Në Harvard, një ekip shkencëtarësh kanë zhvilluar një mënyrë për të luftuar kancerin.
Shkencëtarët nga Harvardi kanë zhvilluar një mënyrë për të luftuar kancerin, e ajo është përmes qelizave burimore.Duke përdorur qelizat burimore që janë projektuar posaçërisht për të nxjerrë toksina kancer-vrasëse, një grup i studiuesve kanë zhvilluar një formë të trajtimit që mund t'i synojë vetëm qelizat kanceroze pa i dëmtuar qelizat normale të shëndosha.
Independent raportoi të shtunën se qelizat burimore gjentikisht të inxhinjeruara dëshmuan se janë shumë efektive në minj sa që ekspertët tani besojnë se trajtimi mund të bëhet një përparim i madh në hulumtimin e kancerit.
Përderisa përdorimi i toksinave për të luftuar kancerin është mjaft i zakonshëm, shkencëtarët besojnë se ndërtimi i qelizave burimore nga ata jo vetëm që vendos llojin e duhur të toksinës, por nuk i dorëzohet efekteve nga vetë toksina.
Toksina gjithashtu është e sigurt për shëndetin e qelizave të njeriut me të cilat do të ketë kontakt. Dr.Khalid Shaw, i cili ishte udhëheqësi i ekipit të hulumtuesve tha: "Toksinat kancer-vrasëse janë përdorur me sukses të madh në disa lloje të kancerit të gjakut, por nuk punojnë aq mirë në tumore solide sepse kancerët nuk janë aq të arritshëm".
Në mënyrë që të merren mjaft toksina kancer-vrasëse në zonat e prekura por të paarritshme, ekipi kishte nevojë që të ndërtoj një sistem shpërndarës që do të mund të prodhonte toksinat por nuk do t'i dëmtonte qelizat, transmeton Lajmi.net.
Pasi që ekipi zhvilloi këtë formë të qelizës që mund t'i rezistojë toksinave të prodhuara, shkencëtarët së pari kirurgjikisht larguan pjesën më të madhe të tumorit para vendosjes së qelizave burimore në një qese në vendin e tumorit. Pasi që u vendosën, ato filluan punën për prodhimin e toksinave kancer-vrasëse.
Sipas BBC, trajtimi është duke marrë përgjigje ngazëllyese nga shumë studiues të qelizave burimore dhe trajtimeve të kancerit.
loading...
Lexo edhe: