“Emery: Guendouzi duhet t’i shkurtojë flokët” plus 9 more Telegrafi Futboll |
- Emery: Guendouzi duhet t’i shkurtojë flokët
- Tevez: River Plate ka më pak presion në Madrid
- Ranieri dhe Mourinho harrojnë të kaluarën, tash janë miq
- Avdijaj: Futbolli është gjithçka në Kosovën e varfër, mbaj 100 familje në varfëri të skajshme – në stadiume kishte lopë!
- Solari: Jam i kënaqur me Iscon
- Real Madridi ka marrëveshje me Eden Hazardin
- Nainggolan mungon ndaj Juventusit
- Koller: Më vije keq për Xhakën, po sakrifikohet shumë për skuadrën
- Vetëm Interi mund ta sfidojë dominimin e Juventusit, thotë Djorkaeff
- Joe Gomez jashtë fushave për gjashtë javë
| Emery: Guendouzi duhet t’i shkurtojë flokët Posted: 06 Dec 2018 02:59 PM PST Unai Emery ka sugjeruar se Matteo Guendouzi duhet që të shkurtojë flokët, pasi Marouane Fellaini e kapi për flokë mesfushorin e Arsenalit. Fellaini përdori një metodë të pazakontë për të ndalur kundërshtarin e tij, duke e kapur në flokë. Emery është i kënaqur me paraqitjen e lojtarit dhe se si ai e tejkaloi incidentin. “Mendoj se gjëja më e mirë për të është që të shkurtojë flokët dhe ky problem është i përfunduar”. “Kur unë isha lojtar ishte gjë e njëjtë. Sot, me kamerat, të gjitha situatat që po ndodhin në 90 minuta mund të shikohen”. “Disa gjëra janë mes lojtarëve në fushë. Ajo situatë ndodhi mes dy lojtarëve. Ndoshta është mirë që Guendouzi t’i shkurtojë flokët”, u shpreh Emery. Arsenali rikthehet në aksion këtë fundjavë ndaj Huddersfield. /Telegrafi/ The post Emery: Guendouzi duhet t’i shkurtojë flokët appeared first on Telegrafi. |
| Tevez: River Plate ka më pak presion në Madrid Posted: 06 Dec 2018 02:33 PM PST Sulmuesi i Boca Juniors, Carlos Tevez, ka hedhur poshtë sugjerimet se River Plate ka disavantazh që finalja e Copa Libertadores do të luhet në Madrid. Rivalët e përbetuar të futbollit argjentinas nuk mundën të zhvillojnë ndeshjen kthyese të garës më të madhe për klube në Amerikën Latine ekuivalente me Ligën e Kampionëve në Evropë. Megjithatë, CONMEBOL ka vendosur që ndeshje të zhvillohet në Santiago Bernabeu për të evituar incidentet që ndodhën para ndeshjes kthyese. River Plate protestoi ndaj këtij vendimi, por në fund vendosi të udhëtonte për të zhvilluar ndeshjen e madhe, e Tevez beson se Riveri ka më pak presion në Madrid. “Është finale e çuditshme. Të luhet një ndeshje mes Bocas dhe Riverit në Madrid, është e çuditshme. Por, si lojtar, është me rëndësi që të fokusohemi në këtë ndeshje”.
“Riveri ka më shumë presion në shtëpi dhe tash është 50-50. Të luash në shtëpi, ndonjëherë shkon kundër jush në një finle të Copa Libertadores”. “Falën deroj Spanjën sepse gjithmonë na mirëpret. Ne jemi të lumtur që u zgjodh Spanja dhe jo ndonjë vend tjetër, por është pikëlluese që nuk mund të luajmë në vendin tonë”. “Është pikëlluese sepse lojtarët, nuk merituan që të shkojnë në vend tjetër për të luajtur një finale në një shtet tjetër”, deklaroi Tevez. Në këtë finale pritet që të luajë edhe mesfushori i Boca Juniors, Fernando Gago, i cili kthehet në shtëpinë e tij në Santiago Bernabeu, pasi luajti një kohë të gjatë për Real Madridin. /Telegrafi/ The post Tevez: River Plate ka më pak presion në Madrid appeared first on Telegrafi. |
| Ranieri dhe Mourinho harrojnë të kaluarën, tash janë miq Posted: 06 Dec 2018 01:51 PM PST Claudio Ranieri dhe Jose Mourinho duket se kanë tejkaluar të kaluarën e tyre konfliktuioze, pasi menaxheri i Fulhamit tash e quan portugezin “njeri fantastik”. Dyshja u përplasën gjatë kohës së tyre në Serie A, me Mourinhon te Interi dhe Ranieri që kishte udhëheqjen e klubit të Romës.
Special One bëri shaka me anglishten e Ranierit, e ky i fundit tash duket se ka mendim pozitiv për portugezin. Ishte vet Ranieri ai që ka zbuluar se Mourinho ishte i pari që e përgëzoi kur mori postin e trajnerit te Interi, dhe menaxheri i Manchester United pulbikisht e ka përkrahur italianin pasi u shkarkua nga Leicesterit. “Jose është një njeri fantastik, ai ishte i pari që më dërgoi një measzh duke thënë “mirë se je kthyer”. “Ai është një shok shumë i mirë. Unë e njoh që një kohë të gjatë, kur ai erdhi te Chelsea. Ai ishte i sjellshëm me mua në secilin moment”, deklaroi Ranieri. Dyshja pritet të përballen edhe në Ligën Premier, ku tashmë Ranieri ka marrë në drejtim Fulhamin ku po arrin rezultatet e para pozitive. Ranieri u shpall kampion me Leicester Cityn. /Telegrafi/ The post Ranieri dhe Mourinho harrojnë të kaluarën, tash janë miq appeared first on Telegrafi. |
| Posted: 06 Dec 2018 01:22 PM PST Superylli i përfaqësueses së Kosovës, Donis Avdijaj, ka dhënë një intervistë të gjatë për edicionin gjerman të Goal. Anësori fantastik i cili është një prej figurave kryesore ofensive të ekipit përfaqësues të Kosovës ka folur për Kosovën në intervistën e fundit të tij për Goal, edicioni gjerman. Ai pranoi se është rritur në një mjedis gjerman dhe luajti për përfaqësuesen e Gjermanisë (grupmoshat e reja), por se tash ndihet shumë krenar që luan për Kosovën. “Unë dhe motra ime jemi rritur me dy gjuhë, për këtë arsye i njohim të dy kulturat. Prindërit e mi kanë ardhur si të rinj në Gjermani dhe nuk e kanë zotëruar mirë gjermanishten, por kanë dhënë gjithçka që unë shpejt të integrohem. Edhe pse kam luajtur në rini për përfaqësuesen e Gjermanisë, unë identifikohem plotësisht me Kosovën dhe më bën pafund krenar që përfaqësoj këtë vend”, u shpreh Avdijaj.
Ai pranoi se kushtet për futboll në Kosovë janë të këqija, aq shumë sa që ka pasur raste në stërvitje me kombëtaren ka pasur edhe lopë në prani të fushës. “Besar Halimi ka më shumë kohë dhe është më kompetent për të folur për historitë e çmendura (qesh). Se lopët pëlqejnë të hanë barin e fushave të stërvitjeve, këtë mund ta konfirmoj (qesh). Për shkak se shumica e fushave janë në gjendje të keqe, ne udhëtojmë nga dy orë deri në fushën më të mirë për të stërvitur. Kur kam shkuar për herë të parë jam shokuar, sepse edhe vendi më i mirë i mundshëm ishte i tmerrshëm”, theksoi ylli i Kosovës.  Donis Avdijaj nga viti 2017 është pjesë e Kosovës Avdijaj më pas foli edhe për domethënien që ka futbolli në Kosovë, ku përmendi faktin se varfëria është e madhe në vendin tonë, teksa vlerësoi lart dashurinë për këtë sport. “Në Kosovë nuk shkojnë gjërat aq mirë, ashtu si do të duhej të shkonin, ka shumë varfëri. Bashkë me prindërit e mi përkrah financiarisht çdo muaj nga 100 familje, fëmijë bonjakë dhe njerëz me aftësi të veçanta të cilët kanë mungesë të gjërave elementare”. “Për shumë në Kosovë futbolli është gjithçka dhe e bën popullin pafund krenar kur ne fitojmë. Biletat për ndeshjen e fundit në shtëpi në Ligën e Kombeve u shitën pas 32 minutave. Kërkesat ishin aq të mëdha sa që nuk kishte bileta as për familjarët tanë”, rrëfeu mes tjerash Avdijaj. Donis Avdijaj ishte i shkëlqyer për Kosovën, sidomos ndaj Maltës, ku ai edhe gjeti golin. /Telegrafi/ The post Avdijaj: Futbolli është gjithçka në Kosovën e varfër, mbaj 100 familje në varfëri të skajshme – në stadiume kishte lopë! appeared first on Telegrafi. |
| Solari: Jam i kënaqur me Iscon Posted: 06 Dec 2018 12:20 PM PST Santiago Solari është shprehur i kënaqur me Iscon pasi ai startoi në ndeshjen e Kupës ndaj Melillas. Organizatori spanjoll ishte konfirmuar në stol që prej se Solari mori klubin mbretëror në drejtim. Madje, u spekulua për prishje të marrëdhënieve mes dyshes, por tash si duket gjithçka është në rregull mes tyre. “Jam shumë i lumtur për Iscon, më erdhi keq që ai humbi një rast në pjesën e parë, do të ishte një gol i mrekullueshëm”.
“Jam shumë i kënaqur me Asension dhe dy golat e tij, e po ashtu edhe me Viniciusin që shënoi një gol tjetër”, u shpreh Solari. Real Madridi mposhti Melillan me rezultat 6-1. Ndërkaq, aventura vazhdon për një tjetër Kupë mesjavën e ardhshmë kur pritet skuadra e CKSA Moskës e cila kërkon fitore në Santiago Bernabeu. /Telegrafi/ The post Solari: Jam i kënaqur me Iscon appeared first on Telegrafi. |
| Real Madridi ka marrëveshje me Eden Hazardin Posted: 06 Dec 2018 11:55 AM PST Real Madridi ka një marrëeshje me Eden Hazardin që e sheh belgun te klubi mbretëror verën e ardhshme. Raporti sugjeron se Reali do të paguajë 170 milionë për superyllin belg, ashtu sikurse opsionin për të kompletuar blerjen e Mateo Kovacicit.  Eden Hazard (Getty Images) Chelsea thuhet se është i gatshëm që ta bëj këtë marrëveshje realitet, pasi që dëshiron Kovacicin në formë permanente, pasi që kroati u adaptua shpejt ën Londër. Hazard ka thënë vazhdimisht se ai pëlqen Real Madridin dhe ka vënë në pikëpyetje të ardhmen te Chelsea. “Verën e ardhshme largimi është mundësi, por po ashtu është e mundshme që të kaloj gjithë karrierën te Chelsea”, u shpreh Hazard. Raportimet e fundit sugjerojnë se Marco Asensio mund të shkojë në drejtim të kundërt nëse Kovacic përfshihet në këtë marrëveshje. Real Madridi ka presion që të gjejë një yll ndërkomëtar pas largimit të Cristiano Ronaldos dhe dështimit për të transferuar Neymarin. /Telegrafi/ The post Real Madridi ka marrëveshje me Eden Hazardin appeared first on Telegrafi. |
| Nainggolan mungon ndaj Juventusit Posted: 06 Dec 2018 11:03 AM PST Radja Nainggolan përfundimisht nuk do të bëjë pjesë në skuadrën e Interit për ndeshjen ndaj Juventusit. Belgu është lënduar në sfidën ndaj Tottenhamit në Ligën e Kampionëve dhe ishte pritur që të mungojë ndaj Juventusit. . Këtë mbrëmje Luciano Spalletti ka zbuluar skuadrën e tij, me Nainggolanin i cili nuk është fare i përfshirë. Nainggolan pritet që të bëhet gati për sfidën vendimtare në Ligën e Kampionëve ndaj PSV-së. Interi ka nevojë për fitore ndaj PSV-së dhe të shpresojë që Tottenhami të mos fitojë ndaj Barcelonës.
Skuadra e Interit ndaj Juventusti: Handanovic, Padelli, Berni, Vrsaljko, De Vrij, Ranocchia, Asamoah, Miranda, D’Ambrosio, Skriniar, Gagliardini, Vecino, Joaro Mario, Borja Valero, Ivan Perisic, Marcelo Brozovic, Mauro Icardi, Lautaro Martinez, Keita Balde, Mateo Politano, Antonio Candreva. Interi dhe Juventusi përballen të premtën mbrëma në Allianz Stadium. /Telegrafi/ The post Nainggolan mungon ndaj Juventusit appeared first on Telegrafi. |
| Koller: Më vije keq për Xhakën, po sakrifikohet shumë për skuadrën Posted: 06 Dec 2018 10:13 AM PST Baseli këtë edicion nuk është duke kaluar momente të mira në kampionat. Skuadra e famshme zvicerane ka mbetur mbrapa në garë për titullin e kampionit. Largimet e shumë futbollistëve si dhe lëndimet e disa të tjerëve kanë bërë që Baseli të stagnoj në garë për titullin. Njëri nga lojtarët më të mirë të Baselit, Taulant Xhaka këtë edicion ka luajtur në shumë pozita të ndryshme. E për lojën e Xhakës ka folur edhe trajneri aktual i Baselit, Marcel Koller. "Më vjen keq për disa lojtarë, por në veçanti për Xhakën. Na është dashur ta aktivizojmë në qendër të mbrojtjes, si mesfushor para mbrojtjes dhe si numër tetë, një gjë që është shumë negative për futbollistët në përgjithësi". "Nëse një lojtar nuk ka një rol të vendosur dhe do e dijë ku do të luajë, nuk mund të prisni paraqitje pozitive. Jo vetëm Xhaka, e njëjta gjë po ndodh edhe me Fabian Frey", u shpreh Koller. Aktualisht Baseli ndodhet në pozitën e katërt në kampionat me plot 19 pikë mbrapa liderit Young Boys Bern. /Telegrafi/ The post Koller: Më vije keq për Xhakën, po sakrifikohet shumë për skuadrën appeared first on Telegrafi. |
| Vetëm Interi mund ta sfidojë dominimin e Juventusit, thotë Djorkaeff Posted: 06 Dec 2018 09:52 AM PST Në prag të derbit të radhës të Italisë mes Juventusit dhe Interit është ish-mesfushori Nerazzur, Youri Djorkaeff, ai që beson se vetëm Nerazzurët mund të sfidojnë hegjemoninë e Juventusit në Serie A. Ekipi i Luciano Spallettit udhëton në Torino të premtën për derbin e Italisë duke shpresuar se mund të zvogëlohet distanca prej 11 pikësh në tabelë. Napoli dhe Roma kanë tentuar të sfidojnë Bianconerët në vitet e fundit, por tash është Interi që besohet se mund të rivalizojë Juven. “Sipas meje po, sepse dhe nëse Juventusi ka fituar shumë së fundmi, ata e dinë se vetëm Interi mund t’i luftojë si bord në aspektin e karakterit dhe skuadrës”. “Roma, Napoli, Fiorentina dhe Milani tentuan, por Derby d’Italia është ende sfida më e madhe pse skuadra e vetme që mund të rivaliojë Juventusin është Interi”. “Liga e Kampionëve është garë më e gjatë dhe më stresuese. Mund të jetë vetëm një fitues. A do të jetë Juventusi? Unë nuk mendoj kështu, por ata kanë gjasa të mira”. “Nuk mendoj se Juve do ta fitojë Ligën e Kampionëve. Shoh klube më të mira si Manchester City dhe Liverpooli aty pranë. Koha është për ekipe angleze”, u shpreh Djorkaeff. Juventusi dhe Interi përballen të premtën mbrëma në Allianz Stadium. /Telegrafi/ The post Vetëm Interi mund ta sfidojë dominimin e Juventusit, thotë Djorkaeff appeared first on Telegrafi. |
| Joe Gomez jashtë fushave për gjashtë javë Posted: 06 Dec 2018 09:17 AM PST Joe Gomez pritet që të jetë jashtë formacionit për gjashtë javë pasi ishte konfirmuar se vuan nga një frakturë në këmbë. Mbrojtësi anglez u lëndua në pjesën e parë të takimit ndaj Burnleyt në Ligën Premier pas ndërhyrjes nga Ben Mee. Ai u zëvëndësua pas 23 minutash lojë në Turf Moor dhe u desht inkuadrimi i Maximilian Arnold në vend të tij. Pas kontrolleve të mëtutjeshme nga stafi mjekësor i klubit në Melëood, Liverpooli ka konfirmuar se 21 vjeçari ka frakturë në këmbën e majtë. Lëndimi pritet ta mbajë atë jashtë për një periudhë të ngjeshur me ndeshje të forta për Liverpoolin, përfshirë sfidën vendimtare ndaj Napolit në Ligën e Kampionëve. Anësori i shumëanshëm po ashtu do të mungojë ndaj Manchester Unitedit më 16 dhjetor, teksa Liverpooli udhëton edhe te Manchester City më 3 janar për duelin direkt me rivalin për titull. Liverpooli fitoi me rikthim ndaj Burnleyt me rezultat 3-1. /Telegrafi/ The post Joe Gomez jashtë fushave për gjashtë javë appeared first on Telegrafi. |
El equipo de Guillermo realizó su primera práctica en España a la espera de la final de la Copa Libertadores en el Santiago Bernabéu. ¡No te pierdas todos los detalles de la preparación!
Congratulations to 
(@realmadriden) 
Reali shqyrton ta fusë Asension në marrëveshje për Hazardin 
| You are subscribed to email updates from Futboll – Telegrafi. To stop receiving these emails, you may unsubscribe now. | Email delivery powered by Google |
| Google, 1600 Amphitheatre Parkway, Mountain View, CA 94043, United States | |
Lexo edhe:
