“Pakti për Universitetin, arkiv dixhital për doktoraturat” plus 9 more - Gazeta Dita

---

• Pakti për Universitetin, arkiv dixhital për doktoraturat
• Çfarë është misofonia? Shumë nga ju mund të vuani pa e ditur
• Mbyten dy varka në Mesdhe, dyshime për rreth 170 emigrantë të mbytur
• Erdogan: Sa herë Turqia bën progres, na vendosin kurthe
• Moti sot: Edhe diell, edhe bor, edhe shi
• Rama, foto nga Dhërmiu: Po dalin në dritë atraksionet kulturore
• Grabitet argjendaria në Lushjë, maskat marrin rreth 10 mln lekë
• Dy vite Donald Trump, dy vite surprizash të hidhura
• Francë, vazhdojnë përplasjet mes policisë dhe “jelekverdhëve”
• Serbi, mbi 10 mijë protestues kundër Vuçiçit

Pakti për Universitetin, arkiv dixhital për doktoraturat Posted: 20 Jan 2019 02:00 AM PST Krijimi i arkivit dixhital të doktoraturave në Republikës e Shqipërisë pranë Ministrisë së Arsimit, Sportit dhe Rinisë është një ndër masat që janë marrë nga qeveria për t'i dhënë përgjigje kërkesës së studentëve për rishikimin e titujve akademikë dhe verifikimin e plagjiaturave të doktoraturave dhe teksteve mësimore. Në Paktin për Universitetin bëhet fillimisht një bilanc i situatës aktuale, ku publikohen të dhënat nga viti 2007 deri në vitin 2018. Konkretisht, në regjistrin e MASR gjenden këto të dhëna në lidhje me gradat shkencore dhe titujt akademikë: 248 "Docent"; 3757 grada shkencore "Doktor" brenda vendit; 546 grada shkencore "Doktor" jashtë vendit; 1038 tituj akademikë "Profesor i Asociuar"; 2 tituj akademikë "Profesor i Asociuar" jashtë vendit; 503 tituj akademikë "Profesor". Gjatë verifikimit të kritereve të ligjshmërisë për të gjitha IAL-të në vend është konstatuar se "vetëm në një institucion u gjetën një numër i lartë pedagogësh udhëheqës doktoraturash, nga të cilët një numër i madh nuk plotësonin kriteret ligjore". Po ashtu u evidentua "mosrespektimi i standardit të udhëheqjes: 1 profesor jo më shumë se 5 doktorantë, duke kaluar në 1 profesor me 15 doktorantë mesatarisht". Madje, në një rast, u gjet 1 profesor me 41 doktorantë. Po ashtu, ndër problematikat e evidentuara është "mosrespektimi i afateve kohore në marrjen e titullit". "Ka IAL që kanë dhënë doktoratura edhe për tre muaj. Produktet e kërkimit nuk kanë gjetur zbatim në fushat përkatëse. Madje ka tema krejtësisht jashtë fushave, apo programeve ku janë dhënë. Prej disa vitesh, IAL nuk kanë marrë kuota për ciklin e tretë të studimeve", thuhet në Paktin për Universitetin. Në këtë drejtim, Këshilli i Ministrave ka miratuar vendimi nr. 777, datë 26.12.2018, "Për kontrollin antiplagjiaturë të disertacioneve për fitimin e gradave shkencore". VKM-ja për kontrollin antiplagjiaturë të disertacioneve, ndër të tjera parashikon krijimin e arkivit dixhital të doktoraturave në Republikës e Shqipërisë pranë Ministrisë së Arsimit, Sportit dhe Rinisë. Po ashtu, ministria përgjegjëse për arsimin do të dorëzojë raportet e kontrollit dixhital antiplagjiaturë pranë IAL-ve respektive. l.h/ dita

Çfarë është misofonia? Shumë nga ju mund të vuani pa e ditur Posted: 20 Jan 2019 01:52 AM PST A shkakton zhurma tek njerëzit një zemërim irracional? Mund të ketë një arse pse! Një psikolog klinik sqaron simptomat e misofonisë (urrejtja ndaj tingujve) dhe si mund të ndikojë në jetën e përditshme. Për atë që mund të përshkruhet si personi mesatar, zhurmat dhe lëvizjet shkrihen së bashku në sfond dhe shumë prej nesh nuk do të vërejnë nëse dikush është duke e përtypur ose duke përplasur këmbën. Ata me miso-foni, të cilët kanë një ndjeshmëri ekstreme ndaj këtyre tingujve, do të përjetojnë shqetësim të madh. Ata nuk mund t’i injorojnë këto zhurma, gjë që mund të ketë efekte negative në jetën e tyre. Çfarë është misofonia? Misofonia është kur një zë i përditshëm shkakton një reagim të fortë emocional, zakonisht zemërim, ankth ose neveri. Brenda milisekondash, tingujt interpretohen gabimisht nga truri si një kërcënim dhe aktivizon sistemin e alarmit të trurit, amigdalën (një zonë në tru). Këtu fillon reagimi “luftë-fluturim-ngrirje”, duke çliruar adrenalinë dhe kortizon për ta përgatitur trupin për të reaguar. Megjithatë, në realitet nuk ka kërcënim nga këto tinguj. Ne nuk e kuptojmë plotësisht se sa fëmijë dhe të rritur vuajnë me Misofonia, por është më e zakonshme për njerëzit me çrregullime obsesive të forta (OCD), tringëllimë në veshë, hyperacusis, autizëm dhe vështirësi të përpunimit shqisor. Pse ndodh nuk është e qartë, por mund të ketë shkaqe psikologjike dhe neurologjike ose pjesë të një intolerance më të gjerë ndaj stimujve ndijor. Cilat janë simptomet kryesore të Misofonisë? Nuk ka asnjë test zyrtar për Misofoninë, por ulja e tolerancës për tingullin është një simptomë e rëndësishme së bashku me një reagim të fortë negativ emocional. Shkaktarët e zakonshëm janë tingujt e përsëritura si frymëmarrja dhe ngrënia, por gjithashtu mund të jenë kafshët. Këto tinguj mund të ndihen të padurueshëm me një instinkt për të ndaluar zhurmën ose për t’u larguar. Njerëzit me Misofoni mund të frenojnë dhe mbulojnë veshët e tyre, të qajnë, të zemërohen ose të provojnë një reagim paniku. Si mund të ndikojë misofonia në jetën e përditshme? Misofonia mund të ketë një ndikim të madh në marrëdhëniet dhe ndërveprimet shoqërore. Fëmijët mund të probleme me çështjet e sjelljes në klasë ose dëshirojnë të shmangin shkollën krejtësisht. Ndërsa njerëzit nëpër kompani shpesh mund të jetë sfiduese me reagime negative, duke ia adresuar fajin personit që bën zhurmë. Keqkuptimet dhe mungesa e aftësive të përballimit mund të çojnë në lëndime, fërkimeve dhe debateve. A mund të shërohet misofonia? Deri më sot, hulumtuesit nuk kanë gjetur një mënyrë të provuar shkencërisht për të kuptuar përgjigjen e trurit. Megjithatë, një studim i kohëve të fundit ka tentuar të trajtojë misofoninë me një terapi psikologjike të quajtur terapia e sjelljes njohëse dhe tregoi përmirësim të simptomave për gati gjysmën (42%) të 90 pacientëve. Një qasje alternative, por e paprovuar, është nëpërmjet terapisë së rikualifikimit të veshëve në lidhje me tingujt nga një audiolog, i cili mund të ri-programojë pjesën përkatëse të trurit. Këshilla kryesore për menaxhimin e misofonisë Shkaqet: Identifikoni shkaktarët tuaj dhe i “zbusni” ato me kufje duke dëgjuar muzikë, zhurmë të bardhë ose duke përdorur tapa për të mbyllur veshët. Duhet të theksohet se përdorimi i “mbrojtësit kundër zhurmës” mund të rrisë ndjeshmërinë e shëndoshë, kështu që duhet të jetë vetëm një masë afat-shkurtër. Emocionet: Përqendrohuni tek frymëmarrja juaj dhe vini re ndryshimet në trupin tuaj. Nuk është faji i personit tjetër dhe ata nuk po përpiqen t’ju mërzisin. Mos harroni se kjo ndjenjë do të kalojë dhe ju do të ndiheni më të qetë më shpejt. Puna: Shpjegoni se punoni më mirë në një mjedis të qetë, pa distancë. Eksploro duke punuar nga shtëpia aty ku është e mundur. Marrëdhëniet: Lejon njerëzit të dinë se çfarë tingulli ju shqetëson, dhe se mund të keni nevojë të merrni masa për ta përballuar. Keni një plan daljeje dhe gjeni një mënyrë për të justifikuar veten. Përdorni grupe mbështetëse për t’ju ndihmuar të ndiheni më pak të izoluar dhe të mësoni strategji nga të tjerët. Parandalimi: Rrisni aftësinë tuaj për të përballuar duke menaxhuar stresin, duke i dhënë prioritet gjumit, duke ushtruar dhe duke ngrënë mirë. Provoni të keni kujdes ose meditim për të ndihmuar në qetësimin e sistemit tuaj nervor./ BBC l.h/ dita

Mbyten dy varka në Mesdhe, dyshime për rreth 170 emigrantë të mbytur Posted: 20 Jan 2019 01:33 AM PST Ekipet e kërkim-shpëtimit frikëson se rreth 170 emigratë mund të kenë vdekur pasi dy barka u mbytën në incidente të veçanta në Detin Mesdhe pranë Libisë dhe Marokut. Tre emigrantë u shpëtuan nga marina italine, e cila raportoi se 120 vetë ishin në barkë kur ajo u mbyt të premten tha Organizata Ndërkombëtare për Migrim (IOM). Shumica e emigrantëve ishin nga Afrika Perëndimore. Mbytja e varkës nga Libia Barka u largua nga Gasr Garabulli në Libi mbrëmjen e së enjtes dhe filloi të zhytej rreth orës 22:00 deri në orën 23:00. Dhjetë prej pasagjerëve ishin gra dhe dy fëmijë. Dy emigrantët e shpëtuar po trajtohen për hipotermi në një spital në ishullin italian Lampedusa. Marina italiane tha se panë tre trupa të vdekur në det kur shpëtuan të mbijetuarit. Një aeroplan i patrullës italiane patrulluese u përpoq të ndihmonte migrantët pas zbulimit të anijes së fundosur të premten, njoftoi admirali Fabio Agostini për transmetuesin RaiNews24. Por avioni u detyrua të largohej për shkak të mungesës së karburantit, shtoi ai. Libia dërgoi një anije tregtare në zonën ku u mbyt barka për të gjetur të mbijetuarit, por e quajti përpjekje të dështuar pasi nuk u gjet asnjë emigrant. Grupi i ndihmës gjermane Sea Watch tha se kishte shpëtuar 47 emigrantë nga një varkë të shtunën, por shtoi se nuk e dinte nëse emigrantët i përkisnin anijes Gasr. Mbytja e varkës nga Maroku Të paktën 53 emigrantë, që u larguan nga Maroku në një varkë, mendohet se kanë vdekur. Një i mbijetuar tha për Caminando Fronteras, një organizatë spanjolle për ndihmë, se varka me të cilin udhëtonin ishte mbytur në Detin Alboran. Agjencia e refugjatëve të Kombeve të Bashkuara tha se nuk mund të konfirmonte raportet, por shtoi se ishte “e tmerruar” nga lajmet. Presidenti Italian Sergio Mattarella shprehu dhimbjen e thellë për tragjedinë që e Mesdheut. Kryeministri Giuseppe Conte tha se ishte “i tronditur” nga incidenti dhe se Italia do të vazhdojë të luftojë trafikantët e qenieve njerëzore në Afrikën e Veriut. Emigrantët e ardhur në Evropë vetëm në 16 ditët e para të vitit 2018 arritën në 4.449 vetë, pothuajse të gjithë nga deti dhe më shumë se 1.964 mbërritën në të njëjtën periudhë në viitin 2018, sipas IOM. Organizata tha se vitin e kaluar, rreth 2.297 emigrantë vdiqën ose u zhdukën në Mesdhe, ndërsa 116.959 emigrantë mbërritën në Evropë nga deti. l.h/ dita

Erdogan: Sa herë Turqia bën progres, na vendosin kurthe Posted: 20 Jan 2019 01:11 AM PST Presidenti i Turqisë, Recep Tayyip Erdogan, ka deklaruar se "para Turqisë janë vendosur kurthe sa herë që janë bërë progrese dhe sa herë që ajo është nisur drejt objektivave të mëdha". "Para Turqisë janë vendosur kurthe sa herë që janë bërë progrese dhe sa herë që ajo është nisur drejt objektivave të mëdha. Edhe disa të pamatur nga brenda nesh, dikush qëllimisht, dhe disa të pa vetëdijshëm e kanë bërë lojën e figurës në këtë", tha presidenti Erdogan në qytetin Samsun gjatë një fjalimi në ceremoninë e prezantimit të kandidatëve për kryetar bashkie dhe të komunave në zgjedhjet që do të zhvillohen në vend në muajin mars. Erdoğan ka folur për zhvillimin dhe investimet që kanë kryer në qytetin Samsun duke perënduar 34 objektet për shëndetësi, projektet e ndërtimeve të banesave për personat në nevojë, si dhe për rrugët dhe hekurudhën, shkruan AA. Duke vënë theksin se Turqia që prej 16 vitesh po përjeton periudhën e progresit dhe se vazhdon rrugën e saj në drejtim të duhur, Erdogan tha se, "Por sërish vendosin kurthe në rrugën tonë. Kaloni para syve tuaj ngjarjet e përjetuara në 5-6 vitet e fundit. Cila prej tyre mund të jetë puna e mendjeve që mendojnë për interesat e këtij vendi dhe kombi? Mendoni pak me ngjarjet Gezi, mos vallë dëshironin ta bënin këtë vend më ambientalist… jo kurrë". "Po ashtu edhe në tentativën e grusht shtetit polici-gjyqësor të 17/25 dhjetorit. Mos vallë do ta bënin drejtësinë tonë më të drejtë… jo kurrë. Edhe me mbështetjen e dhënë ndaj sulmeve të PKK-së dhe FETO-s nuk po përpiqeshin që të forconin demokracinë e vendit tonë", shtoi presidenti Erdogan, duke vënë theksin se qëllimi i të gjitha këtyre përpjekjeve ka qenë për të ndërprerë progresin e Turqisë dhe për ta futur atë sërish në turbulencë. l.h/ dita

Moti sot: Edhe diell, edhe bor, edhe shi Posted: 20 Jan 2019 12:58 AM PST Qarkullimi i masave ajrore të paqëndrueshme do të ndikojnë kushtet e motit në vendin tonë. Ku alternime kthjellimesh dhe vranësirash të dendura do të jenë dominante në të gjithë vendin. Më të dukshme në ekstremet Veri-Jug duke gjeneruar reshje shiu e dëbore. Era do fryjë me shpejtësi 40 km/h nga drejtimi Lindor-Juglindor duke krijuar në det dallgëzim 3 apo katër ballë. Temperaturat e ajrit do të ulen lehtë në mëngjes dhe mesditë duke luhatur vlerat ekstremale ditore nga minus 6 në 13 gradë Celsius. l.h/ dita

Rama, foto nga Dhërmiu: Po dalin në dritë atraksionet kulturore Posted: 20 Jan 2019 12:49 AM PST Kryeministri Edi Rama ka uruar një të ditë të mbarë për të gjithë shqiptarët duke zgjedhur disa foto nga  qyteti i Dhërmiut. Shefi i qeverisë vendosi theksin tek  atraksionet historike dhe urbane të këtij qytetit, që sipas tij po punohet për t'i nxjerrë në dritë. Fotot e publikuara nga Rama tregojnë vijimësinë e punimeve në këtë qytet dhe e gjitha kjo siç shprehet ai, ka si synim krijimin e hapësirave të duhura urbane. "MIRËMËNGJES dhe me këto foto nga Dhërmiu ku vijon puna për nxjerrjen në dritë të atraksioneve kulturore e historike si edhe hapësirave urbane, ju uroj një të dielë të bukur ", shkruan Rama në "Facebook". l.h/ dita

Grabitet argjendaria në Lushjë, maskat marrin rreth 10 mln lekë Posted: 20 Jan 2019 12:40 AM PST Një argjendari ka rënë pre e grabitjes, mëngjesin e së dielës në Lushnjë      . Nga informacionet paraprake dyshohet se vjedhja është bërë nga 4 persona të maskuar, rreth orës 05:00. Pronari i argjendarisë pretendon se shuma e vjedhur arrin në 10 milionë lekë të vjetra. l.h/ dita

Dy vite Donald Trump, dy vite surprizash të hidhura Posted: 20 Jan 2019 12:33 AM PST Donald Trump, tashmë prej dy vitesh mban postin e Presidentit të Shteteve të Bashkuara të Amerikës. Gjatë kësaj kohe ai ka ndërmarrë disa vendime të kontestuara që kanë shkaktuar mjaft reagime. Ai e nxorri SHBA nga marrëveshja atomike me Iranin, tërhoqi vendin nga Marrëveshja Globale për Klimën, po ashtu ai hodhi poshtë paktin tregtar të SHBA me Azinë, i njohur si Partneriteti i Transpaqësorit (TPP). Trump provokoi një luftë tregtare me Kinën, ngriti doganat kundrejt aleatëve europianëve dhe dha urdhrin për tërheqjen pa vonesë të trupave amerikane nga Siria. Në politikën e brendshme, ai mori një nga vendimet më të rëndësishme për reformën e tatimeve në historinë më të re amerikane dhe veproi fort kundër imgracionit ilegal. Me debatin për ngritjen e murit me Meksikën ai shkaktoi një nga krizat më të forta të administratës amerikane në histori. Një rekord tjetër ka gjasë të pasojë: Asnjëherë më parë ndonjë president amerikan nuk ka emëruar kaq shumë gjykatës federalë. Vendime jo të papritura Kjo listë është vetëm një renditje e vendimeve më të njohura të presidentit amerikan. Me siguri mund të thuhet se presidenca e tij ka lënë gjurmë të ndjeshme deri më tani, e megjithëse vendimet e tij mund të duken si paparashikueshme, ato nuk duhet të habisin askënd. Sepse Donald Trump thjesht zbaton premtimet e tij elektorale, siç bën të ditur presidenti amerikan përmes tëitterit. Në dy vitet e mandatit të tij, Donald Trump ka ndryshuar imazhin e Amerikës. “Trump ka një ndikim negativ në politikën e jashtme amerikane, dhe sigurisht në “pushtetin e butë” (soft-power) amerikan në botë”, thotë Joseph Nye, politolog dhe ish-profesor në Universitetin e Harvardit. Ky profesor futi në ligjërimin politik konceptin e “pushtetit të butë” – atë pushtet që bind me kulturën, vlerat argumentat dhe jo me fuqi ushtarake. Për Joseph Nye tërheqja e SHBA nga Marrëveshja e Klimës së Parisit është një nga vendimet më të rrezikshme politike të Donald Trump. Arsyeja qëndron në pasojat afatgjata negative në luftën botërore kundër ngrohjes globale. Ndërsa tërheqja nga marrëveshja me Iranin është vendimi më i keq në plan afatshkurtër, një vendim që jo vetëm i ka keqësuar marrëdhënien me Teheranin, por ka helmuar edhe marrëdhëniet me shumë partnerë ndërkombëtarë. Tendencë për të pavërtetat Por nuk polarizojnë vetëm vendimet politike të Donald Trumpit. Edhe stili i tij politik është mjaft i kontestuar. Ai ka tendencë të rrëfejë të pavërteta, sipas politologut, Nye. Ai është një president që e konstrukton vetë imazhin për botën. “Ne kemi pasur presidentë të vështirë dhe të rrezikshëm, si për shembull Richard Nixon dhe Lyndon Johnson. Por askush nuk ka qenë kaq i paparashikueshëm si Donald Trump”, analizon Nye. Ai është një ekzemplar më vete mes presidentëve amerikanë, këtë e kanë treguar dy vitet e para të mandatit të tij. Për këtë është e bindur Barbara Perry, politologe në Universitetin e Virginias. “Do të thoja që ai është një president i pashembullt. Ai nuk i përshtatet asnjë modeli, ndryshe nga kushdo para tij.” Sistemi zgjedhor në SHBA nuk e ndali Trumpin Sipas Perry, SHBA ka parë shumë demagogë, por askush nuk ia ka dalë të ngjitet deri në Shtëpinë e Bardhë, sistemi zgjedhor mund t’i ndalte ata deri më tani. Por ky sistem e ka një problem: Amerikanët nuk e zgjedhin drejtpërdrejt presidentin e tyre, por ia japin votën e tyre përfaqësuesve zgjedhorë në shtetin e tyre federal. Se sa anëtarë përfaqësues zgjedhorë ka një shtet federal, kjo varet nga madhësia e tij. Janë ata që votojnë më vonë presidentin. Trump u zgjodh, sepse ai arriti të bindë shumicën e të ashtuquajturve përfaqësues zgjedhorë, ndërsa në numrin e përgjithshëm të votave qytetare ai ishte pas konkurrentes së tij demokrate, Hillary Clinton. Për analisten Barbara Perry është e qartë: Fitorja e Donald Trump është një sinjal se ky sistem ka gabime. „Baballarët e kushtetutës sonë donin që sistemi me përfaqësuesit zgjedhorë të na mbronte pikërisht nga persona të tillë: Nga demagogët në Shtëpinë e Bardhë, në postin e presidentit.” E çfarë mund të presim nga pjesa e mbetur e mandatit të Donald Trump? Ndoshta një mandat të dytë? Për politologun Joseph Nye është e qartë: Duhet të përgatitemi për më shumë paparashikueshmëri dhe habi të pakëndshme. Kurse Barbara Perry shprehet më qartë: "Kam frikë, katër vite ne i mbijetojmë, por nuk jam e bindur, nëse do t’i duronim dot tetë vite.”/ Dw l.h/ dita

Francë, vazhdojnë përplasjet mes policisë dhe “jelekverdhëve” Posted: 20 Jan 2019 12:17 AM PST Vazhdojnë ende përplasjet midis policisë dhe protestuesve "jelekverdhë" në Francë. Këtë të shtunë rreth 84 mijë demonstrues dolën nëpër rrugët e vendit për të dhjetën fundjavë radhazi, në protestat kundër qeverisë së presidentit Emmanuel Macron. Demonstratat kaluan kryesisht të qeta në Paris, ku ishin mbledhur rreth 7.000 vetë, edhe pse reporterë të "Reuters"-it kanë xhiruar disa përplasje të lehta mes policisë dhe demonstruesve, disa prej të cilëve edhe me maska, në zonën "Invalides" të kryeqytetit francez. Protestuesit hodhën fishekzjarre, shishe dhe gurë drejt policisë, me këtë të fundit që u kundëpërgjigj me gaz lotsjellës dhe topa uji për t'i zmbrapsur. "Macron, dorëhiqu!" ishte thirrja e disa prej protestuesve. Protestat e "jelekverdhëve", që morën këtë emër pikërisht prej jelekëve të verdhë që drejtuesit e mjeteve duhet të mbajnë me detyrim në automjetet e tyre, nisën në nëntor me në fokus kundërshtinë ndaj rritjes së planifikuar të taksave të karburantit. Edhe pse rritja e planifikuar u anulua si pasojë e protestave që u kthyen edhe të dhunshme, lëvizja në fjalë vijon ende me protesta mbarëkombëtare kundër qeverisë së Macronit, me justifikimin tashmë të irritimit të përgjithshëm mbi koston e lartë të jetesës dhe shumë taksave të tjera. Në Paris, disa demonstrues mbanin arkivolë të sajuar, për të simbolizuar 10 personat që kanë humbur jetën gjatë protestave, kryesisht për shkak të aksidenteve që vinin si pasojë e bllokimit të rrugëve prej demonstruesve. Demonstratat e dhjetorit shënuan edhe disa nga rastet më të dhunshme që Parisi nuk i kishte parë ndër dekada, me dhunuesit që dogjën makina dhe vandalizuan dyqane e gjithçka gjenin përpara. Megjithatë, protestat e këtij muaji në Paris nuk kanë qenë me doza kaq të larta shqetësimi, me përjashtim të një rasti kur një ish-kampion francez boksi nisi të godiste një polic në kryeqytet, duke tronditur shumëkënd. l.h/ dita

Serbi, mbi 10 mijë protestues kundër Vuçiçit Posted: 20 Jan 2019 12:13 AM PST Më shumë se 10 mijë njerëz marshuan rrugëve të Beogradit mbrëmjen e së shtunës, për të vijuar protestat kundër regjimit të presidentit Aleksandar Vuçiç dhe partisë së tij në qeveri "SNS", duke kërkuar më shumë liri për mediet si parakusht për zgjedhje të lira dhe të ndershme. Protestuesit e mbledhur bashkë nga "Aleanca për Serbinë", një grupim i 30 partive opozitare dhe organizatave të ndryshme, mbanin parulla ku lexohej "Sapo ka nisur" dhe thërrisnin në kor "Vuçiç hajdut", në të tetën fundjavë radhazi të pakënaqësisë së shprehur përmes demonstratave. Edhe protestat e mëparshme kanë pasur thuajse të njëjtin numër pjesëmarrësish. "E vetmja kërkesë që ne kemi, është që ky regjim djallëzor të largohet", tha aktori Branislav Trifunoviç, që iu adresua protestuesve siç ka bërë edhe gjatë javëve të kaluara. "Duam zgjedhje, por liria është mbi gjithçka", shtoi më tej ai. Nga zyra e Vuçiçit nuk është lëshuar asnjë reagim. Në të kaluarën, presidenti është shprehur se nuk do të përulet përpara kërkesave të opozitës për reformë zgjedhore dhe përmirësim të lirisë së shtypit, "edhe nëse do të dilnin 5 milionë njerëz në shesh", por gjithsesi shprehu vullnetin që të testojë popullaritetin e partisë së tij në zgjedhje të parakohshme. Protestat e fundit vijnë pas vizitës në Beograd të presidentit rus, Vladimir Putin, i mirëpritur gjatë së enjtes nga dhjetëra mijëra njerëz, të mbledhur nga mbarë Serbia. "Kam ardhur këtu të shpreh pakënaqësinë time me këtë elitë sunduese", thotë një pensioniste 64-vjeçare, Ljiljana Zivanoviç. "Ata (SNS dhe Vuçiç) kontrollojnë të gjitha mediet. Jam lodhur me korrupsionin e pafund", shtoi më tej ajo. Protestat janë përhapur edhe në qytete të tjera të Serbisë, ndërsa të premten u zhvilluan edhe në Novi Sad, qyteti i dytë më i madh; në qytetin jugor të Nishit dhe disa të tjerë, edhe pse numri i pjesëmarrësve jashtë kryeqytetit mbetet gjithsesi i vogël. l.h/ dita

You are subscribed to email updates from Gazeta Dita. To stop receiving these emails, you may unsubscribe now.	Email delivery powered by Google
Google, 1600 Amphitheatre Parkway, Mountain View, CA 94043, United States

loading...

Lexo edhe: