“Paris Saint-Germain prezanton fanellat e para për sezonin 2022/23” plus 6 more Telegrafi Futboll |
- Paris Saint-Germain prezanton fanellat e para për sezonin 2022/23
- Barcelona ia konfirmon Lewandowskit ofertën e përmirësuar drejtuar Bayern Munichut
- Pas Lukakut, edhe Kristjan Asllani mbërrin për teste mjekësore te Interi
- Newcastle konfirmon transferimin e mbrojtësit Sven Botman
- Zyrtare: PSV Eindhoven nënshkruan me talentin Xavi Simons
- Ish-rivali për president të Barcelonës, Victor Font kritikon Laportan për improvizim
- “Jam shumë i lumtur që jam këtu”, Lukaku zbret në Milano, gati testet mjekësore dhe nënshkrimi me Interin
Paris Saint-Germain prezanton fanellat e para për sezonin 2022/23 Posted: 29 Jun 2022 01:41 AM PDT Klubi francez, Paris Saint-Germain ka prezantuar sot (e mërkurë) fanellat e reja që pritet t'i mbajë veshur si vendasit në sezonin e ri 2022/23. Kampioni aktual i Ligue 1 ka prezantuar fanellat e reja, pas prezantimit të marrëveshjes së rinovimit me Kylian Mbappe. Pjesë e prezantimit ishte pikërisht Mbappe, por edhe yjet tjera të mëdha të ekipit si Lionel Messi, Marco Verratti dhe Marquinhos.
PSG ka vazhduar bashkëpunimin me kompaninë e mirënjohur NIKE, ndërsa pjesë e reklamës së përparme vazhdon të mbetet Qatar Airways. Ngjyrat janë po ato të përhershmet: e kaltra e errët, e kuqja dhe e bardha. "Një komplet parisien që ndërthur traditën dhe modernen. Për herë të parë, partnerët tanë Qatar Airways dhe Goat shfaqet në fanellën e ekipit të parë", thuhet në njoftim. /Telegrafi/
The post Paris Saint-Germain prezanton fanellat e para për sezonin 2022/23 appeared first on Telegrafi. |
Barcelona ia konfirmon Lewandowskit ofertën e përmirësuar drejtuar Bayern Munichut Posted: 29 Jun 2022 01:05 AM PDT Barcelona thuhet se ka bërë një ofertë të re të përmirësuar drejtuar Bayern Munichut për sulmuesin Robert Lewandowski. Sipas gazetarit të njohur Fabrizio Romano, Barcelona ka bërë një ofertë të përmirësuar për Lewandowskin. Klubi katalunas ka bërë një ofertë prej 40 milionë euro të garantuara plus bonuse për Bayern Munich. Lewandowski thuhet se do të presë Barcelonën dhe shpreson të arrihet një marrëveshje.
Barcelona është e vendosur të sjellë në Camp Nou një numër nëntë të kalibrit botëror këtë sezon dhe Lewandowski është objektivi i tyre i zgjedhur. Golashënuesi polak është një nga sulmuesit më vdekjeprurës në futbollin evropian dhe është gati të hyjë në vitin e fundit të kontratës së tij me Bayernin. Ai ndihet i nënvlerësuar nga klubi bavarez dhe dëshiron një sfidë të re. Shifrat e Lewandowskit janë absurde – është e vështirë të mos besohet se ai do të revolucionarizonte sulmin e Barcelonës nëse përfundon lëvizjen në Camp Nou. 33-vjeçari shënoi 50 gola në 46 ndeshje në të gjitha garat në sezonin 2021/22 dhe ka shënuar gjithsej 344 nga 375 ndeshje që ka luajtur për Bayernin. Ai ka shënuar 76 gola në 132 ndeshje për Poloninë. Ai do të ishte njeriu ideal për të zëvendësuar kontributin vjetor të golave të Lionel Messit. /Telegrafi/ The post Barcelona ia konfirmon Lewandowskit ofertën e përmirësuar drejtuar Bayern Munichut appeared first on Telegrafi. |
Pas Lukakut, edhe Kristjan Asllani mbërrin për teste mjekësore te Interi Posted: 29 Jun 2022 12:45 AM PDT Mesfushori shqiptar, Kristjan Asllani ka arritur në Milano për të përfunduar testet mjekësore para transferimit nga Empoli te Interi. Dita e sotme (e mërkurë) pritet të jetë e ngarkuar për Nerazzurrët, pasi mund të finalizojnë dy transferime. Para disa orësh arritur Romelu Lukaku për teste mjekësore, ndërsa tashmë ka ardhur edhe një tjetër. Bëhet fjalë për mesfushorin e Kombëtares Shqiptare, Kristjan Asllani, i cili ka mbërritur gjithashtu për teste mjekësore. Asllani pritet t'i kryej testet mjekësore dhe të nënshkruaj një kontratë deri në vitin 2027 me Interin.
Mesfushori shqiptar thuhet se do të vijë si huazim me pagesë prej katër milionë euro me obligim blerje prej 10 milionësh tjera. Ndryshe, 20-vjeçari bëri 26 paraqitje në të gjitha garat për Empolin sezonin e kaluar. /Telegrafi/
The post Pas Lukakut, edhe Kristjan Asllani mbërrin për teste mjekësore te Interi appeared first on Telegrafi. |
Newcastle konfirmon transferimin e mbrojtësit Sven Botman Posted: 29 Jun 2022 12:20 AM PDT Klubi anglez, Newcastle United ka fituar konkurrencën e madhe për transferimin e Sven Botman nga Lille. Botman ishte cak i interesimit të shumë klubeve evropiane e në veçanti nga Milani, por në fund Newcastle ka fituar garën. Është vet klubi anglez që ka konfirmuar arritjen e marrëveshjes për transferimin e lojtarit. "Newcastle United ka rënë dakord për një marrëveshje në parim me LOSC Lille për të nënshkruar me mbrojtësin holandez Sven Botman për një tarifë të pazbuluar, duke penguar konkurrencën nga një mori skuadrash evropiane për të siguruar qendërmbrojtësin shumë të vlerësuar". "Botman ka përfunduar testet mjekësore në Tyneside dhe ka rënë dakord për kushtet e një kontrate pesëvjeçare".
"Formalitetet e transferimit pritet të përfundojnë këtë javë, pas së cilës 22-vjeçari do të bëhet zyrtarisht lojtar i Newcastle United", thuhet në njoftim. Çmimi i transferimit nuk është konfirmuar, por thuhet se Botman i ka kushtuar "Laraskave" rreth 40 milionë euro dhe ka nënshkruar kontratë pesëvjeçare. /Telegrafi/ The post Newcastle konfirmon transferimin e mbrojtësit Sven Botman appeared first on Telegrafi. |
Zyrtare: PSV Eindhoven nënshkruan me talentin Xavi Simons Posted: 28 Jun 2022 11:59 PM PDT Klubi holandez, PSV Eindhoven ka konfirmuar zyrtarisht transferimin e talentit Xavi Simons, i cili vjen si transferim i lirë nga Paris Saint-Germain. Xavi Simons do ta vazhdoj karrierën në Eredivisie, pasi ka vendosur të mos e vazhdoj kontratën me PSG dhe të transferohet te PSV Eindhoven. Është vet klubi holandez që ka njoftuar arritjen e marrëveshjes dhe nënshkrimin e një kontrate afatgjate me talentin e madh.
"PSV ka nënshkruar për një kohë të gjatë me Xavi Simons (19 vjeç)". "Mesfushori i talentuar holandez nënshkroi një kontratë në Eindhoven të martën në mbrëmje deri në mesin e vitit 2027".
"Simons kalon nga Paris-Saint Germain", thuhet në njoftimin e klubit holandez. Xavi Simons në të kaluarën ka luajtur edhe me akademinë e famshme të Barcelonës, La Masia. /Telegrafi/
The post Zyrtare: PSV Eindhoven nënshkruan me talentin Xavi Simons appeared first on Telegrafi. |
Ish-rivali për president të Barcelonës, Victor Font kritikon Laportan për improvizim Posted: 28 Jun 2022 11:40 PM PDT Presidenti i Barcelonës, Joan Laporta duket se ka të gjithë mbështetjen popullore që i nevojitet në klub, edhe pse vazhdojnë disa kritika drejtuar tij. Pavarësisht nga forcat e zakonshme që komplotojnë kundër tij si pjesë e politikës së brendshme në klub, ka kaluar më shumë se një vit që kur ai mori drejtimin e Barcelonës dhe Asambleja e tij më e fundit pa që të dyja mocionet e tij të kaluan me mbështetje të fortë. Megjithatë, kjo nuk do të thotë se as menaxhimi i tij ka qenë i përsosur. Disa kanë vënë në pikëpyetje pse Ronald Koeman u mbajt në detyrën e tij për kaq gjatë, ndërsa të tjerë nuk e kanë falur atë për dështimin për të siguruar që Lionel Messi të qëndronte në Kataluni. Ish-rivali presidencial Victor Font dha së fundmi një konferencë shtypi për të gjitha çështjet e Barcelonës dhe shpjegoi se Laporta ishte fajtor në këtë çështje. "Ne kishim një plan që uli listën e pagave, shpenzimet… me këtë plan dhe gatishmërinë e Messit për të vazhduar, jam i bindur se ai do të kishte qëndruar". Kritika më e rëndësishme ishte se Font beson se Laporta po vepron pa një strategji. "Nuk dua të kritikoj për hir të kritikës. Nuk kishte plan, kishte improvizim", ka thënë Font. Laporta e kishte shitur më parë veten si njeriu për të siguruar vazhdimësinë e Messit dhe ka pak dyshime se ai e di efektin politik të transferimeve dhe nënshkrimeve. Mandati i tij i parë në detyrë u fitua pas nënshkrimit premtues të David Beckhamit dhe së fundmi, kur ai donte që anëtarët të miratonin raportin financiar, Barcelona ka qenë e lidhur shumë me Jules Kounde dhe Robert Leëandoëski. /Telegrafi/ The post Ish-rivali për president të Barcelonës, Victor Font kritikon Laportan për improvizim appeared first on Telegrafi. |
Posted: 28 Jun 2022 11:20 PM PDT Sulmuesi belg, Romelu Lukaku ka zbritur këtë mëngjes (e mërkurë) në Milano para kompletimit të huazimit nga Chelsea te Interi. Rikthimi i Lukakut te Interi është çështje e kryer tashmë dhe huazimi i tij do të kompletohet së shpejti. Ylli belg ka zbritur në Milano, në orën 6:30 të mëngjesit me kohën e Italisë dhe tashmë ka thënë fjalët e para. "Jam shumë i lumtur që jam këtu", ka deklaruar Lukaku pasi ka zbritur në aeroportin e Milanos. Dita e sotme pritet të jetë dita e tij e nënshkrimit të kontratës për rikthim në Inter. Sulmuesi pritet t'i nënshtrohet këtë mëngjes testeve mjekësore, para se Interi ta zyrtarizoj huazimin nga Chelsea.
Sipas gazetarit Fabrizio Romano, huazimi do të jetë i vlefshëm deri në qershor të 2023, ndërsa Interi do ta mbuloj pagën e plotë të lojtarit. Kosto e huazimit thuhet se është tetë milionë euro plus bonuse në drejtim të Bluve. /Telegrafi/
The post "Jam shumë i lumtur që jam këtu", Lukaku zbret në Milano, gati testet mjekësore dhe nënshkrimi me Interin appeared first on Telegrafi. |
You are subscribed to email updates from Futboll – Telegrafi. To stop receiving these emails, you may unsubscribe now. | Email delivery powered by Google |
Google, 1600 Amphitheatre Parkway, Mountain View, CA 94043, United States |
Lexo edhe: