INSAJDERI: “Polici i Kosovës që i “ndihmoi” Agim Veliut të shes armë në Kosovë” plus 19 more

---

• Polici i Kosovës që i “ndihmoi” Agim Veliut të shes armë në Kosovë
• Osmani thotë se LDK ka përbërje të re që refuzon kategorikisht PDK-në
• Inter kërkon të transferoj mesfushorin e Bayern Munich  
• Një 12 vjeçe në Pakistan vritet për shkak të “nderit”
• Gjermania nuk do lejojë Erdoganin të mbajë fjalim në Hamburg
•  “AKR dhe Alternativa konfirmuan edhe sot se nuk bëjnë koalicion me PDK-në”
• Williams përfshihet në një aksident që përfundoi me fatalitet
• Ahmeti apelon tek qytetarët që të shmangin diellin
• Samsung do të ndërtojë fabrikën më të mëdhe të prodhimit të ekraneve
• “Elineli nuk ka ndërru, por rrethanat” – reperi justifikon ndryshimin e stilit
• Automobilat francezë fillojnë dominimin në rrugë
• Delegacioni i VV-së takohet me deputetë të Bundestagut gjerman
• Politika gjermane për azilkërkuesit: fillimisht mrekulli, pastaj e shpifur
• Naser Rugova mohon se ai dhe Teuta Rugova do ta votojnë qeverinë e PAN-it
• Ministria e udhëhequr nga Kujtim Shala, parregullësi në riparimin e veturave
• Zbulohet paga mujore e sheikut të Rihannës 
• Putin zgjat embargon mbi ushqimet nga Perëndimi
• Thaçi në Samitin e Dubrovnikut – i gatshëm për vazhdimin e bisedimeve me Serbinë
• Zbulohet çmimi i biletave për ndeshjen Trepça ’89 – Vikingur
• Një kosovare në mesin e 150 njerëzve që ecën në pistën e festivalit të Mançesterit

Polici i Kosovës që i “ndihmoi” Agim Veliut të shes armë në Kosovë Posted: 30 Jun 2017 10:25 AM PDT Një agjent sekret i Policisë së Kosovës kishte bashkëpunuar me Administratën amerikane të Anti-Drogës (DEA), që ta kapte shoferin e konsullatës së Kosovës në Nju Jork, Albert Veliu – i njohur si Benny Blanco. Albert Veliu është arrestuar të mërkurën me një grup shokësh, pas një operacioni të DEA-as në bashkëpunim me Policinë e Kosovës, për shkak se ai kishte bërë pastrim parash, trafikim me narkotikë dhe shitje të armëve. Në arrestimin e tij kishte bashkëpunuar edhe një pjesëtar (agjent sekret) i Policisë së Kosovës, raporton mediumi amerikan Silive.com. Ai i kishte "ndihmuar" Veliut që ta shiste armatimin e tij në Kosovë, shkruan ky medium. Shitjen e armatimit, Veliu kishte ardhur ta bënte në prill të këtij viti në Kosovë. "Në prill të këtij viti, agjenti i dytë sekret e ka prezantuar Veliun me një tjetër agjent, i cili është paraqitur si shefi i tij i një bande në rrugë. Ata kanë diskutuar aktivitetet e ardhshme të pastrimit të parave duke përfshirë blerjen e mundshme të armëve të zjarrit në Evropën Lindore", thuhet në ankesë. "Veliu më pas ka shkuar në Kosovë ku ai ka organizuar shitjen e armëve një njeriu, i cili ishte, një agjent sekret i Forcës së Policisë së Kosovës", thuhet ndër tjerash në njoftim. Ndërsa, Policia e Kosovës i ka thënë Insajderit se ajo gjatë këtij operacioni ka zhvilluar hetime speciale. "Gjatë operacioneve janë zhvilluar edhe hetime speciale ku përfshihen edhe teknikat e veçanta te hetimit dhe masat stimuluese", ka thënë Daut Hoxha për Insajderin. Veliu kishte zhvilluar një numër bisedash telefonike me agjent sekret të DEA-së, të cilët ishin paraqitur si bashkëpunëtorë të tij. Gjatë bisedave të tij me një agjent sekret në ishullin Island State bisedoi gjatë për "atlete" dhe "sneaker Shaq sized" duke iu referuar lojtarit të basketbollit të "Hall of Fame", kanë thënë autoritetet. Por Alber (Benny) Veliu nuk po diskutonte këpucë të markës Adidas, Nike ose New Balance. Veliu, 34 vjeç, po diskutonte blerjen e 15 pushkëve AK-47 të cilave ju kishte referuar si "atlete", dhe një raket hedhëse anti-tank M80 të cilës ju kishte referuar si "sneaker Shaq-size", shitjet e të cilave i kishte ndihmuar një komisioner në Kosovë, kanë thënë zyrtarët. Informatori i kishte thënë Veliut se armët ishin të destinuara për kartelet meksikane të drogës, të angazhuar në një "luftë" përgjatë kufirit, kjo sipas ankesës kriminale të paraqitur në gjykatën federale të Bruklinit. Veliu ishte midis tetë të pandehurve, duke përfshirë edhe dy ish-banorë të tjerë të ishullit "Island Staten", të akuzuar me akuza të ndryshme lidhur me operimin e skemave të trafikimit të parave, pastrimit të parave dhe drogës, të cilat përfunduan me shitjen e armëve nga Veliu përmes personelit të fshehtë të zbatimit të ligjit. Trajtimi i narkotikëve dhe skemat e pastrimit të parave cuan autoritetet në operacionin e ndërmjetësimit të armëve të Veliut, kanë thënë zyrtarët. Të tjerë të akuzuar janë Alban Veliu, 32 vjeç dhe Agim Rugova 45 vjeç. Emrat e avokatëve të të pandehurëve në Island Staten nuk kanë qenë të gatshëm menjëherë. "Ky hetim ka mbyllur një burim të paligjshëm dhe të dhunshëm të armëve", ka thënë agjenti special James Hunt, në Administratën e Anti Drogës (DEA). Zhvatja, trafikimi i armëve, placiktja dhe pastrimi i parave ishin disa krime që u zbuluan kur ne hetuam një operacion të trafikimit të drogës më qendër në Nju Jork dhe në Kosovë. Hunt dhe Bridget m. Rohde, avokati i ShBA-së për Distriktin Lindor në Nju Jorkut, kanë njoftuar edhe zyrtarët e Emigracionit dhe Doganave të ShBA-së, Homeland Security Investigations në Nju Jork, Shërbimin e Brendshëm të të Ardhurave të Divizionit Penal, Zyren e Terrenit në Nju Jork, Policinë e Shtetit të Nju Jorkut dhe komisionarin e Policisë së qytetit James P.O'Neill. Hetimi u zbulua pasi agjenti sekret këshilloi zyrtarët se Christopher Curanovic, i cili po vuan dënim me burg kishte shantazhuar një anëtar të një familje kriminale Genovese për një borxh në vlerë prej 40 mijë dollarëve. Vitin e kaluar, Curanovic, e ka dërguar një njeri ku e ka kërcënuar me mesazhe me tekst ngaburgu lidhur me riparimin e parave të gatshme, thuhet në ankesë. Njeriu i kishte thënë Curaniviqt se nuk mund ta paguante. Mirëpo si mjete pagese, agjenti i dytë sekret ka treguar që Curanoviq të ofrojë një përqindje të të ardhurave të një operacioni të trafikimit të drogës që kërkoi ti pastronte, thuhet në njoftim. Marrëveshja u bë edhe gjatë rrjedhjes së hetimit, të pandehurit pastruan rreth 800 mijë dollarë nga të ardhurat e drogës, kanë thënë autoritetet. Alban Veliu, Agim Rugova dhe disa të pandehur të tjerë ndihmuan në skemën e pastrimit të parave duke shkëmbyer të holla për kontroll të supozuara "të pastra" të mbështetura mbi letra mashtruese, kanë thënë zyrtarët. Në nga të pandehurit është Dilber Kukiç, 45 vjeç, nga Bronksi, i cili u akuzua për vrasje në Manhatan, për shpërthimin e një gazi në muajin mars në Fshatin Lindor ku mbetën të vdekur dy vetë dhe shkatërroi tri ndërtesa, kanë thënë zyrtarët. Gjyqi ndaj tij pritet të mbahet në korrik të këtij viti në Gjykatën Supreme të Manhatan. Ndërkohë, në një skemë të vecantë, Curanovic dhe Albert Veliu ndërmjetësuan shitjen e rreth pesë kilogram marihuanë në një burim konfidencial, kanë thënë autoritetet. Ndërsa në prill të këtij viti, agjenti i dytë sekret e ka prezantuar Veliun me një tjetër agjent, i cili është paraqitur si shefi i tij i një bande në rrugë thuhet në ankesë. Ata kanë diskutuar aktivitetet e ardhshme të pastrimit të parave duke përfshirë blerjen e mundshme të armëve të zjarrit në Evropën Lindore. Veliu më pas ka shkuar në Kosovë ku ai ka organizuar shitjen e armëve një njeriu, i cili ishte, një agjent sekret i Forcës së Policisë së Kosovës, thuhet në ankesë. /Insajderi.com The post Polici i Kosovës që i “ndihmoi” Agim Veliut të shes armë në Kosovë appeared first on INSAJDERI.

Osmani thotë se LDK ka përbërje të re që refuzon kategorikisht PDK-në Posted: 30 Jun 2017 10:01 AM PDT Vjosa Osmani nga koalicioni LDK-AKR-Alternativa ka thënë se brenda LDK-së është një përbërje e re, e cila nuk do të japë votë për një koalicion me PDK-në. "Jo vetëm që nuk ka koalicion, por as biseda për koalicion me PDK", ka thënë Osmani, Ajo ka thënë në një intervisët në Klan Kosova se koalicioni i fundit me ta ishte kafshatë e pakapërdishme për elektoratin e LDK-së. "Është rezultat tepër i keq i LDK-së në zgjedhjet e fundit", ka pohuar ajo. "Kam pasur pritje më të mëdha, por rezultati i keq është për shkak të koalicionit me PDK-në", ka shtuar ajo. The post Osmani thotë se LDK ka përbërje të re që refuzon kategorikisht PDK-në appeared first on INSAJDERI.

Inter kërkon të transferoj mesfushorin e Bayern Munich   Posted: 30 Jun 2017 09:56 AM PDT Interi është çliruar nga bllokada e "fair playt" financiar dhe falë Sabatini, Ausilios dhe familjes Zhang, skuadra ka arritur të rregullojë bilancet, që e pezullonin deri më tani në merkato. E menjëherë me duart e lira, zikaltërit janë hedhur në sulm dhe emrat e përfolur janë të shumtë dhe premtues për një merkato faraonike. Është përfolur për Brandt të Bajer Leverkusen, për Lucas Moura dhe Di Marian e PSG. Ky i fundit është në lupën e drejtuesve zikaltër, por nuk duket një objektiv real. Emri që po qarkullon së fundmi në mediat sportive italiane dhe ato gjermane është një tjetër dhe i përfolur shumë për një transferim në Serinë A, por jo tek Interi. Bëhet fjalë për Douglas Costa. Emri i mesfushorit të avancuar të krahut të majtë të Bajernit të Mynihut është folur dhe stërfolur në ambientet e Juventusit, por deri më tani asgjë nuk ka konkrete. "Zonja" është tërhequr disi pasi vetëm një vend të lirë ka për ekstrakomunitarët dhe dilema është mes Danilos dhe Douglas Costas. I pari shihet më me prioritet, nisur nga fakti që krahu i djathtë i mbrojtës juventine është i pambuluar pas largimit të Dani Alves e me gjasa edhe të Lihtshtajner. The post Inter kërkon të transferoj mesfushorin e Bayern Munich   appeared first on INSAJDERI.

Një 12 vjeçe në Pakistan vritet për shkak të “nderit” Posted: 30 Jun 2017 09:46 AM PDT Një vajzë 12 vjeçe në Pakistan u vra nga familja e saj, pasi u arratis me një djalë. Zyrtari lokal në qarkun Khiber, Niaz Muhammad, tha se vajza me emrin Naghma ka lënë shtëpinë e saj në fshatin Kadej, më 23 qershor, përpara se të ndalohej nga zyrtarët e sigurisë. Muhammad tha se Naghma i është dorëzuar familjes, e cila ka premtuar se ajo nuk do të dëmtohet. Por, zyrtari tha se vajza është vrarë “për shkak të nderit, me gjasë më 27 qershor, nga familja e saj”. Një banor lokal tha se vajza është qëlluar për vdekje. Muhammad tha se vrasësit e dyshuar – në mesin e tyre xhaxhai i Naghmas dhe djali i tij – janë arrestuar. Të ashtuquajturat vrasje për nder raportohen çdo vit në Pakistan. The post Një 12 vjeçe në Pakistan vritet për shkak të “nderit” appeared first on INSAJDERI.

Gjermania nuk do lejojë Erdoganin të mbajë fjalim në Hamburg Posted: 30 Jun 2017 09:45 AM PDT Gjermania njoftoi të enjten se i ka mohuar presidentit turk Rexhep Tajip Erdogan një kërkesë për të mbajtur një fjalim përpara komunitetit turko-gjerman në Hamburg, javën që vjen, ndërsa do të ndodhet aty për takimin e G-20. Vendimi u dënua menjëherë nga zyrtarët turq. Marrëdhëniet mes Gjermanisë dhe Turqisë, dy vende aleante në NATO-s, janë në pikën më të ulët. Shkas për përkqësimin e tyre u bënë masat shtypëse që Turqia mori pas grushtit të dështuar të shtetit vitin e kaluar. Mediat e pavarura të vendit janë vënë nën presion ndërsa disidentët janë burgosur. Në muajin shkurt, Turqia burgosi gazetarin turko-gjerman Deniz Yucel, që punonte për gazetën "Die Welt", nën akuzën për propagandë në mbështetje të një organizate terroriste. Ministri i Jashtëm gjerman Sigmar Gabriel tha se shqetësimet lidhur me sigurisë janë arsyeja e mohimit të kërkesës së zotit Erdogan për të mbajtur një fjalim përpara diasporës turke në Gjermani. "Ua shpjegova javë më parë kolegëve të mi turq, se nuk mendojmë se do të ishte një ide e mirë", tha zoti Gabriel. Ai shtoi se zoti Erdogan "do të pritet me nderime" në samitin e G-20. Fjalimi i fundit i presidentit Erdogan përpara komunitetit turko-gjerman është mbajtur në majin e vitit 2015, në qytetin e Karlsruhes. Diaspora turke në Gjermani llogaritet në 3 milionë vetë, trashëgimi e programit masiv të punësimit si përgjigje ndaj mungesës së krahut të punës në Evropën e pas luftës, njofton gazeta-shqip. Kohët e fundit, kancelarja gjermane Angela Merkel u mohoi kërkesat për zhvilluar fushatë në Gjermani në mbështetje të referendumit të 16 prillit, politikanëve turq të partisë në pushtet për Drejtësi e Zhvillim. Referendumi kishte si qëllim zgjerimin e kompetencave të presidentit Erdogan. Vetë  Erdogan e kritikoi vendimin, duke e krahasuar atë me "praktikat naziste".   The post Gjermania nuk do lejojë Erdoganin të mbajë fjalim në Hamburg appeared first on INSAJDERI.

“AKR dhe Alternativa konfirmuan edhe sot se nuk bëjnë koalicion me PDK-në” Posted: 30 Jun 2017 09:43 AM PDT Kandidatja e dytë më e votuar në radhët e koalicioni LDK-AKR-Alternativa, Vjosa Osmani, ka konfirmuar edhe një herë se partia e saj së bashku me partnerët e koalicionit do të refuzojnë çdo bashkëpunim me Partinë Demokratike të Kosovës. Osmani ka thënë se edhe nga takimi që kanë pasur sot partnerët e koalicionit AKR-Alternativa ata kanë konfirmuar mundësinë për bashkëpunim me PDK-në. "Partneret e koalicionit kanë konfirmuar edhe sot nga takimi që kemi pasur se nuk do të ketë koalicion me PDK-në", ka thënë Osmani në Klan Kosova. The post  "AKR dhe Alternativa konfirmuan edhe sot se nuk bëjnë koalicion me PDK-në" appeared first on INSAJDERI.

Williams përfshihet në një aksident që përfundoi me fatalitet Posted: 30 Jun 2017 09:41 AM PDT Finalistja e Australian Open, Venus Wlliams, ka pësuar aksident në trafik me makinë, pasi që ka tejkaluar limitin e shpejtësisë, kështu duke lënë të vdekur njërin nga dy pasagjerët. Aksidenti tragjik ishte si rezultat i shkeljes së ligjit më 9 qershor, pas hyrjes me shpejtësi të madhe në një kryqëzimi të Palm Beach County, dhe duke tejkaluar dritën e kuqe. Aksidenti ishte i pashmangshëm mirëpo teniserja nuk pësoi ndonjë lëndim, njofton TMZ Sport. Pasagjeri i ndjerë, 78, Jerome Barson, vdiq 14 ditë pas aksidentit. Gruaja e Barsonit, Linda, e cila ishte duke vozitur pësoi lëndime të mëdha. Çifti ishin të martuar për plot 33 vite. /Insajderi.com The post Williams përfshihet në një aksident që përfundoi me fatalitet appeared first on INSAJDERI.

Ahmeti apelon tek qytetarët që të shmangin diellin Posted: 30 Jun 2017 09:34 AM PDT Kryetari i Prishtinës, Shpend Ahmeti, apelon të gjithë qytetarët që të shmangin temperaturat e larta gjatë ditës së nesërme. Përmes një postimi në rrjetin social Facebook, Ahmeti ka thënë se apeli i tij për qytetarët që t’i shmangin temperaturave të larta, vlen sidomos për të moshuarit, shtatëzënat, dhe të sëmurit nga sëmundjet kronike. "Apelojmë te qytetarët që të shmangin ekspozimet e panevojshme në diell nga ora 10:00 deri në orën 17:00. Kjo vlen sidomos për kategoritë e cenueshme si të moshuarit, shtatzënat dhe të sëmurit me sëmundje kronike e sidomos me ato kardiovaskulare", ka thënë i pari i Prishtinës. Ahmeti po ashtu ka njoftuar se komuna ka vendosur dy cisterna me ujë të pijshëm në sheshet “Ibrahim Rugova” dhe “Zahir Pajaziti”. “Për qytetarët në qytetin e Prishtinës, Komuna e Prishtinës në bashkëpunim me shërbimin e zjarrëfiksave, do të vendos dy cisterna me ujë të pijshëm dhe për mundësi freskimi në Sheshin ‘Ibrahim Rugova’ dhe në Sheshin ‘Zahir Pajaziti'”, ka thënë kryetari i Prishtinës. Gjithashtu, Ahmeti u ka bërë thirrje qytetarëve që gjatë këtyre ditëve, uji i pijshëm të konsumohet në mënyrë sa më racionale. /Insajderi.com The post Ahmeti apelon tek qytetarët që të shmangin diellin appeared first on INSAJDERI.

Samsung do të ndërtojë fabrikën më të mëdhe të prodhimit të ekraneve Posted: 30 Jun 2017 09:27 AM PDT Samsung Display ka rritur kapacitet sidomos me partneritetin e ri me Apple ku do të prodhojë ekran OLED për iPhone 8. Samsung Display do të ndërtojë fabrikën më të madhe në botë të prodhimit të ekraneve OLED me 30% më shumë kapacitet sesa fabrikat aktuale të kompanisë. Raporti vjen nga media Koreane ET News e cila thotë se prodhimi në masë nga fabrika do të filloi në 2019-ën dhe do të prodhohen 180,000-270,000 panele çdo muaj. Samsung Display ka rritur kapacitet sidomos me partneritetin e ri me Apple ku do të prodhojë ekranet OLED për iPhone 8. Ky telefon pritet të debutojë gjatë Vjeshtës dhe sipas disa raportimeve Apple ka porositur 70-92 milion panele OLED nga Samsung. Një tjetër raport nga Koreja e Jugut thotë se në 2019-ën e gjithë linja iPhone do të ketë ekrane OLED. /PCWorld Albanian The post Samsung do të ndërtojë fabrikën më të mëdhe të prodhimit të ekraneve appeared first on INSAJDERI.

“Elineli nuk ka ndërru, por rrethanat” – reperi justifikon ndryshimin e stilit Posted: 30 Jun 2017 09:19 AM PDT Elinel pretendon se është "shumë i fortë" edhe përkundër ndryshimit të tij në skenën muzikore që nga viti i kaluar. Krijimtaria e Granit Bajraktarit, të njohur me nofkën Elinel, në fillimet e karrierës së tij njihej si “përfaqësuesi i rrymës rap-undergorund në Prishtinë”. Vitin 2016 dhe gjatë këtij viti, Elinel ka eksperimentuar: ai ka publikuar këngë me artistë të zhanreve Pop, R&B dhe rok. Por, reperi nga Prishtina thotë se shumica e fansave të tij e kanë pritur mirë ndryshimin e tij. "Shumica e kanë pritë mirë edhe e kanë marrë që kom hi në terrene të reja, e kanë pa edhe një anë temën tjetër, ku edhe aty jam shumë i fortë", thotë Elinel. Në një intervistë me Gazetën Insajderi, Elinel rrëfeu se bashkëpunimet e tij të fundit me Besa Kokëdhimën dhe Flori Mumajesin edhe pse nënkuptojnë dalje nga rrymat ekstreme të repit, sipas tij janë ndryshime që janë krijuar nga rrethanat. "Elineli nuk ka ndërru, kanë ndërru rrethanat. Osht faza e rekrutimit", deklaron reperi, i cili thotë se është "i paparashikueshëm". Jeta e vështirë dhe përditshmëria që ka kaluar janë inspirime që shfaqen në tekstet e këngëve të krijuara nga reperi. Elinel deklaron se ndikim në tekstet e tij ka vetë vendi ku jeton, pra Prishtina, raporton Insajderi. "Jeta e vështirë është ndikim në këngët e mija, po ashtu edhe jeta të cilën e bëjë… se qetu po jetoj", deklaroi reperi nga Prishtina, për Insajderin. Elinel, emri i të cili ka "origjinën" shkurtimi i fjalëve "Life in Lyrics" (Jeta në tekste) – El IN EL, është tash e një kohë të gjatë pjesë e familjes On Air Media, mirëpo së fundmi ka zyrtarizuar nënshkrimin e kontratës. "Me On Air, jam lidhë me këtë kanal për arsye se deri vone e kom mirëmbajt vetë, mirëpo skam qenë shumë aktiv. [Pas nënshkrimit të kontratës] Tash kanë me dalë shumë projekte", thotë Elinel. Para tri ditëve, Elinel ka publikuar bashkëpunimin e tij të fundit me këngëtarin nga Shqipëria, Flori Mumajesi. "Në shpirt", është kënga e publikuar të martën nga dy artistët. Për tre ditë, "Në shpirt" ka arritur të shikohet më shumë se 300 mijë herë në kanalin e internetit, Youtube. /Insajderi.com The post “Elineli nuk ka ndërru, por rrethanat” – reperi justifikon ndryshimin e stilit appeared first on INSAJDERI.

Automobilat francezë fillojnë dominimin në rrugë Posted: 30 Jun 2017 09:10 AM PDT Epoka e automjeteve franceze, të cilat çdo ditë e më tepër shihen nëpër rrugët e vendit, fakt që konfirmohet edhe me shifrat e Doganës së Kosovës për automjetet e importuara. Automobili më i importuar gjatë këtij viti është Reno-ja. Qytetarët e Kosovës, të cilët një dekadë më parë dhe nuk parapëlqenin dhe nuk vlerësonin automobilat francezë, veçmas kundrejt atyre të prodhuar në Gjermani,- të cilët dominonin rrugët e vendit, kanë filluar në mënyrë masive të blejnë dhe të zotërojnë automobila francezë. Një fakt ky që ka filluar të vërehet nga secili shofer që kryen vozitje nëpër Prishtinë apo rrugët tjera të qyteteve të Kosovës, por që njëkohësisht konfirmohet edhe nga vet Dogana e Kosovës. Automobili  më i importuar gjatë këtij viti doli je  të jetë njëra prej markave legjendare franceze, ajo Ranault apo sic lexohet shkurt Renno. Zëdhënësi i Doganës së Kosovës, Adriatik Stavileci, tha se të hyrat e mbledhura nga Dogana e Kosovës, prej taksave dhe tatimeve që mblidhen në kufi, deri në fund të muajit maj të këtij dhe fillim të qershorit janë 26,5 milionë euro. Shifra prej 26.5 milionë euro  paraqet rritje në krahasim me vitin e kaluar,  pasi gjatë vitit 2016 për periudhën e njëjtë ku inkasuan të hyra prej 23,7 milionë euro. Gjithsejtë, për këtë periudhë 5 mujore, janë importuar 1.106 automjete me kilometrazh 00, apo 34 përqind më shumë e e njëjta periudhë e një viti më parë. Të hyrat nga automobilat e rinj janë 3,4 milionë gjatë këtij viti, derisa për vitin e kaluar ishin 2,1 milionë euro. Sipas statistikave doganore, automobili francez Reno renditet në vendin e parë  13%, pastaj vjen Volksvagen, i cili po ashtu i ofrohet shifrës  prej 13%, por mbete në vendin e dytë pas RENO-s franceze, Citroen 5, 7%,  Kia  7,6%,  Dacia 5,2,  Ford 4,6 etj. "Sipas numrit të vetura origjina e tyre është kryesisht nga, Franca, Gjermani Italia Koreja Japonia etj. Të hyrat e këtij viti ndahen në të hyrat për vetura të përdorura që janë 23,1 milionë euro dhe ato për vetura të reja", tha zëdhënësi i Doganës së Kosovës, Adriatik Stavileci, për rtklive.com. Ndërsa, në importin e automobilave të përdorura është një strukturë tjetër e automjeteve që pëlqehen nga qytetarët tanë. Prej automobilave të vjetër ende dominon importii Volksvagen 45%, Opel 10,3%, Audi 8,3%, Mercedes 10,2 % dhe BMË 5,2 %. "Gjatë këtij viti kemi rritje të importi të vetura të reja pra deri tani kemi 1106 vetura të reja që importuara dhe nëse kjo krahasohet me vitin e kaluar paraqet rritje prej 34%  apo 379 copë automjete", tha Stavileci. Kurse njohësi ekonomisë, Jakup Bellaqa, tha nëse Kosova do të kishte zhvillim më të madh duhet të hiqeshin detyrimet ndaj shtetit, por në nivelin ekonomik të cilin gjendemi, atëherë duhet të presim. "Ekonomia e Kosovës është ekonomi e orientuar nga importi apo ta quajmë ekonomi importuese. Automobilat ende në vendin tonë njihen si mallra të luksit dhe në situata emergjente cfarë ndodhemi aplikohen taksat dhe doganat e larta. Kjo edhe ndikoi në mbushjen e arkës së shtetit apo rritjen e buxhetit të konsoliduar të shtetit", tha ai për rtklive.com Sipas tij ende është herët për të ndërprerë detyrimet ndaj shtetit në importim të veturave. "Për një kohë derisa të zhvillohet ekonomia e vendit dhe të arrihet qëndrueshmëri ekonomike si në aspektin makroekonomik dhe makro fiskal dhe deri sa të kemi reflektim pozitiv edhe në rritjen e mjeteve buxhetore, atëherë di të shikohet alternativë tjetër", tha ai. Bellaqa tha se nga këndvështrimi  ekonomik derisa nuk ka rritje ekonomike vjetore 8% dhe taksat doganore të zëvendësohen dhe të barten në tatime  brenda ekonomisë vendore, nuk duhej të hiqeshin detyrimet ndaj shtetit.   The post Automobilat francezë fillojnë dominimin në rrugë appeared first on INSAJDERI.

Delegacioni i VV-së takohet me deputetë të Bundestagut gjerman Posted: 30 Jun 2017 09:06 AM PDT Një delegacion i Lëvizjes Vetëvendosje, i përbërë nga kryetari Visar Ymeri, Albin Kurti dhe Shpend Ahmeti, janë duke qëndruar në Gjermani, ku janë takuar me deputetë të Bundestagut nga Partia Sociale Demokratie dhe Unioni Kristian Demokrat. Ata u takuan sot me deputetët e SPD-së Josip Juratoviç dhe Norbert Spinrath, si dhe me deputetin e CDU-së Thorsten Frei dhe këshilltarin për marrëdhënie me jashtë të CDU-së, Hans Joachim Falenski. Më tej delegacioni u prit në takim në Ministrinë e Jashtme të Gjermanisë nga Ambasadori Christian Hellbach, i dërguari i posaçëm për Evropën Juglindore, njofton VV përmes një komunikate për media. "Në këto takime delegacioni i Lëvizjes Vetëvendosje shpjegoi situatën politike post-zgjedhore në Kosovë, si dhe paraqiti prioritetet qeverisëse të Lëvizjes Vetëvendosje dhe gatishmërinë, bazuar mbi rezultat zgjedhore, për drejtimin e qeverisë së re të Kosovës", njofton VV. "Përfaqësuesit gjermanë që morën pjesë në këto takime e përgëzuan delegacionin për rezultatet e arritura në zgjedhjet e fundit parlamentare në Kosovë dhe treguan edhe një herë vullnetin e tyre për të vazhduar bashkëpunimin me qeverinë e re që do të arrihet të formohet pas këtyre zgjedhjeve", thuhet në komunikatën e VV-së. Përfaqësuesit e kësaj partie ditë më parë kën qëndruar në Bruskel, ku kanë zhvilluar disa takime./Insajderi.com The post Delegacioni i VV-së takohet me deputetë të Bundestagut gjerman appeared first on INSAJDERI.

Politika gjermane për azilkërkuesit: fillimisht mrekulli, pastaj e shpifur Posted: 30 Jun 2017 08:54 AM PDT Dikur Gjermania ishte shembull për politikën e saj ndaj refugjatëve. Merkelin u bë simbol i kulturës mikëpritëse. Por terrori dhe problemet me integrimin e kthyen mikpritjen në kulturë të dëbimit. Ne do t’ja dalim mbanë.”- Asnjë fjali tjetër e kancelares Angela Merkel nuk ka shkaktuar kaq shumë polemika në politikën e bredshme gjermane. Fjala është si duhet ta zgjidhë Gjermania sfidën me refugjatët pas premtimit të dhënë nga Kancelarja gjermane. Disa e vlerësojnë lart këtë premtim, të tjerë e kritikojnë ashpër. Një pakicë e vogël ekstremiste nga krahu i djathtë, e sulmuoi Kancelaren me gjuhën e urrejtjes dhe shpërthime verbale, shkruan DW. Në arenën ndërkombëtare Merkeli pas kësaj fjalia nisi të konsiderohej si kancelarja që mbështet refugjatët. Falënderime i erdhën nga Papa Françesku si dhe nga Barack Obama. “Kulturën e mikpritjes” gjermane e dokumentuan edhe shumë fotografi nga vera e vitit 2015 – ku shiheshin shumë vullentarë që furnizonin me ushqim dhe veshmbathje refugjatët që vinin në Gjermani. Në to shiheshin edhe refugjatë që në shejnë falenderimi valvitnin flamuj gjermanë. Si në Kampionatin Botëror të Futbollit në 2006, Gjermania u tregua mikëpritëse dhe e hapur. Dhe me këtë Gjermania arriti suksese të mëdha: në më pak se tre vjet, vendi strehoi më shumë se 1.5 milionë refugjatë. Kulturës mikëpritëse i erdhi fundi Pas euforisë erdhi mendjekthjelltësia – nga të gjitha anët. Ndërkohë dominon gjerësisht një qëndrim skeptik në debatin mbi migrimin dhe emigrantët. Sulmet terroriste në Vyrcburg, Ansbah dhe së fundi në Berlin e bënë sigurinë e brendshme temë kryesore për zgjedhjet. Edhe nga refugjatët filluan ankesat si për mungesën e kurseve për gjuhën, probleme të shumta me marrjen e familjes nga zonat e luftës si dhe mundësitë e vogla për t’u inkuadruar në sistemin e punës. Këtë e vështirësuan edhe më shumë integrimin e tyre. Mijëra refugjatë tani po shfrytzojnë programet për t’u kthyer. Ne fillim debatohej për shancet që krijohen me ardhjen e migantëve, kurse tani diskutohet vetëm se si mund të dëbohen sa më shpejt ata që u refuzohet azili. Lëvizjet populiste të djathta nxitën me parullat e tyre nacionaliste kundër refugjatëve debatin për migrantët. Politika ndaj emigrantëve shihet si një nga arsyet për rritjen e madhe të partisë Alternativa për Gjermaninë (AfD), e cila ndjek një kurs të ashpër ndaj refugjatëve dhe islamit. Sipas drejtuesit të organizatës për të drejtat e njeriut “Pro Asyl”, Günter Burkhardt politika e mirëseardhëse e Merkelit ka mbaruar. “Vera e mirëseardhjes u ndoq nga një dimër i gjatë deri në muajat e verës së këtij viti.” Shumë qartë shihet se Zyra Federale për Migracion dhe Refugjatë (BAMF)është duke i përpunuar me një shpejtësi shumë më të madhe kërkesat për azil pas presionit të lartë nga qeveria, thotë Bukhard në intervistë me DW duke shtuar: “Tanimë procedurat nuk kanë të bëjnë fare me fatin individual të refugjatëve, por ato vendosen në bllok– dhe janë të gabuara.” A do të dobësohet krahu i dajthtë, nëse dëbohen më shumë refugjatë? Në intervistë për DW-në avokati Viktor Pfaf, i cili merret me çështje të azilkërkuesve prej më shumë se 30 vjetësh ankohet se në procendurë ka shumë më tepër probleme se sa vetëm me dokumentacionin.  Ai thotë që për të përshpejtuar procendurat përdoren softvere për regjistrimin e bisedave, që më pas nuk korrigjohen. Pra kemi të bëjmë edhe me protokolle, që janë krejtësisht të pakuptueshëm, thotë avokati. Një shikim në statistika tregon se praktikat e fundit për shtrëngimin e sistemit të azilit, kanë dhënë rezultate të shpejta. Deri në muajin maj janë refuzuar deri në 107.000 kërkesa. Ministri i Punëve të Mbrendëshme Thomas de Maiziere tha në një intervist për gazetën “Die Zeit”, se kur kërkesat refuzohen dhe kërkuesit detyrohen të largohen nuk bëhet për ndonjë arsye keqdashëse, por vetëm sepse zbatohet ligji. Tani po bëhet gjithnjë e më e qartë se fjalia “ne do t’ja dalim mbanë” ka marrë dy vjet pas pikës kritike të ardhjes së refugjatëve, një kuptim krejt të ndryshëm.DW The post Politika gjermane për azilkërkuesit: fillimisht mrekulli, pastaj e shpifur appeared first on INSAJDERI.

Naser Rugova mohon se ai dhe Teuta Rugova do ta votojnë qeverinë e PAN-it Posted: 30 Jun 2017 08:47 AM PDT Deputeti i zgjedhur nga radhët e LDK-së, Naser Rugova ka përgenjështruar lajmin se ai dhe Teuta Rugova do ta votojnë koalicionin PAN. Rugova thotë se që të dy janë të përkushtuar fuqishëm për LDK-në dhe se respektojnë në plotni vendimet e organeve legjitime të kësaj partie. “Teuta dhe Naser Rugova janë deputet të LDK-së, janë të përkushtuar fuqishëm për LDK-në, respektojnë në plotni vendimet e organeve legjitime të LDK-së”, ka thënë Rugova. Ai ka deklaruar se “sot paradite kishim një takim shumë konstruktiv të Grupit Parlamentar të sapo konfirmuar me kryetarin dhe kryesinë e partisë dhe kemi koncensus të plotë si grup parlamentar dhe si subjekt politik me përvojë që jemi se nuk ka koalicion me PDK-në, do i presim limitet kohore kushtetuese dhe pastaj do të merren vendime koncensuale.” Ai thotë se edhe kryesia e LDK-së por edhe e gjithë partia janë të vendosur që të mos kenë koalicion me PDK-AAK-NISMA. /Insajderi.com   The post Naser Rugova mohon se ai dhe Teuta Rugova do ta votojnë qeverinë e PAN-it appeared first on INSAJDERI.

Ministria e udhëhequr nga Kujtim Shala, parregullësi në riparimin e veturave Posted: 30 Jun 2017 08:42 AM PDT Zyra Kombëtare e Auditimit (ZKA) ka gjetur parregullsi në servisimin e veturave nga Ministria e Kulturës, Rinisë dhe e Sporteve (MKRS), gjatë vitit 2016. Në raportin financiar vjetor të MKRS-së, të publikuar nga Zyra Kombëtare e Auditimit, është gjetur se "në pagesën e bërë për 'Riparimin e automjeteve' me vlerë 9,186€: Bartja e një veture nga vendi i prishjes deri në servis, në distancën prej 182km, është faturuar me 480€". "Po ashtu nuk dihet as lokacioni prej nga, dhe deri ku është bartur vetura", njofton Auditori Gjeneral. Auditori Gjeneral gjithashtu ka gjetur se në dy raste çmimi i faturuar ishte më i lartë se i kontraktuar, raporton Insajderi. "Çmimi i faturuar për vajin e motorit ishte 14.24€, ndërsa i kontraktuar 9€, ndërsa Semeringut diferencial, çmimi i faturuar ishte 45.78€, ose pothuajse dyfishi i çmimit të kontraktuar 25€; 5 Pozita: Kujdestar i sallës ekspozuese; Punëtorë skenik; Bibliotekistë dhe Rojtar", njofton ZKA. Në shumicën e rasteve, pranimi i veturave të Ministrisë së Kulturës, Rinisë dhe Sporteve të servisuara, nuk është bërë si duhet. "Përveç që nuk kishte komision të pranimit, mungon nënshkrimi i personit të autorizuar me rastin e pranimit të veturave të servisuara", njofton Auditori Gjeneral. Mos aplikimi i kontrolleve përgjatë procesit të servisimit të automjeteve, siç njofton ZKA, rrit rrezikun që të ndodhin pagesa të parregullta. Kjo mund të shkaktoj dëmtim eventual të buxhetit. /Insajderi.com The post Ministria e udhëhequr nga Kujtim Shala, parregullësi në riparimin e veturave appeared first on INSAJDERI.

Zbulohet paga mujore e sheikut të Rihannës  Posted: 30 Jun 2017 08:42 AM PDT Hassan Jameel këto ditë është kthyer në një nga emrat më të përfolur në mediat rozë. Kjo për faktin, se ditë më parë ai u zbulua se është në lidhje me super yllin Rihanna, me të cilën edhe u fotografua në disa poza të nxehta në pishinë, shkruan The Sun. Hassan është një ndër sheikët më të pasur, ndërsa nga kureshtja mediat ndërkombëtare kanë zbuluar së fundmi edhe të dhënat nga të ardhurat mujore të tij. I njëjti është zëvendës president dhe zëvendës kryetar i biznesit familjar në familjen e Latif Jameel, një nga familjet më të pasura në Amerikë.Mendohet se shuma që i dashuri i Rihannës merr në muaj për punën që kryen sillet rreth 200 mijë dollarë amerikanë, përcjell Express. Në total, Jameel thuhet se përfiton mesatarisht edhe 8 milionë dollarë në vit nga "Toyota", si aksionar në këtë kompani. The post Zbulohet paga mujore e sheikut të Rihannës  appeared first on INSAJDERI.

Putin zgjat embargon mbi ushqimet nga Perëndimi Posted: 30 Jun 2017 08:39 AM PDT Presidenti i Rusisë, Vladimir Putin, zgjati embargon ruse mbi prodhimet ushqimore nga Perëndimi deri në vitin 2018. Embargoja është përgjigje ndaj sanksioneve të Perëndimit kundër Rusisë, për shkak të aneksimit të Krimesë dhe mbështetjes së saj për separatistët në lindje të Ukrainës. Dekreti i Putinit thotë se embargoja mbi prodhimet perëndimore është zgjatur deri më 31 dhjetor, 2018. Dekreti vjen dy ditë pasi Bashkimi Evropian ka zgjatur formalisht sanksionet e tij ekonomike kundër Rusisë. Dy blloqet i zgjasin sanksionet njëra-tjetrës qysh në vitin 2014, kur edhe Rusia ka aneksuar Krimenë,njofton rel. Putin ka thënë më herët se Moska do ta heqë embargon kur Perëndimi t’i heqë sanksionet.   The post Putin zgjat embargon mbi ushqimet nga Perëndimi appeared first on INSAJDERI.

Thaçi në Samitin e Dubrovnikut – i gatshëm për vazhdimin e bisedimeve me Serbinë Posted: 30 Jun 2017 08:32 AM PDT Presidenti i Kosovës, Hashim Thaçi, sot ka marrë pjesë në Samitin e SEECP-së, i njohur si Procesi i Bashkëpunimit të Evropës Juglindore, i cili po mbahet në Dubrovnik të Kroacisë. Në këtë ngjarje, presidenti Hashim Thaçi së bashku me homologun e tij Aleksander Vucicin janë për herë të parë si presidentë të dy vendeve. Para presidentëve të rajonit dhe pjesëmarrësve tjerë në këtë samit, presidenti Thaçi ka falënderuar presidenten kroate Grabar-Kitaroviq dhe Kroacinë për një kryesim të suksesshëm të SEECP-së. Thaçi ka theksuar se bashkëpunimi është çelësi për ruajtjen e paqes dhe stabilitetit, por edhe për të ardhmen e anëtarësimit në Bashkimin Evropian dhe në NATO. "Përkundër faktit se ende kemi sfida jo të lehta në rajonin tonë, unë mendoj se zhvillimet e fundit na kanë dhënë arsye për optimizëm se gjerat përsëri mund të shkojnë në drejtimin e duhur", ka thënë presidenti Thaçi. Ai ka thënë se është e vërtetë se muajve të fundit shumica e vendeve të rajonit kaluan nëpër periudha të testeve të domosdoshme demokratike, që në disa raste u shoqëruan edhe me paqartësi politike, por këto zhvillime politike konfirmojnë gjithashtu se qytetarët e rajonit parapëlqejnë opsionet politike që nxisin dialogun, bashkëpunimin dhe integrimin. "Mesazhi është i qartë – ne e duam BE-në, për shkak të vlerave që ajo përfaqëson dhe mundësive ekonomike që ofron. Ky është mesazhi më i mirë për rajonin, nga rajoni, mirëpo edhe për BE-në dhe NATO-n", ka theksuar presidenti Thaçi. Para homologëve të rajonit dhe përfaqësuesve të BE-së, presidenti ka thënë se ky është gjithashtu mësimi më i mirë për të gjithë ata që e shikojnë rajonin tonë me dyshim. Sipas tij, momentumi i mirë në rajon korrespondon me momentumin pozitiv që ngadalë po krijohet edhe në BE, duke theksuar se zgjedhjet në Austri, në Holandë e në Francë kanë dhënë një shpresë të re për të gjithë ne, duke dëshmuar se idetë populiste që po kërcënonin vetë idenë e Bashkimit Evropian ishin jetëshkurtra. "E ardhmja nuk qëndron në ndarje, por në integrim. Kjo është arsyeja pse forumet si ky janë të rëndësishëm për të gjithë ne, për të rikonfirmuar përkushtimin tonë për bashkëpunim rajonal, por edhe për realizimin e aspiratave tona reale për anëtarësim në BE dhe NATO", ka shtuar ai. Presidenti Thaçi para shumë presidentëve dhe ministrave të rajonit ka thënë se Republika e Kosovës mbetet e përkushtuar për pjesëmarrje në SEECP, duke dhënë kontributin e vet meritor. Duke u bazuar në këtë përkushtim, ai ka thënë se është paraqitur propozimi që Kosova të marrë kryesimin e Procesit të Bashkëpunimit të Evropës Juglindore në të ardhmen e afërt. "Ne jemi të inkurajuar nga mbështetja që ky propozim ka marrë. Kjo është dëshmia se SEECP-ja mbetet një forum që promovon vlerat e barazisë, gjithëpërfshirës dhe bashkëpunimit", ka thënë ai. Duke folur për zhvillimet në Kosovë, presidenti Thaçi ka thënë se kanë kaluar gati dy dekada që nga përfundimi i luftës në Kosovë dhe pothuajse një dekadë që kur Kosova u bë shtet i pavarur. "Ne i dimë fare mirë rreziqet e konfliktit dhe vuajtjet që shkakton lufta. Kjo është arsyeja pse ne jemi të vendosur për një kapitull të ri për rajonin tonë", ka thënë ai. Presidenti Thaçi ka folur edhe për vizitat që ua ka bërë pjesëtarëve të komuniteteve që kanë pësuar nga lufta. "Doja jo vetëm që të njihja dhimbjen dhe vuajtjet e tyre, por edhe të mbështesja përpjekjet për pajtim dhe drejtësi", ka thënë presidenti Thaçi. Ai ka shtuar se Kosova mbetet e përkushtuar për kultivimin e marrëdhënieve të mira ndërfqinjësore me të gjitha shtetet e rajonit, duke përfshirë edhe Serbinë. "Dialogu për normalizimin e marrëdhënieve ndërmjet dy shteteve respektive, Kosovës dhe Serbisë, ka dhënë rezultate pozitive. Prandaj, unë edhe tani si president shpreh gatishmërinë për vazhdimin e këtij dialogu, si mekanizmi i vetëm për normalizimin e plotë të marrëdhënieve tona ndërshtetërore", ka thënë presidenti Thaçi. Në kuadër të këtij samiti, presidenti Thaçi gjatë ditës do të zhvilloj takime edhe me përfaqësues të ndryshëm të shteteve pjesëmarrëse. The post Thaçi në Samitin e Dubrovnikut – i gatshëm për vazhdimin e bisedimeve me Serbinë appeared first on INSAJDERI.

Zbulohet çmimi i biletave për ndeshjen Trepça ’89 – Vikingur Posted: 30 Jun 2017 08:31 AM PDT Trepça '89 kërkon të kalojë në rrethin e dytë të kualifikimeve për Ligën e Kampionëve. Por, për ta bërë një gjë të tillë, duhet ta mposhtë Vikingurin në ndeshjen e kthimit, pasi në përballjen e parë, kanë humbur me rezultat 2:1. 89-shi llogarit në lojtarin e 12-të, që pritet të jenë tifozët, e ku numri i tyre mund të jetë i madh, marrë parasysh rëndësinë e ndeshjes. Për këtë gjë, klubi i Trepçës ka caktuar çmimet e biletave për të gjithë ata që duan ta shohin ndeshjen nga afër. Çmimin e biletave e ka zbuluar për Sportin në KTV, kryetari i klubit të Trepçës '89, Abedin Zeka. "Bileta më e lirë do të kushtojë 2 euro, kurse më e shtrenjta 7 euro”, ka thënë Zeka. The post Zbulohet çmimi i biletave për ndeshjen Trepça ’89 – Vikingur appeared first on INSAJDERI.

Një kosovare në mesin e 150 njerëzve që ecën në pistën e festivalit të Mançesterit Posted: 30 Jun 2017 08:29 AM PDT Rreth 150 njerëz të thjeshtë por të jashtëzakonshëm ecën përmes një piste me tulla të verdha për natën hapës te Festivalit Ndërkombëtar të Manxhesterit – dhe njerëzit po çmenden për të. Njerëzit nga të gjitha sferat e jetës shkuan për të festuar rrëfimin e tyre në hapje të festivalit bienal të artit 18-ditorë, ditën e djeshme, shkruan mediumi anglez Glamour Magazine. Pjesa e pistës, e titulluar "What Is The City But The People?" (Çfarë është qyteti përpos njerëzit e tij?), kishte të gjithë njerëzit e përfshirë; që nga një foshnje 4-ditëshe me emrin James teksa bartej nga nëna e saj, e cila mbante një bastun. Përderisa njerëzit ecnin, rrëfimet për jetën e tyre shfaqeshin prapa ekranit për të tjerët që ta lexonin. Ndër të tjerë që ecën ishte edhe një vajzë nga Kosova, Jehona, e cila si 11-vjeçare kishte parë teksa të 19 anëtarët e familjes së saj ishin vrarë në Kosovë, me ç’rast në ato momente edhe ajo ishte menduar si e vdekur. Jehona eci me një buzëqeshje rrezatuese në fytyrën e saj. Aty gjendeshin edhe dy taksistë të cilët kishin ndalur taksi metrin e tyre për të dërguar fansat e Ariana Grandes në shtëpi pa pagesë në natën e sulmit në Manchester. "Ishte çuditërisht shumë prekëse të shihje njerëzit të duartrokiteshin thjesht sepse janë vetvetja", kishte thënë njëri prej pjesëmarrësve. /Insajderi.com The post Një kosovare në mesin e 150 njerëzve që ecën në pistën e festivalit të Mançesterit appeared first on INSAJDERI.

You are subscribed to email updates from INSAJDERI. To stop receiving these emails, you may unsubscribe now.	Email delivery powered by Google
Google Inc., 1600 Amphitheatre Parkway, Mountain View, CA 94043, United States

loading...

Lexo edhe: