Lorik Cana, kryetar i ri dhe drejtor sportiv i KF Shkëndija?

Lorik Cana, kryetar i ri dhe drejtor sportiv i KF Shkëndija?
Milaim Zeka ia krisë këngës e çiftelisë në odat e Drenicës
Gara e re e armatimeve në Ballkan: Ku renditet Kosova?
Orët e para të Boris Johnsonit në pushtet – pamje që tregojnë prapaskenat në ditën e parë dramatike të Kryeministrit të ri britanik
Pushuesi i ndershëm habit me gjestin, kthen çantën e gjetur me 75,000 euro
FOTOT/Kurrë nuk mbaron magjia e përjetshme e udhëtimit me tren
Vetaksidentohet vetura e policisë, lëndohen dy zyrtarë policorë (VIDEO)
LAJMI I FUNDIT: Deputeti i BDI-së plagos djalin me revole!
Juventus dhe Manchester United pajtohen për shkëmbimin Dybala – Lukaku
Momenti kur shfaqet një peshkaqen në Dhërmi

Posted: 31 Jul 2019 01:54 AM PDT

Skuadra e Shkëndijës nga Tetova sot u eliminua nga garat e Europa League. Një eliminim i hidhur për tifozët e klubit dhe dashamirët e klubit kuq e zi.

Sipas portalit "Shqipmedia", përcjellë Fakte, shkruan se ish-futbollisti i Kombëtares së Shqipërisë, Lorik Cana jozyrtarisht do të marrë nën administrim KF Shkëndija, respektivisht rolin e kryetarit të klubit dhe drejtorit sportiv të klubit. Derisa lajmi pritet të bëhet zyrtar nga vetë drejtuesit e klubit gjatë ditëve në vazhdim.

Cekim, Cana gjithmonë përkrah klubet shqiptare kur ato luajnë në arenën ndërkombëtare, ndërsa së fundmi nëpërmjet një statusi të tij në rrjetin social në "Instagram", e ka bërë pikërisht me skuadrën tetovare, duke postuar një status kuqezinjve dhe tifozëve të saj: Me Ballistët për Shkëndijën".

The post Lorik Cana, kryetar i ri dhe drejtor sportiv i KF Shkëndija? appeared first on Drenica Press.

Milaim Zeka ia krisë këngës e çiftelisë në odat e Drenicës

Posted: 31 Jul 2019 01:48 AM PDT

Kryetari i PEK-ut dhe deputeti i Kuvendit, Milaim Zeka ka qëndruar sonte në fshatin Llapushnik të Drenicës.

Mes këngës me çifteli, Zeka ka postuar një video nga një odë në këtë fshat.

Ai ka shkruar se i është bërë pritje madhështore në Llapushnik.

Zeka shihet shumë i relaksuar, në mesin e disa personave të cilët e shoqërojnë.

Në disa momente, mund të vërehet se edhe Zeka ia thotë këngës, duke i 'asistuar' shahirat.

The post Milaim Zeka ia krisë këngës e çiftelisë në odat e Drenicës appeared first on Drenica Press.

Gara e re e armatimeve në Ballkan: Ku renditet Kosova?

Posted: 31 Jul 2019 01:42 AM PDT

Më 26 korrik të këtij viti, Rumania ndaloi një transportues rus armësh në Danub. Bëhej fjalë për një transportues të ngarkuar me dhjetë tanke të përdorur, por të modernizuar.

Moska ka në plan të dërgojë për Serbinë një paketë ndihme ushtarake prej 30 tankesh dhe 30 avionësh luftarakë modernë. Por, Rumania e ndaloi pas sanksioneve të BE ndaj Rusisë. Moska përdori Hungarinë për të kaluar armatimet drejt Serbisë, duke marrë në këtë mënyrë falenderimet e presidentit serb, Aleksandar Vuçiq.

Kështu shkruan gazeta gjermane, Die Welt, e cila thekson në një artikull se në Ballkan ka nisur një garë e re armatimi.

"Kjo garë e re armatimesh është e gërshetuar me argumente politikë. Shqipëria dhe Kosova kanë vendosur për një bashkim doganor dhe po rriten së bashku ekonomikisht. Në Serbi, kjo shihet si një përpjekje për të krijuar një Shqipëri të madhe- një term me të cilin qeveria shqiptare pëlqen të provokojë", shkruan gazeta, përcjell Mapo.

Gazeta thekson më tej se ideja e shkëmbimit të territoreve mes Serbisë dhe Kosovës nuk është hequr akoma nga tavolina, ndryshe nga sa është thënë. Sipas gazetës, SHBA po insiston sërish për të çuar përpara këtë ide.

Por kush shpenzon më shumë për armatim në Ballkan?

Të parët janë grekët me mbi 5.2 miliardë euro në vitin 2018 si buxhet për armatimin. Më pas vijnë rumunët me 4.6 miliardë euro. Serbët shpenzojnë 904 milionë euro, diçka më shumë se kroatët që harxhojnë 889 milionë euro. Shqipëria shpenzon 180 milionë euro, një rritje me 25 përqind me vitin 2017.

Kosova shpenzon vetëm 63.3 milionë euro.

The post Gara e re e armatimeve në Ballkan: Ku renditet Kosova? appeared first on Drenica Press.

Orët e para të Boris Johnsonit në pushtet – pamje që tregojnë prapaskenat në ditën e parë dramatike të Kryeministrit të ri britanik

Posted: 31 Jul 2019 01:28 AM PDT

Disa pamje të publikuara nga mediat britanike thuhet se tregojnë momentet nga një javë e trazuar në politikën britanike, pasi udhëheqësi i partisë konservatore Boris Johnson përgatiti fjalimet e tij të para zyrtare si Kryeministër.

Sipas mediave britanike, përcjell Telegrafi, bëhet fjalë për 26 orë në mes të njoftimit të rezultatit të lidershipit dhe takimit me Mbretëreshën të mërkurën, pamjet japin një paraqitje të shkurtër në orët e para të kryeministrit të ri.

Dhe ka qenë fotografi Andrew Parsons ai që ka punuar ngushtë me Boris Johnson për 11 vitet e fundit.

Por këtë javë ai kishte aparatin e tij në një zyrë më të afërt të z. Johnson, në selinë e fushatës konservatore dhe më pas në Downing Street, ndërsa ai punonte me ndihmësit për të nxjerrë mesazhin e tij të parë tek publiku.

"Unë kam shënuar disa momente të presionit të lartë", tha zoti Parsons, duke shtuar se shpreson të vazhdojë të punojë me kryeministrin e ri. /Telegrafi/

The post Orët e para të Boris Johnsonit në pushtet – pamje që tregojnë prapaskenat në ditën e parë dramatike të Kryeministrit të ri britanik appeared first on Drenica Press.

Pushuesi i ndershëm habit me gjestin, kthen çantën e gjetur me 75,000 euro

Posted: 31 Jul 2019 01:21 AM PDT

Një çantë me rreth 75,000 euro u gjet nga një pushues para Hotel Kosuta në rajonin Tuzla të Bosnjës, dhe meqë lajmi u bë i ditur, mund ta merrni me mend se ato iu kthyen pronarit!

Ky lajm u konfirmua nga menaxheri dhe pronari i hotelit, i cili tha se vetëm një njeri i ndershëm mund të kishte bërë një veprim të tillë.

"Pronari i çantës është një njeri që jeton dhe punon jashtë Bosnjës. Para hotelit, ai parkoi një makinë dhe shkoi diku për të bërë pazar. Çanta me para i ka rënë nga makina, pa e kuptuar ai fare.

Disa orë pasi u gjet çanta, pronari i çantës mbërriti në hotel dhe falënderoi nikoqirët e ndershëm./l.m

The post Pushuesi i ndershëm habit me gjestin, kthen çantën e gjetur me 75,000 euro appeared first on Drenica Press.

FOTOT/Kurrë nuk mbaron magjia e përjetshme e udhëtimit me tren

Posted: 31 Jul 2019 01:18 AM PDT

Orient Express, Ghan, Pride of Africa, janë disa prej trenave historikë që përshkojnë kontinente, duke përkëdhelur pasagjerët me lukse dhe rehati prej hotelesh me pesë yje. Ndonjëri është ende në shërbim, ndërkohë që të tjerë "kanë dalë në pension", të parakaluar prej avionëve të shpejtë.

Ka qenë një kohë midis Revolucionit të Dytë Industrial dhe Luftës së Parë Botërore, ku trenat përfaqësonin majën e teknologjisë perëndimore. Para se aeroplanët të përshkonin qiejt dhe shumë kohë përpara se linjat ajrore me kosto të ulët të bënin udhëtimin ajror vërtetë të përballueshëm për të gjithë, e vetmja mënyrë për të udhëtuar me shpejtësi ishte të merrje një tren. Vagonat hekurudhore që duhej të kalonin kontinente të tëra nuk ishin të projektuara për të nxënë sa më shumë pasagjerë në hapësirën më të vogël, por për të ofruar një përvojë të kënaqshme për disa të pasur, që mund të përballonin këto udhëtime të shtrenjta.

Trenat ishin si anijet transatlantike që në vend të udhëtimit nëpër dete, përshkonin të gjitha hapësirat e mëdha të Azisë, Amerikës, por edhe të Evropës dhe Australisë, duke transportuar udhëtarët e tyre si në një flluskë, pothuajse pa kontakt me botën ku udhëtonin – nëse nuk donin – dhe pastaj i "zbrisnin" butësisht në anën tjetër të udhëtimit të gjatë.

Sot kjo mënyrë udhëtimi është zhdukur prej aeroplanit, i cili jo rastësisht ka dekretuar vdekjen e transatlantikut si një mjet lëvizjeje: megjithatë, mbijetojnë rrugë dhe trena të veçantë që ju lejojnë të rishikoni të paktën njëfarë reflektimi të shkëlqimit të së kaluarës. Le të shohim së bashku trenat më të famshëm të pesë kontinenteve që mundësonin, dhe në disa raste mundësojnë ende, udhëtimin me këtë mjet fantastik.

ORIENT EXPRESS

I pari i më të famshmëve të trenave, u nis nga stacioni në Paris në 4 tetor 1883 për në Stamboll. Në bord ishin 30 të ftuar, të zgjedhur për udhëtimin e parë nga Georges Nagelmackers, themeluesi i kompanisë UAGONS-Lits. Bir i bankierëve belgë, ai u impresionua në Shtetet e Bashkuara nga Pullmanët e famshëm, 15 vjet më parë. Në fund ia kish dalë që të transferonte në Evropë intuitën, për të bërë njerëzit të udhëtojnë në luks të plotë: "Peshqirët dritë të pastër, dhe shamitë e palosura në mënyrë artistike dhe bashkë me pajisjet prej somelieri, gotat që shkëlqejnë, rubin dhe vera më e mirë, kana kristali dhe kapsula të argjendta e shishe shampanje, çdo gjë është verbuese", shkruante Henri Opper i Blovitz, një nga gazetarët më të njohur të kohës. Por Orient Express i 4 tetorit, 1883 u ndal në Bukuresht, sepse hekurudha në Serbi dhe Bullgari nuk ishte ende e përfunduar: për të arritur në Stamboll ishte e nevojshme që të kalohej nga Deti i Zi, të hipnin në një avullore dhe kështu të arrinin në destinacion.

Vetëm në 1888 u përfunduan binarët e fundit, duke lejuar Orient Express që të mbulonte përafërsisht 3 mijë kilometra të udhëtimit në një kohë, për atë kohë të pabesueshme, prej 68 orësh. Pas Luftës së Madhe rruga u devijua për të shmangur Gjermaninë: treni kaloi nëpër Sempione dhe Itali, duke prekur Milanon dhe Venecian. Në vitin 1929, treni ngeci për pesë ditë në një stacion të vogël turk për shkak të një stuhie dëbore: në vitin 1934, ky fakt frymëzoi Agatha Cristhie për të shkruar një nga tregimet më të famshme të saj, Vrasje në Orient Express. Në realitet, një vrasje ka ndodhur me të vërtetë. Në vitin 1935 drejtori i shkollës së modës të Bukureshtit, Maria Farcasanu, u grabit dhe u hodh nga treni në Austri.

Vrasësi, një farë Karl Strassar, u identifikua falë një stoli argjendi të vjedhur që i përkiste të ndjerit dhe që po ia shiste një gruaje zvicerane. Gjatë Luftës së Ftohtë Orient Express ishte një nga lidhjet e pakta midis Lindjes dhe Perëndimit dhe ishte sërish, skenë e një vdekjeje misterioze në vitin 1950, kur atasheu amerikan në Bukuresht, Eugene Simon Karpe, vdiq duke rënë nga treni, tek po përshkonte një tunel pranë Salzburgut. Episodi i dha Ian Fleming frymëzim për romanin "Nga Rusia me dashuri" për serinë e James Bond, që më pas u bë edhe film. Në vitet 60-70 konkurrenca e aeroplanit nxorri jashtë loje Orient Express: e fundit linjë direkte Paris-Stamboll u nis në vitin 1977 pa shërbimin e restorantit. Ky shërbim u rifillua në vitin 1982 me emrin Venecia-Simplon Orient Express dhe lidh Londrën me Venecian.

TRANSIBERIANA

"Vallëzimi mbi sedilje / një shami e bardhë / treni me erën e fortë / fluturon drejt Lindjes": thotë një këngë nga vitet 1920 që përshkruan lamtumirën në stacionin e Moskës të një dashnori, i cili merr trenin Trans Siberian për të shkuar në pjesën tjetër të vendit, 9,228 km larg: kaq shumë kilometra që ndajnë Moskën dhe Vladivostokun, fundin e asaj që konsiderohet hekurudha më e gjatë në botë. Edhe sot ajo kërkon nëntë ditë udhëtim për të mbuluar të gjithën, duke kaluar shtatë zona kohore: një rekord për udhëtimet në kontinent. Para se të ndërtohej, megjithatë, mund të duheshin tre deri në katër muaj për të udhëtuar nga Moska në Pekin. Kjo vepër e madhe u fillua në vitin 1891 kur trashëgimtari i fronit rus Nicola zyrtarisht përuroi punimet në Vladivostok, gjatë udhëtimit të tij në mbarë botën.

Punimet u përmbyllën në vetëm 10 vjet, me një mesatare prej rreth 740 km në vit (më shumë se dy në ditë!), Megjithëse duhet të thuhet se inxhinierët rusë ishin duke ecur njëkohësisht nga të dy terminalet. Deri në 90,000 burra u punësuan në të njëjtën kohë për ndërtimin, shumica e tyre të dënuar: për shkak të kushteve të tmerrshme të punës, shumë humbën jetën. Momentet kyçe të ndërtimit ishin ndërtimi i urave të mëdha që anashkalojnë lumenjtë e Siberisë, si Ob, Lena dhe Amur. Në vitet e hershme linja nuk ishte në të vërtetë e vazhdueshme: binarët u ndërprenë pas qytetit Siberian të Irkutskut (5,152 km nga Moska, gati dhjetë herë distanca midis Romës dhe Milanos) në brigjet e liqenit të madh Baikal, në zemër të Siberisë. Vagonët ngarkoheshin në dy akullthyes (Bajkal dhe Angara), të cilat i transportonin në anën tjetër të liqenit në katër orë, ku udhëtimi rifillonte.

Vetëm në vitin 1905 u bë bashkimi i hekurudhave që vazhdonte rreth brigjeve jugore të liqenit dhe rruga mund të përshkohej tërësisht me tren. Më 17 mars 1938, në një tren Trans-Siberian, lindi pranë Irkutskut Rudolf Nureyev, ndoshta balerini më i madh i të gjitha kohërave. Babai i tij, me prejardhje Tartar, ishte duke shërbyer në Ushtrinë e Kuqe si komisar politik në Vladivostok.

Nëna Farida zgjodhi të bashkohej me vajzat e tjera, por dhimbjet e kapën befas pranë kryeqytetit të Siberisë. Hekurudha ka luajtur një rol strategjik në shumë raste, duke transformuar fytyrën e një kontinenti të tërë, të paktën katër milionë fshatarë kanë lëvizur në lindje, të tërhequr nga mirazh e tokës, ndërsa trenat që i transportonin drejt lindjes ndërroheshin në të vetmin shërbim hekurudhor (linja mbeti me një rrugë të vetme deri pas Luftës së Dytë Botërore dhe disa pjesë janë ende) me trena mallrash që transportonin grurë siberianë për në Rusi.

CALIFORNIA ZEPHIR

Shtetet e Bashkuara janë vendi i vërtetë i hekurudhave, që ishte mënyra më e mirë për të kaluar Amerikën e pafundme Veriore. Linja e parë transkontinentale u përfundua në fillim të vitit 1869 pas Luftës së Ndarjes dhe përfaqësoi një stimul të fuqishëm për rritjen e vendit. Për një kohë të gjatë, shpirti pionier vazhdonte të qëndronte në një nga trenat më të famshëm të Amerikës, Zephir në Kaliforni, që lidhte përditë Çikagon me San Franciskon: 3,900 kilometra në 51 orë, një nga rrugët më të gjata në botë. Treni filloi shërbimin më 20 mars 1949. Në udhëtimin e parë, stjuardesat në bord, të quajtura Zephirettes, ofruan një orkide havai për të gjitha zonjat. Fillimisht ishin gjashtë, nga dhjetë vagonë secili. Nga këto, pesë ishin "Vista Dome" e famshme, e pajisur me një observator të madh me xham të mbuluar nga të cilat udhëtarët mund të shihnin në të gjitha drejtimet. Ashtu si të gjitha trenat me distancë të largët, Kalifornia Zephir origjinal gjithashtu nuk konkurroi dot me avionin dhe ndali shërbimin në vitet 1960.

GHAN (AFGHAN EXPRESS)

Është një tren që kalon gjithë Australinë nga jugu në veri, nga Adelaide (në bregun jugor të kontinentit) deri në Darvin në bregun verior. Gjurmët mbulojnë gati 3 mijë kilometra, dhe binarët filluan të vendosen në vitin 1878. Linja u shtri ngadalë në shkretëtirë për në Alice Springs në vitin 1929, në qendrën gjeografike të Australisë, 1,200 kilometra nga oqeani më i afërt: vagoni i parë arriti në 4 gusht të atij viti. Ghan është një formë e shkurtuar e emrit origjinal "Afgan Express", i quajtur për nder të pronarëve të deveve që vinin këtu nga Afganistani për të përfunduar fazën e fundit, përpara se hekurudha të mbaronte. Ata thirreshin kolektivisht afganë, pastaj u shkurtua në Ganët. Legjenda thotë se një nga udhëtarët e tij të parë ishte pikërisht një nga këta afganë, që duke qenë mysliman, u hodh jashtë trenit për lutjet e tij të mbrëmjes në Mekë. Dikush bëri ironi që, duke qenë se ishte njeriu i vetëm si pasagjer, treni meritonte emrin e Afghan Express dhe prej atij momenti pseudonimi i mbeti.

Gjurma fillestare ndalej në Alice Springs. Paradoksalisht ky rrugëtim, duke qenë në mes të shkretëtirës, ishte i ekspozuar ndaj përmbytjeve të shpeshta e të fuqishme, gjë që e bënte trenin të goditshëm. Në 1980 linja u zhvendos pjesërisht që të shmangeshin problemet dhe në 2001 rinisi ndërtimi i pjesës jugore e deri në qytetin e Darvinit, në veri. Trenat sot janë të gjatë 686 metra (më shumë se 6 fusha futbolli) por mund të kenë deri 149 vagonë e të arrijnë 1200 metra. E pësrshkojnë gjithë kontinentin në 48 orë. Sot Ghan është i vetmi tren që ka edhe makina lojërash fati, një detaj që mund të shpjegojë suksesin e tij.

KRENARIA E AFRIKES

Ai që është konsideruar si një nga trenat më luksozë në botë udhëton në Afrikën e Jugut. Eshtë Krenaria e Afrikës e Rovos Rail, që fillon nga Kejp Taun dhe takon qendrat më të rëndësishme të rajonit, të tilla si Durban, Pretoria dhe Johanesburg, duke shkuar, një herë në vit, deri në Tanzani. Mbart një maksimum prej 72 pasagjerësh të vendosur në 36 suita, të mobiluara në stilin klasik. Vagonat datojnë në vitet njëzetë dhe tridhjetë, dhe tërhiqen, në rrethana të veçanta, nga një lokomotivë origjinale me avull. Treni është i pajisur me një vagon-sallon (dritaret gjigande të të cilit mund të hapen për të lejuar pasagjerët të udhëtojnë në ajër të hapur) dhe një ose dy vagona restorant me dritare panoramike, të cilat janë të nevojshme për veshje mbrëmje për darkë e qirinjve. Duhanpirësit kanë një vagon të tërë të pajisur me klub.

Suitat janë të mobiluara plotësisht me mobilje prej druri dhe dekorime origjinale, ato ofrojnë luks të jashtëzakonshëm, të krahasueshëm me hotelet më të mira: dhomat e mëdha, Royal Suite, zënë secila gjysmë vagoni dhe përfshijnë ndër të tjera një banjo me vaskë dhe dush të veçantë. (Airone – Bota.al)

The post FOTOT/Kurrë nuk mbaron magjia e përjetshme e udhëtimit me tren appeared first on Drenica Press.

Vetaksidentohet vetura e policisë, lëndohen dy zyrtarë policorë (VIDEO)

Posted: 31 Jul 2019 01:10 AM PDT

Dy zyrtarë policorë janë lënduar pasi një veturë e Policisë së Kosovës është vetaksidentuar në mëngjesin e sotëm, rreth orës 06:10.

Vetaksidenti ku ka qenë i përfshirë automjeti policor i tipit Skoda Octavia ka ndodhur në rrugën nacionale Pejë-Prishtinë, afër Parkut të Biznesit në Drenas.

Këtë rast e ka konfirmuar për Klan Kosovën Zyra për Informim e Policisë së Kosovës.

Sipas tyre, njësitet kompetente policore kanë dalë në vendin e ngjarjes dhe rastin e kanë trajtuar sipas procedurave të parapara në mënyrë që të bëhen të ditura shkaqet dhe rrethanat e tërësishme të këtij rasti.

Nga videot që i kanë dërguar lexuesit e Klan Kosovës shihet se vetura e policisë ka devijuar nga rruga dhe ka përfunduar anash saj.

The post Vetaksidentohet vetura e policisë, lëndohen dy zyrtarë policorë (VIDEO) appeared first on Drenica Press.

LAJMI I FUNDIT: Deputeti i BDI-së plagos djalin me revole!

Posted: 31 Jul 2019 01:08 AM PDT

Burime të Gazetës Lajm thonë se sapo ka ndodhur rast në të cilin një deputet i BDI-së nga Tetova ka plagosur djalin e tij dhe një person tjetër.

Sipas burimeve tona, bëhet fjalë për plagosje të rastësishme që ka ndodhur në një dasëm.

Lajm në vijim do të ju informoje lidhur me gjendjen shëndetësore të personave të plagosur. Informacioni ende nuk është konfirmuar zyrtarisht nga policia e Tetovës.

The post LAJMI I FUNDIT: Deputeti i BDI-së plagos djalin me revole! appeared first on Drenica Press.

Juventus dhe Manchester United pajtohen për shkëmbimin Dybala – Lukaku

Posted: 31 Jul 2019 01:02 AM PDT

Dy skuadrat janë pajtuar për një ndërrim të lojtarëve, Dybala – Lukaku.

Plani i Manchester United për të shkëmbyer Romelu Lukakun me Dybalan është pranuar nga Juventusi dhe dy skuadrat janë pajtuar në parim, tanimë duhet të merren vesh me kushte personale.

Trajneri i Manchester United, Ole Gunnar Solskjaer konfirmoi që tanimë skuadrat janë pajtuar për këtë ndërrim.

Dybala që ka nga sezoni i ardhshëm pritet të luajë me Manchesterin dhe Lukaku te kampioni i Italisë.

Kujtojmë që Juventusi mposhti konkurrencën e Interit për shërbimet e sulmuesit belg.

The post Juventus dhe Manchester United pajtohen për shkëmbimin Dybala – Lukaku appeared first on Drenica Press.

Momenti kur shfaqet një peshkaqen në Dhërmi

Posted: 31 Jul 2019 01:00 AM PDT

Turistët janë befasur sot në plazhin e Dhërmisë pasi shumë pranë tyre ka qëndruar një peshkaqen.

Turistët sot në Dhërmi ndryshe nga ditët e tjera kanë pasur rastin të shohin edhe një peshkaqen shumë afër plazhit derisa kanë qenë të zhytur në det.

Posa është dhënë alarmi nga rojet e plazhit të gjithë janë larguar nga deti dhe kanë xhiruar me telefonët e tyre këtë moment.

The post Momenti kur shfaqet një peshkaqen në Dhërmi appeared first on Drenica Press.

Lexo edhe:

Rapitful Shqip

Search This Blog