“Prokurorët akuzojnë ish-bashkëpunëtorët e Trump se kanë gënjyer për kontaktet ruse” plus 9 more Gazeta SHQIP
“Prokurorët akuzojnë ish-bashkëpunëtorët e Trump se kanë gënjyer për kontaktet ruse” plus 9 more Gazeta SHQIP |
- Prokurorët akuzojnë ish-bashkëpunëtorët e Trump se kanë gënjyer për kontaktet ruse
- Studentët e Shkodrës nuk i ndal shiu, shtrojnë 3 kërkesa për MAS
- Udhëzues i vogël për grindjet konstruktive
- Nis marshimi i studentëve: Plotësoni kushtet, ose hyjmë në grevë urie (VIDEO)
- Në kërkim prej 1 viti, arrestohet 47-vjeçari në Elbasan (EMRI)
- Ministria e Drejtësisë ndriçohet portokalli në mbrojtje të grave të dhunuara
- Pas përplasjeve Tsipras takon Putin: T’i ndalim incidentet diplomatike!
- Meta: Inkurajoj dhe mbështes rininë e sotme, veçanërisht studentët
- Ceremonia për Kacifas, kthehen mbrapsht mbi 100 grekë; RENEA në gatishmëri
- “Dhjetori i dytë”, studentët sot në protestë: Të plotësohen kushtet
| Prokurorët akuzojnë ish-bashkëpunëtorët e Trump se kanë gënjyer për kontaktet ruse Posted: 08 Dec 2018 01:40 AM PST
Prokurorët amerikanë kanë prezantuar para gjykatës detaje mbi atë që ata thonë se janë gënjeshtra të ish-bashkëpunëtorit të presidentit Donald Trump, lidhur me komunikimet me kontaktet ruse, akuza këto që me gjasë mund të dënojnë me burg dy të akuzuarit. Akuzat ndaj ish-shefit të fushatës së Trumpit, Paul Manafort dhe ish-avokatit personal të presidentit, Micheal Cohen janë bërë në dy seanca të ndara gjyqësore. Pavarësisht këtyre akuzave, Shtëpia e Bardhë, përmes një deklarate tha se akuzat nuk ofrojnë asgjë që mund të dëmtojnë presidentin dhe fajësuan mediat se po tentojnë të krijojnë lajm aty ku nuk ka lajm. Këshilltari i Posaçëm, Robert Mueller po heton ndërhyrjen e rusëve në zgjedhjet presidenciale amerikane më 2016. Ai po heton nëse ka pasur bashkëpunim mes bashkëpunëtorëve të Trumpit me Rusinë. Moska mohon se ka ndërhyrë në zgjedhje, pavarësisht se ka prova substanciale për një gjë të tillë. Edhe presidenti Trump vazhdimisht ka mohuar se ka pasur bashkëpunim mes ekipit të tij dhe Rusisë. Zyra e Muellerit e ka akuzuar Manafgortin se ka thënë të pavërtetën disa herë sa i përket kontakteve të tij me konsulentin politik ruso-ukrainas, Konstantin Kilimnik. Ndërkaq, prokurorët kanë kërkuar dënim me burgim për avokatin Cohenpasi ai ka pranuar se ka paguar një aktore të filmave pornografik, me qëllim që ajo të mos flasë për Trumpin gjatë zgjedhjeve më 2016. Disa prej këtyre parave dyshohet se kanë ardhur nga kompani fiktive të cilat Cohen i kishte hapur, ndërkaq paratë dyshohet se janë siguruar nga Trump. 8 dhjetor 2018 (gazeta-Shqip.com) |
| Studentët e Shkodrës nuk i ndal shiu, shtrojnë 3 kërkesa për MAS Posted: 08 Dec 2018 01:37 AM PST
Ata kanë vërshuar në rrugët e qytetit edhe pse në Shkodër prej orëve të para të paradites kanë nisur reshje të dendura shiu. Edhe studentët e Universitetit "Luigj Gurakuqi" kanë 3 kërkesa të veçanta për qeverinë, ku e para është ulja e notës mesatare nga 9 në 7 për studimet në master dhe doktoraturë. Ata gjithashtu kërkojnë që t'u mundësohet liria e zgjedhjes mes provimit dhe temës së diplomës. Ndërkohë, kërkesa e dytë ka të bëjë me rimbursimet për ekspeditat që bëjnë studentët, për të cilat duan që të hiqen dhe të jenë pjesë e buxhetit të universitetit. Kërkesa e tretë është vënia në funksion e godinës së re të Universitetit të Shkodrës brenda janarit të vitit të ardhshëm. Studentët e Shkodrës paralajmërojnë se do të vijojnë me protestat deri në plotësimin e kërkesave që kanë. 8 dhjetor 2018 (gazeta-Shqip.com) |
| Udhëzues i vogël për grindjet konstruktive Posted: 08 Dec 2018 01:15 AM PST
Të jesh gjithmonë dakord me ata që na rrethojnë, është e pamundur dhe madje e panatyrshme: të gjithë kanë kokën e tyre dhe idetë e tyre dhe do të ishte e çuditshme nëse nuk do të ishte kështu. Mbështetja e pozicionit tuaj është një fakt i përditshëm: gjëja e rëndësishme është të luftojmë në mënyrë korrekte, si dhe në mënyrë efektive. Ekziston një mënyrë e përballje së njëri-tjetrit, që, pa hequr dorë nga bindjet e tyre, garanton korrektësinë e diskutimit, respektit të ndërsjellë dhe ndonjëherë edhe zgjidhjen më të mirë për problemin që është temë e konfliktit. Jo të gjitha grindjet na dëmtojnë – Fakti që kurrë nuk ballafaqohemi nuk është gjithmonë shenjë e një marrëdhënieje të qartë dhe të përzemërt. Gjithmonë duke pasur të njëjtat mendimeve një tjetër dhe gjithmonë dakord 100 për qind është në të vërtetë pothuajse e panatyrshme. Kjo do të thotë që njëri prej tyre i nënshtrohet vendimeve të tjetrit dhe i pranon ato për hir të paqes, për një kuptim të keqkuptuar të detyrës ose për të mos vënë në lojë personin e parë. Pra, le t'i hapim rrugë shkëmbimit të sinqertë dhe të drejtpërdrejtë të mendimit, madje edhe me koston e një pakti armiqësie, por pa ngritur zërin tuaj: nëse duhet të ndodhë menjëherë le të kërkojmë ndjesë dhe të justifikojmë qëndrimin tonë me pasionin që na përfshin në çështjen në fjalë. Jo sulmeve personale – Duhet të kujtojmë që diskutohet për një problem dhe jo njerëz. Pra, sulmet personale janë të ndaluara: qëndrimet e këtij lloji janë jo vetëm jo të sjellshme, por edhe kundërproduktive. Kur dikush ndihet i sfiduar në mënyrë personale, ndalet dëgjimi dhe debatimi, njeriu merr mbrojtës dhe humbet shikimi i temës së debatit. Në këtë lloj klime, ata që ndjekin përplasjen do të shmangin shprehjen e mendimeve të tyre, në mënyrë që të mos ndihen të sulmuar. Emocionet nën kontroll – Sa më shumë që tema e debatit mund të na prekë nga afër, aq më shumë duhet tu përpiqemi t’i mbajmë nën kontroll emocionet tona. Asnjëherë mos e ngrini zërin shumë, mos lejoni të shkoni në shprehje dhe gjeste vulgare. Le të shmangim largimin nga vendi i diskutimit, ndoshta në një mënyrë të hapur, duke e lënë subjektin në gjysmë. Nëse mendojmë se po humbim kontrollin, kërkojmë një pushim të shkurtër, për shembull, të shkojmë dhe të pimë ujë. Ne e përdorim këtë pushim të shkurtër për të rifituar zotërimin e vetes dhe, në kufi, kërkojmë një kohë të caktuar, duke vendosur që fjalimi të rifillojë më vonë në një kohë të caktuar. Harrojeni të kaluarën – Përpiqemi të mos e zgjerojmë debatin në argumente të ndryshme nga ato që janë në tryezë, pa sjellë në lojë sistemet më të larta, karakterin e shëmtuar të bashkëbiseduesit tonë ose gabimet e tij (përsëri ne jemi në aspektet personale të përmendura më sipër), dhe fakte të tjera të parëndësishme në diskutim. Mbi të gjitha, shmangim ringjalljen e episodeve të vjetra të së kaluarës, në të cilën na dukej se ata u trajtuan në mënyrë të padrejtë. Është më konstruktive që të kufizoheni me këtu dhe tani. Dhe nëse rivali ynë është partneri… – E gjithë kjo vlen për nivelin e nëntë. Për fat të keq, mundësitë për mosmarrëveshje janë gjithashtu shumë më të shpeshta. Në këtë rast respekti dhe vetëkontrolli mund të jenë më të vështira, ashtu siç mund të jetë më e komplikuar që ta mbajë subjektin e kontestit nën kontroll pa u përhapur në fakte dhe situata të ndryshme. Në këtë rast, para se të filloni një mosmarrëveshje, ia vlen të bëni këtë pyetje: për dy ditë do të jem ende i zemëruar me të për këtë gjë? Nëse është kështu, ia vlen të trajtohet pyetja, madje edhe në mënyrë të vendosur. Ndryshe, ndoshta, është më mirë të heqësh dorë në fillim dhe ta kalosh. Ndoshta duke lënë një dënim ose një gjest për të sinjalizuar sikletin tonë dhe për të kërkuar për ta shmangur … herën tjetër. Me një shkathtësi të vetme: mos grindeni, madje as mos diskutoni me të, para fëmijëve. 8 dhjetor 2018 (gazeta-Shqip.com) |
| Nis marshimi i studentëve: Plotësoni kushtet, ose hyjmë në grevë urie (VIDEO) Posted: 08 Dec 2018 01:00 AM PST
Tubimi i sotëm mbahet në kuadër të "Ditës së Rinisë" dhe në 8 dhjetor, studentët shprehen se nëse kushtet e tyre nuk plotësohen nga MAS dhe qeveria, ata do të hyjnë në grevë urie. Studentët po marshojnë drejt godinës së Ministrisë së Arsimit dhe në rrugën e tyre kanë shmangur godinën e Kryeministrisë. Ata kanë 3 kërkesa për qeverisë:
"Nëse nuk plotësohen protesta do të përshkallëzohet ose do të futemi në grevë urie", shprehet një nga studentët në një video ekskluzive të Gazeta Shqip nga protesta. Për sa i përket vijimit të protestës, studentët kanë deklaruar se e diela do të jetë pushim ashtu si edhe e hëna e nuk do të ketë protesta, ndërsa kanë paralajmëruar të martën, më 11 dhjetor një masivizim të lëvizjes së tyre.           Shumë prej studentëve e kanë deklaruar dhe më herët që protesta e tyre lidhet me kushtet ekonomike dhe sociale të tyre dhe nuk ka asnjë ngjyrim partiak. "Jo politikë, jo politikë", janë koret e përdorura në masë nga ana e studentëve që janë mbledhur përpara Ministrisë së Arsimit. "Do të kërkojmë dorëheqjen e ministres së Arsimit dhe më pas do të hyjmë në grevë urie", është shprehur nga studentët e Fakultetit Juridik. 8 dhjetor 2018 (gazeta-Shqip.com) |
| Në kërkim prej 1 viti, arrestohet 47-vjeçari në Elbasan (EMRI) Posted: 08 Dec 2018 12:50 AM PST
"Mbi bazën e informacioneve të marra në rrugë operative, shërbimet e policisë në Komisariatin e Policisë Elbasan pas një pune të mirëorganizuar, bënë të mundur lokalizimin dhe kapjen e shtetasit të shpallur në kërkim Arben Kruja, 47 vjeç, banues në lagjen "Beqir Dardha" Elbasan", njofton policia. Ndalimi i tij u bë pasi Gjykata e Rrethit Gjyqësor Elbasan, me vendim Nr.765, dt.11.12.2017, e ka dënuar me 1 vitë burg, për veprën penale "Futja ose mbajtja pa leje e sendeve të ndaluara në institucionet e ekzekutimit të vendimeve me burg", parashikuar nga neni 324/a/1 i Kodit Penal. Materialet i kaluan Prokurorisë pranë Gjykatës së Shkallës Parë Elbasan, për veprimet e mëtejshme proçedurale. 8 dhjetor 2018 (gazeta-Shqip.com) |
| Ministria e Drejtësisë ndriçohet portokalli në mbrojtje të grave të dhunuara Posted: 08 Dec 2018 12:34 AM PST
Ministria e Drejtësisë është ndriçuar me ngjyrat portokalli mbrëmjen e kaluar, duke ju bashkuar kështu fushatës kundër dhunës ndaj grave. Ndriçimi me këto ngjyra është bërë në kuadër të fushatës kombëtare të 16 ditëve të aktivizimit kundër dhunës me bazë gjinore dhe dhunës në familje me temë "Bëje botën portokalli: Më dëgjo dhe mua". Fushata sensibilizuese gjatë muajit dhjetor ka pasur në fokus të saj thirrjen për t'i dëgjuar dhe besuar gratë dhe vajzat e dhunuara, për t'i dhënë fund kulturës së të heshturit dhe për t'i vënë ato në qendër të reagimit. Sipas të dhënave më të fundit, nga rastet e raportuara në Shqipëri, 74% e të dëmtuarve nga dhuna në familje janë gra. Ministria e Drejtësisë pak ditë më parë në një konferencë kombëtare kundër dhunës ndaj grave bëri të ditur edhe qëndrimin për të mos lejuar që asnjë i dënuar për dhunë në familje apo krime seksuale të përfitojë nga amnistia e fundvitit që pritet të miratohet së shpejti. 8 dhjetor 2018 (gazeta-Shqip.com) |
| Pas përplasjeve Tsipras takon Putin: T’i ndalim incidentet diplomatike! Posted: 08 Dec 2018 12:28 AM PST
Kështu deklaruan presidenti rus Vladimir Putin dhe kryeministri grek Aleksis Tsipras pas takimit që zhvilluan të premten në Moskë. Athina zyrtare tha se kishte dëbuar dy diplomatë rusë dhe i kishte ndaluar dy personave të tjerë të hyjnë në vend në korrik pasi i kishin ofruar ryshfet zyrtarëve dhe donin të nxisnin demonstrata për të penguar një marrëveshje që do t’i lejonte ish Republikës Jugosllave të Maqedonisë (FYROM) të bashkohej me NATO-n, ndërsa Rusia i ka mohuar kategorikisht akuzat. Në takimin e tyre të parë që nga ky incident, të dy udhëheqësit mbrojtën qëndrimin e vendeve të tyre, por u shfaqën të gatshëm të ndërrojnë faqe në marrëdhëniet bilaterale. Putin i quajti akuzat “mbeturina” dhe tha se shërbimet përkatëse të inteligjencës mund të zgjidhnin situata të tilla “pa gjeste teatrale”. “Së pari, që nga fillimi nuk pajtoheshim dhe ne nuk pajtohemi as tani me arsyen pse diplomatët tanë u dëbuan”, u tha Putini gazetarëve. “Është e vështirë për mua të imagjinoj se kushdo me sens të përbashkët qoftë në Greqi apo në Rusi mund të mendojë se Rusia do të komplotonte ose do të intrigonte kundër Greqisë. Është vetëm e pakuptimtë, mbeturina janë ai. Unë shpresoj se kjo faqe duhet kthyer", shtoi lideri rus. Tsipras tha se besonte se rasti diplomatik ishte një incident i izoluar dhe se të dy vendet kishin shumë për të fituar nga thellimi i bashkëpunimit të ardhshëm. “Kur shohim disa të izoluar, dhe besoj se janë të izoluar, incidente që na kanë bezdisur, ne jemi të detyruar të dërgojmë një mesazh. Unë besoj se ne po shohim përpara dhe se ky rast ka mbaruar. Ajo që është e rëndësishme sot është të shfrytëzojmë potencialin tonë të madh për të thelluar bashkëpunimin tonë në një sërë sektorësh”, tha Tsipras. 8 dhjetor 2018 (gazeta-Shqip.com) |
| Meta: Inkurajoj dhe mbështes rininë e sotme, veçanërisht studentët Posted: 08 Dec 2018 12:12 AM PST
Në një postim në Facebook, presidenti Ilir Meta shprehu mirënjohjen për të gjithë studentët, të cilët 28 vite më parë vërshuan në rrugët dhe sheshet e Tiranës me thirrjen "e duam Shqipërinë si gjithë Europa". Ai inkurajon dhe mbështet studentët e sotëm, të cilët sipas tij me shpirtin e tyre të lirë, energjinë, guximin e kurajon e pashembullt të marrin aktivisht pjesë në proceset demokratike për europianizimin e plotë të vendit dhe për ndërtimin e një të ardhmeje të sigurt të tyre në Shqipëri. "Mirënjohje të gjithë studentëve, të rejave e të rinjve, të cilët 28 vite më parë vërshuan në rrugët dhe sheshet e Tiranës, me thirrjen që kumbonte nga gjokset e tyre rinore 'E duam Shqipërinë si gjithë Europa' dhe 'Liri-Demokraci', për të shndërruar 8 Dhjetorin në Ditën e tyre, Ditën e Rinisë, Ditën e Lirisë, Ditën e Europës. Kujtojmë me nderim veprën e Azem Hajdarit, liderit të Lëvizjes Studentore, i cili me guxim, kurajo e shpirt sakrifice frymëzoi ato minuta e orë vendimtare për mijëra studentë, të rinj, pedagogë e intelektualë, për të kthyer në Shqipëri lirinë e munguar. Jehona e thirrjeve 'Liri-Demokraci' dhe e 'E duam Shqipërinë si gjithë Europa' të 8 dhjetorit 1990 është ende një aspiratë, jo plotësisht e realizuar. Inkurajoj dhe mbështes rininë e sotme, veçanërisht studentët, të cilët me shpirtin e tyre të lirë, energjinë, guximin e kurajon e pashembullt të marrin aktivisht pjesë në proceset demokratike për europianizimin e plotë të vendit dhe për ndërtimin e një të ardhmeje të sigurt të tyre në Shqipëri", shkruan presidenti Meta. 8 dhjetor 2018 (gazeta-Shqip.com) |
| Ceremonia për Kacifas, kthehen mbrapsht mbi 100 grekë; RENEA në gatishmëri Posted: 08 Dec 2018 12:02 AM PST
Dy tubime do të mbahen sot për Konstandinos Kacifas, i pari në Bularat dhe i dyti në qytetin e Gjirokastrës, ndërsa policia ka dhënë leje vetëm për zhvillimin e tubimit paqësor të "një grupi patriotësh" shqiptar. Organizatorët e këtij tubimi kanë kërkuar leje për zhvendosjen nga qendra muzeale e qytetit deri në hyrje të tij, në rrugën nacionale te "Ura e Lumit". Nga ana tjetër polica e Gjirokastrës ka dhënë leje për organizimin e tubimit vetëm në "Sheshin e Çerçizit" prej orës 11:00 deri në orën 13:00. Ndërkohë, në të 40-tat e minoritarit Kacifas, dhjetëra grekë do të vijnë në Bularat të Gjirokastrës. Mediat greke kanë shpërndarë një njoftim, ku theksojnë se të shtunën e 8 dhjetorit ora 11.00 do të mbahet një ceremoni përkujtimore për Kacifas në kishën e Shën Athanasit në Bularat. Në drejtorinë e qarkut të Gjirokastrës kanë mbërritur forcat e Antiterrorit dhe ato të RENEA-s në gatishmëri për të ndërhyrë në rast se ekstremistë grekë hyjnë ilegalisht në vendin tonë për të marrë pjesë në homazhet për Kacifas. Mësohet se gjatë kontrolleve të rrepta të ushtruara në pikën kufitare të Kakavijës, mbi 100 shtetas grekë janë kthyer, mes tyre edhe tre gazetarë. Një pjesë e personave të kthyer ishin pjesë e listës "non-grata" ndërsa të tjerë kishin precedentë penalë. Probleme në kufi ka hasur dhe deputeti i pavarur Nikos Nikolopoulos Achaia, pasi autoritetet kufitare fillimisht i refuzuan kalimin, por pas dy ore negociata ai është lejuar të hyjë në vend. 35-vjeçari Kacifas u vra gjatë shkëmbimit të zjarrit me RENEA-n më 28 tetor në Bularat të Gjirokastrës, gjatë festës së përvitshme në përkujtim të ushtarëve grekë të rënë gjatë Luftës së Dytë Botërore në territorin e Shqipërisë. Fillimisht Kacifas qëlloi me armë zjarri ndaj policisë, ndërsa më tej kur uniformat blu u vunë në ndjekje, ai nuk i ndali të shtënat drejt mjeteve të policisë. Pas disa orësh ndjekjeje, 35-vjeçari u rrethua, por edhe nga aty nuk i ndali të shtënat. Kjo bëri që gjatë shkëmbimit të zjarrit të mbetet i vrarë, duke refuzuar që të dorëzohet. 8 dhjetor 2018 (gazeta-Shqip.com) |
| “Dhjetori i dytë”, studentët sot në protestë: Të plotësohen kushtet Posted: 07 Dec 2018 11:40 PM PST
Studentët nuk do të ndalen as sot. Ata kanë njoftuar se do të mblidhen të Sheshi "Nënë Tereza" nga ora 8 e 30 deri në 9 e 30 dhe më pas në orën 10.00 ata do të zhvendosen te Ministria e Arsimit ku do të zhvillojnë protestën e tyre. Protestën e tyre ata e kanë cilësuar si "dhjetori i dytë". Ditën e djeshme ata qëndruan për 6 orë me radhë para Ministrisë së Arsimit, duke kërkuar plotësimin e tre kërkesave të tjera për të cilat nuk kanë marrë zgjidhje. "U bëjmë thirrje të gjithë studentëve të Tiranës, gjithë gjimnazistëve, qytetarëve të Tiranës të bashkohen tek ne". Ata kërkuan nga politika të qëndrojë larg tyre nesër. Ashtu si ditët e tjera, studentët nuk ikën pa pastruar mbeturinat e mbetura pas protestës. Një nga thirrjet që është bërë gjerësisht në protestat e tyre është mbajtja larg e forumeve politike. Shumë prej studentëve e kanë deklaruar dhe më herët që protesta e tyre lidhet me kushtet ekonomike dhe sociale të tyre dhe nuk ka asnjë ngjyrim partiak. "Jo politikë, jo politikë", janë koret e përdorura në masë nga ana e studentëve që janë mbledhur përpara Ministrisë së Arsimit. "Do të kërkojmë dorëheqjen e ministres së Arsimit dhe më pas do të hyjmë në grevë urie", është shprehur nga studentët e Fakultetit Juridik. 8 dhjetor 2018 (gazeta-Shqip.com) |
Paralelisht me protestën e studentëve në Tiranë, edhe të rinjtë që studiojnë në Universitetin "Luigj Gurakuqi" në Shkodër janë ngritur sërish sot në protestë.
Në shtëpi, në familje dhe në punë, mundësitë për konfrontim janë të pafundme: le të mësojmë të jemi të vlefshëm, por pa duke respektuar njëri-tjetrin.
Ashtu siç ishte paralajmëruar rreth orës 09:30 para Korpusit Universitar ka nisur grumbullimi i qindra studentëve, të cilët prej 4 ditësh protestojnë për të drejtat e tyre.
Një person i shpallur në kërkim kombëtar dhe i dënuar me 1 vit burg është vënë në pranga nga Policia e Elbasanit.
"Greqia dhe Rusia janë të gatshme të hedhin pas krahëve një konflikt diplomatik që i ka trazuar marrëdhëniet mes dy vendeve në korrik".
| You are subscribed to email updates from Gazeta SHQIP Online. To stop receiving these emails, you may unsubscribe now. | Email delivery powered by Google |
| Google, 1600 Amphitheatre Parkway, Mountain View, CA 94043, United States | |
Lexo edhe:
