“Formacioni i dekadës nga Liga Premier kundër atij të La Liga-s, L’Equipe pyet se kush do ta fitonte përballjen?” plus 9 more Telegrafi Futboll
“Formacioni i dekadës nga Liga Premier kundër atij të La Liga-s, L’Equipe pyet se kush do ta fitonte përballjen?” plus 9 more Telegrafi Futboll |
- Formacioni i dekadës nga Liga Premier kundër atij të La Liga-s, L’Equipe pyet se kush do ta fitonte përballjen?
- Benfica shpreson të transferojë Weiglin nga Dortmundi
- Ancelotti po planifikon transferimin e Rabiotit te Evertoni
- Rojo i gatshëm të largohet nga Manchester United?
- Szczesny afër rinovimit të kontratës me Juventusin
- Dortmundi përgatitet ta shesë Jadon Sanchon
- Juventusi thuhet se ka arritur marrëveshje me Kulusevskin
- Abraham ngurron ta vazhdojë kontratën me Chelsean – shkak paga e majme
- Raiola: Unitedi ka pasur më së shumti kontakte me Haalandin
- Ter Stegen afër rinovimit të kontratës me Barcelonën
Posted: 30 Dec 2019 02:55 PM PST Kur jemi në përfundim të dekadës, mediat ndërkombëtare kanë filluar të përpilojnë formacionin e dekadës për të gjitha top pesë ligat evropiane. Sa i përket garave ndërkombëtare në Evropë, La Liga vazhdon të jetë mbreti i kësaj dekade që po e lëmë pas. Liga Premier në këto vite ka pasur ngritje dhe rënie, por që gjithmonë kanë rivalizuar atë spanjolle. Formacioni i dekadës në ligën angleze sipas mediumit francez përbëhet nga:Në portë është portieri i Manchester United, David de Gea, derisa në mbrojtje gjenden katërshja, Cesar Azpilicuesta (Chelsea), Virgil van Dijk (Liverpool), Vincent Kompany e Pablo Zabaleta nga Manchester City. Mesfusha përbëhet nga dy anëtarët e Citizens, David Silva e Yaya Toure, së bashku me anëtarin tjetër të The Blues, N'Golo Kante. Në sulm përsëri është në dyshe e Cityt, Sergio e Aguero e Raheem Sterling, të ndihmuar nga Eden Hazard i skuadrës londineze. Formacioni i dekadës në La Liga:Në portë gjendet portieri i Atletico Madridit, Jan Oblak. Në mbrojtje janë Marcelo e Sergio Ramos nga Real Madridi me Gerard Piquen dhe Dani Alvesin e Barcelonës. Mesfusha përbëhet nga Andres Iniesta (Barcelona), Luka Modric (Real Madrid) dhe Xavi Hernandez (Barcelona). Treshja sulmues udhëhiqet nga, Lionel Messi (Barcelona), Cristiano Ronaldo (Real Madrid) dhe Antoine Griezmann (Atletico Madrid/Barcelona). Por, L'Equipe ka pyetur se kush do ta fitonte këtë përballje? /Telegrafi/
The post Formacioni i dekadës nga Liga Premier kundër atij të La Liga-s, L'Equipe pyet se kush do ta fitonte përballjen? appeared first on Telegrafi. |
Benfica shpreson të transferojë Weiglin nga Dortmundi Posted: 30 Dec 2019 02:44 PM PST Julian Weigl duket se i ka ditët e numëruara te Borussia Dortmundi. Mesfushori gjerman nuk është në planet e Lucien Favres, andaj në janar pritet të ndodhë largimi i tij. Weigl nuk po luan standard te Dortmundi, derisa Benfica është e interesuar në shërbimet e lojtarit. Gjermani në ndeshjet që i ka zhvilluar, më shumë ka luajtur si mbrojtës qendror se sa i mesfushor, mirëpo Favre nuk e sheh si pjesë e strategjive të tij. Skuadra portugeze ka filluar kontaktet me agjentin e tij dhe marrëveshja në mes tri palëve është afër të arrihet. A Bola raporton se Benfia mund ta transferojë Weiglin për një shumë rreth 20 milionë euro. /Telergafi/
The post Benfica shpreson të transferojë Weiglin nga Dortmundi appeared first on Telegrafi. |
Ancelotti po planifikon transferimin e Rabiotit te Evertoni Posted: 30 Dec 2019 02:32 PM PST Carlo Ancelotti thuhet se do t'i fillojë disa ndryshime në skuadrën e Evertonit qysh në afatin kalimtar të janarit. Trajneri italian që pak ditë mori drejtimin e skuadrës angleze, po planifikon t'i bëjë disa transferime në muajin e ardhshëm. Përveç James Rodriguezit, Ancelotti po planifikon që ta transferojë edhe Adrien Rabiotin nga Juventusi në afatin e dimrit. Mesfushori francez ka dështuar të përshtate te Zonja e Vjetër dhe është i lirë të largohet në janar. Trajneri italian ka filluar bisedimet me nënën e mesfushorit, që njëherësh është edhe agjentja e tij e marrëveshja mund të mbyllet në shumën e 25 milionë eurove. /Telegrafi/ The post Ancelotti po planifikon transferimin e Rabiotit te Evertoni appeared first on Telegrafi. |
Rojo i gatshëm të largohet nga Manchester United? Posted: 30 Dec 2019 02:08 PM PST Marco Rojo thuhet se është i gatshëm që të largohet nga Manchester United qysh në këtë janar. Mbrojtësi argjentinas nuk është i lumtur me hapësirën te Djajtë e Kuq dhe po kërkon një aventurë të re. Sipas Manchester Evening News, Rojo po kërkon kalimin te një skuadër ku mund të luajë standard. Në garë për transferimin e argjentinasit thuhet se janë disa skuadra nga Liga Premier dhe nga Serie A, por lojtari e do kalimin në La Liga. Valencia është në mesin e skuadrave të interesuara për shërbimet e Rojos dhe në janar pritet të ndodhë largimi i tij. /Telegrafi/
The post Rojo i gatshëm të largohet nga Manchester United? appeared first on Telegrafi. |
Szczesny afër rinovimit të kontratës me Juventusin Posted: 30 Dec 2019 01:55 PM PST Wojciech Szczesny vazhdon të jetë portieri kryeso i Juventusit. Portieri polak pritet që në janar të vazhdojë kontratën me Zonjën e Vjetër. Szczesny ka qenë mjaftë vendimtar për kampionin e Serie A-së, madje duke e mposhtur edhe konkurrencën me Gianluigi Buffonin. Polaku do të nënshkruajë një kontratë trevjeçare me torinezët, por paga e tij do të jetë po ajo që është. Njoftimi për kontratën e re mund të bëhet qysh në fillim të muajit të ardhshëm, në mënyrë që edhe portieri të jetë në formë sa më të lartë për ndeshjet e vështira për pjesën e mbetur të edicionit. /Telegrafi/ The post Szczesny afër rinovimit të kontratës me Juventusin appeared first on Telegrafi. |
Dortmundi përgatitet ta shesë Jadon Sanchon Posted: 30 Dec 2019 01:44 PM PST Borussia Dortmundi thuhet se është i gatshëm ta shesë Jadon Sanchon me të përfunduar ky sezon. Skuadra gjermane e di se e ka shumë të vështirë ta mbajë në skuadër sulmuesin anglez që po kërkohet nga shumë skuadra. Real Madridi, Chelsea dhe Manchester United, janë skuadrat më të interesuar për 20-vjeçarin që po kalon nëpër një formë të lartë. AS raporton se Dortmundi po kërkon 120 milionë euro nga shitja e Sanchos. Skuadra gjermane e kishte transferuar lojtarin në verën e vitit 2017 nga Manchester City për tetë milionë euro, ndërsa tani do të fitojnë shumën e majme nga shitja e tij. Sancho thuhet se po e preferon rikthimin në Ligën Premier, derisa The Blues janë favorit për shërbimet e tij. /Telegrafi/ The post Dortmundi përgatitet ta shesë Jadon Sanchon appeared first on Telegrafi. |
Juventusi thuhet se ka arritur marrëveshje me Kulusevskin Posted: 30 Dec 2019 01:30 PM PST Juventusi thuhet se ka arritur me anësori e Atalantas, Dejan Kulusevski. Zonja e Vjetër do t'i paguajë rivalit nga Serie A plotë 40 milionë euro për shërbimet e lojtarit. Kulusevski është aktualisht në huazim te Parma dhe forma e tij në këtë sezon është fantastike. Gazetari italian, Gianluca di Marzio raporton se torinezët po e transferojnë anësori për shumën e lartë. Marrëveshja mes të tria palëve është arritur, por lojtari refuzon të kalojë në Allianz Stadium në janar. 19-vjeçari do të kalojë te Juventusi në verën e vitit të ardhshëm me një kontratë trevjeçare. /Telegrafi/
The post Juventusi thuhet se ka arritur marrëveshje me Kulusevskin appeared first on Telegrafi. |
Abraham ngurron ta vazhdojë kontratën me Chelsean – shkak paga e majme Posted: 30 Dec 2019 01:10 PM PST Tammy Abraham e ka refuzuar edhe një herë kontratën e re të Chelseat. Sulmuesi anglez po shkëlqen në sezonin e tij të parë si lojtar standard te The Blues, duke shënuar 12 gola dhe ka bërë tri asistime në 20 xhiro të zhvilluara. Skuadra londineze dëshiron ta blindojë Abrahamin, por që është lojtari që po refuzon ta vë lapsin në letër pa u përmirësuar marrëveshja. Anglezi thuhet se po kërkon 210 mijë euro në javë, në mënyrë që ta vazhdojë kontratën me Chelsean. Callum Hudson-Odoi aktualisht e përfiton këtë shumë te skuadra nga veriu i Londrës dhe Abraham e dëshiron një pagë të njëjtë. Blutë janë skeptik që t'i ofrojnë lojtarit një pagë të tillë dhe bisedimet aktualisht kanë ngecur. /Telegrafi/
The post Abraham ngurron ta vazhdojë kontratën me Chelsean – shkak paga e majme appeared first on Telegrafi. |
Raiola: Unitedi ka pasur më së shumti kontakte me Haalandin Posted: 30 Dec 2019 12:58 PM PST Mino Raiola ka zbuluar se Manchester United ka pasur më së shumti kontakte me Erling Haalandin. Talenti norvegjez para pak ditësh ka kompletuar kalimin te Borussia Dortmundi, derisa në garë ishin edhe Djajtë e Kuq. Skuadra angleze ishte e bindur se do ta transferonte Haalandin, por lojtari vendosi të kalonte në Bundesliga. Raiola ka zbuluar të gjitha prapaskenat, mirëpo që në mediat angleze u raportua se Unitedi kishte refuzuar ta paguante pjesën e agjentit italian. "Unitedi foli më së shumti me të. Të gjithë kishin shansin për të biseduar me të personalisht. Ne e kemi lënë këtë të ndodhte, sidomos pasi ai e njihte Ole Gunnar Solskjaerin", ka thënë ai për The Telegraph. "Qartë ai ka ndier se për këtë moment nuk ishte hapi i duhur. S'ka pasur asgjë kundër Unitedit ose Oles. E zgjodhi Dortmundin para tjerëve dhe jam i lumtur sepse ai do të shkojë te një klub që donte dhe është më i mirë për të tani", ka shtuar më tej Raiola. Dortmundi e transferoi Haalandin për 22 milionë euro nga Red Bull Salzburgu. /Telegrafi/ The post Raiola: Unitedi ka pasur më së shumti kontakte me Haalandin appeared first on Telegrafi. |
Ter Stegen afër rinovimit të kontratës me Barcelonën Posted: 30 Dec 2019 12:37 PM PST Marc-Andre Ter Stegen thuhet se është afër që ta rinovojë kontratën me Barcelonën. Sipas asaj që raporton Diario Sport, portieri gjerman pritet ta vazhdojë kontratën me gjigantin katalunas qysh në muajin janar. Kontrata e Ter Stegenit skadon në vitin 2022, derisa lidhet me një kalim te Bayern Munichu ose Juventusi. Por, mediumi spanjoll raporton se gjermani do të vazhdojë kontratën deri në vitin 2025 me kampionin e La Liga-s. 27-vjeçari u transferua në Camp Nou në vitin 2014 për 12 milionë euro nga Bourssia Monchegladbach dhe në tri sezonet e fundit është bërë numri një në portën e katalunasëve. Ai ishte fillimisht numri dy në portë, pasi Claudio Bravo ishte i pakonkurrencë, por më pas ai kaloi te Manchester City, duke i lënë pozitën e të parit gjermanit. /Telegrafi/ The post Ter Stegen afër rinovimit të kontratës me Barcelonën appeared first on Telegrafi. |
You are subscribed to email updates from Futboll – Telegrafi. To stop receiving these emails, you may unsubscribe now. | Email delivery powered by Google |
Google, 1600 Amphitheatre Parkway, Mountain View, CA 94043, United States |
Lexo edhe: