“Analizë fantastike se si Tuchel taktikisht e mposhti Guardiolën në finalen e Ligës së Kampionëve” plus 9 more Telegrafi Futboll
“Analizë fantastike se si Tuchel taktikisht e mposhti Guardiolën në finalen e Ligës së Kampionëve” plus 9 more Telegrafi Futboll |
- Analizë fantastike se si Tuchel taktikisht e mposhti Guardiolën në finalen e Ligës së Kampionëve
- Ekskluzive: Kosova fton katër lojtarë të Prishtinës, spikat ftesa për Gledi Micin
- “Koha ime te Tottenham ka kaluar dhe duan të transferohem te PSG” – Aurier bën të qartë të ardhmen e tij
- Publikohen pamje nga një bashkëbisedim i ashpër mes Mahrez dhe Stones para fillimit të pjesës së dytë
- Allegri nuk e do, Ronaldo e sheh Manchester Unitedin si opsion të vetëm
- “Nuk është për këdo” – tifozët e Unitedit ngacmojnë Cityn pas humbjes në finale nga Chelsea
- As tentimi për të fituar minuta nuk i shkon Kantes – veprimi i tij shkakton të qeshura në rrjetet sociale
- Zyrtare: Thierry Henry rikthehet te Belgjika
- De Bruyne konfirmon shkallën e lëndimit që pësoi nga dueli me Rudiger – belgu nuk shpëtoi aq lehtë sa dukej
- Në praninë e Ibrahimovic, lojtari shqiptar feston kupën Svenska në Suedi
| Analizë fantastike se si Tuchel taktikisht e mposhti Guardiolën në finalen e Ligës së Kampionëve Posted: 30 May 2021 02:56 PM PDT Pak kush e kishte menduar se Chelsea do e fitonte Ligën e Kampionëve në një sezon që dukej se po fundosej nën menaxhimin e Frank Lampard. Por, The Blues reaguan shpejt për të shkarkuar legjendën e klubit të tyre, duke emëruar Thomas Tuchelin si trajnerin e tyre të ri. Përzgjedhja e gjermanit në krye të skuadrës doli të ishte e qëlluar, pasi ai u solli trofeun e dytë të Ligës së Kampionëve në histori të klubit. Chelsea arriti deri në finale të Ligës së Kampionëve dhe siguroi madje edhe pozitën e katërt në Ligën Premier, duke u kualifikuar automatikisht në garën më të madhe për klube në Evropë. Kur jemi te kjo e fundit, gjermani u tregua një strateg i vërtetë, ku me gjakftohtësi arriti të mposhte miliardat e Guardiolës që i ka investuar ndër vite te Citizens. Një video tregon më së miri se si gjermani ia doli të mposhte spanjollin në finale, e që thjeshtë është e mahnitshme. Goli i Kai Havzert e vendoi takimin edhe pse u shënua në pjesë të parë, gjersa Tuchel ia doli të menaxhonte mjaftë mirë edhe 45 minutat e dytë, duke triumfuar taktikisht ndaj homologut të tij. /Telegrafi/ The post Analizë fantastike se si Tuchel taktikisht e mposhti Guardiolën në finalen e Ligës së Kampionëve appeared first on Telegrafi. |
| Ekskluzive: Kosova fton katër lojtarë të Prishtinës, spikat ftesa për Gledi Micin Posted: 30 May 2021 02:36 PM PDT Kosova do t'i zhvillojë katër ndeshje në muajin qershor, por dy prej tyre janë rezervuar për lojtarët e Superligës. Dardanët gjatë muajit qershor do t'i zhvillojnë katër ndeshje miqësore, por për dy ndeshjet në Antalia kundër kombëtareve afrikane, Guinesë dhe Gambisë, përzgjedhësi Bernard Challandes do ta publikojë listën e futbollistëve javën e ardhshme. Telegrafi nga burimet e saj brenda FFK-së ka mësuar se tashmë kanë shkuar ftesat për shumicën e lojtarëve që do të jenë prezent.
Nga Prishtina janë ftuar katër lojtarë: Endrit Krasniqi, Lumardh Dellova, Leonit Abazi dhe Gledi Mici, shkruan Telegrafi. Ky i fundit është nga Tirana, ndërsa ka luajtur për grupmoshat e Shqipërisë U19 dhe U21.
Në anën tjetër edhe Leoni Abazit ka qenë pjesë e Shqipërisë U21, ndërsa ka qenë i tubuar edhe tek ekipi A. Lumbardh Dellova dhe Endrit Krasniqi kanë luajtur në grupmoshat e Kosovës.
Prishtina e ka fituar titullin e kampioni këtë sezon, duke bërë një rikthim sensacional nga (-14) pikë dhe duke i mposhtur rivalët direkt për titull Dritën dhe Ballkanin si brenda ashtu edhe jashtë. Lojtarët e ftuar të Prishtinës kanë qenë ndër më të mirët këtë sezon në Superligën e Kosovës.
Në anën tjetër na Ballkani janë ftuar Mirlind Daku, Blend Baftiu, Bajram Jashanica, Arbër Hoxha dhe Armend Thaqi. /Telegrafi/ The post Ekskluzive: Kosova fton katër lojtarë të Prishtinës, spikat ftesa për Gledi Micin appeared first on Telegrafi. |
| Posted: 30 May 2021 02:14 PM PDT Serge Aurier ka konfirmuar se dëshiron të largohet nga Tottenham Hotspuri në këtë verë. Mbrojtësi nga Bregu i Fildishtë nuk e sheh më vetën te SPurs, derisa lidhet me një kalim te Paris Saint-Germain, Milan dhe disa klube nga Spanja. Aurier ka thënë se koha e tij te Tottenham ka mbaruar dhe dëshiron të kalojë te skuadra franceze në afatin kalimtar veror.
"Të gjithë janë të vetëdijshëm se nëse do të dëshiroja të zgjas marrëveshjen time në Tottenham, do ta kisha bërë tashmë. Nuk do ta bëj për gjashtë muaj", ka thënë ai për L'Equipe . "Kam arritur në fund të një cikli dhe është koha të shoh diku tjetër. Të dy palët, bordi i Tottenhamit dhe agjentët e mi, kanë rënë dakord mbi kushtet. Do të shohim pas kësaj". "Asnjëherë nuk jam fshehur nga dëshira për t’u kthyer në PSG një ditë. Është klubi i zemrës sime, ai që unë mbështes dhe ndjehem i lirë të flas për të".
"Por, unë nuk dua që njerëzit të mendojnë se unë jam mbërthyer tek ata dhe nuk po ia mbyll derën askujt". “Nëse klubi do të bënte një ofertë këtë verë, është i sigurt se PSG do të ishte zgjedhja ime e parë”, ka shtuar më tej mbrojtësi i krahut. /Telegrafi/ The post “Koha ime te Tottenham ka kaluar dhe duan të transferohem te PSG" – Aurier bën të qartë të ardhmen e tij appeared first on Telegrafi. |
| Posted: 30 May 2021 01:47 PM PDT Janë publikuar pamjet se si Riyad Mahrez dhe John Stonës kishin një bisedë të ashpër në prag të fillimit të pjesës së dytë në kuadër të Ligës së Kampionëve mes Manchester Cityt dhe Chelseat. Citizens u mposhtën 1-0 nga The Blues në finalen e garës më të madhe për klube në Evropë, me golin e vetëm të realizuar nga Kai Havertz. Gjermani arriti të linte mbrapa në pjesën e parë Stones dhe Ruben Dias, për të shënuar përballë Edersoni në Estadio do Dragao në Potugali. Në tunel, para pjesës së dytë, Mahrez dhe Stones kishin një përplasje të ashpër, me tifozët e Cityt që ishin të acaruar me dy lojtarët. Kjo bëri që algjeriani dhe anglezi mos të kishin kontakt të mirë gjatë takimit edhe pse tentuan të barazonin shifrat deri në sekondat e fundit. Megjithatë, Chelsea arriti të ruante epërsinë, duke fituar trofeun e dytë në histori. /Telegrafi/ The post Publikohen pamje nga një bashkëbisedim i ashpër mes Mahrez dhe Stones para fillimit të pjesës së dytë appeared first on Telegrafi. |
| Allegri nuk e do, Ronaldo e sheh Manchester Unitedin si opsion të vetëm Posted: 30 May 2021 01:11 PM PDT Cristiano Ronaldo raportohet se mund të largohet qysh në këtë verë nga Juventusi. Massimmiliano Allegri është rikthyer te Zonja e Vjetër dhe sipas Cadena Ser, italiani nuk e do portugezin në skuadër. Lojtari 36-vjeçar thuhet se e shikon Manchester Unitedin si opsion të vetëm dhe t'i kalojë atje së paku dy sezone. Djajtë e Kuq janë të gatshëm që ta rikthejnë pesë herë fituesin e Topit të Artë në Old Trafford, mirëpo Juventusi kërkon para. Mediumi bën të ditur se Biankonerët duan ta rimarrin Paul Pogban, por që anglezët duan edhe para për ta realizuar operacionin. Ronaldo ka opsionin e rikthimit te Sporting Lisbona, mirëpo fillimisht dëshiron të kalojë te skuadra angleze më pas të pensionohet në Portugali. /Telegrafi/ The post Allegri nuk e do, Ronaldo e sheh Manchester Unitedin si opsion të vetëm appeared first on Telegrafi. |
| “Nuk është për këdo” – tifozët e Unitedit ngacmojnë Cityn pas humbjes në finale nga Chelsea Posted: 30 May 2021 12:29 PM PDT Tifozët e Manchester Unitedit nuk kanë humbur kohë dhe menjëherë i kanë ngacmuar rivalët e qytetit, Manchester City, pas humbjes në Finale të Ligës së Kampionëve. Kai Havertz shënoi golin e vetëm në sfidën ndërmjet Citizens dhe Chelsea duke sjellë zhgënjim te kampioni i Anglisë në rrugëtimin për trofeun e madh evropian. Pas triumfit në Carabao Cup dhe Ligën Premier, skuadra e Pep Guardiolas ishte në kërkim të tripletës këtë sezon.
Megjithatë, sezoni përfundoi në mënyrë të hidhur, pasi nuk zhvilluan një mbrëmje histori në Porto, ashtu që duhet t'i durojnë talljet e tifozëve të Unitedit. Në vitin 1999, Djajtë e Kuq e kishin kompletuar tripletën duke fituar Ligën e Kampionëve, Kupën FA dhe Ligën Premier – gjë që City nuk arriti ta bënte.
Ngacmimi i tifozëve të Unitedit është mbështetur në faktin se klubi i tyre është i vetmi nga Mançesteri që e ka fituar treshen e trofeve. Pos kësaj, kanë qenë pikërisht Djajtë e Kuq që e kishin mposhtur Chelsean në finale të Ligës së Kampionëve në vitin 2008 në Moskë. /Telegrafi/
The post "Nuk është për këdo" – tifozët e Unitedit ngacmojnë Cityn pas humbjes në finale nga Chelsea appeared first on Telegrafi. |
| Posted: 30 May 2021 12:28 PM PDT N'Golo Kante ishte në një veprim tejet qesharak të shtunën e 29 majit, ku tentoi të përfitonte minuta nga fundi i finales së Ligës së Kampionëve. Chelsea fitoi 1-0 ndaj Manchester Cityt, duke e fituar trofeun e dytë në histori të klubit, me francezin që në fund u shpall lojtari i ndeshjes. Por, para se të përfundonte takimi, Knte gjendej në një situatë ku mund të fitonte minuta, mirëpo ai u ngrit ngadalë. Veprimi mesfushori shkaktoi të qeshura në rrjetet sociale, pasi ai njihet si një lojtar që bën lojë korrekte dhe që është modest. Natyrisht se bashkëlojtarët e tij do të dëshironin që ai të qëndronte më shumë i shtrirë në tokë, pasi City në ata minuta bënte presion të lartë. /Telegrafi/
The post As tentimi për të fituar minuta nuk i shkon Kantes – veprimi i tij shkakton të qeshura në rrjetet sociale appeared first on Telegrafi. |
| Zyrtare: Thierry Henry rikthehet te Belgjika Posted: 30 May 2021 12:00 PM PDT Thierry Henry është rikthyer edhe zyrtarisht te kombëtarja e Belgjikës. Belgët po përgatiten për Kampionatin Evropian që fillon më 11 qershor dhe përfundon më 11 korrik. Roberto Martinez i ka besuar sërish legjendës së Arsenalit, duke e rikthyer sërish në stafin e tij. Henry do të jetë në stafin e trajnerit si ndihmës i tij, derisa para më shumë se tre muajsh po drejtonte skuadrën nga MLS, Montreal Impact. Por, nën arsyetimin se kishte disa punë familjare, francezi dha dorëheqje, duke u rikthyer tani te belgët. /Telegrafi/
The post Zyrtare: Thierry Henry rikthehet te Belgjika appeared first on Telegrafi. |
| Posted: 30 May 2021 11:45 AM PDT Kevin De Bruyne ka konfirmuar se ai theu hundën dhe pësoi një frakturë orbitale në përplasjen e tij me Antonio Rudiger gjatë finales së Ligës së Kampionëve. Ylli i Manchester Cityt dhe mbrojtësi i Chelsea u përplasën gjatë pjesës së dytë, duke lënë belgun të shtrirë në fushë. Ai më pas u zëvendësua ndërsa u largua nga fusha me lot në një moment emocional. De Bruyne ka konfirmuar diagnozën e tij pasi ishte kthyer nga spitali lokal. Ai shkroi në Twitter: “Përshëndetje, sapo u ktheva nga spitali". “Diagnoza ime është frakturë akute e kockave të hundës dhe thyerje e orbitës së majtë. Ndihem mirë tani. Ende i zhgënjyer për dje padyshim, por ne do të kthehemi”. De Bruyne u tërhoq me rezultatin 1-0 dhe qëndroi në bankinë – me Chelsean që në fund fitoi trofeun. Kai Havertz shënoi golin e vetëm të takimit, pasi Thomas Tuchel siguroi një fitore të tretë ndaj Pep Guardolas këtë sezon. /Telegrafi/
The post De Bruyne konfirmon shkallën e lëndimit që pësoi nga dueli me Rudiger – belgu nuk shpëtoi aq lehtë sa dukej appeared first on Telegrafi. |
| Në praninë e Ibrahimovic, lojtari shqiptar feston kupën Svenska në Suedi Posted: 30 May 2021 11:28 AM PDT Astrit Selmani është treguar vendimtar për Hammarby, në duelin e zhvilluar me Hacken në Kupën Svenska. Takimi i zhvilluar për më shumë se 120 minuta nuk dhuroi gola, duke bërë që takimi të shkonte në gjuajtjen e penalltive. Hammarby u tregua më i saktë nga 11-metrshat e ekzekutuar, pasi shënuan pesë, për dallim nga kundërshtari që realizoi katër.
Selmani e mori përgjegjësinë që të gjuante i fundit, duke realizuar me sukses, e që trofeu kaloi në duart e tyre. Lojtari shqiptar festoi me bashkëlojtarët trofeun e fituar, derisa me ta ishte edhe pronari i klubit, Zlatan Ibrahimovic. Anëtari i Milanit ka pothuajse dy vite që është pronar i klubit dhe ishte i pranishëm në këtë fitore të Hammarby. /Telegrafi/
The post Në praninë e Ibrahimovic, lojtari shqiptar feston kupën Svenska në Suedi appeared first on Telegrafi. |
Publikohen pamje nga një bashkëbisedim i ashpër mes Mahrez dhe Stones para fillimit të pjesës së dytë 
As tentimi për të fituar minuta nuk i shkon Kantes – veprimi i tij shkakton të qeshura në rrjetet sociale 
De Bruyne konfirmon shkallën e lëndimit që pësoi nga dueli me Rudiger - belgu nuk shpëtoi aq lehtë sa dukej 
Evra thumbon ashpër Manchester Cityn, pasi këta të fundit dështuan në finalen e Ligës së Kampionëve 
Ronaldo cilësohet si më i miri i të gjitha kohërave, para 'gjeniut' Messi - me portugezin që theu edhe një rekord 
❈ 𝕁𝕖𝕞𝕞𝕒 ❈
Paraqitja e Kantes në finalen e Ligës së Kampionëve ndaj Cityt jep sinjale se francezi është në listën e më të mirëve të të gjitha kohërave 
Guardiola kritikohet për veprimin që bëri pasi mori medaljen e Ligës së Kampionëve 
Një nga momentet e rralla: Mateu Lahoz nuk arriti t'i ndalte lotët pas finales mes Cityt e Chelseat 
"Guardiola nuk do të fitojë përsëri Ligën e Kampionëve për shkak të mallkimit afrikan" - Seluk tregon se çfarë nuk shkon me spanjollin | You are subscribed to email updates from Futboll – Telegrafi. To stop receiving these emails, you may unsubscribe now. | Email delivery powered by Google |
| Google, 1600 Amphitheatre Parkway, Mountain View, CA 94043, United States | |
Lexo edhe:
