12:51 AM PST Pele ka uruar Lionel Messin për fitimin e Topit të shtatë të Artë në karrierë, me ceremoninë që u mbajt mbrëmë. Legjenda e futbollit bëri një postim të veçantë për argjentinasin, që tashmë cilësohet nga shumëkush si më i miri në histori të këtij sporti. "Urime, Leo Messi, për një tjetër Top të Artë. Pa dyshim që është një nderim i drejtë për një talent të çuditshëm. Shtatë herë, faleminderit shumë!", shkroi Pele. Messi, sulmuesi i Paris Saint-Germain, fitoi në një votim të ngushtë ndaj sulmuesit polak Robert Lewandowski nga Bayern Munich dhe mesfushorin italo-brazilian Jorginho nga Chelsea, të cilët mbyllën podiumin në garën për çmimin prestigjioz që jep çdo vit revista France Football. Në anën tjetër, kujtojmë që Pele po shërohet pasi u operua nga një tumor i zorrës së trashë në shtator që e detyroi atë të shtrohej në spital për një muaj dhe t'i nënshtrohej trajtimit me kimioterapi që është ende në proces. Legjenda e futbollit ka fituar tre herë Kupën e Botës, mirëpo asnjëherë Topin e Artë, pasi nuk ishte në kontinentin e vjetër. /Telegrafi/
The post Pele me urim të veçantë për Messin në triumfin e shtatë për Topin e Artë appeared first on Telegrafi. | ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
Topi i Artë për Messin, kundërshton Papin: Ka pesë muaj që nuk luan! Posted: 30 Nov 2021 12:31 AM PST Lionel Messi është fituesi i "Topit të Artë" 2021, i shtati për të në karrierën e tij. Ceremonia në Paris zyrtarizoi dorëzimin e çmimit. Një vendim që e bëri të lumtur argjentinasit dhe shumë admirues e bashkëlojtar, në mesin e tyre edhe Sergio Ramos, nga ky vit partner në PSG, por prej vitesh kundërshtar te Real Madridi. "Ai ka qenë gjithmonë një nga më të mirët në botë, nëse jo më i miri. I uroj atij më të mirën",- është shprehur mbrojtësi spanjoll. Megjithatë, ka edhe nga ata që kanë qenë kundërt zgjedhjes për të nominuar edhe një herë Messin si futbollistin më të mirë të vitit. Ky është rasti i Jean-Pierre Papin, ish-sulmues i Marseilles, Bayern Munichut, Milanit dhe ndër të tjera dhe fitues i "Topit të Artë" në vitin 1991: "Ai nuk ka luajtur për pesë muaj. Pashë që po flitej për të dhe sinqerisht nuk e kuptoj pse. Që kur fitoi Kupën e Amerikës çfarë ka bërë Messi në Paris? Ai shënoi një gol në ligë, tre në Ligën e Kampionëve”. “Nuk kam asgjë kundër tij, ai është një nga lojtarët më të mirë në histori, por këtë vit, jo nëse e meriton. Zgjedhja e Messit në 2021 do të nënkuptonte zhvlerësim të ‘Topit të Artë’ sepse do të thoshte që ne nuk u japim më mundësi lojtarëve të tjerë cilësorë për ta fituar trofeun. Dhe ju e dini se sa e vështirë është të jesh më i miri për një sezon të tërë. Kjo nuk është normale", përfundoi ish fituesi i trofeut prestigjoz. /Telegrafi/ The post Topi i Artë për Messin, kundërshton Papin: Ka pesë muaj që nuk luan! appeared first on Telegrafi. | ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
“Topin e Artë nuk do ia jepja Messit” – Totti mendon se argjentinasi nuk e meritoi këtë vit Posted: 29 Nov 2021 11:43 PM PST Francesco Totti dhe Topi i Artë, një nga të paktët trofe që nuk arriti ta fitonte, veçanërisht sepse mbeti në një klub me pak suksese si Roma. Ish-kapiteni i verdhekuqve, në intervistën për Sport ka folur për trofeun prestigjioz që iu dha mbrëmë Lionel Messit. Megjithatë, legjenda e futbollit italian është shprehur se këtë vit trofeu nuk do ta merrte La Pulga, por një lojtar tjetër. "Jemi mësuar të zgjedhim mes Lionel Messit dhe Cristiano Ronaldos, por këtë vit unë trofeun do t'ia jepja Robert Lewandowskit", deklaroi Totti gjatë intervistës. "Vetëm shikoni se çfarë ka bërë Lewandowski, shikoni statistikat e tij, golat e tij, ndikimin e tij, atëherë e kuptoni se përse e them këtë". "Messi është tashmë një lojtar që e ka vendin në histori të futbollit, mirëpo para Robertit, askush se ka merituar – mendimi im", ka shtuar më tej Totti. Argjentinasi e fitoi Topin e shtatë të Artë në karrierë, duke u bërë tashmë lojtari që e fiton më së shumti këtë trofe. /Telegrafi/ The post “Topin e Artë nuk do ia jepja Messit” – Totti mendon se argjentinasi nuk e meritoi këtë vit appeared first on Telegrafi. | ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
Bild e quan skandal Topin e Artë që iu dha Messit – Lewandowski e meritoi sipas tyre Posted: 29 Nov 2021 11:28 PM PST Gazeta prestiogjioze gjermane "Bild" e ka quajtur "skandaloze" zgjedhjen e Lionel Messit, si fitues i "Topit të Artë". Në artikull thuhet se Robert Lewandowski ishte larg më i mirë se Messi. Sipas gjigantit mediatik gjerman, sulmuesit të Bayern Munchen, i ishte vjedhur ky çmim. Lionel Messi mbrëmë për herë të shtatë u shpall si "Lojtari i Vitit", çmim ky që jepet nga France Football. Kështu argjentinasi bëhet futbollisti më i vjetër që arrijnë ta marrë këtë epitet. Robert Lewandowski u rendit i dyti, e Cristiano Ronaldo mbeti i gjashti kësaj radhe. /Telegrafi/
The post Bild e quan skandal Topin e Artë që iu dha Messit – Lewandowski e meritoi sipas tyre appeared first on Telegrafi. | ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
Liverpool insiston në transferimin e Traores Posted: 29 Nov 2021 11:17 PM PST Liverpooli po insiston në transferimin e Adama Traores nga Wolverhampton Wanderers. The Reds ka kohë që po tentojnë të transferojnë anësorin spanjoll, mirëpo Ujqërit kërkojnë një shumë të lartë. Sipas asaj që raporton Fichajes, Wolves duan që Liverpooli të paguajë së paku 60 milionë euro. Në verën e këtij viti, rivalit i skuadrës që drejtohet nga Jurgen Klopp kërkonte deri në 80 milionë euro. Por, Liverpooli e ka informuar Wolvesin se ata nuk do të paguajnë më shumë se 40 milionë euro për kartonin e lojtarit. Traore nuk po kalon nëpër një formë të lartë dhe The Reds nuk janë të gatshëm të paguajnë më shumë. Dëshira e lojtarit është që të kalojë në Anfield, por që duhet të pres marrëveshjen mes të dyja klubeve. /Telegrafi/ The post Liverpool insiston në transferimin e Traores appeared first on Telegrafi. | ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
Pikët dhe renditja finale e 30-të konkurrentëve për Topin e Artë Posted: 29 Nov 2021 02:44 PM PST Për të shtatën herë në karrierën e tij mbresëlënëse, Lionel Messi e ka fituar çmimin më të madh individual për futbollistë – Topin e Artë. Superylli argjentinas, i cili aktualisht luan për Paris Saint-Germainin, i la prapa konkurrentët e tij duke marrë 613 pikë dhe duke e kryesuar renditjen e më të mirëve. Konkurrenti i tij më i afërt ishte Robert Lewandowski (580), i cili kishte marrë 33 pikë më pak se ish-ylli i Barcelonës. Jorginho (460 pikë), Karim Benzema (239) dhe N'Golo Kante (186), e kanë përmbyllur top pesëshen. Në vijim jua sjellim renditjen finale për 30 futbollistët konkurrues për Topin e Artë të vitit 2021. /Telegrafi/
The post Pikët dhe renditja finale e 30-të konkurrentëve për Topin e Artë appeared first on Telegrafi. | ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
Formacioni i javës së 16-të në BKT Superligën e Kosovës Posted: 29 Nov 2021 02:43 PM PST Është mbyllur edhe java e 16-të në Superligën e Kosovës ku nuk munguan ndeshjet e bukura dhe golat. Ballkani është kthyer lider pas fitores ndaj Feronikelit me rezultat 1-0 si mysafir. Si mysafir ka fituar edhe Prishtina e cila ka mposhtur Ulpianën me rezultat 3-0. Llapi dhe Gjilani kanë luajtur baras pa gola në Merdar. Si vendas kanë marr fitore Drita dhe Malisheva (2-0), duke e mposhtur Dukagjin respektivisht Drenicën (4-0). Redaksia e Telegrafit ka zgjedhur më të mirët e javës, duke i radhitur në një formacion. Portier Flamur Gashi I Malishevës me pritjet e tij ishte ndër më të merituarit që skuadra e tij mori tre pikë. Ai kishte disa pritje fantastike ndaj sulmuesve të rrezikshëm të Drenicës. Mbrojtja Në të djathtë është Besnik Krasniqi që po zhvillon një sezon fantastike me Prishtinën. Ai arriti të shënojë edhe ndaj Ulpianës. Në qendër janë mbrojtësin që luajtën kundër njëri tjetrit, Ilir Krasniqi i Llapit dhe Armend Halili I Gjilanit. Të dy bën punë të mirë në mbrojtje, duke mos lejuar që portat e tyre të rrezikohen. Në të majtë është Ilir Blakçori. Mbrojtësi i Dritës arriti të shënojë një herë në ndeshje me Dukagjinin, ndërsa ishte shumë aktiv në fushë. Mesfusha Në mesin e fushës ka zënë vend Muharrem Jashari i Dritës, i cili ka zhvilluar ndeshjen më të mirë të sezonit me këtë klub, duke asistuar dy herë. Me të është Donart Vitija i Malishevës i cili ishte prej më të mirëve të skuadra e tij, ku madje kontribuoi edhe me një asistim. Më i avancuar është Nazmi Gripshi, i cili në ndeshje me Feronikelin bëri lojë të mirë, ndërsa shtoi edhe një asistim. Sulmi Në të majtë është është Muhamet Hyseni i Malishevës që hapi ndeshjen ndaj Drenicës me golin nga pika e bardhë. Në të djathtë është Arbnor Muja i Dritës, që shënoi dy herë në ndeshjen me Dukagjinin, duke qenë më i miri në fushë. Ndërsa në qendër të sulmit është Leotrim Kryeziu i cili shënoi dy herë ndaj Ulpianës. Ai bëri një ndeshje shumë të mirë, duke vrapuar dhe luftuar shumë. Trajneri i javës Ky epitet shkon për Abdulah Ibrakovicin e Prishtinës, që mori fitoren e parë në ndeshjen e parë si mysafir. Skuadra e tij bëri lojë shumë të mirë, duke rrezikuar disa herë portën, ndërsa shënoi tri herë. Kjo ishte loja më e mirë e Prishtinës në këtë sezon. Formacioni /Telegrafi/ The post Formacioni i javës së 16-të në BKT Superligën e Kosovës appeared first on Telegrafi. |
You are subscribed to email updates from Futboll – Telegrafi. To stop receiving these emails, you may unsubscribe now. | Email delivery powered by Google |
Google, 1600 Amphitheatre Parkway, Mountain View, CA 94043, United States |
Lexo edhe: