‘Stuttgarti flet shqip’ – sot po mbahet konferenca e 12’të e Federatës së Mjekëve Shqiptarë në Evropë
‘Stuttgarti flet shqip’ – sot po mbahet konferenca e 12’të e Federatës së Mjekëve Shqiptarë në Evropë |
- ‘Stuttgarti flet shqip’ – sot po mbahet konferenca e 12’të e Federatës së Mjekëve Shqiptarë në Evropë
- Kur duhet ta dërgoni fëmijën për kontroll të syve
- Kur duhet të filloni përdorimin e vitaminave prenatale?
- Vizita e parë e bebit tuaj tek stomatologu, ja se çfarë duhet të dini
Posted: 30 Apr 2022 01:48 AM PDT Në Stuttgart sot po zë vend konferenca e 12’të e Federatës së Mjekëve Shqiptarë në Evropë. ‘Stuttgarti flet shqip’ është motoja e kësaj konferenca 1-ditore që ka mbledhur diasporën mjekësore shqiptare, shkruan Gazeta Shneta. Në këtë konferencë, e cila është akredituar, do të ketë ligjërime të ndryshme nga mjekët shqiptarë në diasporë, një shkëmbim përvojash mes tyre. Poashtu, Federata e Mjekëve Shqiptarë në Evropë shënon formimin e degës së tyre në Stuttgart përmes kësaj konference. Federata e Mjekëve Shqiptare në Europën (AMFE), një organizatë ndërkombëtare jofitimprurëse shkencore dhe shëndetësore, është rrjeti i 25 Degëve Kombëtare të AMFE-së në Evropë dhe më gjerë. Federata e Mjekëve Shqiptarë në Europë është themeluar në vitin 2019 me seli qendrore në Wolfenbüttel-Gjermani si vazhdim i OMA-së (Organizatës Mjeket e së Ardhmes) themelluar në Tiranë në vitin 2006. Prioritet i Federatës është të bëjë lidhjen e Mjekëve shqiptarë në gjithë Europën dhe në SHBA, rritjen e mëtejshme akademike, shkëmbimin profesional dhe lobizmin konstruktiv në nivel evropian për gjithë shqiptarët, pavarësisht nga cilat shtete janë. The post 'Stuttgarti flet shqip' – sot po mbahet konferenca e 12'të e Federatës së Mjekëve Shqiptarë në Evropë first appeared on . |
Kur duhet ta dërgoni fëmijën për kontroll të syve Posted: 30 Apr 2022 01:01 AM PDT RËNDËSIA E VIZITAVE OKULISTIKE TEK FËMIJËT DHE FOSHNJET. Vizitat okulistike tek fëmijët dhe foshnjet janë të rëndesishme për t'i mbrojtur ata nga rreziku i zhvillimit të dëmtimeve permanente në sy. Shumë shpesh, vizita e parë e syve bëhet në moshën 5-6 vjecare, para se fëmijet të fillojnë shkollën ose edhe më vonë pas moshës 10-vjecare. Kjo zgjedhje nuk është e rekomanduar, pasi mund të jetë shumë vonë për të parandaluar zhvillimin e demtimeve permanente në sy. Struktura e syrit fillon të formohet që në muajt e parë të shtatzanisë nga zgjatimi i indit trunor dhe vazhdon më tej në muajt dhe vitet e para të jetës. Femija lind me shikim shume të kufizuar dhe me kalimin e kohës, ai maturohet gradualisht për të arritur maksimumin rreth moshës 6-vjecare. Në Spitalin Italian të Syrit në Prishtinë mund të kryeni vizita në shërbimin e Oftalmologjisë Pediatrike. Për më shumë informacion apo për të caktuar një konsultë na kontaktoni: Facebook: Spitali Italian i Syrit +383 48808810 Adresa: Rruga Ferid Curri, Prishtinë; Kosovë. The post Kur duhet ta dërgoni fëmijën për kontroll të syve first appeared on . |
Kur duhet të filloni përdorimin e vitaminave prenatale? Posted: 29 Apr 2022 01:54 PM PDT "Vitaminat prenatale janë suplemente që përmbajnë vitamina dhe minerale të rëndësishme për gratë para konceptimit, gjatë shtatzënisë dhe pas lindjes", tha Melanie Santos, infermiere në Viva Eve. Në rast se keni qenë më parë shtatzënë, padyshim se keni qenë të informuara në lidhje me rëndësinë e vitaminave prenatale shkruan VeryWell Family, transmeton Gazeta Shneta. Është e rëndësishme që të filloni marrjen e vitaminave prenatale sapo të jeni shtatzënë, sipas Kolegjit Amerikan të Obstetërve dhe Gjinekologëve (ACOG) dhe Qendrave për Kontrollin dhe Parandalimin e Sëmundjeve (CDC). Disa prej profesionistëve shëndetësor rekomandojnë fillimin e një vitamine prenatale tre deri në gjashtë muaj para përpjekjes për të mbetur shtatzënë. Organizatat si ACOG dhe CDC theksojnë se është e rëndësishme të filloni të merrni acid folik, veçanërisht, të paktën një muaj përpara se të mbeteni shtatzënë. Sigurohuni që të flisni me gjinekologun tuaj herët dhe shpesh, në mënyrë që ata të rekomandojnë mënyra më e mirë e veprimit për ju. Edhe pse nuk keni filluar të merrni vitaminat prenatale para shtatzënisë, mos u shqetësoni. Këto vitamina gjenden edhe në ushqimet e përditshme, në një llojllojshmëri të frutave, perimeve, drithërave e fasule. “Shumë gra zbulojnë se janë shtatzënë vetëm pasi u humbasin menstruacionet, e cila mund të jetë rreth katër deri në gjashtë javë të shtatzënisë,” thotë Santos. "Pasi të zbuloni se jeni shtatzënë, duhet të filloni të merrni vitamina prenatale çdo ditë pas kësaj." /Gazeta Shneta/ The post Kur duhet të filloni përdorimin e vitaminave prenatale? first appeared on . |
Vizita e parë e bebit tuaj tek stomatologu, ja se çfarë duhet të dini Posted: 29 Apr 2022 12:47 PM PDT Një nga pyetjet më të shpeshta që i brengos prindërit e rinjë është se kur duhet që fëmija të bëj vizitën e tij të parë tek stomatologu. Sipas Akademsë së Stomatologjisë Pediatrike, fëmija juaj duhet të bëj vizitën e parë tek stomatologu kur të dal dhëmbi i parë apo në moshën e tij 1-vjeçare shkruan VeryWell Family, transmeton Gazeta Shneta. Edhe pse mund të tingëlloj shumë herët, fillimi në këtë moshë do t'i hap një rrugë të duhur kujdesjes së dhëmbëve dhe të parandalojë një sërë problemesh dentare që mund të ndodhin gjatë fëmijërisë. Vizita e parë u jep prindërve një shans për t'u edukuar sesi kujdesen sic duhet dhëmbët e fëmijës dhe u jep atyre një shans të ndihen rehat me ambientin e punës së një stomatologu qysh në moshë të hershme. Vizita e parë do të ekzaminojë gojën e fëmijës për t'u siguruar që gjithcka po zhvillohet siç duhet. Stomatologu gjithashtu do t'ju rekomandojë se: -Çfarë lloj paste dhe furcë të dhëmbëve duhet të përdorni? -Teknikat e pastrimit me furcë? -Lehtësimin e shqetësimeve të daljes së dhëmbëve; -Cilat ushqime dhe pije shkaktojnë karies; Zakonisht, vizita zgjat pak minuta, mirëpo fillimisht fëmija duhet të ambientohet me hapësirën që rrethohet. /Gazeta Shneta/ The post Vizita e parë e bebit tuaj tek stomatologu, ja se çfarë duhet të dini first appeared on . |
You are subscribed to email updates from a feed. To stop receiving these emails, you may unsubscribe now. | Email delivery powered by Google |
Google, 1600 Amphitheatre Parkway, Mountain View, CA 94043, United States |
Lexo edhe: