Ngritja e cilësisë së shërbimeve të Klinikës së Syve, ka ulur numrin e trajtimeve jashtë vendit

Ngritja e cilësisë së shërbimeve të Klinikës së Syve, ka ulur numrin e trajtimeve jashtë vendit
BE mund të miratojë vaksinën kundër variantit Omicron në 3-4 muaj e ardhshëm, nëse paraqitet një nevojë e tillë
Varianti Omicron mund të tejkalojë Delta-në, flet eksperti i fushës infektive të Afrikës së Jugut
FDA sonte do të ‘peshon’ barin antiviral të Merck nëse do të miratohet për COVID-19
Greqia gjobit personat mbi 60 vjeç që janë të pavaksinuar
Varianti Omicron ‘i pranishëm në Evropë të paktën 10 ditë më parë’ nga raportimi i rastit në Holandë
Faktorët kryesor që dërguan tipin Omicron të bëhet një variant shqetësimi, sipas OBSH-së
Pfizer tashmë po punon për vaksinën kundër COVID që synon variantit Omicron
Spanja raporton infeksionin e parë me variantin Omicron të COVID-19
Antitrupat nga vaksina COVID-19 mund të reduktohen me 57% pas 6 muajve

Posted: 30 Nov 2021 11:37 AM PST

Shërbimi Spitalor Klinik dhe Universitar i Kosovës, ka njoftuar rreth një lajmi të rëndësishëm të menaxhimit spitalor rreth shërbimeve të pacientëve, në njërën nga klinikat tona.

'Numri i pacientëve te referuar nga Klinika e Syve jashtë institucioneve shtetërore shëndetësore gjatë këtij viti, ka rënë dukshëm', është theksuar në raportimin e drejtuar në rrjetin social Facebook, shkruan Gazeta Shneta.

Ndër të tjera, thuhet se gjatë periudhës janar-nëntor 2021 janë referuar 103 raste, ndërsa një vit më herët 193 raste.

"Trendi i zvogëlimit vërehet, nëse marrim parasysh edhe vitin 2019, gjatë të cilit ishin referuar 503 raste për trajtim jashtë vendit.

Kjo është arritur falë shërbimeve të reja shendetësore, posaçërisht me operimet në segmentin e pasmë të syrit- Pars Plana Vitrectomi (PPV), si dhe me trajtimin e rasteve me Keratoconus me Cross-Linking (XCL)", thuhet në njoftim.

Drejtor në këtë klinikë është Dr. Ardian Shabani. /Gazeta Shneta/

BE mund të miratojë vaksinën kundër variantit Omicron në 3-4 muaj e ardhshëm, nëse paraqitet një nevojë e tillë

Posted: 30 Nov 2021 11:18 AM PST

Rregullatori i barnave i BE-së, njoftoi këtë të martë se mund të miratojë vaksinat e përshtatura për të synuar variantin Omicron të koronavirusit brenda tre deri në katër muaj nëse është e nevojshme, por që vaksinat ekzistuese do të vazhdojnë të ofrojnë mbrojtje.

Duke folur në Parlamentin Evropian, drejtoresha ekzekutive e Agjencisë Evropiane të Barnave (EMA), Emer Cooke tha se nuk dihej nëse kompanitë e vaksinave do të duhej të ndryshonin diçka në lidhje me vaksinat e tyre për të rritur mbrojtjen kundër Omicron, por EMA po përgatitej për këtë mundësi.

"Nëse do të kishte nevojë për të ndryshuar vaksinat ekzistuese, ne mund të ishim në gjendje t’i kishim ato të miratuara brenda tre deri në katër muaj", tha ajo.

“Kompanitë që përshtatin formulimet e tyre për të përfshirë sekuencën e re (…) më pas do të duhet të tregojnë se sistemi i prodhimit funksionon, dhe më pas do të duhet të bëjnë disa prova klinike për të përcaktuar se kjo në fakt funksionon në praktikë.”

EMA sqaroi në një deklaratë të veçantë se rishikimi do të fillojë kur kompanitë të vendosin se duhet të ndryshojnë vaksinën dhe të fillojnë punën për këtë.

“Ne presim të marrim paketa (të dhëna) më të vogla që do të reduktonin kohën e vlerësimit,” tha EMA, bazuar në udhëzimet në fuqi që nga shkurti për çdo përmirësim të vaksinës specifike të variantit.

Drejtori i Përgjithshëm i prodhuesit të barnave Moderna, kishte ndezur kambanat e reja të alarmit në tregjet financiare të marten, duke paralajmëruar se vaksinat ekzistuese nuk kishin gjasa të ishin aq efektive kundër variantit Omicron, i zbuluar për herë të parë në Afrikën Jugore, ashtu siç kanë qenë kundër Delta-së.

Dyzet e dy raste të variantit të COVID-19, Omicron janë konfirmuar në dhjetë vende të Bashkimit Evropian, tha të martën kreu i agjencisë së shëndetit publik të BE-së. / Gazeta Shneta/

Varianti Omicron mund të tejkalojë Delta-në, flet eksperti i fushës infektive të Afrikës së Jugut

Posted: 30 Nov 2021 10:44 AM PST

Varianti i ri Omicron i zbuluar në Afrikën Jugore, mund të jetë kandidati më i mundshëm për të zhvendosur variantin shumë ngjitës Delta, tha të martën drejtori i institutit të sëmundjeve ngjitëse të Afrikës së Jugut.

Zbulimi i Omicron ka shkaktuar alarm global, me vendet që kufizojnë udhëtimin nga Afrika Jugore nga frika se mund të përhapet shpejt edhe në popullatat e vaksinuara ka paralajmëruar Organizata Botërore e Shëndetësisë (OBSH-së), duke thënë se mbart një rrezik të lartë të rritjes së infeksionit.

Nëse Omicron rezulton edhe më i transmetueshëm se varianti Delta, kjo mund të çojë në një rritje të mprehtë të infeksioneve që mund të ushtrojë presion mbi spitalet, tha Adrian Puren, ushtrues detyre i fushës ekzekutive të ‘Institutit Kombëtar të Sëmundjeve të Transmetueshme’ në Afrikën e Jugut për burimin Reuters.

Puren tha se shkencëtarët duhet të dinë brenda katër javësh se deri në çfarë mase Omicron mund të shmangë imunitetin e krijuar nga vaksinat ose infeksionet e mëparshme dhe nëse kjo çon në simptoma klinike më të rënda se variantet e tjera.

Rrëfimet anekdotike nga mjekët që kanë trajtuar pacientët e Afrikës së Jugut me COVID-19 thonë se Omicron duket se po prodhon simptoma të buta, duke përfshirë një kollë të thatë, ethe dhe djersitje gjatë natës, por ekspertët kanë paralajmëruar të mos nxjerrin përfundime të qëndrueshme.

Puren tha se ishte shumë herët për të thënë nëse Omicron po zhvendoste Delta-në në Afrikën e Jugut, por fakti që rastet kanë filluar të rriten me shpejtësi, veçanërisht në provincën më të populluar Gauteng, është një shenjë se një zhvendosje tashmë mund të ndodhë.

Delta drejtoi një valë të tretë të infeksioneve COVID-19 në Afrikën e Jugut që arriti kulmin në më shumë se 26,000 raste në ditë në fillim të korrikut. Omicron pritet të shkaktojë një valë të katërt, me infeksione ditore që shihen në 10,000 deri në fund të javës nga rreth 2,270 të hënën. /Gazeta Shneta/

FDA sonte do të ‘peshon’ barin antiviral të Merck nëse do të miratohet për COVID-19

Posted: 30 Nov 2021 10:22 AM PST

Një panel këshilltarësh dhe ekspertësh, të Administratës së Ushqimit dhe Barnave të SHBA-së (FDA), do të votojë të martën gjatë orëve të vona, nëse do të rekomandojnë autorizimin e pilulës antivirale të Merck & Co për trajtimin e COVID-19.

Prodhuesi amerikan i barnave, raportoi të premten se efikasiteti i pilulës në reduktimin e shtrimeve në spital dhe vdekjeve kishte rënë në 30% me të dhënat e disponueshme nga mbi 1,400 pacientë në studimin e tyre në fazën e fundit, shkruan Reuters.

Ata kishin raportuar, një ulje prej 50% – një muaj më parë duke përdorur të dhëna nga 775 pacientë, transmeton Gazeta Shneta.

Megjithatë, barnat si molnupiraviri i Merck-ut, të zhvilluara me Ridgeback Biotherapeutics, ka të ngjarë të bëhen mjete të rëndësishme terapeutike që njerëzit do të mund t’i marrin në shtëpi sapo të shfaqen simptomat e COVID-19.

Një bari rival i zhvilluar nga Pfizer Inc, i quajtur Paxlovid, është veçanërisht premtues, pasi ka treguar një reduktim prej 89% të shtrimeve në spital dhe vdekjeve në provat klinike.

Terapitë orale synojnë pjesë të virusit që nuk ndryshohen nga mutacionet në variantin e ri Omicron. Ato mund të bëhen edhe më jetike nëse imuniteti i shkaktuar nga vaksina dhe imuniteti natyror kërcënohen nga varianti.

“Ndërsa hyjmë në muajt e dimrit, një tjetër rritje është e pashmangshme, potencialisht në mjedisin e varianteve të reja shqetësuese,” i tha panelit, shkencëtari i Merck, Nicholas Kartsonis.

“Ne mbetemi në nevojë të madhe për terapi të reja efektive të toleruara mirë dhe të administruara në mënyrë të përshtatshme.”

Pilula Merck është menduar të merret dy herë në ditë për pesë ditë pas shfaqjes së simptomave të COVID-19. /Gazeta Shneta/

Greqia gjobit personat mbi 60 vjeç që janë të pavaksinuar

Posted: 30 Nov 2021 09:26 AM PST

Në rrezikun për një valë të re të COVID-19, si pasojë e mutacioneve të reja të shfaqura të infeksionit Sars-CoV-2, shumë vende kanë filluar të zbatojnë masa të ashpëra kufizuese.

Greqia, ka thënë se do të gjobisë personat mbi moshën 60 vjeç që nuk kanë marrë vaksinën e parë për Covid-19, pasi vendi po përballet me një rritje të rasteve të koronavirusit.

Reuters raporton se autoritetet thanë se do të vendosin një gjobë 100 euro për çdo individ mbi moshën 60 vjeç që nuk ishte i vaksinuar.

Masa do të zbatohet çdo muaj nga 16 janari./Gazeta Shneta/

Varianti Omicron ‘i pranishëm në Evropë të paktën 10 ditë më parë’ nga raportimi i rastit në Holandë

Posted: 30 Nov 2021 09:14 AM PST

Dy raste të variantit të ri Covid të gjetur në Holandë i paraprijnë alarmit të javës së kaluar nga Afrika e Jugut.

Njoftimi holandez, turbullon më tej afatin kohor kur varianti i ri u shfaq për herë të parë në Evropë, raporton The Guardian.

Më parë, Holanda kishte thënë se kishte gjetur variantin midis pasagjerëve që erdhën nga Afrika e Jugut të premten – por rastet e reja i paraprijnë kësaj ngjarje, përcjell Gazeta Shneta.

Instituti holandez i kërkimit RIVM, tha se kishte gjetur Omicron në mostrat që datonin nga 19 dhe 23 nëntor. Këto gjetje i paraprijnë rasteve pozitive që përfshijnë variantin e gjetur në të paktën 14 pasagjerë që u kthyen nga Afrika e Jugut të premten e kaluar dhe të testuar në aeroportin Schiphol, Amsterdam.

Në një tregues të mëtejshëm se varianti Omicron tashmë mund të jetë duke u transmetuar brenda Evropës, autoritetet gjermane thanë se kishin gjetur një infeksion Omicron te një burrë që as nuk kishte qenë jashtë vendit dhe as nuk kishte kontakt me dikë të prekur me virusin.

Megjithë shqetësimet anembanë globit, mjekët në Afrikën e Jugut kanë raportuar se pacientët kanë simptoma kryesisht të lehta deri më tani, por ata paralajmërojnë se është herët të konstatohet mbi ndonjë gjendje. Gjithashtu, shumica e rasteve të reja janë te personat në të 20-at dhe 30-at e tyre, të cilët në përgjithësi nuk sëmuren nga COVID-19 aq sa pacientët e moshuar.

Ndërsa vendet zbuluan raste të shpërndara të variantit Omicron, nga Skocia në Hong Kong, Japoni dhe Francë, sjellja e variantit dukej se ishte duke ndjekur modelet e mëparshme të shpërndarjes dhe identifikimit që i kanë detyruar autoritetet shëndetësore të garojnë për t'u përballur, me shumicën e rasteve të lidhura pas udhëtimeve të fundit nga Afrika e Jugut. /Gazeta Shneta/

Faktorët kryesor që dërguan tipin Omicron të bëhet një variant shqetësimi, sipas OBSH-së

Posted: 29 Nov 2021 02:40 PM PST

Organizata Botërore e Shëndetësisë (OBSH), ka njoftuar se prejardhja B.1.1.529 e SARS-CoV-2, që mendohet se është shfaqur në Afrikën Jugore, do të përcaktohet si një variant shqetësimi (VoC) i quajtur Omicron.

Ky vendim ka nxitur tashmë një ndryshim të gjerë në prioritetet në menaxhimin e pandemisë në shkallë globale, shkruan MedicalxPress përcjell Gazeta Shneta.

OBSH ka rekomanduar, ndër të tjera, rritjen e mbikëqyrjes, veçanërisht renditjen e gjenomit të virusit; kërkime të fokusuara për të kuptuar rreziqet që paraqet ky variant; dhe shtimin e masave zbutëse, siç është mbajtja e detyrueshme e maskave.

Kufizime më të mëdha për udhëtimet ndërkombëtare tashmë kanë hyrë në fuqi në Mbretërinë e Bashkuar dhe shumë vende të tjera. Në të vërtetë, Japonia ka mbyllur kufijtë e saj për të gjithë vizitorët e huaj.

Shpejtësia me të cilën varianti Omicron u caktua si VoC ishte marramendëse. Kanë kaluar pak më shumë se dy javë që nga infeksionet e para të njohura në Botsvana dhe Afrikën e Jugut.

Krahasoni këtë me variantin Delta që është aktualisht mbizotërues në Evropë dhe shumë pjesë të tjera të botës. Ky variant u raportua për herë të parë në Indi në tetor 2020, por pavarësisht se shkaktoi një rritje të jashtëzakonshme të rasteve në vend (si dhe u përhap në shumë vende të tjera), nuk mori statusin e ngritur të VoC deri të paktën gjashtë muaj më vonë.

Sigurisht që kishte plogështi në njohjen e rrezikut të paraqitur nga Delta, dhe pa dyshim janë nxjerrë mësime për rëndësinë e veprimit të shpejtë për të kapur variantet e reja të rrezikshme në fillim, ose të paktën për të ngadalësuar përhapjen e tyre për 'të blerë pak kohë'.

Ekzistojnë tre lloje sjelljesh (“fenotipe”) që përcaktojnë kërcënimin e paraqitur nga një variant i ri.

Këto janë transmetueshmëria (shkalla me të cilën përhapet nga një person te tjetri), virulenca (serioziteti i simptomave të sëmundjes) dhe evazioni imunitar (shkalla e mbrojtjes që një person merr nga vaksina ose infeksioni natyror). /Gazeta Shneta/

Pfizer tashmë po punon për vaksinën kundër COVID që synon variantit Omicron

Posted: 29 Nov 2021 02:31 PM PST

Kompania Pfizer, ka filluar tashmë të punojë në një version të vaksinës së tyre COVID-19 që synon në mënyrë specifike variantin e ri Omicron në rast se vaksinimi aktual nuk është efektiv kundër llojit të fundit, tha të hënën udhëheqësi i prodhuesit të barnave amerikane, Albert Bourla.

Bourla, i tha burimit CNBC, se kompania e tyre të premten filloi testimin e vaksinës aktuale kundër variantit Omicron, i cili u raportua për herë të parë në Afrikën e Jugut dhe ka rindezur frikën për një valë globale të infeksioneve COVID-19, përcjell Gazeta Shneta.

“Unë nuk mendoj se rezultati do të jetë që vaksinat nuk mbrojnë,” tha Bourla.

Por testimi mund të tregojë se injeksionet ekzistuese “mbrojnë më pak”, që do të thotë “se ne duhet të zhvillojmë një vaksinë të re,” tha Bourla.

“Të premten ne bëmë shabllonin tonë të parë të ADN-së, që është përkulja e parë e mundshme e procesit të zhvillimit të një vaksine të re,” tha ai.

Johnson & Johnson, njoftoi poashtu të hënën se “po ndjek një vaksinë të variantit specifik të Omicron dhe do ta përparojë atë sipas nevojës”.

Këtë të premten, njëkohësisht dhe kompania Moderna, një tjetër prodhues kryesor i vaksinave COVID-19, tha se po zhvillonte një dozë përforcuese kundër variantit të ri.

Bourla e krahasoi situatën me skenarin në fillim të këtij viti kur Pfizer dhe partneri i saj gjerman BioNTech zhvilluan një vaksinë në 95 ditë, kur kishte shqetësime se formula e mëparshme nuk do të funksiononte kundër Delta-s, megjithëse ai version në fund të fundit nuk u përdor.

Vaksina aktuale është “shumë efektive” kundër Delta-s, tha ekzekutivi, duke shtuar se kompanitë presin të jenë në gjendje të prodhojnë katër miliardë doza vaksinash në vitin 2022.

Të hënën, Organizata Botërore e Shëndetësisë paralajmëroi se varianti i ri Omicron paraqet një rrezik “shumë të lartë” globalisht.

Bourla, tha se ai ishte gjithashtu “shumë i sigurt” se pilula antivirale e zbuluar së fundmi nga Pfizer do të funksiononte si një trajtim për infeksionet e shkaktuara nga mutacionet, duke përfshirë Omicron.

Në mesin e pacientëve të sapoinfektuar, me rrezik të lartë, të trajtuar brenda tre ditëve nga fillimi i simptomave, pilula e Pfizer-it është treguar se ul shtrimin në spital ose humbje jetësh me gati 90 për qind. /Gazeta Shneta/

Spanja raporton infeksionin e parë me variantin Omicron të COVID-19

Posted: 29 Nov 2021 02:26 PM PST

Spanja tha të hënën se kishte zbuluar rastin e saj të parë të llojit të ri Omicron, në një burrë që kishte ardhur së fundmi nga Afrika e Jugut.

51-vjeçari u testua kur mbërriti në aeroportin e Madridit të dielën përmes Amsterdamit dhe u zbulua se ishte pozitiv, tha qeveria rajonale e Madridit në një deklaratë, shkruan MedicalxPress përcjell Gazeta Shneta.

"Pacienti ka simptoma të lehta dhe është në karantinë", thuhet në deklaratë.

Më herët të hënën, Spitali Gregorio Maranon i Madridit postoi në Twitter se shërbimi i tyre mikrobiologjik kishte zbuluar rastin e parë të variantit Omicron në Spanjë, pa dhënë detaje të mëtejshme.

Organizata Botërore e Shëndetësisë (OBSH), e ka renditur Omicron si një “variant shqetësimi” dhe vendet në mbarë botën tani po kufizojnë udhëtimet nga Afrika Jugore, ku u zbulua për herë të parë lloji i ri, dhe po marrin masa të tjera të reja paraprake.

OBSH thotë se mund të duhen disa javë për të ditur nëse ka ndryshime të rëndësishme në transmetueshmëri, ashpërsi ose implikime për vaksinat, testet dhe trajtimet COVID.

Disa vende të tjera evropiane, përfshirë Belgjikën, Britaninë dhe Gjermaninë kanë zbuluar raste të variantit, i cili u zbulua për herë të parë në Afrikën e Jugut.

Spanja është goditur rëndë nga pandemia, duke regjistruar afro 88,000 vdekje dhe 5.1 milion infeksione që nga fillimi. /Gazeta Shneta/

Antitrupat nga vaksina COVID-19 mund të reduktohen me 57% pas 6 muajve

Posted: 29 Nov 2021 02:07 PM PST

Vaksinat kanë luajtur një rol vendimtar në reduktimin e përhapjes së SARS-CoV-2 dhe ashpërsinë e COVID-19.

Sidoqoftë, efektiviteti i tyre zvogëlohet me kalimin e kohës, sipas një studimi të ri, shkruan Medical News Today përcjell Gazeta Shneta.

Në këtë studim, studiuesit zbuluan se antitrupat që njerëzit prodhonin si përgjigje ndaj vaksinës Pfizer/BioNTech u reduktuan me 57% pas 6 muajve.

Studimi i cili është pranuar për botim në Journal of Medical Biochemistry, zbuloi gjithashtu se mosha ose gjinia e një personi ndikoi në numrin e antitrupave që ata zhvilluan në përgjigje të vaksinës.

Hulumtimi do të kontribuojë në debatet rreth përdorimit të vaksinave përforcuese për COVID-19 dhe nëse ato duhet të kufizohen në popullata specifike “të cenueshme” ose të shpërndahen në mënyrë universale.

Në studimin aktual, hulumtuesit shikuan të dhënat nga 787 punonjës të kujdesit shëndetësor të moshës 21-75 vjeç në Verona, Itali.

Punonjësit e kujdesit shëndetësor kishin marrë dy doza të vaksinës Pfizer/BioNTech. Të dhënat përfshinin matjet e niveleve të tyre të antitrupave SARS-CoV-2 përpara vaksinimit të tyre të parë, pas vaksinimit të dytë dhe më pas 1, 3 dhe 6 muaj pas vaksinimit të dytë.

Studiuesit zbuluan se sipas moshës dhe gjinisë, nivelet e antitrupave u reduktuan me më shumë se 50% brenda 6 muajve nga vaksinimi i dytë.

Ata zbuluan gjithashtu se kishte dallime në nivelet totale të antitrupave që pjesëmarrësit kishin bazuar në moshën dhe gjininë.

Njerëzit nën moshën 65 vjeç kishin më shumë se dyfishin e numrit të antitrupave krahasuar me njerëzit 65 vjeç ose më të vjetër gjatë 6 muajve pas vaksinimit të dytë. Kjo ndoqi një model linear me uljen e moshës.

Për më tepër, gratë kishin një numër më të lartë të antitrupave sesa burrat, veçanërisht nëse ishin nën moshën 65 vjeçe.

Dr. Brandon Michael Henry, një studiues postdoktoral në Institutin e Kërkimeve Biomjekësore të Teksasit dhe bashkëdrejtues i studimit, thotë se:

"ndërsa ne shohim se sa mirë vaksinat kanë ndihmuar në mbajtjen e njerëzve jashtë spitalit dhe parandalimin e sëmundjeve kërcënuese për jetën, nivelet e antitrupave po bien shpejt tek të gjithë personat, pavarësisht nga mosha dhe gjinia."

"Studimi ynë ofron prova shtesë se vaksinat përforcuese për të gjithë të rriturit do të jenë të rëndësishme për të mbajtur nivelet e antitrupave në mënyrë që të mund të vazhdojmë të krijojmë një përgjigje imune efektive kundër infeksionit SARS-CoV-2 dhe të parandalojmë vdekjet nga COVID-19", thotë Dr. Henri. /Gazeta Shneta/

Lexo edhe:

Rapitful Shqip

Search This Blog