“Tri gabimet e thjeshta që e shkatërrojnë çdo lidhje dashurie” plus 9 more Ekonomia Online |
- Tri gabimet e thjeshta që e shkatërrojnë çdo lidhje dashurie
- Flori Mumajesi flet publikisht për largimin nga muzika
- Mësimdhënësit në grevë, kryetarja e Këshillit të Nxënësve lëshon reagim publik
- Si të qëndroni të lumtur, pasionantë dhe produktivë
- Man United: De Gea është më i miri në botë
- Mbi 40 të plagosur nga një sulm në Afganistan
- Shpat Kasapi në hall me hakerët
- Gigi Hadid për herë të parë sfilon për Prada
- Aderime dhe prurje të reja në degën e PDK-së në Rahovec
- Komuna e Gjilanit pastron rrugët dhe trotuaret, nuk merret me improvizimet e opozitës
Tri gabimet e thjeshta që e shkatërrojnë çdo lidhje dashurie Posted: 14 Jan 2019 10:19 AM PST Posa ndjenja e fluturave në bark fillon të hiqet, ju futeni në një fazë të re të lidhjes ku që të dy ndiheni komod pranë njëri-tjetrit. Nëse nuk keni shumë kujdes, ju mund të bëheni shumë komode dhe ta harroni arsyen se përse jeni në një lidhje, transmeton Telegrafi. Nuk janë gjithmonë arsyet e mëdha ato që i përfundojnë lidhjet; ndonjëherë mjaftojnë arsye të vogla për t'i dhënë fund një lidhje dashurie. Më poshtë i keni disa prej gabimeve më të thjeshta që çiftet i bëjnë, por që mund t'jua shkatërrojnë lidhjen. Neglizhenca Mendojeni lidhjen si kopsht: nëse e mirëmbani vetëm kur keni disponim për ta bërë atë, atëherë padyshim se do t'ju dështojë kopshti. Ju duhet ta mbillni dhe ta ujitni kopshtin çdo ditë. Lidhja është e njëjtë. Mbajtja e inatit Nëse nuk mund t'i largoni inati pasi partneri ju ka kërkuar falje dhe ka kaluar një kohë, atëherë do të keni vështirësi ta gjeni lumturinë. Nëse i keni thënë partnerit se ia keni falur, atëherë mos e përmendni të kaluarën më. Nuk shpenzoni kohë kualitative me njëri-tjetrin Mundohuni të shpenzoni më shumë kohë kualitative së bashku, duke dalë në takime romantike, duke ecur bashkë, ose duke bërë biseda të thella. The post Tri gabimet e thjeshta që e shkatërrojnë çdo lidhje dashurie appeared first on Ekonomia Online. |
Flori Mumajesi flet publikisht për largimin nga muzika Posted: 14 Jan 2019 10:09 AM PST Për të parën herë, Flori Mumajesi ka folur publikisht për vendimin më të vështirë jetësorë, shkëputjen nga muzika. Pas çmimit të parë të "Kënga Magjike", edicioni i 20-të, pas hiteve dhe bashkëpunimeve të fundit muzikore, të cilat kanë rezultuar absolutisht sukseset e tij të radhës, njofton Klan Kosova. Kantautori i dashur për publikun shprehet për një etapë të panjohur për publikun, siç është edhe vendimi për të hequr dorë nga muzika. "Vendimi më i vështirë i jetës sime, të shkëputem nga muzika… Dhe? Më vijnë shumë mesazhe që mi mbushin sytë me lot. Nuk jam dorëzuar ende dhe pse shpesh herë e mendoj vërtetë! Ju dua", shkruan ai në postimet e njëpasnjëshme në Instastory-n e tij. The post Flori Mumajesi flet publikisht për largimin nga muzika appeared first on Ekonomia Online. |
Mësimdhënësit në grevë, kryetarja e Këshillit të Nxënësve lëshon reagim publik Posted: 14 Jan 2019 10:04 AM PST Kryetarja e Këshillit të Nxënësve të Kosovës, Agnesa Qerkini, ka bërë një reagim publik në lidhje me grevën e nisur sot nga mësimdhënësit. Qerkini ka shtjelluar gjatë disa nga arsyet që sipas tyre, mësimdhënësit do duhej të kërkonin pagë më të lartë – duke mos harruar dhe çështjen e rezultateve të PISA-s, në të cilën garë Kosova rënditej dobët, njofton Klan Kosova. Sektori i Arsimit duke përfshirë edhe Universitet kanë nisur sot grevë të përgjithshme duke kërkuar përmirësim të ligjit për pagat. Për më shumë ja reagimi i plotë i kryetares së Këshillit të Nxënësve të Kosovës të cilin e ka bërë përmes llogarisë së saj në facebook: "Kur ti, i ndale kurset private dhe ne vend te tyre ofron ore plotesuese(sipas ligjit)- meriton page me te larte; E per ta mbylle, kur te kemi rezultate me te mira ne PISA (pa marre parasysh mangesive qe i ka), ti meriton page me te larte. Tash, jepi punes, nxenesit kane nevoje per ty, kane nevoje per arsimim!" The post Mësimdhënësit në grevë, kryetarja e Këshillit të Nxënësve lëshon reagim publik appeared first on Ekonomia Online. |
Si të qëndroni të lumtur, pasionantë dhe produktivë Posted: 14 Jan 2019 10:00 AM PST Edhe me përgjegjësitë tona të shumëllojshme të ndërmarrësisë dhe jetët tona disi emocionuese, mund të jetë e lehtë që unë dhe vëllau im Matthe2 të zihemi në rutinat e punës. Por, ne jemi në gjendje të mbrohemi nga kjo grackë e ndërmarrësisë me disa teknika të dobishme të cilat i kemi mësuar gjatë viteve. Këtu janë pesë këshillat tona për të nisur çdo ditë të motivuar, produktivë dhe pasionantë. Vendosni qëllime që ta përmbushni veten Është e vështirë të kënaqeni kur nuk dini se çfarë dëshironi të bëni. Në fillim të ditës, bëni një listë të shkurtër të qëllimeve për t'i arritur deri në mbrëmje. Ato duhet të jenë të arritshme dhe produktive. Të gjithëve iu pëlqen ndjenja e fshirjes së diçkaje nga lista, dhe një regjistrim fizik i objektivave tuaja të cilat mund t'i nënvizoni do ju mbajë të motivuar dhe në rrugë gjatë ditës. Niseni mëngjesin me diçka që e dëshironi. Matthew dhe unë gjithmonë fillojmë ditët tona me një shënim pozitiv. Çfarë ju bën të vazhdoni përpara edhe në ditët pa gjumë dhe të zëna? A është vrapimi? Një filxhan i nxehtë me kafe ose çaj? Të dëgjoni emisionin tuaj të preferuar të biznesit gjatë mëngjesit? Pavarësisht se çfarë është, sigurohuni të gjeni kohë të mjaftueshme në rutinën tuaj të mëngjesit për ta futur në ditën tuaj. Aktivizohuni Mos lejoni veten të bëheni përtacë. Butoni ''snooze'' në alarmin tuaj mund të jetë tundues, por shtrirja në shtrat, pavarësisht se a jeni duke fjetur apo duke shfletuar mediat sociale për dhjetë minuta, do të prishë motivimin tuaj dhe do ju parandalojë nga ai fillim energjik i ditës tuaj. Mos lejoni që interneti të ju ndalojë, pavarësisht se sa herë i tregoni vetes se janë lajmet e fundit që do t'i lexoni ose video e fundit në YouTube që do t'a shikoni. Qëndroni të aktivizuar dhe vazhdoni të fshini gjëra nga ajo listë e qëllimeve të cilën e krijuat më herët. Bashkohuni me dikë Bashkimi me dikë nuk ju ndihmon vetëm të jeni të përgjegjshëm, por e bën ditën e punës më emocionuese. Bashkoni forcat me dikë nga komuniteti juaj i ndërmarrësisë, një shok ose një anëtar i familjes për të përditësuar progresin tuaj dhe për të shtuar energjinë. Unë dhe vëllau im bashkëveprojmë disa herë në ditë, edhe pse jetojmë larg, asnjëherë nuk jemi vetëm në biznes. Personi i duhur do ju ndihmojë kur gjërat bëhen të vështira dhe do të festojë fitoret së bashku me ju. Sigurohuni të bëni edhe ju të njëjtën gjë për ta, gjithashtu! Qëndroni të organizuar Edhe pse hapësira juaj e punës duhet të qëndrojë e pastër, kjo nuk është gjëja e vetme të cilën duhet t'a mbani të organizuar për të arritur atë që unë e quaj mentaliteti ''pasioni i luftëtarit''. Bëni një agjendë që të mos mundoheni të kujtoni datat e rëndësishme dhe detyrat e rëndësishme. Mbani planet tuaja të biznesit dhe progresin e dokumentuar në një vend të afërt. Punoni në një ose dy detyra në kohë në vend se të merrni gjithçka njëherazi. Një mentalitet i organizuar është një mentalitet produktiv dhe pasionant. The post Si të qëndroni të lumtur, pasionantë dhe produktivë appeared first on Ekonomia Online. |
Man United: De Gea është më i miri në botë Posted: 14 Jan 2019 09:57 AM PST Lojtarët dhe tifozët e Manchester United "po çmenden" nga paraqitja e mbrëmshme e David de Gea. Portieri spanjoll bëri disa pritje spektakolare për t'i siguruar fitoren minimale skuadrës së tij. Tani, nga shokët e skuadrës ai po konsiderohet si portieri më i mirë në botë. Është reprezentuesi anglez Ashley Young që së fundmi i ka dhënë këtë epitet reprezentuesit spanjoll. "Mendoj se ajo është arsyeja pse ai është më i miri në botë. Për mua, ai është më i miri në botë" ka thënë Young duke iu referuar paraqitjes së De Gea ndaj Tottenham, transmeton lajmi.net. "Ai dukshëm na shpëtoi në disa raste" ka thënë ndër të tjerash anësori i United. Lëvdata për portierin pati edhe nga Nemanja Matic e Anderr Herrera të cilët e konsideruan si të jashtëzakonshëm portierin spanjoll. The post Man United: De Gea është më i miri në botë appeared first on Ekonomia Online. |
Mbi 40 të plagosur nga një sulm në Afganistan Posted: 14 Jan 2019 09:55 AM PST Më shumë se 40 njerëz janë plagosur kur një makinë bombë shpërtheu në një kompleks ku banonin të huajt, në lindje të kryeqytetit afgan, Kabul. Ende askush nuk e ka marrë përgjegjësinë për sulmin, por zëdhënësi i ministrisë së Brendshme, Najib Danish tha se sulmi shënjestroi "Fshatin e Gjelbër" pjesë kjo ku jetonin disa punëtorë të Organizatave Joqeveritare. Zëdhënësi i ministrisë së shëndetësisë, Waheed Mayar shkroi në Twitter "më shumë se 40 njerëz janë plagosur". Deri para disa kohësh, një numër i punonjësve të OKB-së, jetonin dhe punonin në këtë kompleks, por zona tash ishte kryesisht bosh dhe se aty kishin mbetur vetëm një numër i rojeve. Sulmi bëhet në kohën kur i dërguari i SHBA-së, Zalmay Khalilzad po viziton rajonin për takime me qëllim të përfundimit të luftës 17 vjeçare në Afganistan. Javën e kaluar, udhëheqësit talibanë hodhën posht një rund të ri bisedimesh me zyrtarët amerikanë në Katar, si dhe refuzuan që në takim të marrin pjesë edhe zyrtarë të qeverisë afgane. The post Mbi 40 të plagosur nga një sulm në Afganistan appeared first on Ekonomia Online. |
Shpat Kasapi në hall me hakerët Posted: 14 Jan 2019 09:53 AM PST Shpat Kasapin nuk po e lënë të qetë hakerët. Këngëtari Shpat Kasapi është përballur sërish me diçka të pakëndshme dhe bëhet fjalë për hakimin e llogarisë së tij në Facebook, shkruan lajmi.net. Kjo nuk është hera e parë që këngëtarit i hakohen llogaritë nëpër rrjete sociale, e duke qenë se Instagramin e ka kthyer dhe atë Facebook nuk ka arritur që ta kthej sërish njoftoj së fundmi se e ka hapur një të ri. Shpati i ka ftuar fansat që ta ndjekin në llogarinë e tij më të re në Facebook. The post Shpat Kasapi në hall me hakerët appeared first on Ekonomia Online. |
Gigi Hadid për herë të parë sfilon për Prada Posted: 14 Jan 2019 09:49 AM PST Gigi Hadid ka sfiduar për herë të parë në pistën e Pradës për koleksionin Pranverë/ Verë të vitit 2019. Super modelja doli me një fustan të kaltër dhe me gurë të çmuar si dhe me një stil të flokëve krejt të ndryshëm nga përditshmëria e saj, njofton Klan Kosova. The post Gigi Hadid për herë të parë sfilon për Prada appeared first on Ekonomia Online. |
Aderime dhe prurje të reja në degën e PDK-së në Rahovec Posted: 14 Jan 2019 09:47 AM PST Në prani të Kryetarit të Degës së PDK-së në Rahovec, Prof. Dr. Idriz Vehapi, Partisë Demokratike të Kosovës iu bashkuan dhjetëra anëtarë të rinj nga nëndega e Sapniqit dhe nëndegët e qytetit. Në mesin e të aderuarve janë: Burim Thaçi-VV, Zehir Gashi-VV, Visar Gashi-AAK, Behgjat Gashi-VV, Agron Gashi-LDK, Zenel Gashi-LDK, Vllaznim Kabashi-LDK, Ideal Gashi-Nisma dhe Armend Gashi-AAK. Anëtarëve të rinj, theksoi Idriz Vehapi, kryetar i Degës së PDK-së në Rahovec, u uruam suksese dhe së bashku drejtë rrugëtimit tonë, sukseset janë të garantuara. PDK në Rahovec, po e dëshmon që është e vetmja shpresë dhe alternativë për qeverisje të mirë, atë çfarë Rahoveci e meriton me të vërtetë, vuri në pah Z. Vehapi dhe shtoi se këtë më së miri e konfirmojnë edhe këta anëtarë të rinj në parti, të cilët iu bashkuan programit të Dekadës së Re. Do theksuar se zgjedhjet e brendshme në nëndegë, javën e fundit janë mbajtur në Ballancë, Ramjan-Viti, Sine, Dubravë-Istog, Fushë Kosovë, Drenoc, Zatriq-Rahovec, Vraniq, Dubravë-Suharekë, ndërsa zgjedhjet në nëndegë, po vijojnë sipas planit të Komisionit qendror për zgjedhjet lokale të PDK-së. The post Aderime dhe prurje të reja në degën e PDK-së në Rahovec appeared first on Ekonomia Online. |
Komuna e Gjilanit pastron rrugët dhe trotuaret, nuk merret me improvizimet e opozitës Posted: 14 Jan 2019 09:44 AM PST Komuna e Gjilanit, pas reshjeve të shumëta të borës, në mënyrë permanente po i pastron rrugët dhe trotuaret. Deri tani, edhe në zonat e thella malore të gjitha rrugët janë të hapura dhe të kalueshme dhe nuk ka pasur asnjë ankesë nga ana e qytetarëve. Komuna e Gjilanit e ka për obligim që t'u dalë në ndihmë qytetarëve 24 orë pandërprerë dhe këtë po e bën me të gjitha kapacitetet, pa u marrë fare me improvizimet e një pjese të opozitës. Komuna e Gjilanit njofton qytetarët që për çdo problem që eventualisht mund të hasin të kontaktojnë numrat kujdestarë: +383 44 234 007 dhe +383 45 540 803. The post Komuna e Gjilanit pastron rrugët dhe trotuaret, nuk merret me improvizimet e opozitës appeared first on Ekonomia Online. |
You are subscribed to email updates from Ekonomia Online. To stop receiving these emails, you may unsubscribe now. | Email delivery powered by Google |
Google, 1600 Amphitheatre Parkway, Mountain View, CA 94043, United States |
Lexo edhe: