Rapitful Shqip

Gripi sezonal Gripi sezonal është një infeksion akut viral. Përcjellët direkt nga një person i sëmurë tek tjetri përmes stërpikave gjatë kollitjes ose teshtitjes dhe ne mënyrë indirekte me prekjen e objekteve të kontaminuara me virusin e gripit sezonal. Për sa kohë një person i sëmurë e përhap gripin tek të tjerët? Personi i infektuar me virusin e gripit mund të infekton të tjerët, deri në 5 ditë pas lajmërimit të shenjave të gripit. Sëmundja zakonisht zgjat rreth një javë. Kush rrezikohet nga gripi sezonal? Çdo njeri mund të preket nga virusi i gripit sezonal dhe ta përhapë atë tek të tjerët. Por disa njerëz janë në rrezik më të madh për t'u infektuar me virusin e gripit sezonal si: • Fëmijët e vegjël deri në 5 vjeç, • Të moshuarit 65 vjeç e sipër, • Gratë shtatzëna, • Të sëmurët me sëmundje kronike. Shenjat e zakonshme të gripit sezonal janë: • Temperaturë e lartë • Lodhje • Rrjedhje të hundëve • Dhimbje fyti • Kollë • Barkqitje dhe vjellje • Dhimbje koke, barku e muskujsh Sh

Sqarim Kohët e fundit kanë filluar që shkrimet e mia të lexohet ndryshe. Gjoja se unë me anë të shkrimeve mëtuakam arritjen e ndonjë pozicioni partiak dhe politik. Me këtë nuk dua të them se mëkat është të merresh me polikë. Assesi, dikush duhet të merret, sidomos ata që e shohin veten se janë për një gjë të tillë, porse duke mos e vendosur interesin e tyre vetjak përpara atij kolektiv! Madje unë provova të merrem me polikë, por shpejt e pashë se nuk jam për politikë dhe se politika nuk është rrobë që mua më shkon për shtati. Kjo nuk do të thotë se unë betohem se kurrë nuk do të merrem me polikë, por ajo që shihet, tregon qartë se arma më dobiprurëse për mua është shkrimi dhe studimi, ndonjë veprimtari shoqërore, si dhe puna e rregullt që e bëj. Kjo përzgjedhje për të funksionuar dhe frymuar si njeri nuk është aspak e lehtë, sepse përmes shkrimit unë synoj mirëqenien e shoqërisë. Kjo nuk mund të bëhet pa i kritikuar dhe këshilluar politikanët të cilët janë të fuqishëm n

Fjala është uji dhe vepra është bima. Të mos i ujisim tepër bimët tona, sepse ujitja e tepërt është e ngjashme me mosujitjen! Burimi: Iljasa Salihu  

Ilir Meta duhej kërkuar xhepa më të ngushtë për liderët shqiptarë, pastaj puna e buxhetit lehtë do të rregullohej. Lehtë është në rast se nuk je peng i ndonjë vepre të ndyrë! Burimi: Iljasa Salihu  

Pse ca intelektualë shqetësohen për Ahmetin, dhe jo për MONSTRëN E SOPOTIN? Shkruan: Fejzi Hajdari Si kuptojë këta disa intelektualë, që aq shumë shqetësohen për figurën e Ali Ahmetit sot kur është aksidentuar (që është shumë njerëzore dhe humane. Edhe unë të njëjtën e bëra kur dëgjova lajmin e hidhur). Por, më habit një fakt tjetër, pse ata s'u dhimbsën dhe nuk shfaqën shqetësim absolut dje kur ndodhi rasti gjyqësor MONSTRA, pse s'u shqetësuan aspak kur rriheshin cdo ditë nxënësit shqiptarë përtej Urës së Gurit, pse nuk ngritën zërin kur ndodhi RADISHANI, SOPOTI, ENCIKLOPEDIA, pse s'u shqetësuan, kur dje me metoda fashiste, digjej pasuria e shqiptarëve në "Gjorce..." e cila për qëllim kishte dëbimin e shqiptarëve nga zona "përtej Vardarit". Kjo sjellje, në mos servilizëm, mua me duket si dyfytyrësi, dhe veprim joparimor. Më falni zotrinj të respektuar, por pse jeta e Ali Ahmetit na qenka më e vlefshme se sa e njerëzve që pësuan nga ra

Nëse fëmijëve i thua çdo ditë, çdo muaj e çdo vjet që të mësojnë e të mos lazdrohen, apo nëse shokut ia përsëritë çdo muaj e çdo vit të njëjtën këshillë, ndikimi do të jetë e kundërta e asaj që thuhet. Këshilla e mirë, por e përsëritshme s’di sa herë, drejtuar të njëjtit njeri, në të njëjtën mënyrë dhe për të njëjtën gjë, s’do mend se bëhet bajate, madje fillon edhe të urrehet. Ngjashëm është bërë puna edhe me Marrëveshjen e Ohrit. Ajo është bërë një metaforë folklorike dhe monotone. Ndoshta edhe nuk kanë çfarë ndërmendje dhe këshilla t’i japin palës maqedonase dhe duan që përmes kësaj metafore ta kalojnë rendin e këshillave. Kështu që, secili funksionar i lartë shqiptar që po vjen në Maqedoni për vizitë, të njëjtën porosi po e jep. Unë nuk e di se sa ata dinë për këtë marrëveshje. Unë nuk e di se përse ata nuk merren me vërejtje konkrete në aspekt të trajtimit dhe faktorizimit të shqiptarëve të këtushëm. Unë dyshoj dukshëm në seriozitetin e tyre, sepse tashmë po i

Scot analiza është metodë e cila përdoret në procesin e planifikimit strategjik për të vlerësuar përparësitë, sfidat, mundësitë dhe rreziqet rreth një organizate shëndetësore.

Nuk duhet protestuar kundër Jabllanoviqit, por kundër jabllanoviqëve tanë, të cilët mes tjerash flasin edhe shqip. Ku është Vlora Qitaku, që si një e prekur prej djallit para do kohësh u ngacmua me rastin e një ligjërate të një imami shqiptar, gjoja se i paska fyer gjitha femrat shqiptare. Ministri serb i “Kosovës dhe Metohisë” gjithë protestuesit shqiptar në Gjakovë i quajti egërsira dhe sërish shoqet e Vlorës dhe vetë Vlora dëshmuan se sikur të jenë egërsira tërbohen vetëm kur është fjala për ndonjë “gabim” të ndonjë shqiptari. Më vjen keq se armiku jemi bërë ne! Burimi: Iljasa Salihu  

Euro dhe frangu mund të barazvlerësohen, por jo edhe Abdylhaqimi me Abdylmenafin, ani pse emrat e që të dyve fillojnë me "Abdyl"! Unë nuk mund të rrihem me Xhetlinë, ani pse ushtroj wing chun. Lëre se nuk mund, por as që vjen në shprehje kjo gjë, prandaj Abdylhaqimi nuk ka faj, por Abdylmenafi që ka pranuar një debat të tillë. Janë kategori aspak të përafërta. Të paktën pak të kishin qenë! Burimi: Iljasa Salihu  

Forcimi i dollarit amerikan kundrejt frangut ka gëzuar mërgimtarët shqiptar, që jetojnë në Amerikë dhe ka hidhëruar poseduesit e frangut, të cilët duhet ta shkëmbejnë për raste të caktuara frangun me dollarin. Rënia e euros kundrejt frangut, dukshëm ka gëzuar mërgimtarët shqiptar, të cilët punojnë në Zvicër. Forcimi i frangut kundrejt euros ka hidhëruar ndërmarrjet zvicerane, sepse tashmë njerëzit do të jenë të prirë të blejnë mallra jashtë Zvicrës. Zvicrës do t’i pakësohen p aratë dhe do t’i grumbullohen mallrat. Me këtë sërish do të përfitojnë shtresat e mesme dhe ato të varfra, sepse grumbullimi i mallrave shoqërohet me ulje të çmimit. Me këtë rast Gjermanisë do t’i rritet sasia e shitjes së mallrave, gjë që do të gëzohen ndërmarrjet gjermane, sidomos ato ndërmarrje të cilat janë në gjendje të prodhojnë shumë, kurse do të hidhërohen në anën tjetër punëtorët dhe punonjësit që punojnë në Gjermani, të cilët kundrejt poseduesve të dollarit dhe të frangut do të jenë në gjen

Pikërisht në regjimet gjakatare lulja e quajtur Kadare mbinë brufullueshëm. Në kohën e komunizmit ai bëri emër dhe nam si shkrimtar, derisa në anën tjetër Lasgush Poradeci kishte thyer lapsin për të vdekur pastaj në një mjerim të paparë. Lasgushi kishte thënë më mirë do ta thyej lapsin se sa të shkruaj ashtu siç më thuhet a urdhërohet prej lartë. Në kohën kur Izraeli akuzohet prej shumëkujt për gjenocid ndaj popullit palestinez, Kadare merr çmim të rëndësishëm po prej këtij shteti, ani pse intelektuali dhe shkrimtari duhet të jetë zë i zëshëm i të përvuajturve dhe i atyre që i bëhet padrejtësi, pavarësisht përkatësisë së tyre racore, politike, kombëtare dhe fetare. Lus Zotin që kurrë të mos bëhem peng i çmimeve, sepse kjo do të ma garantonte nënçmimin, pikërisht atëherë kur do të kem nevojë të çmohem! Burimi: Iljasa Salihu  

"Askush nuk ka ngrënë ushqim më të mirë sesa ai që e ka fituar me punën e vet. Edhe Davudi alejhi selam fitonte të ardhura prej punës së vet"! - Muhamedi alejhi selam

Përpos që rasti i Ukrainës ia prishi planet integruese integristëve tanë intrigues, tani flitet se ky rast mund të jetë shkak i nisjes së luftës së tretë botërore. Unë mendoj se si njëri ashtu edhe tjetri pohim nuk mbajnë. Luftërat botërore nuk janë seri të veturave që patjetër tjetra duhet ta pasojë parapraken. Meqë kishim veturë golf të tipit 1, atëherë qenë të pritura seritë e radhës dhe kjo është normale në mendësinë e teknologjisë. Aq më tepër kur m arrim parasysh faktin se bota sot është bërë njëpolare dhe asimetrike. Nuk mund të ndeshet në boks Kliçkovi me Seferin. Ende nuk i përkasin kategorisë së njëjtë. Sidoqoftë, stërzgjatja e përplasjeve kulturore, komplotet e mëdha botërore, konfliket lokale dhe rajonale të stërzgjatura, forcimi i Kinës ekonomikisht dhe i Rusisë ushtarakisht, vullkani i gjallë në Palestinën e pushtuar, ka mundësi që në një të ardhme të mesme të shoqërohet me ndonjë luftë botërore, porse duke e marr parasysh potencialin e armëve që bota s

Një nga problemet e shpeshta në rrethin tonë paraqesin gurët në veshkë apo tëmth. Problemi më së shumti shkaktohet nga uji dhe ushqimi. Si të tentoni për t’i shmangur metodat me dhimbje të medicinës konvencionale po ju paraqesim reçetën popullore të provuar për tretjen dhe nxjerrjen e gurëve nga organizmi. Përbërësit: 250 gr sheqer pluhur, 0.25 l vaj ulliri ekstra të virgjër (eko), 250 gr limon me lëvozhgë 250 gr rrënjë majdanozi (të bluara) dhe 250 gr mjaltë (apo sasi të njejta të të gjithë përbërësve) Udhëzim: Limonin e lani mirë dhe nëse është i spërkatur e pastroni nga kimikatet. Këtë mund ta bëni me përzierjen për pastrimin e frutave, të cilën reçetë për përzierjen dhe proçedurën mund ta gjeni këtu. Pasi ta pastroni limonin, e preni në copëza dhe e bluani sa më imët në ‘blender’ apo mulli elektrik, rrënjët e majdanozit i qëroni, preni në copëza dhe i bluani sikurse limonin. I përzieni të gjitha dhe i shtoni mjaltin, vajin e ullirit dhe sheqerin pluhur.

Në kohën kur u vra z. Aliu me tre shokët e tij, shqiptarët që këtyre ditëve po ndezin qirinj për të vrarët në Francë ishin nëpër zgafella të errëta. Atëkohë, nuk kishin qirinj për të ndezur, që të mund të shihnin se çka po ndodh në shtëpinë e fqinjit. Burimi: Iljasa Salihu  

Se partia është byro punësimi, kjo nuk kishte nevojë të vërtetohet me ndonjë teori shkencore, por këtë përditë po e vërtetojnë vetë partitë politike! Burimi: Iljasa Salihu  

Pronarët e ndërmarrjeve kur të mbushen deri në kulm me krim financiar si një prej formave të shpëtimit të tyre, ata ia ndërrojnë emrat atyre ndërmarrjeve. Kriminelët për t’i fshirë gjurmët e identitetit të tyre janë të gatshëm t’i ndërrojnë edhe emrat. Po ashtu, Xhemal Ahmeti i cili tanimë e dëshmoi se është kundër vlerave të tij, me krenari deklaroi se tashmë është Jon Leka, ashtu siç Shabani për çështje alkoolike që u bë Zef. S’do mend se kjo është e drejtë e tyre, ashtu siç është e drejta ime t’i ngushëlloj bashkëkombasit e mi duke i thënë se po pastrohemi, nuk jemi duke u pakësuar, fundja askush nuk ndihej mirë kur nga goja dhe dora e Xhemalit dëgjonte përçmime nga më të rëndat kundrejt atyre që emri Xhemal i dukej i familjes së tyre. Përndryshe emrat me kuptim në gjuhën shqipe i dua shumë, por ndërrimin e emrave e urrej shumë, ngaqë kjo mes tjerash dëshmon servilizëm! Burimi: Iljasa Salihu  

Ç'është halli i atij luani që më shikon si dhelpër? Po ti moj dhelpër, pse hiqesh si luan? Sado të shquheni për diplomaci e trimëri, sërish jeni kafshë e nuk jeni njerëz, ani pse njeriu ndonjëherë për ta treguar trimërinë dhe diplomacinë e tij identifikohet me emrat e juaja. Megjithatë, mos harroni se njeriu ishte ai që ndërtoi kopshte zoologjike, që përmes robërimeve tuaja, me krekosje festoi lirinë e tij. Madje u tregua edhe bamirës ndaj jush duke e ndarë kafshatën e gojës me ju. Vetëm se njeriu pas grilave nuk kishte mure, për dallim prej jush që kishit grila e mure të larta! Burimi: Iljasa Salihu  

Veturat e shumta bien nën udhë si rrjedhojë e rrugës së papastruar në një pjesë të Komunës së Likovës. Sërish komuna nuk bëzanë dhe nuk ndërmerr asgjë për shmangien e këtyre aksidenteve, mbase edhe hiqet tërësisht si e pafajshme. Qoftë e tillë! Unë pra që po shkruaj kam faj, sepse ndonjëherë po i kritikoj të molisurit. Ç'është më e keqja, sërish shoh fytyra të qeshura, që për mua ato fytyra janë qesharake. Qeshin, por frikësohen të ankohen për këtë anarki. Frikësohen prej burokratëve grykor, edhe pse ata nuk hanë njerëz, por qebapa të ngrohta, kuptohet të paguara prej buxhetit të varfër. Kur ta analizosh mirë gjendjen, me pak fjalë i bie se mirë na bëjnë, ngaqë të paktën përgjatë përdhunimit as ofshama të lëshojmë nuk po guxojmë. Frika na mërdhiu më shumë se acari i sotëm. E po si tuca që jemi, pa dyshim se e meritojmë këtë trajtim! Burimi: Iljasa Salihu  

Gëzuar aty e gëzuar këtu, kurse gjithandej realisht të hidhëruar e të pakënaqur. Ja pse unë shumë rrallë shkruaj urime përgjatë festave. Kjo nuk do të thotë se unë veproj me të drejtë dhe uruesit gabim, por unë përpara se të them gëzuar shoh nëse kam arsye për t'u gëzuar, madje jo vetëm unë, por edhe shoqëria ime, si dhe çka mund të bëj për ta larguar shkakun e stërkeqjes që është shtrirë në mesin tonë. Kështu që, kot për disa besimtarë që i gëzohen lindjes së Muhamedit alejhi selam, kur realisht vëllezërve të vet nuk i flasin dhe të tjerëve i bëjnë padrejtësi! Burimi: Iljasa Salihu  

Dikur shumica e vajzave varroseshin të gjalla, kurse tani shumë prej tyre si rrjedhojë e mungesës së oksigjenit të edukimit po vdesin dhe për një kohë të gjatë nuk po varrosen. Në të vërtetë, ai që nuk i edukon vajzat edhe në frymën shpirtërore, ai i ka varrosur ato të gjalla. Vetëm sikur ta dinin! Burimi: Iljasa Salihu  

Bëhu i sinqertë !!! Fjalët, pretendimet, parullat, zëri i lartë, pozita, dituria, adhurimi, postimet, komentet, këshillat,...., nuk vlejnë nëse nuk je i sinqertë, andaj: Bëhu i sinqertë !!! Burimi: Senad Ramadani  

Sot më ra në dorë një atlas i anatomisë. Fillova ta shfletoja. Menjëherë, fillova të ballafaqohem me shumë të panjohura. Mendova se sa i pasur që qenkam. Sakaq, më erdhi një mendim se sa i varfër që isha. Qenkam i pasur me gjitha ato pjesë përbërëse të organizmit. Dola shumë i varfër, sepse shumë gjera i paskam, për të cilat nuk kisha qenë në dijeni. Pas pak, mendova se çfarë kuptimi ka fakti nëse unë di diçka për klimën dhe kulturën në Afrikë, kurse në anën tjetër, gjërat që çdo ditë i barti dhe ma mundësojnë lëvizjen nuk i ditkam. Sidoqoftë, kjo është madhështi e Krijuesit, pranë së cilës gjithherë jemi të mahnitur dhe njëherësh të sfiduar! Burimi: Iljasa Salihu