Një në tre të rritur në Mbretërinë e Bashkuar kanë marr vaksinën kundër Covid-19

Një në tre të rritur në Mbretërinë e Bashkuar kanë marr vaksinën kundër Covid-19
Sistemi imunitar mbron fëmijët nga gjendja e përfolur shumë si ‘Covid i rëndë’
Troponina, biomarker kardiak më i rëndësishëm tek rastet e rënda me Covid-19
Karantina e futur gjatë fillimit të pandemisë me Covid, kishte këto përfitime jetësore tek njerëzit
Simptomat gastrointestinale të lidhura me Covid-19: Ja çfarë duhet të dini rreth gjendjes
Azitromicina nuk ka asnjë efekt në rezultatet e mbijetesës për pacientët e shtruar në spital me Covid-19

Posted: 21 Feb 2021 02:48 PM PST

Një në tre të rritur në Mbretërinë e Bashkuar kanë marr vaksinën kundër koronavirusit, tha këtë të dielë Sekretari i Shëndetësisë Matt Hancock.

Ai tha për BBC One’s për Andrew Marr Show se:

Që nga ky mëngjes, një në tre të rritur në të gjithë vendin janë vaksinuar dhe është një lajm i mrekullueshëm shkruan The Guardian përcjell Gazeta Shneta.

Ne kemi besim se vaksina funksionon në mënyrë efektive si ndaj llojit të vjetër të koronavirusit që ka qenë këtu për disa kohë ashtu edhe ndaj të ashtuquajturës variant Kent, i cili tani është burimi kryesor i infeksionit në këtë vend.

Poashtu, nëse do jetë vaksina efektive ndaj variantit të Afrikës së Jugut dhe variantit të Brazilit, mbetet të shihet në vazhdimësi duke pasur parasysh gjurmimin e përmirësuar të rasteve të kontaktit ashtu edhe masat kufizuese në kufi me shtete të rrezikut të lartë është shprehur Hancock.

Ai tha gjithashtu se të dhënat e fundit treguan “rreth një duzinë” raste të reja të variantit të Afrikës së Jugut të gjetur në Britaninë e Madhe. Në total, ka pasur rreth 300 raste, sipas tij. /Gazeta Shneta/

Sistemi imunitar mbron fëmijët nga gjendja e përfolur shumë si ‘Covid i rëndë’

Posted: 21 Feb 2021 02:30 PM PST

Fëmijët janë të mbrojtur nga forma e rëndë Covidi, sepse sistemi imunitar i lindur është i shpejtë për të sulmuar virusin, ka zbuluar një studim i ri.

Hulumtimi i udhëhequr nga Instituti i Kërkimeve të Fëmijëve Murdoch (MCRI) dhe botuar në Nature Communications, zbuloi se qelizat e specializuara në sistemin imunitar të një fëmije synojnë me shpejtësi koronavirusin e ri shkruan MedicalxPress përcjell Gazeta Shneta.

Dr. Melanie Neeland nga grupi MCRI tha se:

“Fëmijët kanë më pak të ngjarë të infektohen nga virusi dhe deri në një të tretën janë asimptomatike, gjë që është shumë ndryshe nga prevalenca dhe ashpërsia më e lartë e vërejtur tek fëmijët për shumicën e viruseve të tjera të frymëmarrjes” tha ajo.

Studimi përfshiu një analizë të mostrave të gjakut nga 48 fëmijë dhe 70 të rritur në 28 familje të Melburnit të infektuar ose të ekspozuar ndaj koronavirusit të ri.

Përgjigjet imune u monitoruan gjatë fazës akute të infeksionit dhe deri në dy muaj pas kësaj kohe.

Dr. Neeland tha se studimi tregoi se fëmijët me Covid-19 kanë një përgjigje imune më të fortë të lindur ndaj virusit krahasuar me të rriturit.

“Infeksioni i koronavirusit tek fëmijët u karakterizua nga aktivizimi i neutrofileve, qelizave të bardha të specializuara të gjakut që ndihmon në shërimin e indeve të dëmtuara dhe zgjidhë infeksionet si një reduktim të qelizave imune të përgjigjes së parë si monocitet, qelizat dendritike dhe qelizat vrasëse natyrore nga gjaku” tha ajo.

“Kjo sugjeron që këto qeliza imune që luftojnë infeksionin po migrojnë në vendet e infeksionit, duke pastruar shpejt virusin para se të ketë një shans të kapet me të vërtetë.”

Ndër të tjera kjo tregon që sistemi imun i lindur, gjegjësisht linja jonë e parë e mbrojtjes kundër mikrobeve, është thelbësore për të parandaluar Covid-19 të rëndë tek fëmijët, është shprehur Dr. Neeland. /Gazeta Shneta/

Troponina, biomarker kardiak më i rëndësishëm tek rastet e rënda me Covid-19

Posted: 21 Feb 2021 01:48 PM PST

Rreth 50% e pacientëve që janë shtruar në spital me gjendjen Covid-19 të rëndë dhe që tregojnë nivele të ngritura të një proteine të quajtur troponinë kanë dëmtime në zemrat e tyre.

Lëndimi u zbulua nga skanimet e rezonancës magnetike (MRI) të paktën një muaj pas lirimit nga spitali, sipas gjetjeve të reja të botuara në 'European Heart Journal' shkruan MedicalxPress përcjell Gazeta Shneta.

Dëmtimi përfshin inflamacion të muskulit të zemrës (miokardit), mbresë ose vdekje të indit të zemrës (infarkt), furnizim të kufizuar të gjakut në zemër (ishemia) dhe kombinime të të tre gjendjeve.

Studimi i 148 pacientëve nga gjashtë spitale në Londër është studimi më i madh i deritanishëm për të hetuar rikuperimin e pacientëve me Covid-19 të cilët kishin nivelet të ngritura të troponinës duke treguar një problem të mundshëm me zemrën.

Troponina lëshohet në gjak kur dëmtohet muskuli i zemrës. Nivelet e ngritura mund të ndodhin kur një arterie bllokohet ose kur kemi inflamacion të zemrës.

Shumë pacientë që janë të shtruar në spital me Covid-19 kanë të rritur nivelet e troponinës gjatë fazës kritike të sëmundjes, kur trupi monton një përgjigje të ekzagjeruar imune ndaj infeksionit.

Nivelet e troponinës u rritën në të gjithë pacientët në këtë studim të cilët u ndoqën më pas përmes skanimeve MRI të zemrës pas lirimit nga spitali për të kuptuar shkaqet dhe shkallën e dëmtimit.

Dr. Marianna Fontana, profesoreshë e kardiologjisë në University College London, e cila drejtoi hulumtimin së bashku me Dr. Graham Cole, një kardiolog konsulent në Imperial College London, tha se:

“Nivelet e ngritura të troponinës lidhen me rezultate më të këqija në pacientët me Covid-19 Pacientët me sëmundje të rëndë Covid-19 shpesh kanë probleme shëndetësore para-ekzistuese të lidhura me zemrën, përfshirë diabetin, presionin e ngritur të gjakut dhe mbipeshën". /Gazeta Shneta/

Karantina e futur gjatë fillimit të pandemisë me Covid, kishte këto përfitime jetësore tek njerëzit

Posted: 21 Feb 2021 01:16 PM PST

Një studim i fundit i prindërve që kujdesen për fëmijët arrin në përfundimin se bllokimet e Covid-19 kanë dhënë disa përfitime të papritura.

Disa njerëz raportuan ndryshime pozitive në marrëdhëniet e tyre familjare, mirëqenien shpirtërore dhe më shumë. Rezultatet u shfaqen në revistën britanike 'British Journal of Psychiatry' shkruan MedicalNewsToday përcjell Gazeta Shneta.

Të anketuarit e studimit identifikuan katër fusha kryesore të rritjes personale që rezultuan nga ndërprerja e jetës së tyre gjegjësisht nga të qenurit të 'nxënë'.

Deri në 48% të të anketuarve raportuan një vlerësim të ri për familjen e tyre.

Prindërit thanë se ata kaluan më shumë kohë me familjet e tyre, gjë që çoi siç thanë ata në një “marrëdhënie më të ngushtë dhe një kuptim më të mirë të njëri-tjetrit”.

Të anketuarit gjithashtu thanë se ata vlerësonin që ishin më të përfshirë në jetën e fëmijëve të tyre.

Me ngadalësimin e jetës me ritëm normal, 22% e pjesëmarrësve në sondazh thanë se atyre u ishte dhënë mundësia të rivlerësojnë vlerat e tyre personale dhe “të rishikojnë atë që është me të vërtetë e rëndësishme”.

Njerëzit e gjetën veten duke përjetuar një “rilidhje me kënaqësi të vogla”, me më pak interes për gjërat materiale.

Meqenëse “jeta ishte ngadalësuar” në karantinë, 22% e të anketuarve raportuan se jetonin në një mënyrë më të shëndetshme me më pak stres.

Një fushë tjetër e zhvillimit gjatë kësaj periudhe ishte edhe rritja shpirtërore, me më shumë kohë për të shqyrtuar pyetjet themelore ekzistenciale.

Krahas freskimit të tyre shpirtëror, individët raportuan që kishin një qëndrim më të mirë ndaj të tjerëve dhe një ndjenjë më të fortë ndaj komunitetit.

Për 11% të pjesëmarrësve në sondazh, pandemia i kishte çuar ata në zbulimin e mundësive të reja dhe aftësive të reja.

Njerëzit ishin të kënaqur që kishin një shans për të zotëruar teknologjitë e përfshira në punën nga shtëpia dhe mësimin e fëmijëve të tyre në distancë.

Kur studiuesit pyetën pjesëmarrësit: “A mendoni se ka ndonjë gjë pozitive për të nxjerrë nga kjo pandemi dhe kufizimet e distancës sociale?”. Prej të anketuarëve 88.6% u përgjigjën me “po”. /Gazeta Shneta/

Simptomat gastrointestinale të lidhura me Covid-19: Ja çfarë duhet të dini rreth gjendjes

Posted: 21 Feb 2021 12:43 PM PST

Simptomat e frymëmarrjes janë simptoma më të zakonshme të Covid-19.

Por sipas një rishikimi të fundit, 53% e njerëzve të shtruar në spital me Covid përjetojnë të paktën një simptomë gastrointestinale (GI) në çdo kohë gjatë sëmundjes së tyre shkruan MedicalNewsToday përcjell Gazeta Shneta.

Dhe ka gjithnjë e më shumë dëshmi se ndeshja e simptomave të traktit gastrointenstinale (GI) me Covid-19, ose zhvillimi i Covidit së bashku me gjendjet themelore të GI, mund të rrisin rrezikun e ashpërsisë së sëmundjes dhe komplikimeve negative.

Simptomat e traktit gastrointestinal (GI) të lidhura me sëmundjen Covid-19 janë të manifestuara në gojë, ezofag, stomak, zorrë të hollë dhe të trashë si dhe anus.

Personi i parë me Covid-19 të konfirmuar në Shtetet e Bashkuara gjithashtu përjetoi 2 ditë mundime dhe të vjella përpara se të zhvillonte diarre.

Dhe një nga studimet më të hershme amerikane zbuloi se rreth 32% e pacientëve me sëmundje Covid përjetuan diarre, të përziera ose humbje të oreksit.

Hulumtimet janë gjithnjë në zhvillim. Por sipas një përmbledhje të botuar këtë muaj duke analizuar 125 artikuj dhe një total prej 25.252 pacientësh, simptomat më të zakonshme të GI të lidhura me Covid-19 përfshijnë: mungesën e oreksit (19.9%), mungesa e nuhatjes ose shijes (15.4%), diarre (13.2%), nauze (10.3%) dhe të vjella deri gjak ose gjakderdhje GI (9.1%).

Sëmundja gjithashtu mund të shkatërrojë indet e zorrëve dhe të zvogëlojë lëvizjen e zorrëve.

Tani për tani, duket se shumica e njerëzve që përjetojnë simptoma të GI me COVID-19 i zhvillojnë ato së bashku me simptomat e frymëmarrjes.

Shumica e studimeve tregojnë se virusi Sars-CoV-2 hyn në qelizat e zorrëve, ose në enterocite dhe qelizat e frymëmarrjes duke përdorur enzimën konvertuese të angiotenzinës (ACE-2) si receptor.

Receptori ACE-2 është i ngulitur në membranat qelizore. Ndihmon në rregullimin e presionit të gjakut duke kontrolluar nivelet e proteinave përmes angiotenzinës, e cila inkurajon enët e gjakut të ngushtohen dhe të rrisin presionin e gjakut.

Virusi hyn në qelizat e zorrëve pasi proteinat karakteristike të tij (gjembore) të lidhen me ACE-2.

Pasi të jetë brenda qelizës, virusi përdor makinerinë e vetë qelizore për të prodhuar kopje të proteinave virale dhe acidit ribonukleik (ARN).

ARN është materiali gjenetik i retrovirusëve, siç është SARS-CoV-2, ashtu si ADN-ja njerëzore.

Kur grimcat SARS-CoV-2 largohen nga një qelizë e infektuar, ajo shkakton çlirimin e citokinave, proteinave të vogla që luajnë një rol në inflamacion. Ky proces mund të shkaktojë simptoma të traktit GI.

Simptomat e traktit GI mund të ndodhin gjithashtu pasi viruset shkatërrojnë ose dëmtojnë indet e traktit, veçanërisht të përcjellura me dhimbjen, të përzierat dhe diarrenë./Gazeta Shneta/

Azitromicina nuk ka asnjë efekt në rezultatet e mbijetesës për pacientët e shtruar në spital me Covid-19

Posted: 21 Feb 2021 12:02 PM PST

Disa studiues dhe praktikues mjekësorë besojnë se azitromicina një antibiotik i zakonshëm, mund të ndihmojë në përmirësimin e rezultateve për disa njerëz që rezultojnë pozitiv për Covid-19 dhe që nuk kërkojnë shtrim në spital.

Për më tepër, disa studime nga viti 2020 sugjerojnë që administrimi i këtij antibiotiku tek pacientët e shtruar në spital me Covid-19 duket se zvogëlon shkallën e vdekshmërisë për shkak të sëmundjes shkruan MedicalNewsToday përcjell Gazeta Shneta.

Ndër të tjera sipas një sondazhi në internet i kryer në pranverën e kaluar nga Sermo, një rrjet privat i mediave sociale për mjekët, tregon se 41% e mjekëve që trajtojnë pacientë me Covid-19 u përshkruan atyre azitromicinë, duke e bërë këtë antibiotikun – barin e dytë më të përshkruar për këtë sëmundje.

Tani, grupi bashkëpunues i 'RECOVERY' – teston trajtimet e mundshme Covid-19 dhe ka njoftuar se sipas të dhënave të tyre, ky antibiotik nuk përmirëson rezultatet e vdekshmërisë në pacientët e shtruar në spital me Covid-19.

Dokumenti i studimit i cili shfaqet në 'The Lancet', raporton se studiuesit monitoruan 7.763 pacientë të shtruar në spital, ku prej tyre 2.582 morën azitromicinë.

“Në përgjithësi, 561 (22%) pacientë të caktuar për azitromicinë dhe 1.162 (22%) pacientë të caktuar për përdorim të zakonshëm vdiqën brenda 28 ditëve”, thuhet në revistë, duke sugjeruar që antibiotiku “nuk e përmirësoi mbijetesën” midis atyre të trajtuar për Covid-19 në një ambient spitalor. /Gazeta Shneta/

Lexo edhe:

Rapitful Shqip

Search This Blog