““Deputeti që duam”, Rama: Mandati i dytë u thye në mes nga tërmeti dhe pandemia, kanë aplikuar 1581 qytetarë” plus 9 more - Gazeta Dita

---

• “Deputeti që duam”, Rama: Mandati i dytë u thye në mes nga tërmeti dhe pandemia, kanë aplikuar 1581 qytetarë
• Shërohet nga COVID, ministrja del shëtitje në Elbasan: Ndjesë që isha larg zyrës kaq gjatë
• Protesta në Mianmar, Policia qëllon mbi protestuesit, raportohen 4 të vdekur dhe 20 të plagosur
• Vaksinimi i të moshuarve mbi 80 vjeç, Rama: Nesër vijnë 15 mijë vaksina nga Pfizer, brenda marsit fillon vaksinimi i mësuesve me AstraZeneca
• Dita e dytë e vaksinimit në Korçë, vijon procesi me bluzat e bardha. Dje mbërritën 500 doza
• “3.1 doza për çdo 100 njerëz”, ‘NY Times’ zbulon si po ecën vaksinimi në botë: Izraeli mban vendin e parë, ja si paraqitet situata në Shqipëri
• Bilanci i zi i muajit shkurt në Shqipëri, COVID u mori jetën 397 qytetarëve
• Basha prezanton programin për pronat: Ndjesë pronarëve në emër të PD për vendimet tona të vonuara
• U aksidentua një natë më parë në Sukth, ndërron jetë 16-vjeçari në spital, arrestohet një person
• AUDIO / Qytetari i kërkon të bëhet pjesë e partisë së tij, deputeti bën “pazar”: Do fitosh 120 mln lekë për 4 vite, nuk kam kritere unë, vetëm plotëso dokumentin

“Deputeti që duam”, Rama: Mandati i dytë u thye në mes nga tërmeti dhe pandemia, kanë aplikuar 1581 qytetarë Posted: 28 Feb 2021 02:51 AM PST Në kuadër të platformës 'Deputeti që duam', kryeministri Edi Rama po zhvillon një takim me kandidatë për deputetë për të përfaqësuar Partinë Socialiste në parlamentin e ardhshëm. Rama ndodhet me disa prej finalistëve që do të jenë pjesë e Skuadrës Kombëtare të 25 prillit. 25 prilli, Rama thotë se do të përcaktojë nëse do të vazhdojnë përpara apo nëse sipas tij do të ngecin në gropën e asaj politike që çoi vendin në humnerë. Këtu Rama theksoi se mandati i dytë u thye në mes nga tërmeti dhe pandemia.  "Kjo do tregojë nëse do ecim apo të të ngecim në gropën e asaj politike që na çoi në humnerë. Kemi bërë shumë, shumë më shumë se ata që e kishin këtë detyrë para nesh por skemi bërë sa duhet , pasi ky mandat u thye në mes nga tërmeti dhe pandemia. Nuk jemi kursyer në përpjekjet tona asnjë ditë. Unë vetë kam bërë çmos në krye të të gjitha përpjekjeve duke vënë mishin dhe shpirtin në këtë detyrë për ta merituar nderin që më keni bërë me besimin që më keni dhënë. Grupi jonë me profile të reja, për çdo rol", tha Rama. Të pranishëm janë në këtë aktivitet Kryetari PS, Edi Rama, Sekretari Përgjithshëm Taulant Balla, Kryetari Bashkisë Tiranë, Erion Veliaj. Kryeministri Rama u shpreh se në platformën ‘Deputeti që Duam’ kanë aplikuar 1581 qytetarë nga çdo fushë e jetës. “Për ndeshjen e 25 prillit kemi ndërtuar një proces të ri, duke hapur derën për të gjithë ata që kanë ambicie për të na u bashkuar në skuadrën. Kemi pasur 1581 aplikime nga i gjithë vendi, qytetarë të çdo fushe të jetës. Procesi ka kaluar në disa etapa. Jam i kënaqur që të takojë disa prej tyre që do i bashkohen skuadrës tonë. Kam dy kolegë që kur ishin të rinj, u bënë pjesë e skuadrës kombëtare. Erdhën nga dy rrugë të ndryshme për t’u bërë pjesë e rrugës tonë të përbashkët. Taulant Balla dhe Erion Veliaj janë me mua këtu. Taulanti është dhe për një arsye tjetër për hapjen dhe përzgjedhjes së anëtarëve të skuadrës sonë”, tha Rama. j.l./ dita

Shërohet nga COVID, ministrja del shëtitje në Elbasan: Ndjesë që isha larg zyrës kaq gjatë Posted: 28 Feb 2021 02:40 AM PST Ministrja e Arsimit, Sportit dhe Rinisë Evis Kushi ka fituar betejën me COVID-19 dhe është rikuperuar plotësisht. Këtë e dëshmon edhe ajo vetë me një postim në rrjete sociale teksa shfaqet duke ecur në Parkun "Rinia" të Elbasanit. Ajo i kërkon ndjesë qytetarëve që qëndroi për një kohë të gjatë larg zyrës mirëpo shkruan se virusi ishte shumë i rrezikshëm. POSTIMI: "Një shëtitje në Parkun "Rinia" Elbasan, pas rikuperimit të plotë nga beteja me COVID-19 dhe përpara rikthimit në një javë intensive pune dhe angazhimesh aktive, e lehtësuar dhe me dëshirën e madhe për të shërbyer me përgjegjësi dhe përkushtim. Ndjesë që isha larg zyrës më gjatë nga sa e kisha menduar, por për të gjithë ata që ende nuk e besojnë sa i rrezikshëm është ky virus, jua them nga përvoja ime personale dhe e familjes sime. Kujdes dhe sa më shumë vigjilencë në respektimin e të gjitha masave parandaluese, për shëndetin tuaj dhe të familjarëve të dashur! Ju falenderoj të gjithëve nga zemra për mbështetjen dhe mesazhet tuaja inkurajuese gjatë këtyre ditëve."   j.l./ dita

Protesta në Mianmar, Policia qëllon mbi protestuesit, raportohen 4 të vdekur dhe 20 të plagosur Posted: 28 Feb 2021 02:27 AM PST Policia në Mianmar ka qëlluar me gaz lotësjellës, granata trullosëse dhe ka hedhur municion në ajër në një përpjekje për të shuar një tubim të madh anti-grusht shteti, goditjen e tyre më agresive në mbarë vendin që kur ushtria mori pushtetin. Katër njerëz thuhet se janë vrarë në dhunë, përfshirë tre burra në qytetin jugor të Daëei dhe të paktën 20 të tjerë janë plagosur sipas The Guardian. Një burrë u vra gjithashtu në Yangon, ndërsa disa të tjerë u plagosën. Mjekët të cilët kishin hyrë në grevë në protestë kundër grushtit të shtetit ushtarak u kthyen për të punuar në departamentin e urgjencës në spitalin e përgjithshëm Yangon për të trajtuar të plagosurit. Nuk është e qartë nëse të plagosurit ishin goditur me plumba të drejtpërdrejtë. Diku tjetër në qendër të qytetit Yangon, një grup prej rreth 10,000 protestuesish, një nga disa marshime në qytet, u larguan me gaz lotsjellës. Shumë prej atyre që dolën në rrugë kishin maska gazi, kapele dhe syze për mbrojtje, pas një përgjigje gjithnjë e më të dhunshme nga policia të Shtunën, kur lotët dhe plumbat e gomës u përdorën për të shpërndarë turmat. Sipas televizionit shtetëror MRTV, më shumë se 470 njerëz u arrestuan në protestat e së Shtunës. Ushtria është përballur me kundërshtim të madh publik pasi mori pushtetin nga qeveria e zgjedhur në mënyrë demokratike e Aung San Suu Kyi këtë muaj, duke ndaluar atë dhe politikanë të tjerë nga partia e saj, Lidhja Kombëtare për Demokracinë. Ajo ka akuzuar NLD, e cila fitoi zgjedhjet e vitit të kaluar, për mashtrim të votuesve, një pretendim që nuk është vërtetuar. j.l./ dita

Vaksinimi i të moshuarve mbi 80 vjeç, Rama: Nesër vijnë 15 mijë vaksina nga Pfizer, brenda marsit fillon vaksinimi i mësuesve me AstraZeneca Posted: 28 Feb 2021 02:10 AM PST Kryeministri Edi Rama dhe Ministrja e Shëndetësisë, Ogerta Manastirliu ishin të pranishëm ditën e sotme në ambientet e stadiumit 'Air Albania'. Një javë pasi u vaksinuan personalitetet, vijon procesi për personat mbi 80-vjeç. Rama njofton se nesër mbërrijnë 15 mijë vaksina nga Pfizer. Rama ka bërë me dije se brenda dy javëve të para të marsit, COVAX do të nisë furnizimin me vaksinën AstraZeneca. Kryeministri bën me dije se menjëherë do të vijojë vaksinimi i mësuesve. Kryeministri u shpreh optimist sa i takon bisedimeve me disa shtete për të marrë doza të konsiderueshme dozash vaksinash, ndërsa shtoi se nuk do që të flasë para kohe. "Nesër mbërrijnë 15 mijë doza të tjera Pfizer dhe brenda dy javëve të para të marsit COVAX ka konfirmuar më në fund, nisjen e furnizimit me vaksinën AstraZeneca, të cilën do ta fusim menjëherë në procesin e vaksinimit të mësuesve. Duket mirë mos të flasim para kohe", tha Rama. j.l./ dita

Dita e dytë e vaksinimit në Korçë, vijon procesi me bluzat e bardha. Dje mbërritën 500 doza Posted: 28 Feb 2021 01:59 AM PST Procesi i vaksinimit në këtë ditë të dytë do të vijojë përsëri me bluzat e bardha. Janë 500 doza që kënë mbërritur që prej ditës së djeshme në qytet ndërsa pjesa më e madhe e tyre do të aplikohet sot. Qëndra e vaksinimit e ngritur në ish-shtëpinë e oficerëve, brenda së cilës ka 7 postacione ku sipas listave të përpiluara bluzat e bardha të qarkut do të vaksinohen me radhë. Aktualisht një numër i konsiderueshëm prej tyre po presin në radhë për të marrë dozën e vaksinës. j.l./ dita

“3.1 doza për çdo 100 njerëz”, ‘NY Times’ zbulon si po ecën vaksinimi në botë: Izraeli mban vendin e parë, ja si paraqitet situata në Shqipëri Posted: 28 Feb 2021 01:41 AM PST Më shumë se 234.1 milion♪ doza vaksinash janë administruar në të gjithë botën, e barabartë me 3.1 doza për çdo 100 njerëz. Ekziston tashmë një hendek i madh midis programeve të vaksinimit në vende të ndryshme, me shumë vende që ende nuk kanë marrë një dozë të vetme. Të dhënat janë mbledhur nga burime qeveritare nga projekti “Bota Jonë në Shifra” (Our World in Data) në Universitetin e Oksfordit dhe paraqiten në këtë raport të “NY Times” (Kliko). Një person i vaksinuar quhet dikush që ka marrë të paktën një dozë të vaksinës, dhe një person plotësisht i vaksinuar quhet kur ka marrë të gjitha dozat e kërkuara të vaksinës. Për vaksinën Pfizer-BioNTech, një person i cili është "plotësisht i vaksinuar" thuhet kur ka marrë dy doza. Ndërsa dozat e vaksinave mbeten relativisht të pakta në shkallë globale, shumica e vendeve i kanë përqendruar përpjekjet e tyre të hershme të vaksinimit në grupe prioritare si ato klinikisht të ndjeshme; njerëzit mbi 60, 70 vjeç dhe më të vjetër; dhe punëtorët e vijës së parë, si mjekët dhe infermierët. Izraeli po vaksinon popullsinë e tij më shpejt se çdo vend tjetër, me 89.6 doza të administruara për çdo 100 njerëz. Në grafik shihet që edhe Shqipëria është në mesin e vendeve që kanë marrë vaksinën, me 10 mijë doza. Ekziston gjithashtu një ndarje e jashtëzakonshme midis kontinenteve. Vendet më pak të pasura janë duke u mbështetur në një marrëveshje për ndarjen e vaksinave të quajtur Covax, e cila synon të sigurojë dy miliardë doza deri në fund të vitit. Nëntë vaksina të ndryshme po administrohen në të gjithë botën, sipas “Bota Jonë në Shifra” (Our World in Data). Vaksina Pfizer-BioNTech, e cila u pa se ishte 95 për qind efektive në uljen e infeksioneve të koronavirusit, aktualisht po përdoret në 66 vende. Disa vende të tjera kanë miratuar vaksinat por ende nuk kanë filluar administrimin e tyre. Shumica e vaksinave që përdoren aktualisht kërkojnë dy doza që një pacient të vaksinohet plotësisht. Një vaksinë me një dozë nga gjigandi farmaceutik Johnson & Johnson u miratua të premten nga një panel ekspertësh që këshillojnë Administratën e Ushqimit dhe Barnave dhe autorizimi zyrtar në Shtetet e Bashkuara pritet së shpejti. j.l./ dita

Bilanci i zi i muajit shkurt në Shqipëri, COVID u mori jetën 397 qytetarëve Posted: 28 Feb 2021 01:24 AM PST Shifrat e shkurtit kanë qenë të frikshme në Shqipëri. Koronavirusi në shkurt u ka marrë jetën 397 qytetarëve, shifra të frikshme nga sëmundja që sa vjen dhe po bëhet akoma më agresive. 6 shkurti shënoi rekordin e testimeve me 4539 teste brenda 24 orëve. Tre ditë më pas u shënua numri më i lartë i infektimeve, 1239. Ndërsa rekordi i viktimave u regjistrua dy ditë më parë, 21 humbje jete. Analiza e shifrave e bën më të rëndë situatën, pasi nga java në javë numri i viktimave ka ardhur në rritje, shkruan Abcnews.al. Kështu në javën e parë u shënuan 80 viktima, në të dytën 95, në të tretën 111 dhe java e katërt ende pa u mbyll ka regjistruar deri tani 111 fatalitete. Trendi është në rritje dhe mjaft shqetësues, por Komiteti Teknik këtë javë vendosi të mos ndryshonte masat. Megjithatë ka paralajmëruar një mbledhje të hënën ku pritet shtrëngim i masave. Deri tani-Bilanci nga COVID-19, Muaji shkurt 1 shkurt-2960 testime, 498 të shëruar, 865 raste të reja dhe 13 humbje jete 2 shkurt-3856 testime, 455 të shëruar, 942 raste të reja dhe 5 humbje jete 3 shkurt-3849 testime, 581 të shëruar, 1007 raste të reja dhe 6 humbje jete 4 shkurt-3974 testime, 585 të shëruar, 1052 raste të reja dhe 14 humbje jete 5 shkurt-4270 testime, 676 të shëruar, 1089 raste të reja dhe 15 humbje jete 6 shkurt-4539 testime, 656 të shëruar, 1130 raste të reja dhe 13 humbje jete 7 shkurt-4254 testime, 569 të shëruar, 1124  raste të reja dhe 14 humbje jete  7209 raste                      80 viktima ……………………………………………………………………………………………………………. 8 shkurt-3485 testime, 684 të shëruar, 953 raste të reja dhe 12 humbje jete 9 shkurt-4562 testime, 805 të shëruar, 1239 raste të reja dhe 16 humbje jete 10 shkurt-4083 testime, 683 të shëruar, 1143 raste të reja dhe 15 humbje jete 11 shkurt-4092 testime, 746 të shëruar, 1105 raste të reja dhe 14 humbje jete 12 shkurt-3982 testime, 881 të shëruar, 1059 raste të reja dhe 14 humbje jete 13 shkurt-3994 testime, 740 të shëruar, 1152 raste të reja dhe 12 humbje jete 14 shkurt- 3885 testime, 781 të shëruar, 1088 raste të reja dhe 12 humbje jete 7739 raste                      95 viktima ……………………………………………………………………………………………………………….. 15 shkurt-3885 testime, 781 të shëruar, 1088 raste të reja dhe 12 humbje jete 16 shkurt-3842 testime, 1058 të shëruar, 801 raste të reja dhe 15 humbje jete 17 shkurt-3901 testime, 890 të shëruar, 1075 raste të reja dhe 18 humbje jete 18 shkurt-3935 testime, 991 të shëruar, 1112 raste të reja dhe 17 humbje jete 19 shkurt-3848 testime, 930 të shëruar, 1071 raste të reja dhe 19 humbje jete 20 shkurt-3975 testime, 928 të shëruar, 1153 raste të reja dhe 17 humbje jete 21 shkurt-4013 testime, 796 të shëruar, 1184 raste të reja dhe 13 humbje jete 7484 raste                       111 viktima …………………………………………………………………………………………………………….. 22 shkurt-3975 testime, 928 të shëruar, 1153 raste të reja dhe 17 humbje jete 23 shkurt-3998 testime, 1085 të shëruar, 1021 raste të reja dhe 15 humbje jete 24 shkurt-3897 testime, 906 të shëruar, 1021 raste të reja dhe 19 humbje jete 25 shkurt-3691 testime, 849 të shëruar, 986 raste të reja dhe 21 humbje jete 26 shkurt-3689 testime, 849 të shëruar, 916 raste të reja dhe 20 humbje jete 27 shkurt-3957 testime, 962 të shëruar, 986 raste të reja dhe 19 humbje jete 6083 raste                   111 viktima   j.l./ dita

Basha prezanton programin për pronat: Ndjesë pronarëve në emër të PD për vendimet tona të vonuara Posted: 28 Feb 2021 01:01 AM PST Kryetari i Partisë Demokratike, Lulzim Basha ka dalë ditën e sotme në një bashkëbisedim me qytetarët në lidhje me çështjen e pronave. Në nisje të fjalës së tij, Basha kërkoi ndjesë në emër të PD-së për vendimet e vonuara dhe problemet me pronat. "Qëndrimi ynë ka qenë i qartë. Në nisje të debatit poliik për këtë çështje e kam thënë dhe do e them. Iu lutem pronarë pranojeni këtë dhe si ndjesë në emër të PD për vonesat për problemet me të cilat jeni hasur në kalvarin tuaj 30 vjeçar edhe për shkak të vendimeve tona të vonuara. As të përndjekurit dhe pronarët skishin dhe skanë si ta kërkojnë përvveçse të shtëpia e lirisë që është Pd. Edhe pse disa prej shtrembërimeve të mos kishin ndodhur gjatë qeverisjes tonë kjo do ishte një ndjesë e merituar sepse ne u kemi dalë zot dhe do u dalim deri në fund pronarëve dhe të përndjekurve politikë. Këtë ndjesë e kemi shoqëruar me ndjekjen e të gjitha hapave politikë pas 25 prillit. Koha që ka rrjedhur jo vetëm që si ka shëruar plagët por i ka bërë ato dhe më komplekse. Proceset e lëvizjeve demografike kanë shkaktuar ndryshime në zona rurale dhe urbane. Iu siguroj sot ju dhe të gjithë ata përfaqësues që sna ndjekin për shkak të masave anti covid dhe çdo pronar shqiptar se pas 25 prillit qeveria e zgjedhur me votën tuaj do kemi vullnetin që ndjesën për vonesën dhe moszgjidhjen e probleme ta kthejnë në plan konkret", tha Basha. j.l./ dita

U aksidentua një natë më parë në Sukth, ndërron jetë 16-vjeçari në spital, arrestohet një person Posted: 28 Feb 2021 12:44 AM PST Një 16-vjeçar, i cili mbeti i plagosur një natë më parë nga një aksident i ndodhur në Sukth ka ndërruar jetë në spital disa orë pas përplasjes. Policia njofton se në lidhje me këtë ngjarje është vënë në pranga Gj. B., 54 vjeç, banues në Durrës, për veprën penale "Shkelje e rregullave të qarkullimit rrugor". Tashmë materialet hetimore në lidhje me këtë ngjarje i kanë kaluar Prokurorisë së Rrethit Gjyqësor Durrës, për veprime të mëtejshme. "Në vijim të informacionit të mbrëmshëm për aksidentin e ndodhur rreth orës 18:00, në Sukth, ju informojmë se ka ndërruar jetë pas disa orësh në spital shtetasi F. O., 16 vjeç. Në vijim të veprimeve nga specialistët e Qarkullimit Rrugor në Drejtorinë Vendore të Policisë Durrës, u arrestua në flagrancë drejtuesi i mjetit tip "Benz", shtetasi Gj. B., 54 vjeç, banues në Durrës, për veprën penale "Shkelje e rregullave të qarkullimit rrugor". Materialet i kaluan Prokurorisë së Rrethit Gjyqësor Durrës, për veprime të mëtejshme", njofton Policia. j.l./ dita

AUDIO / Qytetari i kërkon të bëhet pjesë e partisë së tij, deputeti bën “pazar”: Do fitosh 120 mln lekë për 4 vite, nuk kam kritere unë, vetëm plotëso dokumentin Posted: 28 Feb 2021 12:26 AM PST Deputeti Selami Jenishehri pjesë e koalicionit me Kujtim Gjuzin pasi u regjistrua në KQZ, publikoi në Facebook një thirrje, duke kërkuar kandidatë për deputetë. E duket se pas këtij postimi, në numrin e deputetit kanë 'vërshuar' telefonatat. E ndërkohë, një grup të rinjsh nga Shkodra nuk kanë humbu rastin për të bërë humor, duke marrë në telefon deputetin e duke e vënë atë në lojë. Në bisedën telefonike mes tyre, të publikuar nga "Abc news", Jenishehri i thotë të riut se nuk duhet asnjë kriter për t'u bërë pjesë e listës së tij të kandidatëve për deputetë, e madje i thotë se ai do të marri 120 milion lekë për katër vite. "A do ma u ba deputet, do të marrësh 120 milionë lekë, kaq ke me marrë për 4 vite", dëgjohet të thotë ai në bisedën me të riun, duke tentuar ta bindi atë që të bëhet pjesë e listës. j.l./ dita

You are subscribed to email updates from Gazeta Dita. To stop receiving these emails, you may unsubscribe now.	Email delivery powered by Google
Google, 1600 Amphitheatre Parkway, Mountain View, CA 94043, United States

loading...

Lexo edhe: