“Marotta: Godin dëshiron t’i bashkohet Interit” plus 9 more Telegrafi Futboll |
- Marotta: Godin dëshiron t’i bashkohet Interit
- Bernabeu duartroket Vinicius për lëvizjen e bukur ndaj Sevillas, braziliani po shkëlqen nën urdhrat e Solarit
- Mourinho: Tashmë kam refuzuar tri oferta pune pas largimit nga Unitedi
- Salah bëhet lojtari i katërt në histori të Ligës Premier që shënon më shpejt 50 gola
- Inter 0-0 Sassuolo, notat e lojtarëve – Dështon Icardi
- Interi nuk arrin më shumë se një barazim ndaj Sassuolos
- Rashica reagon pas golit: Nuk ka mënyrë më të mirë për ta nisur vitin
- Xhaka: Ju thashë se ishim gati, krenar me ekipin
- Arsenal 2-0 Chelsea, nota e Xhakës dhe të tjerëve
- Arsenali fiton derbin londinez ndaj Chelseat
Marotta: Godin dëshiron t’i bashkohet Interit Posted: 19 Jan 2019 03:04 PM PST Drejtori i ri i sportit të Interit, Giuseppe Marotta, ka konfirmuar zyrtarisht se Diego Godin dëshiron t’i bashkohet Nerazzurrëve. Ish-drejtuesit i Juventusit foli për mediumin DAZN përpara ndeshjes së Interit kundër Sassuolos këtë mbrëmje. Ai u pyet për mbrojtësin e Atletico Madridit, Godin, i cili raportohet se do të bashkohet me Interin kur kontrata e tij të skadojë në qershor. “Duhet të theksoj se Interi ka një ndikim shumë të fortë, pasi shumë lojtarë po na kërkojnë dhe agjentët trokasin në derën tonë”, ka thënë fillimisht Marotta. “Kjo është një gjë pozitive, pasi do të thotë që ne përfaqësojmë një pikë referimi në botën e futbollit”. “Ka kampionë që paraqiten vet tek ne dhe ne nuk duam t’i lëmë të na ikin dhe Godin është një prej tyre”. “Ne jemi të gatshëm të mirëpresim profile të tilla dhe dua të theksoj se Godin do të jetë një agjent i lirë në qershor”. Marotta foli edhe për situatën e rinovimit të kontratës së kapitenit, Mauro Icardi. “Nuk kemi asnjë dyshim se Mauro Icardi do të mbetet këtu, pasi jemi të lumtur me të dhe anasjelltas. Çështja e vetme e mbetur është kur duhet të vendosim lapsin mbi kontratë”, përfundoi drejtuesi italian i Interit. /Telegrafi/ The post Marotta: Godin dëshiron t’i bashkohet Interit appeared first on Telegrafi. |
Posted: 19 Jan 2019 02:53 PM PST Real Madridi fitoi ndaj Sevillas me rezultat 2-0 në La Liga, përkund mungesave të mëdha për shkak të lëndimeve. Një nga më të mirët në këtë takim ishte Vinicius Junior, i cili po vazhdon me paraqitje të mira te Los Blancos. Braziliani për një moment gjatë pjesës së dytë ndali topin bukur dhe pastaj dribloi bukur një lojtar kundërshtar, por u ndal shpejt nga një tjetër. I gjithi ky moment u duartrokit nga tifozët në stadiumin Santiago Bernabeu. Lojtari ka marrë lëvdata shumë edhe nga trajneri Santiago Solari. Trajneri argjentinas i ka kërkuar gjithë lojtarëve të përkrahin Vinciusin pasi vëmendja e madhe drejt 18-vjeçarit nuk është edhe lehtë e përballueshme në fillimin e aventurës së tij në Madrid. Deri më tani në sezonin 2018/19 lojtari ka shënuar tre gola në 16 paraqitje për Realin. Vinicius është blerë nga klubi spanjoll në verën e 2017 për 46 milionë euro nga Flamengo. /Telegrafi/ Disa nga lëvizjet e bukura të Vinicius Jr këtë sezon me Realin:
The post Bernabeu duartroket Vinicius për lëvizjen e bukur ndaj Sevillas, braziliani po shkëlqen nën urdhrat e Solarit appeared first on Telegrafi. |
Mourinho: Tashmë kam refuzuar tri oferta pune pas largimit nga Unitedi Posted: 19 Jan 2019 02:34 PM PST Jose Mourinho ka deklaruar së fundmi se ka refuzuar tri oferta për punë në këtë muaj pas largimit nga Manchester Unitedi, teksa ka shtuar se është i qetë në këtë aspekt. Trajneri portugez ka insistuar që mungesa e punësimit të rregullt në bankinë nuk është për shkak të mungesës së ofertave, pasi tashmë ka refuzuar tri të tilla. “Para së gjithash unë jam i lumtur me këto tre javë”, ka thënë fillimisht Mourinho për BeIN Sports, medium për të cilin po komenton në Kupën e Azisë. “Jam i lumtur me këtë përvojë. Do të kem përvoja të tjera që zakonisht nuk mund t’i kem”.
“Unë e njoh veten dhe e di se deri në fund të marsit di të luftojë paksa me lumturinë time. E njoh natyrën time, lëvizjen time të ardhshme, nuk e di”. “Do t’i analizoj gjërat, nuk më pëlqen të flas për këtë, por unë tashmë kam refuzuar tre opsione për punë”. “I refuzova për shkak se nuk e ndjeva se ishte ajo që unë dua, kështu që do të jem i qetë në këtë aspekt”. “Sa më shumë kohë që kam, aq më mirë mund të përgatitem”, përfundoi Special One. /Telegrafi/ The post Mourinho: Tashmë kam refuzuar tri oferta pune pas largimit nga Unitedi appeared first on Telegrafi. |
Salah bëhet lojtari i katërt në histori të Ligës Premier që shënon më shpejt 50 gola Posted: 19 Jan 2019 02:00 PM PST Mohamed Salah vazhdon të seleksionojë rekorde individuale me fanellën e Liverpoolit. Liverpooli ka fituar me rezultat të ngushtë 4-3 ndaj Crystal Palace në ndeshjen e vlefshme për javën e 23-të të Ligës Premier. Në këtë ndeshje njëri nga më meritorët ishte ylli egjiptian Salah, i cili shënoi dy gola. Me këto dy gola, Salah ka arritur numrin e 50 golave të shënuara në Ligën Premier, ku 48 vijnë me fanellën e Reds dhe dy tjera me Chelsean.
Përveç kësaj, sulmuesi 26-vjeçar është bërë lojtari i katërt në histori të Ligës Premier që arrin të shënojë më shpejt 50 gola. Yllit egjiptian i janë nevojitur vetëm 72 ndeshje për të arritur 50 gola, duke barazuar kështu sulmuesin e njohur spanjoll, Fernando Torres.
Lojtari që ka arritur më shpejt të shënojë 50 gola në Ligën Premier është ish-sulmuesi anglez, Andy Cole, i cili kishte shënuar në vetëm 65 ndeshje. I dyti që ka shënuar më shpejt 50 gola është Alan Shearer me 66 ndeshje, ndërsa i treti holandezi Rud Van Nistelrooy me 68 ndeshje. /Telegrafi/
The post Salah bëhet lojtari i katërt në histori të Ligës Premier që shënon më shpejt 50 gola appeared first on Telegrafi. |
Inter 0-0 Sassuolo, notat e lojtarëve – Dështon Icardi Posted: 19 Jan 2019 01:39 PM PST Interi është ndalur me barazim 0-0 në shtëpi nga Sassuolo në ndeshjen e vlefshme për javën e 20-të të Serie A. Nerazzurrët nuk kanë arritur të vazhdojnë formën e fitoreve pasi janë ndalur me barazim nga Sassuolo. Me këtë barazim, Interi ka humbur mundësinë për t’iu ofruar dy pozitave të para, Juventusit dhe Napolit. Lojtari më i vlerësuar i kësaj ndeshje ishte qendërmbrojtësi mysafirë Federico Peluso, i cili u notua me 7.8. Në anën tjetër, nota më e ulët shkoi për kapitenin e Interit, Mauro Icardi që u vlerësua me notë 6.1. Inter: Sassuolo: /Telegrafi/ The post Inter 0-0 Sassuolo, notat e lojtarëve – Dështon Icardi appeared first on Telegrafi. |
Interi nuk arrin më shumë se një barazim ndaj Sassuolos Posted: 19 Jan 2019 01:26 PM PST Pas dy fitoreve radhazi, Interi nuk arriti më shumë se një barazim pa gola në Serie A kundër Sassuolos. Zikaltrit mbajtën më shumë topin, por mysafirët treguan se kishin udhëtuar në Milano për të marrë pikë. Rastin e parë në takim e kishte Sassuolo, ishte Manuel Locatelli ai që rrezikoi portën e Samir Handanovic në minutën e 14, tjetër rast për gol për mysafirët ishte ai i Domenico Berardit (24′). Matteo Politano lëshoi rast të mirë për gol në minutën e 31-të, ndërsa raste serioze për gol nuk kishte më në pjesën e parë. Ishte Sassuolo që krijoi edhe rastin e parë serioz në pjesën e dytë, por Handanovic bëri një pritje fantastike duke ia mohuar Kevin-Prince Boatengut golin. Në fundin e pjesës së dytë ishin zikaltrit që kërkuan golin, por nuk e arritën dhe në fund nuk arritën të rrëmbejnë më shumë se një pikë. Pas këtij barazimi skuadra e Luciano Spallettit renditet në vendin e tretë me 40 pikë, kurse Sassuolo në pozitën e 12-të me 26 pikë. Ndeshja e ardhshme e Interit është kundër Torinos, ndërsa Sassolo luan ndaj Cagliarit. /Telegrafi/
The post Interi nuk arrin më shumë se një barazim ndaj Sassuolos appeared first on Telegrafi. |
Rashica reagon pas golit: Nuk ka mënyrë më të mirë për ta nisur vitin Posted: 19 Jan 2019 12:51 PM PST Sulmuesi i Përfaqësueses së Kosovës, Milot Rashica ka reaguar në rrjetet sociale pas fitores së Werder Bremenit, falë golit të tij vendimtar. Werder Bremen ka arritur të marrë një fitore të madhe në udhëtim te Hannoveri me rezultat minimal 1-0 në ndeshjen e javës së 18-të në Bundesliga. Goli i vetëm për mysafirët e Bremenit u shënua pikërisht nga ylli i Përfaqësueses së Kosovës, Milot Rashica. Ylli i Kosovës ishte vendimtar duke shënuar golin e fitores nga afërsia në minutën e 32-të të ndeshjes.
Ky gol e ka lumturuar Rashicën, i cili ka reaguar në rrjetet sociale. “Nuk ka mënyrë më të mirë se kjo për ta nisur vitin. Tri pikë, gol”, ka shkruar Rashica në profilin e tij në Facebook. Ndryshe, ky ishte goli i dytë i Rashicës këtë sezon me Bremenin në Bundesliga, teksa ka edhe një asistim. Rashica ka kaluar formë të mirë edhe te Kosova në ndeshjet e fundit, duke qenë njëri nga më meritorët për fitimin e grupit në Ligën e Kombeve. /Telegrafi/
The post Rashica reagon pas golit: Nuk ka mënyrë më të mirë për ta nisur vitin appeared first on Telegrafi. |
Xhaka: Ju thashë se ishim gati, krenar me ekipin Posted: 19 Jan 2019 12:27 PM PST Mesfushori shqiptar, Granit Xhaka ka reaguar në rrjetet sociale pas fitores së Arsenalit ndaj Chelseat. Arsenali ka fituar në derbin londinez ndaj Chelseat me rezultat 2-0 në ndeshjen e vlefshme për javën e 23-të të Ligës Premier. Kjo fitore e Topçinjve erdhi falë golave nga dyshja franceze, sulmuesi Alexander Lacazette dhe mbrojtësi Laurent Koscielny. Në këtë ndeshje për 90 minuta luajti edhe me mesfushori shqiptar, Granit Xhaka, i cili pati një paraqitje shumë të mirë. Pas kësaj fitore të madhe, Xhaka ka reaguar në rrjetet sociale për të treguar se është krenar me bashkëlojtarët. “Ju thashë se ishim gati! Jam shumë shumë krenar për këtë ekip sot”, ka shkruar Xhaka në profilin e tij në Facebook. Ndryshe, Xhaka është njëri nga lojtarët kryesorë të Arsenalit këtë sezon, pasi Unai Emery nuk e fillon ndeshjen pa shqiptarin në formacion. Arsenali momentalisht renditet në pozitën e pestë me 44 pikë apo vetëm tri më pak se Chelsea në vendin e katërt. /Telegrafi/ The post Xhaka: Ju thashë se ishim gati, krenar me ekipin appeared first on Telegrafi. |
Arsenal 2-0 Chelsea, nota e Xhakës dhe të tjerëve Posted: 19 Jan 2019 11:44 AM PST Arsenali ka arritur të fitojë me rezultat 2-0 derbin londinez ndaj Chelseat, i vlefshëm për javën e 23-të në Ligën Premier. Topçinjtë e Unai Emeryt i janë kthyer fitores në kampionat pikërisht në një ndeshje derbi sikurse kjo ndaj Chelseat. Golat në këtë fitore të skuadrës nga Emirates janë shënuar nga Alexandre Lacazette (14′) dhe Laurent Koscielny (42′). Lojtari më i vlerësuar i ndeshjes ishte mbrojtësi francez Koscielny, i cili pas golit dhe paraqitjes së mirë u vlerësua me notë 8.6. Në anën tjetër, nota më e ulët e ndeshjes shkoi për yllin belg Eden Hazard që u notua me 5.9. Për 90 minuta në këtë ndeshje luajti edhe mesfushori shqiptar, Granit Xhaka, i cili pati një paraqitje shumë të mirë duke u notuar me 7.8. Arsenal: Chelsea: /Telegrafi/
The post Arsenal 2-0 Chelsea, nota e Xhakës dhe të tjerëve appeared first on Telegrafi. |
Arsenali fiton derbin londinez ndaj Chelseat Posted: 19 Jan 2019 11:25 AM PST Arsenali ka arritur të fitojë me rezultat 2-0 derbin londinez ndaj Chelseat, i vlefshëm për javën e 23-të në Ligën Premier. Pas humbjes ndaj West Hamit, skuadra e Unai Emeryt i është kthyer fitores në kampionat pikërisht në një ndeshje ndaj një rivali londinez sikurse kjo ndaj Chelseat. Pjesa e parë e ndeshjes u karakterizua me dominim dhe raste të shumta të Arsenalit, të cilët arritën të shënojnë edhe dy gola, ndërsa Chelsea nuk pati asgjë përveç posedimit të topit. Goli i parë i ndeshjes erdhi pas vetëm 14-të minutave lojë dhe ishte sulmuesi Alexander Lacazette, i cili shënoi një gol të bukur për 1-0 pas asistimit të Hector Bellerin. Në minutën e 39-të, Topçinjtë arritën të gjejnë edhe golin e dytë me anë të kapitenit Laurent Koscielny, i cili shënoi me kokë për 2-0. Në pjesën e dytë, Chelsea ishin për një nuancë më të mirë duke tentuar të gjejnë golin, ndërsa Arsenali provonte të menaxhonte rezultatin. Për 45 minuta asnjëra skuadër nuk pati asnjë rast ideal për gol, ndërsa rasti i vetëm që vlen të përmendët është lëndimi i Bellerin në minutën e 72-të. Kështu, pas 90 minutave lojë Arsenali mori një fitore të madhe me rezultat 2-0, fitore kjo që e mban në garë për pozitën e katërt, pasi tani ka 44 pikë në pozitën e pestë apo vetëm katër më pak se Blutë një vend më lartë. Në ndeshjen e radhës, Topçinjtë e pret në shtëpi Cardiff Cityn, ndërsa Chelsea udhëton te Bournemouthi. /Telegrafi/
The post Arsenali fiton derbin londinez ndaj Chelseat appeared first on Telegrafi. |
You are subscribed to email updates from Futboll – Telegrafi. To stop receiving these emails, you may unsubscribe now. | Email delivery powered by Google |
Google, 1600 Amphitheatre Parkway, Mountain View, CA 94043, United States |
Lexo edhe: