“Petr Cech – klubet, trofetë dhe sukseset e portierit që pensionohet në fund të sezonit” plus 9 more Telegrafi Futboll
“Petr Cech – klubet, trofetë dhe sukseset e portierit që pensionohet në fund të sezonit” plus 9 more Telegrafi Futboll |
- Petr Cech – klubet, trofetë dhe sukseset e portierit që pensionohet në fund të sezonit
- Emery e dëshiron Jamesin si zëvendësues të Ozilit te Arsenali
- Kane mungon ndaj Dortmundit, Chelseat dhe Arsenalit – 10 ndeshjet ku pritet të mos luajë sulmuesi i Tottenhamit
- Alvaro Morata te Atletico Madridi – Pesë arsye pro nënshkrimit dhe pesë kundër tij
- Gattuso: Higuain nuk ka kërkuar të largohet
- Mavraj pëson frakturë në dorë, një javë jashtë fushave
- Harry Kane jashtë fushave për disa muaj
- Zyrtare: Ballkani transferon sulmuesin Demir Avdic
- Riza Durmishi pranë huazimit te Celta Vigo
- Mesut Ozil i ofrohet Juves e Interit
| Petr Cech – klubet, trofetë dhe sukseset e portierit që pensionohet në fund të sezonit Posted: 15 Jan 2019 03:16 PM PST Portieri i njohur çek, Petr Cech, ka vendosur ta përfundojë karrierën si futbollist profesionist në fund të këtij sezoni. Përmes një njoftimi në profilin e tij në Twitter, 36-vjeçari ka bërë të ditur se edicioni 2018/2019 me Arsenalin do të jetë edhe i fundit në karrierën e tij në fushën e futbollit.
Cech e nisi karrierën si fëmijë te klubi çek, Viktoria Plzen (që asokohe njihej si Skoda Plzen), në vitin 1989, ku qëndroi për dhjetë vite dhe më pas u transferua te klubi i ligës së parë, Chmel Blsany, ku edhe e nisi karrierën profesionale. Si 18-vjeçar, ai kaloi te Sparta e Pragës (2001-2002), për të vazhduar pastaj te Rennes në Francë (2002-2004), nga ku u transferua te Chelsea në janar të vitit 2004 për t’u bërë asokohe portieri më i shtrenjtë në histori të Bluve (shtatë milionë funte).  Petr Cech si portier i Chelseat (Foto: Clive Mason/Getty Images/Guliver) Në Stamford Bridge, ai luajti deri në vitin 2015 duke arritur suksese të shumta, ndërsa pastaj vendosi ta vazhdonte karrierën te Arsenali, ku edhe do ta mbyllë karrierën. Portieri ka qenë pjesë e grupmoshave të reja të Republikës Çeke nga U-15, ndërsa për ekipin e parë ka luajtur gjatë viteve 2002-2016, duke regjistruar 124 paraqitje. TrofetëChelsea Petr Cech (Foto: Scott Heavey/Getty Images/Guliver) Liga Premier: 2004–05, 2005–06, 2009–10, 2014–15 FA Cup: 2006–07, 2008–09, 2009–10, 2011–12 League Cup: 2004–05, 2006–07, 2014–15 FA Community Shield: 2005, 2009 Liga e Kampionëve: 2011–12 Europa League: 2012–13 Arsenal Petr Cech (Foto: Shaun Botterill/Getty Images/Guliver) FA Cup: 2016–17 FA Community Shield: 2015, 2017 Republika Çeke Petr Cech (Foto: David Ramos/Getty Images/Guliver) Kampionati Evropian U-21: 2002 Individuale Petr Cech (Foto: Naomi Baker/Getty Images/Guliver) Portieri më i mirë në ligën franceze: 2003–04 Ekipi evropian i turneut: 2004 Dorëza e Artë në Ligën Premier: 2004–05, 2009–10, 2013–14, 2015–16 PFA ekipi i vitit: 2004–05, 2013–14 Futbollisti çek i vitit: 2005, 2008, 2009, 2010, 2011, 2012, 2013, 2015, 2016 Fitues i Topit të Artë në Republikën Çeke: 2005, 2006, 2007, 2008, 2010, 2011, 2012, 2013, 2014, 2016, 2017 Portieri më i mirë në botë sipas IFFHS: 2005 Portieri më i mirë evropian: 2005, 2007, 2008 Çmimet e UEFA-s për klube, portieri më i mirë: 2005, 2007, 2008 Ekipi i vitit sipas UEFA-s: 2005 Lojtari i vitit te Chelsea: 2010–11 Pjesë e ekipit FIFA FIFPro: 2013 /Telegrafi/ The post Petr Cech – klubet, trofetë dhe sukseset e portierit që pensionohet në fund të sezonit appeared first on Telegrafi. |
| Emery e dëshiron Jamesin si zëvendësues të Ozilit te Arsenali Posted: 15 Jan 2019 02:04 PM PST Arsenali është duke planifikuar një transferim që mund të konsiderohet si befasi. Klubi anglez e dëshiron James Rodriguezin si zëvendësim për Mesut Ozilin. Kolumbiani është aktualisht i huazuar te Bayern Munichu nga Real Madridi, mirëpo nuk është i favorizuar nga trajneri Niko Kovac.  James është i huazuar te Bayerni (Foto: Octavio Passos/Getty Images/Guliver) Nga ana tjetër, trajneri i Topçinjve, Unai Emery planifikon ta shesë Ozilin, megjithëse paga e tij e lartë (338.000 euro në javë) është pengesë për klubet që duan ta transferojnë. Bayerni ka paguar rreth 13.5 milionë euro në vitin 2017 për huazimin dyvjeçar të James, ndërsa Daily Mail raporton se Arsenali është gati ta mbulojë gjashtëmujorin e fundit në kontratën e tij, me kusht që ta transferojë në Emirates.  Emery dëshiron ta shesë Ozilin në janar (Foto: Julian Finney/Getty Images/Guliver) Klubi anglez do të duhet të paguajë rreth 3.5 milionë euro për kontratën e mbetur nga Bayerni dhe pastaj të arrijë marrëveshje për blerjen e kolumbianit. Bavarezët e kanë opsionin e blerjes së 27-vjeçarit për 45 milionë euro, por nuk pritet ta shfrytëzojnë në rast se Kovac vazhdon të mbetet trajner. Emery ka pranuar se Arsenali nuk ka fonde për të blerë lojtarë në janar, mirëpo mund ta huazojë Rodriguezin. /Telegrafi/ The post Emery e dëshiron Jamesin si zëvendësues të Ozilit te Arsenali appeared first on Telegrafi. |
| Posted: 15 Jan 2019 01:28 PM PST Tottenham Hotspur nuk do ta ketë në dispozicion sulmuesin kryesor, Harry Kane, për së paku gjashtë javë, pasi i ka lënduar ligamentet e nyjës në ndeshjen e të dielës kundër Manchester Unitedit. Lëndimi ka ndodhur gjatë një përplasjeje me Phil Jones dhe Victor Lindelof, ashtu që doli nga ndeshja duke çaluar.  Harry Kane u lëndua në ndeshjen kundër Manchester Unitedit (Foto: Clive Rose/Getty Images/Guliver) Përmes një deklarate për shtyp të lëshuar të martën, Spursat e konfirmuan lëndimin e anglezit duke thënë se ai do të mungojë së paku një muaj e gjysmë dhe pritet të kthehet në stërvitje gjatë muajit mars. Në njoftim thuhej se 25-vjeçari “i ka dëmtuar ligamentet e nyjës së këmbës së majtë, të shkaktuar në ndeshjen e të dielës”. “Ai do të vazhdojë të monitorohet nga stafi ynë mjekësor gjatë periudhës së rehabilitimit dhe pritet të kthehet në stërvitje në fillim të marsit”, thuhet mes tjerash në njoftim.  Sulmuesi i Tottenhamit do të mungojë së paku në 10 ndeshje (Foto: Clive Rose/Getty Images/Guliver) Në bazë të kësaj, mes tjerash, Kane do të mundojë në ndeshjen kthyese gjysmëfinale të Kupës së Ligës kundër Chelseat, si edhe në ndeshjen e Ligës Premier kundër Bluve. Njëherësh, ai pritet të mos luajë në dy ndeshjet e Ligës së Kampionëve kundër Borussia Dortmundit, si edhe në derbin lokal kundër Arsenalit, edhe pse stafi mjekësor do të përpiqet që ta rikuperojë për ndeshjen kthyese kundër skuadrës gjermane dhe për derbin ndaj Topçinjve. Lista e ndeshjeve ku pritet të mungojë Harry Kane: Fulham (mysafir) 20 janar Chelsea (mysafir) 24 janar Crystal Palace (mysafir) 27 janar Watford (vendas) 30 janar Newcastle United (mysafir) 2 shkurt Leicester City (vendas) 10 shkurt Borussia Dortmund (vendas) 13 shkurt Burnley (mysafir) 23 shkurt Chelsea (mysafir) 27 shkurt Arsenal (vendas) 2 mars Borussia Dortmund (mysafir) 5 mars /Telegrafi/ The post Kane mungon ndaj Dortmundit, Chelseat dhe Arsenalit – 10 ndeshjet ku pritet të mos luajë sulmuesi i Tottenhamit appeared first on Telegrafi. |
| Alvaro Morata te Atletico Madridi – Pesë arsye pro nënshkrimit dhe pesë kundër tij Posted: 15 Jan 2019 12:50 PM PST Një marrëveshje mes Chelsea dhe Atletico Madridit për Alvaro Moratan nuk është larg që të finalizohet, paso Los Rojiblancos janë të etur të nënshkruajnë m,e sulmuesin në këtë afat dimëror. Dëshira e tij për tu kthyer në kryeqytetin spanjoll ka shkaktuar një debat, se a do ta përforconte apo jo skuadrën e Diego Simeones. Argjentinasi dhe Atlerico kanë pesë arsye për të besuar te 26-vjeçarin dhe kanë po aq arsye për ta shmangur nënshkrimin më të. Pesë arsye për të nënshkruar Moratan Arsyeja një Atletico Madrid nuk ka sulmues që ta vendosin topin në rrjetë, me Antoine Griezmann që ka shënuar gjashtë nga shtatë golat e fundit. Pas lëndimit të Diego Costa, sulmuesit si Gelson Martins, Angel Correa dhe Nikola Kaliniç kanë dështuar t'i mbushin zbrazësitë. Arsyeja dy Morata përshtatet në filozofinë e Cholos, pasi ka aftësi të luajë lojë fizike dhe mund ti përdor hapësirat, duke u kthyer në një mekanizëm jetik për argjentinasin.
Arsyeja tre Aftësia e tij e madhe për lojën në ajër mund ta forcojë një ekip që është i mësuar me këtë mënyrë loje. Arsyeja katër Morata ka shkathtësi të luajë me dy sulmues të krahut, por edhe si sulmus më njëpartner, që në ëktë rast do të ishte Diego Costa. Arsyeja pesë Morata mund të luajë rolin e mbrojtësit të parë të skuadrës, duke shtyrë linjën e parë të mbrojtjes dhe duke krijuar probleme ndaj kundërshtarëve. Pesë arsye për të mos nënshkruar Moratën Arsyeja një Lëndimet që e kanë shoqëruar Moratan që nga ardhja e tij në Chelsea dhe problemet aktuale mund të bëjnë që të mos kthehet në formën e tij të lartë. Arsyeja dy Situata financiare e Atletico Madrid mbetet e paqëndrueshme dhe, edhe pse lojtari është i gatshëm të ulë pagën e tij, një lëvizje e mundshme ende paraqet një rrezik të madh për shkak të statusit të yllit të tij.
Arsyeja tre Përkundër faktit se ai e filloi futbollin në Atletico, nuk do të jetë e lehtë të fshihet e kaluara e tij te Real Madridi, e cila mund të bëhet pengesë në lidhje me një lëvizje të mundshme te Los Rojiblancos. Arsyeja katër Megjithëse ai mund të luajë me Diego Costa në formacionin startues, do të ishte shumë e rrallë ta shihje ekipin e Simeones që paraqitet me dy sulmues. Arsyeja pesë Një lëvizje për Moratan mund të destabilizojë dhomat e veshjes, pasi klubi është në negociata për të ripërtërirë kontratat e lojtarëve të rëndësishëm si Jan Oblak , Diego Godin, Juanfran dhe Filipe Luis, ndërsa Bayern Munchen shtyn për nënshkrimin me Lucas Hernandez ./Telegrafi/ The post Alvaro Morata te Atletico Madridi – Pesë arsye pro nënshkrimit dhe pesë kundër tij appeared first on Telegrafi. |
| Gattuso: Higuain nuk ka kërkuar të largohet Posted: 15 Jan 2019 12:15 PM PST Trajneri i Milanit, Gennaro Gattuso, ka pohuar se Gonzalo Higuain nuk i ka thënë asnjëherë se dëshiron të largohet nga San Siro. Sulmuesi argjentinas është te Rossonerët në kuadër të një marrëveshjeje huazimi nga Juventusi, e cila pritet të finalizohet me blerjen e përhershme, mirëpo në javët e fundit Chelsea ka shprehur interesim për shërbimet e tij.  Gonzalo Higuain kërkohet nga Chelsea (Foto: Emilio Andreoli/Getty Images/Guliver) Madje është thënë se 31-vjeçari nuk do të përfshihet në ndeshjen e Superkupës së Italisë (që zhvillohet të mërkurën), sepse është duke e finalizuar kalimin e tij në Ligën Premier. “Vendimet e mia i bazoj në mënyrën si stërviten lojtarët gjatë javës dhe si angazhohen me stafin dhe me bashkëlojtarët”. “Tash për tash, më duhet t’i përsëris fjalët e njëjta: Ka shumë thashetheme, por Higuaini po stërvitet mirë, po punon me të gjithë dhe është në dispozicionin tonë”.  Higuain është huazuar te Milani nga Juventusi, ndërsa transferimi është pritur të bëhej i përhershëm (Foto: Emilio Andreoli/Getty Images/Guliver) “Nesër (e mërkurë) do të shohim nëse do të luajë ose jo. Ai duhet të vendosë se çfarë do të bëjë, si ta zgjidhë këtë çështje, por tash për tash po stërvitet me profesionalizëm të madh. Do të shohim”. “Nëse luan, është për shkak se unë mendoj se është në formë të mirë dhe i relaksuar. Ose është aktor i mirë ose është vërtet me këtë skuadër, ai flet vazhdimisht dhe bën shaka me bashkëlojtarët”, është shprehur Gattuso në një konferencë për shtyp. /Telegrafi/ The post Gattuso: Higuain nuk ka kërkuar të largohet appeared first on Telegrafi. |
| Mavraj pëson frakturë në dorë, një javë jashtë fushave Posted: 15 Jan 2019 11:30 AM PST Mërgim Mavraj nuk e nis me këmbë të mbarë aventurën e tij te klubi i Ingolstadt në Bundesliga 2. Mbrojtësi i Kombëtares shqiptare dhe tashmë i ekipit gjerman, do të qëndrojë një javë jashtë fushave. Kjo për shkak të një dëmtimi në stërvitjet që po zhvillon në Spanjë, pasi Mavraj ka pësuar frakturën në dorë.
"Për fat të keq, nënshkrimi ynë i ri Mergim Mavraj ka pësuar një dëmtim të dorës në sesionin e trajnimit të djeshëm. 32-vjeçari do të mungojë në deri në javën ardhshme. Ne i dëshirojmë një shërim të shpejtë!", ka shkruar klubi në faqen zyrtare në Twitter.
Ingolstadt e bleu Mavrajn nga Arisi për 300 mijë euro, që ishte edhe klauzola në kontratën e tij që ishte vendosur gjatë verës. Mavraj nuk ishte gjetur mirë në Greqi nga ku u largua pas gjashtë muajsh. Mbrojtësi do të luftojë që ta mbajë në Bundesliga 2 skuadrën aktuale, pasi është e fundit në renditje me vetëm 10 pikë. /Telegrafi/ The post Mavraj pëson frakturë në dorë, një javë jashtë fushave appeared first on Telegrafi. |
| Harry Kane jashtë fushave për disa muaj Posted: 15 Jan 2019 11:16 AM PST Sulmuesi kryesor i Anglisë, Harry Kane, do të qëndrojë larg fushave deri në fillim të marsit pasi i ka lënduar ligamentet e nyjës. Kane luajti 90 minuta në Wembley në humbjen 1-0 ndaj Manchester United. Ai në fund të ndeshjes u ul në mes të fushës, ndërsa duke dal u pa duke çaluar.  Harry Kane pas ndeshjes. (Photo by Clive Rose/Getty Images) Trajneri Maurizio Pochettino ishte tepër i shqetësuar në intervistën pas ndeshjes, duke thënë se do të presin testet e nevojshme. Tashmë ka ardhur zyrtarizimi dhe kapiteni i Anglisë, do të mungojë për rreth dy muaj, më shumë sesa ishte parashikuar.
Trajnerin Pochettino, i cili me largimin e Son në Kupën e Azisë ka mbetur pa sulmues, pasi i vetmi që mund të aktivizohet është 33-vjeçari Fernando Llorente. Që pas ardhjes së Pochettinos te Tottenhami, Kane ka shënuar 116 gola në Ligën Premier. /Telegrafi/ The post Harry Kane jashtë fushave për disa muaj appeared first on Telegrafi. |
| Zyrtare: Ballkani transferon sulmuesin Demir Avdic Posted: 15 Jan 2019 10:43 AM PST Ballkani ka zyrtarizuar transferimin e sulmuesit me nënshtetësi serbe, Demir Avdic. Lojtari nuk është i panjohur për kampionatin kosovar, pasi që më parë ka luajtur për Trepçën '89, ku kishte dal të jetë dështim. Ballkani nuk iu ka treguar tifozëve që lojtari më parë ka luajtur në Kosovë, ndërsa ka cekur vetëm disa vende ku futbolli është i zhvilluar.
"Lojtari ynë më i ri është qendër sulmuesi Demir Avdic i cili së fundmi ka qenë lojtarë në disa klube në Austri, gjithashtu karriere ka pasur edhe në Bosnje, Maltë, Mal të Zi , Suedi etj..", thuhet në njoftimin e klubit. Avdic ka luajtur në Suedi, por në liga inferiore, siç kishte bërë së fundmi edhe në Austri. Avdic është mysliman nga Novi Pazari, ndërsa sa ishte te Trepça '89 kishte thënë se idhull i tij ishte Xherdan Shaqiri. /Telegrafi/ The post Zyrtare: Ballkani transferon sulmuesin Demir Avdic appeared first on Telegrafi. |
| Riza Durmishi pranë huazimit te Celta Vigo Posted: 15 Jan 2019 10:33 AM PST Celta Vigo është në prag të transferimit të dyfishtë, Riza Durmishit nga Lazio dhe Jairo Riedewald nga Crystal Palace. Futbollisti shqiptar iu bashkua Biancocelestëve gjatë verës së kaluar nga Real Betisi, mirëpo ka luajtur vetëm 60 minuta në Serie A këtë sezon.  Riza Durmishi (Foto: Getty Images) Mbrojtësi i majtë që e përfaqëson Danimarkën do të huazohet te klubi spanjoll deri në fund të sezonit për të zënë vendin e Junior Alonsos, i cili është transferuar te Boca Juniors. Celta në kontratë do ta përfshijë edhe opsionin e blerjes, pasi të përfundojë kontrata e huazimit.  Riza Durmishi dhe Valon Berisha (Foto: Marco Rosi/Getty Images/Guliver) Durmishi ka thënë se viti 2018 ka qenë viti më i keq në karrierën e tij, duke qenë se është shoqëruar me probleme të shumta me lëndime. Opsionin e blerjes, Celta do ta përfshijë edhe në marrëveshjen e Riedewald, i cili mund të luajë në mbrojtje ose në mesfushë. Futbollisti holandez u transferua te klubin londinez në vitin 2017 nga Ajaxi, mirëpo nuk ka luajtur në Ligën Premier këtë edicion. /Telegrafi/
The post Riza Durmishi pranë huazimit te Celta Vigo appeared first on Telegrafi. |
| Mesut Ozil i ofrohet Juves e Interit Posted: 15 Jan 2019 10:19 AM PST Unai Emery nuk llogaritë në të, ndërsa kjo ka bërë që Mesut Ozil të mëndojë largimin nga Arsenali që në afatin kalimtar. Sipas TMW, lojtari gjerman i është vetë ofruar klubeve italiane Juventus dhe Inter. Lojtari që e ka fituar Kupën e Botës në të shkuarën ka qenë i lidhur me këto dy klube.  Mesut Ozil me Arsenalin . (Photo by Steve Bardens/Getty Images) Klubet italiane nuk dihet sa a do të ishin të gatshëm të paguanin pagën e gjermanit. Ozil nën drejtimin e Arsene Wenger ka qenë lojtari kryesor në skuadër, por me ardhjen e Unay Emery gjërat kanë ndryshuar. Ai ka javë të tëra që nuk është tubuar nga trajneri në asnjë ndeshje të Ligës Premier.  Ozil në bankë . (Photo by Catherine Ivill/Getty Images) Në fillim thuhej se lojtari ka qenë i lënduar, por tani mediat në Angli, shkruajnë se marrëdhëniet mes tij dhe trajnerit nuk janë të mira. Ozil ka zhvilluar 13 ndeshje dhe ka shënuar tre gola. /Telegrafi/
The post Mesut Ozil i ofrohet Juves e Interit appeared first on Telegrafi. |
Të gjitha lajmet për PETR CECH 
Emery dëshiron ta shes në janar Ozilin | You are subscribed to email updates from Futboll – Telegrafi. To stop receiving these emails, you may unsubscribe now. | Email delivery powered by Google |
| Google, 1600 Amphitheatre Parkway, Mountain View, CA 94043, United States | |
Lexo edhe:
